九份•十分 (河畔花園) (已結業)

難得老豆生日,一於帶佢食下位於沙田圍河畔花園 附近岷台灣菜餐廳-九份十分啦!之前同朋友黎食過一次,今次一家五口包括一個小朋友黎食,餐廳特登安排左一張六人座位比我地, 好貼心👍🏻開胃菜梗係唔少得自選風風味鹽西酥雞啦!今次我中意加梅子粉,好開胃。雞件依舊炸得鮮美多汁😛另外叫左一個小食滴水雞腎角,足料亦適得入味。尤於有屋企人唔食得太熱氣既野關係,叫左碗貢丸 湯比佢飲,好有台灣風味。然後就係另一個前菜- 芒果軟殼蟹米紙卷,自從上次食完決定一定要再再encore, 香脆軟殼蟹加上鮮甜芒果比米紙包住一啖咬落去真係好滿足呀!!蚵仔煎水準依舊,粉漿唔會過厚,蠔仔大隻新鮮足料。台灣半筋牛肉麵亦係呢間餐廳既招牌,中意佢既湯底濃厚帶點微辛,差唔多飲曬成碗。牛肉牛筋亦煮得啱啱好唔會罰。我地仲叫左個鐵板牛柳拼薯角比小朋友食,牛柳煎得微焦,keep 到入面唔會全熟, 好juicy, 配埋黑椒汁同螺絲粉好惹味。至於飲品我地叫左黑糖珍珠奶茶,水果茶等, 水準不錯。最後每人都係食左$150左右,好抵!