九井壽司 (已結業)

差不多每個月都會嚟Megabox附近做野，做完野勁肚餓又勁想食日式嘢，衝過黎九秒九買完bb嘢行兩步見到竟然新開左呢間餐廳有壽司食，當然即刻坐低trytry。用pad點餐真係好方便，每次點四樣，落完單等兩三分鐘就有得食打頭陣當然嚟個刺身，油甘魚夠肥美，啖油真係到而家都回味緊。對海膽要求極高，因為一唔新鮮感覺就好似pat shxt 咁...呢間絕對擺得入口，一個字"鮮"，必叫壽司同軍艦都無伏，醋飯唔會一夾就散，味道合適炸物叫左炸雞，芝士春卷，餃子雞翼. 樣樣都非常好，即叫即炸，餃子雞翼一嚟到相都唔記得影就食咗，因為實在太香，襯熱食!芝士春卷雖然望落細細條，但芝士味濃郁，食完又唔會太漏，好怕食到頭皮發麻，呢個份量剛剛好。至於炸雞，咬開入面好juice好香口蟹子沙律，蟹子夠多，沙律醬又好足，醬汁怪表示滿意兩個人加埋一先三百蚊，雖然擺盤比較簡單，但食物質素非常好，好過啲整色整水擺到勁靚但只得外表又收到貴一貴既餐廳，九井壽司抵食

今日同小朋友去mega box 搵近日網上出名的靚靚火車親子壽司餐廳！小朋友去到見到，開心到不得了！個外觀已很吸晴... 我地等左一陣就有位.. 我地坐左獨立位.. 小朋友一坐低就用ipad點食物.. 款式都唔少啊！兒童餐，我地叫左1款.. 因為仲有太多其他野想食了！食物質量唔錯.. 服務員態度都好好.. 個個笑臉迎人！問野都答得好詳細！走時仲有禮物tim!我地下次再黎九龍灣，一定會再到！今次掛住食，冇影相.. 下次補返！

上fb見到有人介紹~好吸引所以黎左試下列車壽司~係九龍灣megabox夠方便開車去都有免費泊車~一去到，好有日本feel架呢~唔知點等就有位，整個環境好乾淨企理，員工都有統一圍裙~靚靚係度叫餐唔洗人呢~禁個smart taplap就得~方便快捷芝士火灸三文魚，玉子壽司，甜蝦三文魚外面 整得唔會太乾，咬落會咇三文魚汁出黎😊玉子都係，甜甜的新鮮黃色。仲有最愛吃的甜蝦唔會太小只，唔會無味食到鮮甜既，比得上大牌子壽司店呀!火炙帆立貝壽司暖暖得帆立貝加上口感好軟，大大粒😙芥辣八爪魚軍艦，芝士蟹子軍艦芥辣得好勁!咁配壽司先正~加埋八爪魚粒混合，就是喜歡它有汁也有口感，流哂口水，芝士蟹子重芝士味，蟹子份量多，不錯。燒雞翼串以為佢會無咩味道，點知佢事先醃左啲味，加埋燒起黎乾身脆皮入面多汁，仲有檸檬點綴下個味添海蜇沙律好少日式壽司有海哲食啦，夠濕同酸辣開胃，仲食埋啲配菜添🙄海膽魷魚軍艦將海膽混合魷魚，兩種海鮮味簡直好夾😍超好的配搭值得一試再試!題外話~佢正門前擺放一啲小玩具同書本，如果帶小朋友去等緊壽司列車時，不防借來消閒，開開心心娛樂吃喝~

最近行megabox發現9樓有間新開既日式壽司店,見舗面乾淨又企理，就入去試試！果然有好大驚喜，全部都是最先進的科技，點菜速遞都電子化！即點即做，材料新鮮,品質和水凖一流，價錢合理！南瓜餅外脆內軟牡丹蝦:好鮮甜!!!!連蝦頭都忍吾住食埋了好似係日本咁，食物坐子彈列車送到你面前三文魚刺身大件夾肥美！蟹子沙津來一客refresh下迷你丼每晚6:00後限量版，有誠意，迷你但刺身一啲都唔迷你喔！鰻魚壽司鮮甜美味海膽壽司蟹餅夠彈牙！

純粹比fb架火車吸引👀到帶2隻b黎食上次黎到等左好耐都冇入過一張枱唯有放棄,應承左2隻b會再帶佢地黎食所以就決定系我生日再黎一試。。星期日既2點鐘左右黎到吾洗等位安排坐卡位,最開心一定系小朋友嘩嘩聲見到架火車🚅就興奮到不得了無論系去連鎖果間又好九井都好佢地既心情總系停不了😱😱講返食物就真系冇咩選擇可言叫左2個兒童餐[🌞號][⭐號]見張紙話有下午茶都算抵食到左2點點餐機自動更新🔃即管試下先,反正主menu都冇咩野食過左陣就有職員行黎話冇下午茶😓芝士雞翼非常麻麻大b話要食三文魚就叫左一份因為真系冇咩好食,所以埋單$26x之後再去第二度食過...臨走好多小朋友系門口拎無料小禮物🎁

星期六到megabox買旅行書，見到這間新開日本餐廳，又不用排隊，就入去試下。一入門口，個肥哥哥已經好有禮貌問幾多位。。我一坐低，就點食物。點了個蟹棒壽司及軟殼蟹手卷，話要20分鐘。於是就四圍睇下，發覺好多小孩進食。跟著原來我就發現我左右兩邊都係個爸爸帶個仔去食。可能因為ipad有相，所以見個仔仔好容易用ipad点自己想要食物。坐咗10分鐘食物就到。下次一定帶仔女再來食。

今日我同朋友都早左放工，就決定去附近mega box 搵間餐廳食下野咁行行下見到間新開嘅九井壽司，就決定走入去食喇呢度嘅壽司輸送帶好特別，有一款係用火車去運送，而另一款則用左一塊膠帶去運送，非常之方便快捷，而且你唔洗按任何製去叫部火車走似我地兩個人叫左唔算好多野食，等我粗略講下佢地質素如何啦1. 一個字，正！因為第一碟到嘅關係，感覺非常新鮮，冇話特別腥，兩款都好好食，我地一兩下手腳就食完了2. 中上水準嘅小食，但因為我太耐冇食過'橡筋'，就覺得佢呢碟特別好食啦同埋佢伴碟啲菜色都好好味，可以當沙津咁食3.呢個極正第一次食呢款壽司，係你包埋佢之前，可以先品嘗一下啲魚子嘅鮮甜，之後再包埋佢嚟食，個口感真係一流4.因為我個人好鐘意食饅魚，所以都叫左一碟算燒得不錯嘅饅魚，而且味道亦不錯，喜歡饅魚嘅朋友可以一試5.軟殼蟹手卷係必吃的！夠熱夠多好快就食哂仲番叫左一碟😂😂6. 呢個炸蝦比到啲驚喜我地，個唔到係呢啲鋪頭會食到酒樓級數嘅菜色夠喵熱，同埋唔會覺得好肥膩總括而言，呢間是非常不錯的壽司鋪，而且價錢亦都合理

去megabox 食得最多係ikea😂今晚行過見到呢間壽司店新開，所以終於打破慣例食其他野間店仲係非常新，唔洗點等位。入面裝修都好新，係列車風格😎大部份壽司都係20-30蚊不等，另外仲有啲小食，40幾蚊起跳。首先叫左一個海蜇～佢唔係係列車上送黎的😂係係下面條帶到緩緩飄過黎。比較乾身，唔會太油膩，夠彈牙，唔辣的，做飯前小吃黎講幾開胃。刺身 - 北寄貝+帶子兩樣嘅味道都算鮮甜。帶子雖然未去到入口即溶，但都非常不錯～北寄貝好味！爽口彈牙。向來都好鍾意呢兩樣刺身，呢到都幾好味👅三文魚壽司 & 火灸芝士蟹棒壽司三文魚都係正常發揮，蟹棒好食，唔會軟林林溶哂或者一條條散開哂，如果芝士可以做到半溶就更好了！鹽燒海苔魷魚呢個推介比鍾意香口野嘅人！首先唔好睇佢細細碟，兩個人食都幾襟食架，而且炸得夠脆，海苔味亦好香，有啲似shake shake 魷魚酥😂😂軟殼蟹手卷軟殼蟹都算大隻，唔會孤寒到食完一啖下半截得返舊飯😆自己鍾意軟殼蟹加少少沙律醬，但有可能因為咁會犧牲左個鬆脆程度，所以呢個入面冇加醬，但就好鬆脆的。炸蟹餅味道好似去飲宴食嘅炸蟹鉗😆唔會炸得太燶太脆口，軟軟熟熟，列車送黎時仲係熱的，所以都很不錯。另外

屋企準備裝修，同屋企人去左maga box既xx傢私到行下，睇下傢飾同睇下點設計，今日不算多人可以平日，行到食飯時間細路話想食sushi，我早排上面書見到有賣廣告話開左間新幹線sushi，睇落都幾正就去左試。😬都係果句，平日嘛不算多人咁岩有幾枱走，我地好快有得入坐，鋪頭長方形，一條長長既會迴轉輸送帶，原來上下兩條，上面係新幹線列車既造型送食物過泥，點餐型式係用平板電腦點餐，電腦點餐非常方便，唯一不方便係不能夠拎起部機，坐卡位外面果個就難睇啲，但都無阻我地點餐既，我地一行四人，點左刺身，沙律，燒物炸物，sushi等等既食物，刺身非常新鮮，魚既油脂分佈非常好，入口即溶😱正！sushi同卷物好快就到，而家大小適中，選擇亦多，一般想食既都有齊！價錢亦合理，不錯的說。燒物炸物即叫即製，泥到仲噴緊煙，熱辣辣非常香口！味道好吃岩哂我呢啲鐘意香口野既人。我地仲叫左個小童餐俾同行既細路，有小食，卷物，沙律仲有支益力多，先至40幾蚊，佢呢個餐好扺食！整體來說，鋪面乾淨企理，服務員亦好禮貌，食物亦快手上枱而家價錢平，我地食左好多野，大滿足既😃

見係親子餐廳，門口嘅餐牌好多選擇，有熟食有生食，一心諗住見環境又唔錯，網上又有推介，就入去試下，點知中晒伏！首先帶位職員已經其差，因為前面有一位客人，我地就係門口等個職員帶完位先，所以企係門口等，個職員都見到，點知帶完之後，完全無意識再行埋嚟帶我地，on居居咁企係度。入到去按餐牌睇，同門口餐牌相差太遠，好多都無，卷物仲係一件都無！兒童餐有3個，得返2個有生食嘅可以order，唔好話小朋友，我大肚婆都唔知食得d咩，我問職員點解無得揀卷物，佢答我師傅未返，我問幾時返，佢話唔知，我問佢點解咩都唔知，佢答我係新嚟嘅，佢行開check下話成個lunch都唔會有！果架送餐列車，成餐都不斷聽人講未拎晒d食物架列車已經駛開，隔離枱就有人大叫因為差d撞跌落嚟，好危險！order咗個兒童餐等咗半個幾鐘都未嚟，小朋友都等到發脾氣！所謂親子餐廳，一d都唔親子，以後都唔會再嚟！

就來搬屋， 所以嚟咗九龍灣宜家傢俬睇下家居，行到咁上下喺附近搵食，經過見到呢間九井壽司新開張，我同老婆就入咗去試吓了。呢度嘅裝修環境都好舒適，每台一部平板電腦點餐，配上高速列車配送食物，非常方便，平板電腦簡單易用，好快我哋就點左好多嘢食了。點晒嘢食之後無耐，都未夠2分鐘啲嘢食就開始由高速列車送到，勁快。 呢度嘅壽司都幾大件，刺身好新鮮，食落鮮甜，我哋仲叫咗個兒童餐，雖然我哋唔係兒童，但我哋問店員佢又俾我哋點喎因為老婆好鍾意食小卷，而呢個兒童餐咁啱又有老婆鍾意嘅三文魚小卷，所以我哋就叫咗個兒童餐嚟食了。海膽好新鮮，勁好味軟殼蟹手卷，軟殼蟹新鮮炸起熱辣辣，正刺身好新鮮，勁鮮甜壽司夠晒大件，味道不錯兒童餐有小卷，蟹子沙律同炸雞，另加上益力多，如果小朋友食我諗真係夠晒了。總結：呢度嘅壽司夠大件，刺身新鮮鮮甜，點餐後出餐好快，下次會再同老婆過嚟食過。

見網上介紹九龍灣開左間新幹線主題餐廳,就同男朋友去左食。一入門口著住便服嘅戴眼鏡男職員好好禮貌好主動打招呼帶位,門口仲有唔少免費玩具同文具,小朋友應該好開心。入到去啲位幾闊,就算唔係卡位都坐得好舒服。坐低左之後就禁下個ipad,個陣大約7:10pm.揀左幾款壽司同刺身, 跟住見到個ipad無佢門口大大張寫住$20迷你魚生飯,就問佢啦, 一問之下, 佢話唔好意思今日已經賣哂喇。心諗:吓當時成個場都未坐滿人(大約6成左右), 個飯6pm後供應,咁快就賣哂?! 好啦唔緊要咁就周圍禁睇下有咩食啦, 但發現, 原來係比較少飽肚既野食 多數係壽司, 仲有少少手卷,燒物同炸物,前菜咁,除左壽司款式較為多之外, 其他種類既野食每類都唔多。 見到最後一頁有個迷你烏冬,但無相既($38), 唔知到底有無餸,但當晚都係無哂既。咁結果就壽司,刺身,炸物每樣嗌少少試, 嗌左三文魚腩壽司,吞拿魚壽司,三文魚刺身,劍魚腩壽司,香蔥吞拿魚碎紫菜包住個舊唔記得叫咩名 😂,蟹肉忌廉棒, 同埋後尾再嗌多個火灸三文魚腩壽司啲野食係幾好味, (除左蟹肉忌廉果個一般,因為只食到忌廉但完全食唔到蟹味)但食完之後繼續想周圍篤下有無咩

近排有間迴轉壽司好鬼hit •以新幹線列車做主題•咁得意•走去megabox 試下先••牆上嘅設計•仿車站點對點路線•幾特別•值得一讚係用一包包嘅茶包•唔怕（畢）到d綠茶粉成檯都係•$20一客迷你丼•係真唔係呀？😍😍😍用ipad order 食品•每次order 4 款•慢慢食•唔洗放到成檯都係•大路嘅甜蝦•北寄貝•三文魚•油甘魚樣樣齊•油甘魚相當出色•厚身肥美•忍唔住要Encore 蟹籽沙律蟹籽舖滿頂•相當吸睛•青瓜絲新鮮•食落索索聲•主角出場三文魚•呑拿魚各有兩片•加一口海膽盛惠$20 大元每人只限order 一碗•甘抵食去邊度搵order 嘅食品•ipad會有提示•提示食品馬上就到•哈哈•唔洗四圍眼望望•望下ipad就知道•新幹線列車速速送到👍吉列豪一客4件•新鮮即炸熱辣辣•

今日費事走出觀塘揾野食，一上openrice就見到呢邊有多間西餐嘅舖頭，於是就去左簡下有無其他好食，行行下見到呢間舖，作為壽司發燒友嘅我地，就揀左呢度開飯喇。壽司一開始就緊係要食個壽司先喇，呢度壽司真係足料，入口唔會有陣雪味，啲料又唔會冷冰冰。芝士火灸壽司芝士夠香，整件擺入口好有口感，加埋料夠晒多，唔需要任何嘅調味都已經好正。今次嘅體驗都算幾好，比起一般任食嘅舖頭所有野都做得好更到位，食材都真係幾新鮮，有機會都要再黎先得

今日幫小朋友慶祝生日,因為聽人講megabox新開左個用火車送餐嘅迴轉壽司，一直無咩時間去試，之前已經一直想帶小朋友食迴轉壽司，但係一直都就唔到個時間，今日終於約到去食喇。一入去都令人覺得都幾大，地方俾人感覺都算寬敞。仲要坐得幾舒服，都真係幾好架火灸壽司火灸壽司呢個項目絕對值得讚下架，刺身好似左口魚果啲都幾肥美，感覺好惹味，燒完連皮都係脆，感覺都真係香到爆。呢度嘅火灸壽司真係即叫即整架，夠晒份量，又唔會一夾好散而且呢度嘅選擇真係幾豐富下，都算係咩都有啲，岩晒一家大細估唔到megabox嘅舖頭都唔錯，真係令人幾意外，下次都要同朋友再黎先得。