影片
港铁尖沙咀/尖东站 B2 出口, 步行约3分钟
继续阅读
电话号码
23683009
营业时间
今日营业
08:00 - 23:30
星期一至日
08:00 - 23:30
以上资料只供参考，请与餐厅确认详情
自从细过食过之后，都隔左好耐未帮衬过，门面光猛了好多，装筷子的盒巳由铁盒转木盒，整整齐齐，连卖炸鱼皮都用独立可外㩦包装，想加钱叫碟细既都唔得😂感觉较讲求卫生，更干净企理。点了牛三宝河粉，即牛筋、金钱肚和牛腩，香芹、芫荽、葱、蒜都贴心的放在汤匙上，让不吃这些的朋友有另外的选择。有腩汁的汤底，识食永远都会叫加腩汁，不会过咸，送河粉刚刚。牛筋软硬刚刚好，很入味；牛肚有弹性很入味，牛腩肉质细嫩不会煮得过老。三款最喜欢牛腩，半肥瘦，卤得最入味。最有趣是好多枱客都问店员，今日有咩菜择丫？店员指指墙边🙂系㖞，又写齐哂有咩！通菜唔该！😜腐乳汁又系分开上，自己调配要落几多，唔错，岩哂我😎
继续阅读
想响尖沙咀想坐得舒服食个下午茶平平哋都过百蚊，路过见到呢间几干净嘅粉面店就入嚟食吓，起码周围都见到有分店应该OK本身见到崩沙腩好吸引，不过限量发售，我五点几嚟已经卖晒，好彩普通牛腩都有，所以叫咗个秘制牛腩双拼冠军墨鱼丸米粉 $49 今餐半嘢饮同加菜都有优惠，所以加咗$12有菜心同埋$8有冻豆浆本身都谂住系普通粉面店，但系都令我有惊喜，首先豆浆同埋鱼皮都系独立包装，干净得令我有点surprise,鱼皮好酥脆，食物份量都唔会因为将货就价变得细细份，尤其是系加$12嘅菜心，有好多点真系够胆死净系俾几条你，所以净系碟菜，我都觉得要写返篇食评黎话比大家知虽然唔系崩沙腩，但系冇谂过普通牛腩都整得咁入味，肥瘦均匀，真系冇hea 埸，食完之后已经饱到晚餐都唔使食，呢度抵食，下次可以再试埋其他嘢食
继续阅读
最近天气闷热，出到街真系唔知食咩好，咁啱黎到尖沙咀金马伦道呢头，枱头就见到呢间乐园鱼蛋粉既招牌，就即刻想入去食下。 佢系好普通既香港粉面店，但又系最有本地特色既香港美食。 真系自细食开，朋友去完外国返黎都会系第一样好想食既香港野食。 一坐底梗系问下仲有冇崩沙腩，竟然仲有就即刻叫返碗崩沙腩河先。 要知道崩沙腩都系可遇不可求，仲要好多地方都系差唔多要成百蚊先食到，呢度仲要咁平，真系冇可能唔食。 黎到都系好满足既一大碗，腩身厚切，层次分明，食落好有牛腩味，又爽口，果然一绝。 而且河粉够薄但又唔会夹唔起会碎，真系好唔错。 最正佢野饮冻热跟野食都系$8，好抵。所以叫左大杯冻柠茶。再叫多左个净四宝丸，有鱼皮饺，贡丸，墨丸同港式鱼蛋。 都系好新鲜爽脆。呢间香港粉面真系冇食错。
继续阅读
今次去咗一间粉面店，$49就食到足料鱼蛋牛筋河，仲可以加配大大份通菜，性价比超高！店员好热心，唔怪得知有一班外卖客同旅客食👍🏻✨ 鱼蛋牛筋河 $49鱼蛋弹牙，大量牛筋炆得软淋入味，胶质丰富到黏嘴唇，汤底清甜唔会过咸，河粉吸汤能力一流 ✨ 通菜 +$12加$12就有成座小山咁高嘅通菜，菜叶嫩绿无渣，简单配腐乳✨ 冻豆浆 $8冰凉解渴，完美配搭浓味嘅粉，$8蚊杯真系街坊价，出面至少卖$12 --- 总括嚟讲▪️ 性价比好高，60蚊有找就食到丰富一餐 ▪️ 食材质素唔错，鱼蛋牛筋都系用心制作 ▪️上菜速度好快，5分钟就有得食 ，另外辣椒油系自家制，嗜辣者必试 呢间绝对系打工仔恩物！下次要试埋佢哋嘅招牌猪手面
继续阅读
今日去尖沙咀睇戏，睇戏前见时间仲早，所以谂往去食啲野，系戏院依头咁岩有间粉面舖就入左去分别叫左个招牌手打鱼蛋面加紫菜，再加油菜，同埋梅菜扣肉饭先黎左招牌手打鱼蛋面，就咁睇落个鱼蛋几鲜嫩，加埋紫菜搭配睇落几丰富。紫菜食落都几香脆，整体黎讲，口味比较清新，好合我胃口，个油菜份量慷慨，而且好新鲜。之后黎梅菜扣肉饭，就外观睇，肉块肥瘦岩岩好，经过烹调色泽均匀，明显落足功夫，梅菜均匀咁舖系肉既周围，吸收左肉汁。口味上，啲肉系软糯而唔腻，入口即化，梅菜咸香岩岩好开胃，两者搭配相得益彰，系一道下饭菜，可以食多几碗饭。呢间舖头位于尖沙咀闹市，食物份量慷慨，而且手打鱼蛋爽口弹牙，性价比非常高，十分推荐#乐园鱼蛋粉
继续阅读