樂天皇朝 (利舞臺廣場)

营业中

休息中

環境光猛乾淨，枱與枱之間有足夠空間，坐得唔會逼。星期四夜晚嚟都幾爆滿，最好提早預約。#招牌原味小籠包皮厚薄適中，唔會一夾就穿。餡料有肉香，湯汁唔太油，味道濃淡剛剛好。配少少薑絲同醋會更解膩，整體高質。#蘿蔔絲酥餅蘿蔔絲酥餅即叫即炸，外皮酥香鬆脆，入面蘿蔔絲甜中帶微微鹹香，餅身帶油香但乾爽，必食。#菜肉雲吞豬骨湯雲吞皮滑，餡料菜同肉比例平均，豬骨湯底唔會太濃，飲落清淡舒服。#紅油鮮蝦抄手拌麵紅油唔算好重辣，反而帶啲椒麻香，抄手包得結實，蝦肉彈牙。麵條質感細膩，份量適中，汁底唔會太鹹，不錯。