九份•十分 (河畔花園) (已結業)

之前都去過九份十分係上水既分店，一直都好掛住佢既鹽酥雞。今日係沙田踩完單車經過依間餐廳係沙田既分店，緊係唔可以錯過機會食番餐台灣野啦！七點半去到餐廳唔係太多人，唔洗等位就入得。可能因為岩岩做完運動，所以個人特別口渴，一拎到餐牌就即刻睇下有咩特色飲品。最近天氣開始熱，所以想飲下d沙冰類既野。我自己就叫左一杯叫做暗黑系甜心既Oreo沙冰，而友人就叫左個叫做青青草原既抹茶沙冰。等左無耐d小食就開始上枱。首先上菜既係涼拌四季豆，少少辣味幾清新。份量都唔細，所以幾抵食。跟住黎既就係萬眾期待既鹽酥雞！我個人幾鍾意佢有6款口味既調味粉提供，可以根據個人口味黎揀。我自己就最鍾意咖喱同埋辣味，食落幾香口。另外值得一提既就係d雞好肯定係即刻炸，我太心急想食仲差d辣親條脷～哈哈！主食方面，我地就叫左一碗紅燒三寶麵同埋綜合滷水肉燥飯。三寶麵有好足料既牛腩、好重骨膠原既牛筋，同埋幾入味既牛肚，岩晒我友人依位牛魔王。至於肉燥飯都好多配料，最緊要係個肉燥同汁唔錯。我地最後仲有少少肚餓，所以特別叫左個溶岩芝士雞。雞件幾脆，加埋超濃郁既芝士忌廉簡單係一流。最後埋單價錢唔係特別貴，仲要食唔晒，整體性價比真係唔錯！

沒有標明提早收工，當叫嘢食時已經是8:50pm，大約3分鐘之後，就同我們說9點截單，9:30pm關門，我當時都沒有理會她，食物大約9:05pm到齊，食到差不多9:25pm，竟然有一位男侍應走來對我們說＂你們要盡快食因為我們9:30要關門＂，我真是沒想過竟然有侍應會這樣對食客説，我們只是食了20分鐘，我還有一個女兒，她不會食得很快，我們根本還未食完，又不是食完坐喺餐廳裏面傾計，真的覺得他們會這麼不禮貌的對客人說，既然你們這麼早就關門，為何不早些對我們説，應該當我們進入餐廳時就同我們說，由我們進入餐廳到關門的時間都不足一個鐘，如果我早些知道，我就不會進去食。我女兒還有一杯飲品未飲完，於是我就叫他們給一個外賣杯給我，她竟然對我說外賣杯要收取$2，我對他們說，其實我是不想攞走的，是因為你們話要9:30關門，我不想阻住你哋收工，我可以繼續坐喺餐廳的，她聽後才給我外賣杯，雖然這間餐廳啲嘢食不錯，但態度就真是十分差。

一間響花園城入面嘅台式菜。鹽酥雞扒面好重味粉，所以配個比較淡嘅湯底都啱嘅（雖然覺得個湯底唔係好夾台式菜）另外午餐仲會有一杯嘢飲。跟餐加錢會有多一個甜品 ：凍芋圓。不過唔係話好好食，比起其他店食到嗰啲質素差好遠，建議唔洗加錢試哦。

Menu 選擇有好多，最後都係揀返個二人餐。小食揀左涼拌海蜇同豬手，海蜇好爽口、少少辣，豬手超級腍而且醋味好香，兩樣前菜都好開胃蠔仔肉碎泡飯好足料，仲落左啲蜆，湯底鮮甜。紅燒牛肉麵啲牛肉又係入哂味，非常腍，湯底香濃唔係死咸，非常出色

同朋友約左喺沙田呢度一齊食early dinner，叫咗一碗紅燒牛肉麵($65)、一碟綜合滷水肉燥飯($62)、小食就叫咗鹽酥雞($48)、醉小三($88)，另外每人又叫咗一杯飲品，海綿寶寶($52)同埋夏日西門町($52)。紅燒牛肉麵依然有水準，湯底夠味，牛肉又夠諗。綜合滷水肉燥飯好豐富，有雜錦滷水嘢之餘仲有好多肉燥，不過我個人喜歡冇咁咸嘅嘢食，所以我就覺得比較咸咗啲，好在有白飯，可以中和番啲咸味！鹽酥雞好食，炸粉唔會話好厚，同埋食得炸到酥嘅感覺。醉小三有鷄、鴨舌、同埋豬手，鷄件都幾滑，鴨舌唔係全舌連根嗰種，剩係得鴨舌前面嗰部份，豬手有四小件，三樣嘢都幾好食，不過如果可以酒味再濃郁一啲就可以更加嘢味。

呢晚同個朋友經過沙田呢邊，當要諗食咩果陣我就諗起有呢間台灣野食，雖然我已經食過，但都決定帶個朋友黎試下，因為覺得沙田呢邊如果要食抵食同好味既台灣菜，一定係食呢間九份•十分。餐廳餐牌:醉糖心蛋 (兩份) ($30):一坐底見到餐牌有就即刻叫左兩份醉糖心蛋，同個朋友一人一份，味道還好，酒味幾重，重點係一份先$15，我覺得價錢真係好吸引。雞絲粉皮 ($58):其實正常食台灣菜就真係好小會見到雞絲粉皮，不過呢晚又真係好想食雞絲粉皮，所以就叫左黎食，麻醬份量岩岩好，個人覺得呢到既雞絲粉皮 還可以。鹽酥雞 ($48):食台灣野唔可以唔叫鹽酥雞，呢到既鹽酥雞粉唔算多，肉都嫩。但呢到食鹽酥雞最正係多粉比你慢慢揀，你可以揀自己想食既粉。忌廉芝士蘑菇雞翼(兩隻) ($28):呢到既忌廉芝士蘑菇雞翼好好味呀，入面既忌廉芝士超級香，食落去勁滿足，真係好好味，如果唔係叫左咁多野食，我都想叫多份，真係好好味。芒果軟殼蟹米紙卷 ($68):凍冬瓜茶 ($22):綜合水果茶 ($52):

九份+10分❤️很久沒有去過沙田，行完新城市，然後去河畔個朋友家，他帶我去試吓一間台灣野，餐廳外型好有台灣小店feel, 於是入去試吓😍叫了個滷水肉燥飯，味道沒有一般咁咸，飯與肉比例好好，仲有配了綜合滷味，又不肥，啱晒我🙏👍還有叫咗醉小三，有雞、鴨舌及豬仔腳，味道清香，又有口感，非常喜歡❤️台灣嘢當然少不了紅燒牛肉麵，麵質彈牙，牛肉層次分明，味道濃厚，有顏值有質素👍👍👍嘩，不得不強調一下.....鹽酥雞，炸得又香又脆，層次肉質鮮明，又大碟兼抵食，無得頂🥰至於飲品有鮮柑桔🍋及蜂皇鹹金桔蜜，潤肺化痰，超醒👍👍👍

I’ve been craving for some authentic Taiwanese food ever since I came from my holiday in Taipei and I finally got to satisfy my cravings today!Started off with an appetitzer which was the assorted drunken platter with drunken chicken, pig trotter and duck tongue. Really like the taste of shao zing wine and how it brings out the natural sweetness of the ingredients. Then we got all the the typical Taiwanese foods. Of course we had to order fried chicken! I really like this because it came with a

一直唔知道原來沙田河畔邊旁有間裝修不錯嘅台灣食店，今次決定同都住附近嘅朋友試下。店內嘅空間都幾大，座位較寬敞，坐得好舒服，好適合同朋友嚟吹水hea下 特別想講下佢地嘅甜品，首先佢地特登改到d名好搞笑，例如台妹愛遇，冰粉美人，同花美男遇見等等，好有趣。於是我地就試咗個台妹愛遇，有芋圓、地瓜圓、涼粉等等係入面，係常見嘅台式甜品。芋圓同地瓜圓都好煙韌彈牙，有咬勁，糖水嘅甜度適中，食完都唔會太甜或太滯。另一個甜品係芋圓珍珠雙色冰淇淋，賣相好吸引，有芋圓、水果、waffle、珍珠、同雪糕，所以份量係好多，建議同朋友share。waffle唔會過硬，脆得嚟入面軟軟地，配埋唔同口感嘅芋圓或珍珠等一齊食，可以試到好多新奇嘅配搭。

食過一次之後就好想再食嘅九份.十份！！上次食嘅時候早少少所以人比較少，今次遲咗收工所以接近7:30先到！一去到座無虛席好多人，基本上係爆曬場🤣好彩我地得兩個人就容易啲有位！今次食返紅燒牛肉麵！！上次都食過超好食好難嘅味道！嗰舊牛係好林啊但係又有根！我最鍾意係佢個湯底好多中藥好濃！！！仲有個鹽酥雞！！可以自己落唔同嘅味粉好特別好創新！😚❤️❤️啲雞仲要好Juicy，個份又唔厚！我本人最鍾意原味同紫菜味🤣肉操芝士雞翼飯！佢碗飯大到好抵食😂兩個人去食食完個飯已經飽飽地！！佢有三隻雞翼係入面已經拆咗骨同埋有芝士❤️🥰好好吃！！！！涼拌三小碟！有辣嘅枝豆，海蜇同雞絲粉皮！！我最鍾意佢嘅海蜇好新鮮同埋好爽脆🤣不過相對下佢就比較清淡，但係做前菜極道適合！我見啲人推介果茶就叫咗杯果茶飲！！好多水果又有蘋果橙話梅仲有雜果！都好大支叫一杯可以陪我飲足全餐，佢有個好貼心嘅位就係有個檸檬放入冰，就算耐咗都唔會淡味！

今晚食過番尋味，第二次黎九份十份食野！！一打開餐牌，就諗起每次黎必食既鹽酥雞，係必食！！呢到鹽酥雞特點係香口大大夠又唔膩，仲要有六種口味俾你自己任意配！食極都唔厭🤣🤣🤣之後點左一個涼拌三小碟，我覺得味有d淡，但都係個幾好既開胃菜!!!啲豆有小小辣haha，不過好好吃！之後食左個fusion特色主菜芝士雞翼肉燥飯，都幾有驚喜！！第一啖食落去覺得雞好juicy, 再加上芝士既鹹味好配！唔怕食肉多又鐘意芝士既可以一試~最後唔少得，幾乎都係必食既就係牛肉麵啦！一間台灣食店既質素絕對可以從佢既牛肉麵去定奪，果然都無令我失望！九份十份牛肉麵既定位唔係香辣，而係香濃再加上煮到好入味同淋既半根肉！周不時就想再黎食，係幾好既街坊選擇~~

見未食過九份十份，就黎左食個lunch,餐款選擇都唔少，花多眼亂，最後揀左鹽酥雞扒肉燥飯同埋珍珠奶茶。個飯份量正常，有幾條菜咁，都幾好！好難得出街食飯有菜，但個餐真係好咸，尤其係塊雞扒，有啲乾同埋好咸好咸，  食完之後直到夜晚都超口乾，雖然出街食飯預左食味精同一定偏咸，但呢個餐真係咸到有啲唔係咁接受到。 另外，杯珍珠奶茶都做得麻麻,啲珍珠好硬仲痴埋一舊舊咁，係台式餐廳飲到咁樣ge珍珠奶茶真係有啲失望。或者係自己期望太大, 至於價錢同服務就中規中矩，無乜特別。但真係唔敢再食啦!

\呢間店從以前開始已經晚晚都有人排隊🙈，而我每次都揀中午或者下午茶時段去幫襯😛，食咗一次之後都變咗係呢間店嘅常客♥️♥️·紅燒牛肉麵🍜 $58湯底好香濃，🐂牛肉煮到好淋，肉質好嫩口，好入味；配菜方面好豐富，有蘿蔔🥕，菜，好健康😛；而麵底就可選擇幼麵或者粗麵，鍾意比較有咬口嘅我每次都會揀粗麵🍜·櫻花蝦🦐水餃(追加$8)一份都有2️⃣隻，湯底清甜，皮薄肉多，超抵😛·珍珠奶茶🥤飲品方面就真係令整體扣咗唔少分😕，珍珠偏小小硬，而且奶茶味道好唔平均，非常失望☹️，浪費咗個quota😫，如果大家去食，可考慮其他飲品🤨🤨·推薦指數：★ ★ ★ ☆ ☆

聖誕前最後一個上班日，公司並無咩聖誕派對，於是就梗係叫同事一起去找食，聖誕有太多嘢要做，想去個旅行都難，好耐無去台北啦⋯⋯於是，今日就和同事找下台灣食品嚟回味一下！難得同事駕車，之前試過大埔無位，於是唯有都係向沙田入手，又真的好好彩有位，於是就去食九份十分吧！因為較早去到，所以不用排隊，越坐越多人嚟！一入去的裝修都幾特別，未感到台灣風，只感到好似月台咁，可能因為個鐘高掛吧！睇到餐牌有好多嘢，但又見到有午餐，價錢好公道（唔怪得越食越多人），仲可以有小食搭配，太美好了，老屈同事同我share食，可以試多幾樣，哈哈，一次過滿足幾個願望⋯⋯今個平夜日午餐太好了！食物質素好好，牛肉麵一上嚟，那香味撲鼻，即刻試下，真的好有台灣味！我們連湯都飲埋，嘩！那個拼盤飯，竟然有鴨舌，好驚喜⋯⋯其他小食都好味，特別是台灣腸仔，正！最後，點了些加錢的特飲，水果茶好好飲⋯⋯下次要嚟試晚餐先，沒時間而去不了台灣，來這滿足一下都好！

本身諗住同幾個朋友一齊嚟呢度食試下D甜品嘅，點知最後反而食咗好多地道嘅台式菜！因為真係花多眼亂，咩都有得食，應有盡有阿！食咗咁多野其中令我最印象深刻都有好幾樣：軟殻蝦手抓餅跟咖哩汁，有些2種口感好好味，個蝦脆脆地個手抓餅就係軟身嘅，點d咖哩汁一齊食真係好惹味，食落似印度菜又似台灣菜，好有趣！皮蛋豆腐，出名嘅台灣菜一定要試下，無令我失望 皮蛋口感彈彈下，煮嘅時間非常得宜，豆腐加上肉鬆一齊食，令本來平平無奇嘅豆腐變得特別。最後想講嘅係d甜品嘅名稱好搞笑，我地叫咗個台妹愛遇，其實係芋圓嚟，叫嘅時候都忍唔住笑