九井壽司 (已結業)

最近朋友介紹, 話呢間壽司店係新開張!而且介要係九龍灣mega box, 地點方便, 當然要試下啦!環境方面：店內採用全自動化既機器, 唔需要人手落單!成間餐廳以日本火車做主題, 相當有心思。而且堂食有卡位同單獨位揀, 就算一個人黎食都唔會老尷!食物方面：我同朋友都點左唔少小食下,炸蠔唔厚粉, 食落好有蠔味!炸南瓜餅熱辣辣。壽司方面, 最推介大家食左口魚, 肉質鮮甜!我同朋友食完都忍唔住再encore!服務方面：店員唔多, 佢地都俾顧客好大既自由空間, 岩哂同朋友黎吹水食下飯!

上次食過九井壽司之後，對佢架新幹線列車念念不忘，唔夠一排又再食多次喇！今次既體驗有啲唔同，因為今次嘅服務水準比上次更好喎 ！話說一入到門口，有三四個職員一字排開企咗喺度歡迎我地，排腸好鬼勁，有啲嚇親！今次餐牌多咗好多嘢食呀，比起上次更吸引！！好有童真咁嗌咗支波子汽水，波羅味 呢個蟹子沙律就係encore嘅，上次食完覺得好正！又夠大碟，今次再嗌。質素依舊，完全符合大碟夾抵食三文魚加州卷三文魚好肥美，好新鮮，每件都大大舊 三文魚壽司同鰻魚壽司好難得鰻魚壽司係冇骨架！！啖啖肉，一啖咬落去都唔使擔心有骨，爽YY又係架靚靚新幹線燒芝士餃子雞翼 去骨嘅雞翼真係好正呀！啖啖肉，雞翼裏面充滿芝士又有餃子餡，口感好豐富，好好味芝士魚餅又係超正！一共有四塊，魚餅入面夾住流出嚟嘅芝士，鍾意食芝士嘅我食多幾塊都唔夠喉特色海老天婦羅大大隻天婦羅蝦，爽口彈牙，炸漿又岩岩好，唔會成舊粉咁又係軟殼蟹手卷呀，必點的！！大大隻又脆又juice既軟殼蟹冇可能唔食呀今次發現原來門口有免費送俾小朋友既禮物丫，有玩具又有文具，有得玩又有得用，岩晒小朋友呀！雖然我已經唔係小朋友，但卡通實在太可愛，我都忍唔住拎左呀，哈哈

我好日都唔黎九龍灣，但尋晚我ust考緊試既朋友想食日本野，就專登搭一粒鐘港鐵黎Megabox陪佢食壽司🍣🍣🍣同好多連鎖店一樣，九井都係用電子落單，亦有壽司列車喺迴轉帶送壽司黎，門面野做足哂😌先講我最愛既三文魚腩壽司，廿蚊兩件有咁既肥美質素好抵！好彩喺佢賣哂之前叫左兩碟頂住癮先！我朋友好中意呢條燒鯖魚，話燒得夠乾身。呢個迷你鮮帶子海膽丼就比想像中細個，但好彩海膽都係新鮮的，$78幾抵食啊！總括黎講，呢間壽司都唔錯既。魚生壽司都新鮮，加上坐得舒舒服服，唔好趕住食咁，可再來的😌

絕對失望嘅迷您丼🙈比佢吸引嘅圖片引左我嗌！仲見佢由$1xx減至$78，好似幾抵喎！點知份量小得可憐🙄小朋友食都岩岩好嘅份量🤕更何況係一個成年人呢？唯有要叫其他壽司或者小食先夠填飽個肚。。。。。。鮮帶子有5片，不過不失啦～海膽份量亦都算係適中，不過以呢個價錢黎講可以食到更好嘅丼，無下次😔😔😔😔三文魚腩壽司亦都尚算新鮮，比起普通嘅壽司店壽司飯份量算係多！而火焰芝士蟹棒壽司亦都系不過不失🧐🧐🧐

在九龍灣大型傢具店閒逛完，本打算離開MegaBox 出去找吃的，不過走的時候見到有間看似新開不久的迴轉壽司店，不如進去試試吧。外面有部電視正在播放日本捕魚及魚市場的片段，讓食客了解日本捕獲新鮮海鮮時候的情況。店舖內燈光光亮，設計以藍白及新幹線為主，座位寬闊舒適且乾淨，甚至聽到新幹線即將到站的錄音，感覺恍如置身於日本，十分特別！我們坐在卡位沙發位置，以平板電腦點菜下單，每項食物均附上圖片，簡單容易使用。點完後，食物新鮮即叫即做，不過很快就有聲音提醒你，載有食物的火車即將由廚房送到你枱前的輸送帶，感應器會感應到客人取了食物，才會離開，十分新奇。而且不得不提，這裡很適合一家大小到來用餐，除了小朋友一定會喜歡的列車設計外，還設有兒童餐選擇，另外還有些圖書、玩具及顏色筆，供小朋友用，照顧周到。各點了些刺身、壽司、小食，值得一提的是刺身都很新鮮，肉質堅實，而且厚身。推介的小食有雞肉，肉質鮮嫩，加入燒醬汁，更加惹味。醬燒帆立貝大粒香口，肉質厚厚實實。九井迷你丼：三文魚及吞拿魚刺身加入一小撮海膽，雖然細細碗，驚喜價$20而已，值得一試。結帳亦是在平板電腦上按一按，然後到櫃台付款就行了，十分方便快捷。

係九龍灣返工下午食飯經過MegaBox 發現開了一間新的日本餐廳,就同同事一齊去試下,這間日本餐廳,位于MegaBox 的9/F ,上到去餐廳的門口就睇下有什麼好食,有一些午餐價錢好像很合理就入去試一試,我地大約等左8分鐘職員就安排我地入座,入到去我地先發現原來是用列車輸送帶送食品給客入非常有趣,我同同事無人叫左一個魚生飯,分量適中飯有滿滿的日本醋,魚生新鮮非常美味,今次係一個好好的體驗。

今日因為工作關係所以嚟咗megabox..經過見到呢間壽司舖設計好特別，佢用日本新幹 線為主題，食物送餐係由 火車設計的輸送帶運送食物到你枱邊，設計新穎，點餐係用平板電腦落單，落單後大約三分鐘就送到，唔需要等候太久，食物款式很多，前菜飲品亦很多選擇。我們點了帶子裙邊，分量很多， 味道濃沃。三文魚壽司肥美香口，蟹棒壽司帶出蟹肉鮮味，口感一流。海膽壽司新鮮鮮甜，沒有異味。北極貝加州卷裏面加了沙律醬帶出北極貝的鮮甜。青魚size好大條 好抵食。雜錦魚生飯各種刺身都好鮮甜可口，每款都有兩件 全部都係厚切，128蚊 食到呢個質素真係不敢相信。最後我地再encore多一碟三文魚壽司同埋三文魚手捲，因為真係好香口，食完味道仲停留係口中。P.S餐廳質素真係好好，侍應生亦很有禮貌，一定會再返嚟食第二次。

下班後到MegaBox逛逛， 忽然想吃日本菜， 想到了九井的壽司列車~ 正好是飯點尾聲， 上班族都散去了不用排隊， 倒是有不少媽媽帶著小娃來用餐呢！ 是日有午餐、下午茶、兒童餐供應， 價錢實惠。 店內採用電子點餐系統， 掃一掃就能看到食物照片、價錢， 好方便！ 略等一會就有列車將點餐送到啦！ 粉藍配白的列車造型可愛， 怪不得鄰桌的小朋友們都對它期待萬分。 只要$68的火灸刺身丼定食， 刺身滿滿的非常吸引。 刺身經火灸後魚脂溶化香氣四溢， 帶子跟厚切三文魚又肥又甜， 左口魚邊爽口滑嘟嘟， 定食還附送麵鼓湯跟沙律， 好滿足！ 海苔魷魚天婦羅 魷魚充滿彈性又不會嚼不爛， 天婦羅炸漿裡加入海苔碎， 添加了爽脆跟香氣， 美味與口感並存。 燒鯖魚外皮烤得焦香， 微微有魚油淌出， 魚肉不會過熟， 肉質又香又嫩火候剛剛好！ 肥嘟嘟的燒芝士餃子雞翼， 裡面釀入芝士跟餃子餡， 還帶點微辣， 惹味十足！ 走時才發現店裡還提供給小孩子的禮物， 小小心意但誠意十足， 很適合親子用餐呢！

生活在香港這個花花世界，每天也有大量新資訊爆炸般的衝擊著我們，食肆們要保持著新鮮感真的一點也不容易。今天帶著五歲的姨甥女來Megabox行街街，行經九樓時她就被<九井壽司>的新幹線所吸引。傻妹子邊叫著<火車啊火車啊！>就拉著我們入去了。😂😂😂店內光猛開明，位置也坐得舒適，桌上還有平板電腦用作點餐。剛好六點，二話不說當然要先點這個做特價的<海膽三色迷你丼>下單後只需等一會兒，新幹線列車就會把即製壽司送到面前，傻妹子很是興奮呢！不用擔心自己顧住吃會看不見列車到站，壽司送來前會在平板上發出響聲和彈出提醒視窗<海膽三色迷你丼>，壽司飯的份量不多再配上兩片三文魚和吞拿魚刺身外還有一小片海膽。雖然不是頂級級數但基本的新鮮和有魚味是做得到的，推廣價只需$20，性價比極高。別笑我沒大志，我覺得壽司飯很好吃。每顆也粒粒分明又飽滿，連一向<唔臭米氣>的我也把它吃光光。<帆立貝刺身>肉質豐厚而且極富彈性，味道鮮味甘甜。<牡丹蝦刺身>鮮甜味美的蝦肉加上豐腴甘香的蝦膏，還有細綿帶爽的口感都讓我印象深刻

今日黎到九龍灣做運動，做完咪去MegaBox 食野！見熱熱的夏天， 就黎到這間日式餐廳食個下午茶享受一下，點知有驚喜簡單舒適的設計，坐位好舒服又寬闊，好清潔乾淨，服務員好有禮貌又好年青我散叫了壽司及小食，一個人食都好滿足又開心這裡最特別是送餐是用自動火車，由廚房直接送到，保證新鮮！而且好可愛的藍白色火車，深受小朋友歡迎！一家大小來就最適合（如果有埋聲音，應該仲正）1. 壽司甜蛋好味道，剛剛好的，厚身又滑！帆立貝好大塊，中間微熟，好軟軟（入口溶化的感覺）上面火灸熱到小小脆同香，我最愛哦鰻魚都唔錯，汁香又軟滑、配上香濃芝士，增加鰻魚層次軟殻蟹手卷好大的手卷，軟殻蟹好脆好香好大，是我食過最好食；配有青瓜及沙律醬，減少油膩味又更清新，但紫菜有點腍，比較難咬開小食雞軟骨好有咬口，口感好脆又香油脂，熱騰騰好美味可口這個南瓜薯餅好正，好脆口，剛剛製作好，又熱騰騰又香，外脆內軟，南瓜配上薯蓉，又滑又香又少少甜；配上蔬菜及番茄，好健康的小食大人和小孩子來都一定好開心又食得好滋味

今日自己一個放工黎到勁小人既MEGA BOX，諗住去IKEA行下街，買下家居用品。要醫肚既時候就見到呢個新開既SUSHI舖，特色就係個架火車送餐，雖然X氣都好似出左呢個好耐，但我都未試過，所以決定去試下。呢度自己一個PAD點餐超方便。特色海膽(1件) $30呢個海膽壽司我超中意超推介，海膽清甜無異味，海膽味唔算好重，不過份量奇多，用紫菜包住一口食晒成粒，好正!!!價錢仲好實惠，好多其他日本野餐廳就算其他野好食，海膽都會失手，但呢個絕對冇伏。燒芝士餃子雞翼(2隻) $32呢個餃子雞翼好香，而且個皮燒到岩岩好，又夠熱，因為雞翼已經去左骨，啖啖肉，超容易食，唔使失儀，裡面放左芝士，但芝士味唔係好出，所以味道麻麻地，好似食緊普通雞翼咁。三文魚加州卷(3件) $28最簡單係最好味!!本人係好中意食加州卷，因為又平又飽肚而且又好味，入面三寶一定係青瓜，蟹柳，玉子，呢個上面再加一塊超肥美三文魚，重點係勁多沙律醬就係我既至愛。北寄貝壽司(2件) $15

係觀塘返工嘅人除左可以留係觀塘食晚飯之外，唔趕時間嘅話，去megabox 都係個唔錯嘅選擇，可以遠離繁囂（稍為），食物選擇多，而且時間夠嘅仲可以睇場戲。今次黎試咗間新開嘅日本餐廳，唔係喺溜冰場food court個層，所以人流唔會太多，唔使等位兩個人輕鬆坐四人卡位。除咗環境舒適，我都好鍾意全電子化嘅落單方式，仲有以高速列車為主題嘅壽司運輸帶🍣🚅。價錢同元氣差唔多，但係食物質素贏一個grade ，非常合理 🙌🏻🙌🏻 特別鍾意佢嘅刺身，比如魚三文魚刺身，非常肥美 🤭🤤 。另外，仲有原隻星鰻都係$38，但係成隻碟咁長喎！

今晚約朋友食飯，佢話好耐冇食壽司，好想食日本野喎！咁就OpenRice周圍睇吓啦，食元X都食到好悶，而且唔想等位等咁耐，就即管試吓新野啦！我哋嚟到MegaBox 九樓既九井，等左一陣就有位啦，座位都幾闊落，見到好多人一家大細嚟食飯。睇睇Menu，熱食同炸物都有好多選擇，而且仲有小朋友套餐，壽司嘅選擇都唔少喎！上菜都會用你眼前嘅輸送帶，食物會自動停係你面前。首先即刻試吓我最鍾意嘅牡丹蝦壽司先，估唔到又幾鮮味！飯既口感唔錯！呢度價錢幾抵，點知原來質素都唔錯！性價比好高喎！我同朋友都鍾意食三文魚腩壽司，要左幾客，水準平均！好食！驚唔夠飽就叫手卷啦！軟殼蟹手卷同鰻魚手卷，鰻魚手卷嘅醬汁好好食，朋友鍾意食軟殼蟹手卷！貪佢脆卜卜！呢度除咗上菜快，店員做嘢都好快手，好快就幫我地清晒枱面上食完嘅碗碟，而且態度都好好，好有禮貌！又話都要試吓啲熱食所以叫咗個叉燒烏冬，佢話口感都唔錯，烏冬幾有咬口！我最欣賞就係個壽司飯，當時做緊特價＄78 ,已經食到海膽帶子刺身！真係抵到爛！而且仲好新鮮添，完全唔會將貨就價！我同朋友都幾滿意，下次都會選擇！

難得今日放早有約到朋友，就嚟去公司附近嘅MegaBox食嘢，朋友推薦話呢度有一間岩岩新開嘅壽司，味道唔錯，坐得又舒服，落order仲好方便添！嚟到見到都幾多人，仲有好多小朋友添，我諗一定係比呢度嘅新幹線吸引😂每人枱面都有一部平板，可以自行落order，嘢食就會用輸送帶送到你面前，而且上菜嘅速度都好快，如果需要店員幫手嘅話都可以係平板嗰度禁，岩晒香港人咁快嘅節奏！想係食凍野之前食一個烏冬先，叫咗叉燒烏冬，烏冬口感唔錯，軟硬適中，叉燒都好好食！朋友好肚餓即刻帶咗兩個手卷食，叫咗鰻魚手卷，同埋軟殼蟹手卷，兩款都好好味，而且啲飯嘅口感都唔錯！我哋仲叫咗好多三文魚腩同埋火炙三文魚腩壽司，全部都好新鮮，之後想再追加火炙三文魚腩壽司都已經賣晒啦！咁就試吓佢個刺身飯啦，估唔到海膽都幾新鮮喎！帶子都好鮮味，呢到食物質素整體都非常之高！而且店員都好友善，落order又方便，一定會再嚟食！

在九龍灣尋食，Megabox是不二的法門。食肆多的是，友人要吃壽司，我們一起到了九井。友人訛稱代小朋友試，叫了一份兒童班的星星餐來試，貪有支益力多……小人本來眼都冤，卻見友人吃得津津有味，不禁也來一兩口。蟹籽沙律過份的雪；三文魚反卷少三文魚、炸雞略挽了分，脆而不油，是星星餐中最好的。益力多就是一樽益力多，有幾特別？小人懶理，自行叫了不同款式的壽司。食物以輸送帶運上，連侍應都慳埋。不過食物有吞拿水準，當中的吞拿魚茸壽司最為難忘，魚多過飯，超級肥美！只要不再叫兒童餐，都是可接受的。