影片
电话号码
21777873
开饭介绍
来自新加坡的中菜馆，主打粤菜及沪菜。招牌八色小笼包，外皮采用纯天然色素制作，八种味道有创意之余，又可安心享用。
继续阅读
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
优惠
85折
【乐天皇朝】$100 现金券 **无限兑换**
$85
$100
有冇人同我一样，觉得咬开小笼包爆汁💥𠮶下好鬼爽！讲讲下又心心念念紧🥹😍，所以又系时间去食返笼小笼包啦～·♡ 芝麻酱油麦菜 HKD$72卷起油麦菜呢个想法其实几有gimmick😙，同薄片青瓜一齐卷成一道冷盘，沾芝麻酱食感觉好清新🍃，口感亦好爽脆。·♡ 李白醉鸡 HKD$92冷盘鸡件🐥浸泡喺槽卤酱汁中，酒嘅味道刚好😚，鸡肉软腍香滑，每一口都带有微微酒香🍶。·♡ 萝卜丝酥饼 HKD$52酥饼涨卜卜，卖相好似个金元宝咁🥠；酥饼外层十分松化，内饀系香甜萝卜丝🤤，口感层次丰富。·♡ 特式皇朝小笼包 HKD$148八色小笼包好吸睛🤩😻，八款口味包括 原味、糟溜丝瓜、鹅肝、黑松露、芝士、蟹粉、蒜香、川味，会有张纸仔教你由淡食到浓味😍，粒粒都好鲜味，最重要系一咬爆汁呀♥️！·♡ 皇朝鱼汤酸菜鱼 HKD$238份量都几多，味道唔会好辣，辣中带少少麻🌶️。鱼片嫩滑且啖啖肉😽，最钟意佢里面有好多冬粉🥰，条条都索哂啲汤汁，大爱呀🫶🏻!!·♡ 香煎豆沙锅饼 HKD$62当然要食返个甜点作结先完满🥳，豆沙锅饼外脆内软，豆沙馅唔算好饱满🤤，但胜在香甜糯绵。·📍乐天皇朝铜锣湾波斯富街99号利舞台广场16楼A号舖
继续阅读
下午茶乐天皇潮有6折 同埋环境坐得好舒服同朋友倾计一流呀基本上大部分经典菜式都有6折我地叫左特色小笼包想食比较特别既都可以试下有八种口味 原味、人参 、蒜香、鹅肝、黑松露、川味、芝士、蟹粉个人比较钟意蟹粉、原味 同埋黑松露小笼包够热同皮够薄.醋酱海哲头味道令人觉得好开胃 又爽口.风味手酱汁鸭舌 味道叶得好够味 但觉得系偏向台式口味多啲但都好好食 又唔会辣到喷火.李白醉鸡鸡肉好滑身 唔会雪到硬哂又冇雪味整得好入味 酒味又重.
继续阅读
几个月前同朋友嚟过乐天皇朝食过唔错，今日再约朋友去，铜锣湾分店都好就脚，喺利舞台里面！一坐低就会送上小食，今日系栗子炆花生，够淋好入味，另外有壶普洱茶，水滚茶热！必食特式皇朝小笼包 (8只) ：如要品尝8款小龙包的独特口味，建议由原味 (白) 开始，跟着是 糟溜丝瓜 (绿)，鹅肝 (啡)，黑松露 (黑)，芝士 (黄)，蟹粉 (橙)，蒜香 (灰)，川味 (红),味道由淡至浓吃，上枱是热辣辣，一打开盖出晒烟，每一粒都好多汁，多汁到有一汤匙，皮薄馅靓，不同味道各有特色！上海妈妈烤麸：上海菜传统小食之一，烤麸其实系面筋嘅一种，里面仲有笋，木耳，冬菇，甜甜地，都系开胃前菜！木樨肉炒拉面 ：上海式炒拉面，用咗肉丝、冬菇、芽菜等….味道啱啱好，又唔会太咸！苹果荔枝茶：饮完下面仲有荔枝果肉可以食，解暑一流
继续阅读
终于有机会去乐天皇朝，试下闻名已久嘅八色小笼包😆 今次到访位于铜锣湾利舞台嘅分店✅ 环境装修雅致美观，座位宽阔舒适，灯光明亮有神👍 职员态度友善殷勤，值得一赞😎 首先当然一定要试一笼八款嘅特式皇朝小笼包❤️ 口味包括有原味、糟溜丝瓜、鹅肝、黑松露、芝士、蟹粉、蒜香同埋川味😋 建议食法由淡味食至浓味，确保能体会各款独特口味👍 🐧 就最爱黑松露味😆 一口咬开，即能感受到浓厚嘅黑松露香😍 令人回味无穷🌟 竹炭流沙包同样系必试嘅🤤 由中间撕开，即见邪恶嘅流沙馅倾泻而出😍 又香又诱人❤️ 竹炭包软熟可口，沾上流沙浆一齐食，咸香又惹味😋 甜品㨂咗餐厅推荐嘅宫廷驴打滚😍 糯米皮冰凉软糯，中间嘅红豆馅甜美无比，食落令人有眼前一亮嘅感觉🥰 诚意推荐❤️ 未够喉㨂多咗一客擂沙汤圆🤩 上枱时温热暖和，口感烟韧富嚼感👍 中间嘅芝麻馅料浓厚甘香✅ 滋味满分之选🌟
继续阅读
铜锣湾利舞台16楼嘅 乐天皇朝（Paradise Dynasty） 系一间以沪菜同粤菜为主嘅新加坡连锁中菜馆，招牌八色小笼包同精致点心喺香港好有口碑。今日专程嚟试吓佢哋嘅 蒜香排骨、皇朝小笼包（八色） 同 干煸四季豆，想感受下正宗上海风味同中式创意菜。以下系我嘅试食体验同评价。环境：宫廷风雅致，铜锣湾闹市绿洲乐天皇朝位于利舞台广场16楼，餐厅装潢走中式宫廷风，木质家私、金色点缀同青铜莲花装饰，带出高雅又唔失现代感嘅气氛。靠窗位可以望到铜锣湾街景，喺繁忙嘅市中心揾到一份宁静，令人心情放松。座位宽敞，枱距够阔，适合朋友聚会或家庭用餐。今日人流适中，唔使等位，环境干净舒适，系铜锣湾闹市中嘅一个好选择。食物：创意同经典兼备，质素稳定• 皇朝小笼包
八色小笼包系乐天皇朝嘅必点招牌，一笼八粒，各有唔同口味同天然色素外皮（原味、糟溜丝瓜、鹅肝、黑松露、芝士、蟹粉、蒜香、川味），卖相靓到好似甜品咁！店员会提醒点样食，由淡味（原味）开始到浓味（川味）。原味小笼包皮薄汤多，猪肉馅鲜甜，蘸黑醋同姜丝好正！蟹粉同黑松露系我嘅心水，蟹粉鲜甜浓郁，黑松露香气扑鼻，令人回味。不过，鹅肝同川味略为偏咸，口味稍重，唔一定啱所有人。有网友提到芝士味偏腻，我今次觉得尚可，但整体质素高，汤汁丰富，值得一试。• 蒜香排骨
蒜香排骨系沪菜经典，乐天皇朝嘅版本用小份排骨炸至金黄，裹上浓郁蒜蓉同香料，外脆内嫩，入口蒜香四溢，略带微辣，超开胃！排骨肉质嫩滑，无过多肥膏，炸粉薄而香脆，唔会油腻。网上评价提到呢道菜份量偏小，今日试食觉得四、五件排骨适合两人分享，作为前菜或小吃好啱。如果钟意浓味蒜香嘅朋友，呢款沙拉骨绝对唔会失望，但想食饱可能要加点主食。• 干煸四季豆
干煸四季豆系另一道经典川沪菜，四季豆炒得外皮微皱，保留爽脆口感，加入肉末、干辣椒同花椒，带出香辣同麻香嘅层次。呢道菜辣度适中，唔会过火，肉末香浓，四季豆鲜甜，配饭或单食都好正。有食客提到四季豆偶尔会偏油，今日试食觉得油分适中，调味均衡，系三道菜中嘅清爽平衡点。份量适中，两至三人分享啱啱好。服务：效率高，细节待改进服务方面，店员态度友善，点餐同上菜都好快，今日三道菜大概10-12分钟内上齐。服务员会主动换碟同加茶，算贴心。不过，茶位同小食（麻辣鸡脚，$15）自动上枱，无事先讲清楚，略为影响体验。有网友提到繁忙时段服务可能冷淡，甚至有「赶客」感觉，今日体验算顺畅，但如果店家可以喺收费细节上更透明，会更好。总结：小笼包同蒜香排骨值一试乐天皇朝（利舞台店）以八色小笼包同精致沪菜俘虏食客，皇朝小笼包 汤汁丰富、口味多变，蒜香排骨 香脆开胃，干煸四季豆 则带来爽辣平衡，三道菜各有特色，质素稳定。环境高雅，适合朋友小聚或家庭聚餐，但服务细节同份量有进步空间。钟意沪菜同创意点心嘅朋友，呢度系铜锣湾一个唔错嘅选择。下次想试吓网友推介嘅萝卜丝酥饼同酸菜鱼！
继续阅读