樂天冰室 (香港紗廠工業大廈)

营业中

休息中

十二點之前到這裏還是好坐的，大約十二點半左右，兩個人坐卡位便要擠到一邊了。服務員非常勤快，上菜時間短，收碟也迅速，上菜時會有一些歡迎語，所以禮貌方面是妥當的。分別叫了蠔仔肉碎飯及瑤柱蛋白炒飯，蠔仔新鮮程度可以，炒飯的飯比較腍，可能不是用冷飯炒的，食用口感可以接受，而且瑤柱份量覺得也相對多，瑤柱被炸開了，所以口感也不錯。飲品方面叫了凍鴛鴦，茶味是足夠濃，符合香港茶餐廳的標準，凍檸茶方面也是可以。如果在附近工作又能避開高峰時間，也是可以再來。

平時我比較少主動揀連鎖餐廳，但有時都要比自己一個機會。今次因為同事們推介，就一齊去試咗呢間【樂天冰室】。連鎖店又未必一定公式化，睇吓今次會唔會有驚喜！🍛咖哩牛脷 $65一上枱就聞到咖哩香味，濃郁又帶少少椰香，夠晒港式風味。牛脷炆得非常腍滑，唔需要太大力咬就已經散開，仲好入味，夠晒惹味又唔會死鹹，食到最後都唔覺得膩。✨總結以茶餐廳標準嚟講，呢碟咖哩牛脷真心唔錯，唔輸俾坊間好多專做咖哩嘅小店。加上連鎖經營，質素應該都有一定保證，唔洗擔心中伏。下次如果想食穩陣嘅港式咖哩，呢度可以放心一試！

雖然在荔枝角返工超過兩年，天天望到好多人朝早在樂天冰室外排隊，不過一直沒機會食，這次一位食齋的同事提議去試試。入去環境幾大，選擇也很多，和出名的紅茶冰室感覺有D似，常餐都是牛油丹麥吐司，茶走非常好喝，而其他同事點的燒臘四寶飯也不錯，飯量十足。最驚奇是鼓油王炒麵，超級香脆，難怪他快last day都要再來食一次

我同一班朋友去食嘢，一半人去攞位先夜晚10點個場都唔算多人，有幾張枱吉嘅我地話我地攞3張卡位，有個中分帶眼鏡嘅男侍應，無靈啦耕好燥底黑面咁叫我地座2張長檯我地話唔使啦，我地座卡位咁另一半人到咗啦，佢哋唔知道個情況，話不如座長枱，跟住都未同遲嚟嗰班fd講話已經攞咗卡位，個男侍應就超冇禮貌咁話我地死都要攞果張枱心諗你是侍應，你黑面已經唔啱，仲要鬧d客。客人轉枱好正常姐，轉個枱要咁燥底，佢真係要諗下佢適唔適合呢份工。朋友同佢對峙緊嘅時候（全個場都聽到個男侍應鬧我地），隔離枱偷偷地同我講「佢係咁架，好無禮貌，我見佢係咁都唔係第一次啦」（最後我地走咗，去咗對面街間彩虹食）奉勸大家，唔想食嘢都俾人鬧，千祈唔好幫襯荔枝角樂天

今日幸福的跟幾位朋友一起到荔枝角午膳～ 有人提意來樂天，我們分別叫了午餐瑞士忌廉湯香煎脆皮雞扒日式照燒汁2個，可以選配飯 意粉 薯茶 ，睇到個樣真係整得好靚，2個朋友都覺得味，另外叫左一個香煎豬扒湯烏冬，跟火腿抄蛋，丹麥多士56蚊，都好靚，只係個湯底有點淡，所以就麻麻，豬扒就正常味道，還叫了 燒鵝五寶飯，75蚊，睇到D燒味好靚，味道是正常的，最後還有叫左焗芝士黑松露魚柳，配飯或意粉，呢個朋友就話完全無黑松露，無芝士味，魚柳林和無魚味，所以就好一般，以上全部都是凍飲加3 特飲加6，包一個白或紅湯🙏🙏 飲品方面，茶走，個茶都好飲，奶茶做得唔錯

地點：荔枝角 時段：下午茶（2:30 - 6:00）價錢 : $50以下---✨環境係荔枝角返工，成日都會去嗰度坐低食個早飯或者下午茶，因為地方夠闊落，唔會有逼迫感，啲座位又多，坐得超舒服。最重要係上菜速度快，唔使等到餓暈！👍 ---✨燒味雙拼飯推介 $49 送熱飲荔枝角站附近近終於有燒味飯食! 平時去到我都幾鍾意嗌佢哋嘅燒味雙拼飯✨叉燒油雞飯- 叉燒 : 偏瘦嘅款，但唔錯，味道穩定。 - 油雞 : 雞肉夠滑，仲好入味！ - 飯量：超多！男士都夠食可以轉瀨粉，都係超大份，食完飽到夜晚都唔肚餓。 ---✨飲品食燒味飯配飲品，我通常會嗌熱檸茶，茶底好濃，有時候有d苦，我飲黎解油膩。食其他嘢，我會飲奶茶都唔錯。Overall 環境舒服，上菜快，食物水準穩定，價錢都合理

今日下午4點同事請全team食Tea 大概叫左9個餐， 聽電話個女士好唔耐煩咁落單（me 👩🏻‍🦳， 聽電話女士👩🏻‍🦱）👩🏻‍🦳： 要炸雞翼餐👩🏻‍🦱：配咩？👩🏻‍🦳：薯仔👩🏻‍🦱：薯條？👩🏻‍🦳：薯仔沙律。👩🏻‍🦱：要薯條係咪啊？👩🏻‍🦳：薯仔沙律啊。👩🏻‍🦱：即係要沙律？ 咁你講沙律啊嘛。👩🏻‍🦳：我照住你地menu「薯仔沙律」讀出來。👩🏻‍🦱：-：；@£）（/ok 點完， 我咁多個餐 我叫佢覆下單👩🏻‍🦱：你啱啱點個D我都幫你叫左👩🏻‍🦳：咁依家幾多個餐？👩🏻‍🦱：（唔答）👩🏻‍🦱：你過來攞定送過你度？ 咩地址👩🏻‍🦳：地址係_ ABC 街 13樓👩🏻‍🦱：下？ 咩來嘅？👩🏻‍🦳： 地址咯， 你問地址啊嘛👩🏻‍🦱：@&£)(/-如果唔係幫全team人order 我一定大大聲講：ok 咁你幫我取消張單啊， 唔需要啦。 後記： 如果一陣送餐過來同我張order有出入我一定投訴！另外， 真係永不錄用E間嘢！

今天要到荔枝角開會，開完會之後，就跟同事到附近餐廳找下午茶，荔枝角朋友說這裏吃的選擇不多，尤其是茶記，通常都是比較舊式的，他們通常會走多兩步吃這一間。這間冰室面積很大，位處大馬路很容易找，内裡的裝修也不錯，有點熱帶風情。下午茶的選擇不多，薯條沙律系列為主，個人不太喜歡這些，其他茶記主打的麵餐，定為全日常餐，價錢也貼近午餐。我們點了比較受歡迎的菠蘿油搭紅豆冰，這個抵吃，但菠蘿油稍嫌不夠熱，牛油不夠冰。另外點了鹹牛肉炒蛋包，這個反而不錯。

加班後需要進補同老豆食晚餐佢一定揀冰室就去附近嘅搵食平時通常食佢嘅焗飯/常餐見好耐冇食過又見到有燒鵝叫咗個招牌五寶飯（燒鵝、叉燒、燒腩、切雞、咸蛋）$75意外岀奇地好食喎！叉燒燒得甜甜地半肥瘦適中淋嫩燒腩個皮鬆脆肉又唔會過鹹切雞好嫩滑燒鵝皮脆油脂分布平均咸蛋就略嫌蛋黃乾咗少少飯量適中唔多𠱸唔少又唔會煮到好淋好好味🤤值得再食@paradisegrouphk #香港 #香港冰室 #香港美食 #樂天冰室 #招牌五寶飯 #好 #好味 #hk #hkfoodie #hkstyle #hkrestaurant #yummy #siumei #CHUZZZTASTYJOURNEY #gracechuma #eateateat #lovely #nice #tasty

近運動場成日跑完步都會去食嘢啲野係好食嘅尤其係咖喱豬扒不過員工態度勁差次次去到都呼喝好唔耐煩點餐好唔耐煩勁急勁趕客人講慢少少都吹態度真係好惡劣次次去都好驚俾人鬧老細可唔可以正視下個問題啊😭尤其係高大 肥 長頭髮 面頰好紅 嗰個女人仲有次次未食完 都趕我哋埋單同埋邊食 就喺度拖地勁大陣漂白水味🥲

之前拎架車去荔枝角個邊修理今日去樂天食埋個tea 再行去拎返架車🌭樂天熱狗皇滿滿的Mustard 加德國脆皮腸最正。🍔夏威夷豬排包/ 薯仔沙律 原片菠蘿加薄豬排仲有番茄沙律係薯仔同新鮮水果食到菠蘿粒蘋果粒~🥤紅豆冰x 2凍飲通常加3蚊估唔到紅豆冰都係加3蚊仲要好大杯怪唔之得好多人都嗌紅豆冰🤭#樂天冰室 #下午茶#荔枝角美食

我從來都唔寫食評 今日去咗呢間冰室食 終於忍唔住要寫 尤其係門口帶位嗰位員工 等位期間 大大聲呼喝你企埋一邊等位 態度極差同埋惡劣 入到去坐低張枱有污糟嘅紙巾 冇抹枱 落單員工黑口黑面 唔會有下次 再幫襯

轉工第一餐，同事帶咗我黎食，叫咗個常餐D係沙嗲牛肉麵，配多士炒蛋火腿，另外見啲同事好推薦呢度嘅紅豆冰，都加咗$3轉餐飲。上餐上得好快，但係嘢食仲好熱，唔係預先煮定嗰種。牛肉都幾嫩，比想像中好，最有驚喜嘅係紅豆冰，加$3超大杯又好飲，真係好抵👍難怪佢地話好鐘意食呢間🤣

在荔枝角區上班👩‍💻附近好多好嘢食！今日同同事食下午茶，行過附近樂天冰室聞到好香嘅麵包味！喺麵包出爐阿😍😍😍即刻去買返個麵包醫下肚先😏我揀咗一個鮮奶球，同事揀咗酥皮蛋撻🥚鮮奶球好大隻，甜甜地味道剛剛好👍🏻裏面沒有出現「空心麵包」的情況最緊要是剛剛出爐，熱辣辣好好食😋同事的酥皮蛋撻都好好味，可能因為剛剛出爐，酥皮好鬆脆😙仲叫咗杯熱華田，正正常常無乜特別渡過了一個簡單完美的下午茶🙌🏻📍樂天冰室（荔枝角分店）

😍🥰 最愛港式燒味飯 ❤️❤️去咗荔枝角，樂天冰室。勁多嘢選擇，最後我嗌咗佢嘅招牌四寶飯 。一上菜，嘩！勁有良心，勁大碗，啲燒味唔係得三舊 😂🤣，薑蓉又夠多。食落去樣樣都好味 😋😋 叉燒肥瘦均勻，少少燶邊，少少蜜糖味 😍 正！！雞好嫩，唔係啲雞骨俾我 😂 係啖啖肉 ☺️燒肉都好多舊，食到我勁飽 🤣😂加咗杯紅豆冰，黐線一上枱又係勁大杯⋯⋯啤酒杯500毫升嗰種 🫨🫨🫨咁嘅價錢真係好良心 $63+9蚊紅豆冰🫨🫨