影片
更多
2018-03-10
147 浏览
見網上介紹九龍灣開左間新幹線主題餐廳,就同男朋友去左食。一入門口著住便服嘅戴眼鏡男職員好好禮貌好主動打招呼帶位,門口仲有唔少免費玩具同文具,小朋友應該好開心。入到去啲位幾闊,就算唔係卡位都坐得好舒服。坐低左之後就禁下個ipad,個陣大約7:10pm.揀左幾款壽司同刺身, 跟住見到個ipad無佢門口大大張寫住$20迷你魚生飯,就問佢啦, 一問之下, 佢話唔好意思今日已經賣哂喇。心諗:吓當時成個場都未坐滿人(大約6成左右), 個飯6pm後供應,咁快就賣哂?! 好啦唔緊要咁就周圍禁睇下有咩食啦, 但發現, 原來係比較少飽肚既野食 多數係壽司, 仲有少少手卷,燒物同炸物,前菜咁,除左壽司款式較為多之外, 其他種類既野食每類都唔多。 見到最後一頁有個迷你烏冬,但無相既($38), 唔知到底有無餸,但當晚都係無哂既。咁結果就壽司,刺身,炸物每樣嗌少少試, 嗌左三文魚腩壽司,吞拿魚壽司,三文魚刺身,劍魚腩壽司,香蔥吞拿魚碎紫菜包住個舊唔記得叫咩名 😂,蟹肉忌廉棒, 同埋後尾再嗌多個火灸三文魚腩壽司啲野食係幾好味, (除左蟹肉忌廉果個一般,因為只食到忌廉但完全食唔到蟹味)但食完之後繼續想周圍篤下有無咩
一入門口著住便服嘅戴眼鏡男職員好好禮貌好主動打招呼帶位,門口仲有唔少免費玩具同文具,小朋友應該好開心。入到去啲位幾闊,就算唔係卡位都坐得好舒服。
坐低左之後就禁下個ipad,個陣大約7:10pm.
揀左幾款壽司同刺身, 跟住見到個ipad無佢門口大大張寫住$20迷你魚生飯,就問佢啦, 一問之下, 佢話唔好意思今日已經賣哂喇。
心諗:吓當時成個場都未坐滿人(大約6成左右), 個飯6pm後供應,咁快就賣哂?! 好啦唔緊要咁就周圍禁睇下有咩食啦, 但發現, 原來係比較少飽肚既野食
多數係壽司, 仲有少少手卷,燒物同炸物,前菜咁,除左壽司款式較為多之外, 其他種類既野食每類都唔多。 見到最後一頁有個迷你烏冬,但無相既($38), 唔知到底有無餸,但當晚都係無哂既。
咁結果就壽司,刺身,炸物每樣嗌少少試, 嗌左三文魚腩壽司,吞拿魚壽司,三文魚刺身,劍魚腩壽司,香蔥吞拿魚碎紫菜包住個舊唔記得叫咩名 😂,蟹肉忌廉棒, 同埋後尾再嗌多個火灸三文魚腩壽司
啲野食係幾好味, (除左蟹肉忌廉果個一般,因為只食到忌廉但完全食唔到蟹味)但食完之後繼續想周圍篤下有無咩好食時就真係發現野食款好少, 最後埋單加埋一差唔多二百蚊,但就唔算好飽。
見到有三款兒童餐, 每款有三格,有支益力多,有兩格野食, 小朋友應該夠食同食得好開心(兒童餐只限12歲以下); 但大人黎講,如果午市晚市呢啲時間無迷你丼,無烏冬既話其實會好麻煩,除非你好中意食壽司你就可以嗌好多壽司黎食飽,如果唔係其實真係會覺得唔夠食/無野食(因為menu上除左壽司其他都係輕食小食黎,但樣樣都廿蚊起跳)變左兩個人入去食左兩百蚊都好似淨係食左小食咁, (壽司,炸物,燒物多數一碟兩件)
建議其實可以照有迷你丼,但$20優惠可能每晚頭xx個,之後正價咁, 既然有咁多魚生壽司, 整埋丼飯一定有得做, 或者迷你烏冬出多幾款咁
整體黎講, 對於小朋友黎講係一個幾好既地方, 新幹線送野食黎得意, 又有兒童餐, 座位又舒服,見到好多一家大細坐卡位,門口仲有免費玩具;但對於大人黎講野食既款式真係比較少,除非你好中意食壽司或者已經預左起碼兩百幾蚊入去食壽司
希望之後會有多啲款式既野食推出
张贴
