九份•十分 (河畔花園) (已結業)

臨近老豆生日，又係時候諗下食乜野同佢慶生la haha。咁老豆話想食台灣菜，而附近又有呢間台式餐廳我地都一直想試，咁就一於試試佢la!一入到去，見到餐廳裝修得都幾有台式風格，而且空間都算寬闊，首先第一印象都唔錯！咁然後就到餐牌la,一打開就覺得花多眼亂，因為實在太多選擇la haha!咁就等我逐一介紹下我地嗌左咩菜la:前菜方面，滷味雞腎角都幾值得推介，因為雞腎切粒易入口，而且滷得幾人味但又唔會過鹹，加埋配菜鹹酸菜簡直十分開胃，送酒一流！至於另一強烈推薦的前菜就係芒果軟殻蟹米紙卷-透薄彈牙的米紙包住炸得香口鬆脆的軟殻蟹，加上香甜清新的芒果肉同埋沙律，實在令人眼前一亮，回味無窮！而小食方面，蚵仔煎同埋鹽酥雞都算水準之作，前者足料香口加上特製酸甜醬令人食指大動，後者六種不同的配料，隨你喜好任加落邪惡的炸雞塊上，而我個上就喜好原味粉，十分惹味，正呀！黎到主菜，紅燒半筯半肉麵就不得不提，炆得軟腍入味的牛筯和牛腩都十分出色，而湯底都好香濃，好味！而另一主菜，我地就叫左不太算傳統台式菜的鐵板牛排，但都有驚喜 -餐廳採用A級榖飼牛，人口嫩滑，肉味亦頗濃，估唔到台式餐廳都食到水準唔錯的牛排，幾有驚喜！

萬巒豬手麵 🐷👐🏻🍜 .一碗有三大舊豬手🤭炆得好淋 根位都唔硬👍🏻份量都唔少 好飽肚午市可另加$8 小食加左櫻花蝦水餃但水餃肉質偏鞋同外皮偏厚 🤢唔建議點 但其他小食係唔錯的😆例如炸雞🐥

進入餐廳後的感覺裝修都尚算時尚，我和我的女朋友叫了兩個午餐來吃。第一個是紅燒牛肉麵第二個是鹽酥雞扒肉燥飯價錢還算可以，都只是50多元在現今的世界裏已經算是一個性價比算高的餐廳。因為還包括一杯台式飲品，我自己叫了一杯凍珍珠奶茶，女朋友叫了一杯熱珍珠奶茶，感覺十分普通沒有什麼特別。紅燒牛肉麵的肉很大舊，令到我食的時候很不舒服。至於鹽酥雞扒肉燥飯那些鹽酥雞都十分普通不夠鹽也不夠酥但味道還算可以。所以我才能完成那個白飯基本上來說50多元的午餐質素還算可以只是沒有什麼驚喜而已。

好耐無黎食。今日又食呢間我最鍾意既台灣野。餐廳依然咁有台灣風格。播住台灣歌，首首識唱。叫左杯茉莉花珍珠奶茶。最近愛上茉莉花既味道。茉莉花既茶味好香，叫左少甜既奶茶。茉莉花既香味更特出。珍珠彈牙，依然保持高水準。叫左碗紅燒三寶牛肉麵。粗麵既口感彈牙。加埋微辣既湯底。好開胃。有牛肚食，呢碗似台灣既牛雜。呢個湯底同牛雜好夾。好好食既牛肉麵。牛肉軟又足味。之後叫多碟五香牛展。牛展經過長時間浸係黑汁入邊，已經有濃濃既味道。牛展煙韌，見到個花紋真係好靓。口感爽口，味道濃但唔會太重口味，整得啱啱好。叫多個新野，芒果軟殼蟹米紙捲。估唔到芒果同軟殼蟹可以配搭得咁好。芒果既甜味加埋軟殼蟹鮮鹹味，好fresh又香。加埋米紙層皮軟又彈牙。成個口感好豐富，真係超級好食。最驚喜就係呢個。下次會再黎！

今日同男朋友又想去食台灣野，但又唔想再去尖沙咀個啲地方，聽人講大圍沙田個啲地方有好多好野食，於是上網search 左呢間九分十分既餐廳，因為佢都幾中意食台灣野，就決定試下呢間！晚飯時間去食等左大概10分鐘就可以去食啦！兩個人叫咗醉鴿，一份牛肉麵，椒鹽三兄弟，杯牙珍珠奶茶！最值得要講下既就係隻醉鴿，因為一來比較少地方食到，二來佢嘅酒味非常入味！牛肉面既牛非常彈牙，好有咬口！二人埋單大概$300，正常既價錢，服務態度都好好！最近既鐵路係馬鐵沙田圍站行5-10分鐘到就到架啦！

今次又再黎沙田區覓食喇！黎到依間食台灣菜既小店，裝修走台灣風格幾有心思，店內播住經典既台灣流行曲，感覺好舒服好親切。因為好肚餓，所以我同朋友都叫左好多野食！➡️蚵仔肉碎泡飯($58) 蚵仔比我想像中大粒，食落好新鮮好juice，飯同肉碎既比例適中，泡飯既湯都好鮮味，值得一試。➡️忌廉芝士磨菇雞翅($28/2隻) 今晚第一最愛既小食，雞翼既部份已經起左骨，而且好飽滿，大啖咬落去既時候食到好香芝士同磨菇，必定要叫啊！➡️醉溏心蛋($15/1隻)今晚第二最愛既小食，好香酒味而且吾會蓋過蛋既味道，見到佢蛋黃係有流心架，正！➡️芒果軟殼蟹米紙卷($68)軟殼蟹米紙卷賣相非常吸引，食既時候可以選擇配沙拉醬，不過我個人就比較鐘意原味，估吾到米紙卷包住既軟殼蟹仍然有脆口既感覺，連埋芒果肉一齊食，好清新。➡️蝶戀花青檸沙冰(墾丁星空) ($38/杯)係menu見到佢個賣相就好想試下，黎到之後，店員開著個圈型燈，然後放杯野飲上去，有漸變既效果真係幾靚。沙冰帶有青檸既味道，酸酸地好開胃。整體感覺吾錯，餐廳寧靜舒適，坐得幾舒服。建議想食台灣菜既朋友可以睇試下。

難得老豆生日,一於帶佢食下位於沙田圍河畔花園 附近岷台灣菜餐廳-九份十分啦!之前同朋友黎食過一次,今次一家五口包括一個小朋友黎食,餐廳特登安排左一張六人座位比我地, 好貼心👍🏻開胃菜梗係唔少得自選風風味鹽西酥雞啦!今次我中意加梅子粉,好開胃。雞件依舊炸得鮮美多汁😛另外叫左一個小食滴水雞腎角,足料亦適得入味。尤於有屋企人唔食得太熱氣既野關係,叫左碗貢丸 湯比佢飲,好有台灣風味。然後就係另一個前菜- 芒果軟殼蟹米紙卷,自從上次食完決定一定要再再encore, 香脆軟殼蟹加上鮮甜芒果比米紙包住一啖咬落去真係好滿足呀!!蚵仔煎水準依舊,粉漿唔會過厚,蠔仔大隻新鮮足料。台灣半筋牛肉麵亦係呢間餐廳既招牌,中意佢既湯底濃厚帶點微辛,差唔多飲曬成碗。牛肉牛筋亦煮得啱啱好唔會罰。我地仲叫左個鐵板牛柳拼薯角比小朋友食,牛柳煎得微焦,keep 到入面唔會全熟, 好juicy, 配埋黑椒汁同螺絲粉好惹味。至於飲品我地叫左黑糖珍珠奶茶,水果茶等, 水準不錯。最後每人都係食左$150左右,好抵!

明明岩岩去完台灣旅行，但係返嚟都好想再食台灣嘅嘢食。於是近近哋就過嚟食下啦，雖然只喺嚟食宵夜，不過我哋都點咗四樣食物同叫咗嘢飲，食到好飽呀，但係價錢都好合理﹗呢度嘅鹽酥雞都幾特別，提供幾種唔同嘅調味粉，等你食嘅時候曬上去，唔錯唔錯。之後仲有芒果軟殼蟹米紙卷同鹽酥魷魚鬚，我就鍾意米紙卷多啲，因為芒果同軟殼蟹呢兩樣食材好夾呢，而魷魚鬚就正正常常，無咩特別。食宵夜點可以唔叫甜品，所以我哋再追加份窩夫，成餐都食得好開心呢﹗

上週四相約友人到位於沙田河畔花園的台式餐廳 - 九份十份晚膳。我們大約八時到達餐廳門口, 店員很快便為我們安排座位。打開菜單後, 發現九份十份提供菜式的選擇很多亦很吸引。最後我們點了一杯冬瓜茶、一杯墾丁星空、忌廉芝士磨菇雞翼、芒果軟殼蟹米紙卷、滷水拼盤、醉溏心蛋、蚵仔肉碎泡飯、紅燒半根牛肉面和一份芋圓。忌廉芝士磨菇雞翼2隻 ($28)雞翼表面煎得金黃色, 咬下去有脆口感覺。裡面攘了不少芝士和幾片磨菇, 喜愛芝士的人必點。芒果軟殼蟹米紙卷 ($68)一碟有六件軟殼蟹米紙卷, 軟殼蟹非常穌脆, 芒果亦充滿果甜味。另外配有沙律醬, 點上沙律醬的米紙卷亦很不錯。滷水拼盤-細 ($68)我們點了一份小份量的拼盤, 裡面的款式亦有不少, 例如: 大腸、豆腐、滷蛋、鴨舌等等, 滷水味十分濃郁, 跟台灣夜市吃過的差不多。醉溏心蛋一隻 ($15)醉溏心蛋作為前菜是一個不錯的選擇, 溏心蛋與木耳用醉雞汁浸透, 吃起來有淡淡醉雞汁味, 與平常吃到的溏心蛋和木耳不同。另外, 溏心蛋烹飪時間準繩度高, 所以出來的溏心效果不錯。蚵仔肉碎泡飯 ($58)蚵仔份量比想像中多, 泡飯內其他配料亦有不少。泡飯的湯有濃郁的

今日同朋友嚟開沙田，見到呢間台灣野裝修都唔差，就諗住去試下～結果無令我失望！我地大約7點左右去到，慢慢開始多人，7:30pm就差唔多成間餐廳都坐滿人！由於我地好肚餓，所以都叫左好多野食！最鐘意嘅係鹽酥雞排面～本身鐘意煙un嘅野，所以叫左粗面，呢間餐廳嘅粗面真係好好味！湯底唔會太咸，鹽酥雞嘅味道都剛好🥰仲叫左另一個主食，冷面都幾好味，佢嘅芥末味好出，個人都好鐘意呢個主菜！啲麻醬、雞絲、青瓜、冷面都好夾👍🏽另外仲叫左煎餃，味道都唔差，我鐘意佢個皮夠薄身！但因為坐正風口位，略嫌有少少唔夠熱😢 但整體味道都唔錯！之後仲叫左個蛋餅，好足料，有芝士有肉鬆！如果佢熱啲就會更加好味～肉燥浸娃娃菜都唔錯，份量好多🤪最後仲叫左甜品同野飲芋圓、珍珠都好有咬口再叫左杯熱飲暖下胃～總括嚟講，好抵食嘅餐廳😊😊😊

呢間餐廳一啲都唔近MTR，但係好值得去呀個人覺得高質過茶木，餐廳佈置得好靚，有好多台灣相關嘅擺設。我叫咗個招牌紅燒牛肉麵 $58午市去，價錢合理，種可以配珍珠奶茶都唔額外加錢 想講佢個份量好多，唔係得一兩薄肉就算，而係好厚，好大舊，又有唔同既部分，種有牛筋Tim而且啲肉炆得好淋巴，一啲都唔鞋另外，果面嘅質地都好高質，粗身嘅面，好Q彈，又唔會話要咬好耐個種 種有蘿蔔都好入味，又會配埋白菜，補充下D膳食纖維。

想係威爾斯附近搵食 行十分鐘過黎河畔都有唔少選擇 今日想飲翻杯珍珠奶茶就黎左呢間食台灣野既九份十分 我地黎到都接近下午茶時間 lunch人潮岩岩過左 唔使等位即刻有得醫肚！Lunch time都有唔少選擇 最surprise係飲品唔止普通珍珠奶茶揀 仲有焦糖珍珠同紫薯我地嗌左古早醉雞配亞春麵線食醉雞都係為左浸酒味 酒味好濃 雞件都幾多 又多肉 唔會話全部都係骨麵線都係濃味 份量都唔細架 忌廉芝士磨菇雞翼飯 配紫菜貢丸湯紫菜貢丸湯不過不失 有啲菜同紫菜飲落去清清地幾好至於個飯 話說 一開始我誤會左以為係忌廉芝士磨菇飯加雞翼咁 所以飯黎到之後我仲問侍應係咪黎錯左😂原來我最愛既芝士收埋左係雞翼裡面！一咬落去超amazed 係無骨雞翼！唔使拆骨可以一大啖咬落去 入面有好大舊溶左既芝士同磨菇 加埋d雞肉係個口倒 好好食好幸福呀！珍珠奶茶紫薯珍珠 - 好少餐廳有紫薯珍珠嗌 所以決定試下 飲落去有淡淡既紫薯香 最緊要完全唔會話好甜！珍珠份量多 好咬口 可以一試見到其他食評晚餐甜品都好吸引！下次要黎食埋晚飯先得

今日和媽媽二人撐枱腳，還是喜歡吃亞洲菜式，所以選了在沙田圍算是幾受歡迎的台式餐廳。每次經過都見餐廳很多人，難得這天是平日較早時段，容易找到位置。看見他價錢也很親民，而且食物種類繁多！愛吃炸物的媽媽第一時間選了鹽酥三兄弟，有雞軟骨、魷魚鬚和雞髀菇，最適合眼闊肚窄的我們，可以每樣試一點。新鮮熱辣炸起當然好吃，特別喜歡魷魚鬚調味剛好，又很彈牙。而且炸得乾身，感覺不會太油，也減少一點罪惡感。點完炸物當然要吃些清淡點的中和一下，我們叫了蚵仔肉碎泡飯及擔仔麵。蚵仔肉碎泡飯雖然清淡，但湯底那個蠔味很出，而且有大量蚵仔！加上脆米來吃，簡單卻也是最原始的味道。擔仔麵雖是作為小吃（$30樓下），但其實也幾飽肚的，算是抵食。隻蝦肉質結實，有幾分去了台南吃的感覺。🇹🇼還點了煎餃子，雖然都是些大路貨色，但新鮮煎起當然好吃，皮薄餡靚！😂因為今天天氣實在太熱，所以也點了一杯芒果冰沙海棉寶寶，非常重芒果味很吸引，冰沙也綿得芒果雪糕。冰沙慢慢溶讓我們可以既當飲品、最後又變了一道甜品。👍🏻雖然這杯飲品比較貴，但真的很不錯！看見她在門外也有買一些簡單飲品，下次也可試試！唯一的「缺點」它的選擇實在太多了，菜單花多眼亂，每樣也

今天去馬鞍山玩，路過沙田圍，想到有這家台灣飯店，下車吃，因為不是很餓，就點了一點，三色小吃拼盤不錯，味道調料一起上來，隨便自己加，七八種口味，芋頭圓子也很好吃，不過飲料感覺一般性、可能點的也不太對

今日eatmug9 #32沙田區除咗自由行多之外食肆都係周圍都有但要搵一間有台灣風味嘅店舖就唔係咁易喇有去過台北嘅朋友對“九份十分”依個地方絕對唔會陌生想回味下台灣風味嘅食物 “九份十分”絕對係好地方唔單止食物有台灣風味 連個鋪頭嘅位都同九份十分一樣咁隔涉如果喺沙田火車站行過去 都要成 20 至30分鐘當然想食好味嘅嘢梗係要付出下㗎啦鹽酥雞肉燥飯貢丸湯麻醬粉皮一開始叫個麻醬粉皮作為前菜吊一吊口味先再食個肉燥飯佢哋嘅鹽酥雞同台灣嘅冇太大分別 唯獨係個份量 台灣個啲係大份好多(你懂的)食完個肉燥飯叫返個貢丸湯飲 清下喉嚨又可以繼續食