樂園魚蛋粉

营业中

休息中

吱吱又去试吃了一家本地人推荐的老字号💯，点了净鲜虾云吞➕牛三宝河粉➕冻柠茶，吃到扶墙出，真材实料什么真是太满足了～汤底看着清淡但超级鲜甜！粉是滑滑的港式河粉，配上葱花，简简单单却吃得出用心。朋友说这家汤底是每天现熬的，难怪喝到最后都不口干～牛肚+牛腩+牛筋炖得软烂入味，卤汁带点药材香但不会太重口！最爱牛筋，胶质满满又不会腻，满满的胶原蛋白云吞皮薄馅足，里面藏着整颗的虾仁🍤！一吃就知道是鲜虾，和冷冻过的口感完全不同💡小贴士：▫️下午茶时段人少，晚饭可能要排队▫️只收zfb/现金/八达通！营业时间：8am-11pm人均💰：50📍尖沙咀金馬倫道21號地下C號舖（🚇尖沙咀/尖东站B2出口步行3mins）

自從細過食過之後，都隔左好耐未幫襯過，門面光猛了好多，裝筷子的盒巳由鐵盒轉木盒，整整齊齊，連賣炸魚皮都用獨立可外㩦包裝，想加錢叫碟細既都唔得😂感覺較講求衛生，更乾淨企理。點了牛三寶河粉，即牛筋、金錢肚和牛腩，香芹、芫荽、葱、蒜都貼心的放在湯匙上，讓不吃這些的朋友有另外的選擇。有腩汁的湯底，識食永遠都會叫加腩汁，不會過鹹，送河粉剛剛。牛筋軟硬剛剛好，很入味；牛肚有彈性很入味，牛腩肉質细嫩不會煮得過老。三款最喜歡牛腩，半肥瘦，卤得最入味。最有趣是好多枱客都問店員，今日有咩菜擇丫？店員指指牆邊🙂係喎，又寫齊哂有咩！通菜唔該！😜腐乳汁又係分開上，自己調配要落幾多，唔錯，岩哂我😎

想響尖沙咀想坐得舒服食個下午茶平平哋都過百蚊，路過見到呢間幾乾淨嘅粉麵店就入嚟食吓，起碼周圍都見到有分店應該OK本身見到崩沙腩好吸引，不過限量發售，我五點幾嚟已經賣晒，好彩普通牛腩都有，所以叫咗個秘製牛腩雙拼冠軍墨魚丸米粉 $49 今餐半嘢飲同加菜都有優惠，所以加咗$12有菜心同埋$8有凍豆漿本身都諗住係普通粉麵店，但係都令我有驚喜，首先豆漿同埋魚皮都係獨立包裝，乾淨得令我有點surprise,魚皮好酥脆，食物份量都唔會因為將貨就價變得細細份，尤其是係加$12嘅菜心，有好多點真係夠膽死淨係俾幾條你，所以淨係碟菜，我都覺得要寫返篇食評黎話比大家知雖然唔係崩沙腩，但係冇諗過普通牛腩都整得咁入味，肥瘦均勻，真係冇hea 埸，食完之後已經飽到晚餐都唔使食，呢度抵食，下次可以再試埋其他嘢食

最近天氣悶熱，出到街真係唔知食咩好，咁啱黎到尖沙咀金馬倫道呢頭，枱頭就見到呢間樂園魚蛋粉既招牌，就即刻想入去食下。 佢係好普通既香港粉麵店，但又係最有本地特色既香港美食。 真係自細食開，朋友去完外國返黎都會係第一樣好想食既香港野食。 一坐底梗係問下仲有冇崩沙腩，竟然仲有就即刻叫返碗崩沙腩河先。 要知道崩沙腩都係可遇不可求，仲要好多地方都係差唔多要成百蚊先食到，呢度仲要咁平，真係冇可能唔食。 黎到都係好滿足既一大碗，腩身厚切，層次分明，食落好有牛腩味，又爽口，果然一絕。 而且河粉夠薄但又唔會夾唔起會碎，真係好唔錯。 最正佢野飲凍熱跟野食都係$8，好抵。所以叫左大杯凍檸茶。再叫多左個淨四寶丸，有魚皮餃，貢丸，墨丸同港式魚蛋。 都係好新鮮爽脆。呢間香港粉麵真係冇食錯。

今次去咗一間粉麵店，$49就食到足料魚蛋牛筋河，仲可以加配大大份通菜，性價比超高！店員好熱心，唔怪得知有一班外賣客同旅客食👍🏻✨ 魚蛋牛筋河 $49魚蛋彈牙，大量牛筋炆得軟淋入味，膠質豐富到黏嘴唇，湯底清甜唔會過鹹，河粉吸湯能力一流 ✨ 通菜 +$12加$12就有成座小山咁高嘅通菜，菜葉嫩綠無渣，簡單配腐乳✨ 凍豆漿 $8冰涼解渴，完美配搭濃味嘅粉，$8蚊杯真係街坊價，出面至少賣$12 --- 總括嚟講▪️ 性價比好高，60蚊有找就食到豐富一餐 ▪️ 食材質素唔錯，魚蛋牛筋都係用心製作 ▪️上菜速度好快，5分鐘就有得食 ，另外辣椒油係自家製，嗜辣者必試 呢間絕對係打工仔恩物！下次要試埋佢哋嘅招牌豬手麵

今日去尖沙咀睇戲，睇戲前見時間仲早，所以諗往去食啲野，係戲院依頭咁岩有間粉麵舖就入左去分別叫左個招牌手打魚蛋面加紫菜，再加油菜，同埋梅菜扣肉飯先黎左招牌手打魚蛋面，就咁睇落個魚蛋幾鮮嫩，加埋紫菜搭配睇落幾豐富。紫菜食落都幾香脆，整體黎講，口味比較清新，好合我胃口，個油菜份量慷慨，而且好新鮮。之後黎梅菜扣肉飯，就外觀睇，肉塊肥瘦岩岩好，經過烹調色澤均勻，明顯落足功夫，梅菜均勻咁舖係肉既周圍，吸收左肉汁。口味上，啲肉係軟糯而唔膩，入口即化，梅菜鹹香岩岩好開胃，兩者搭配相得益彰，係一道下飯菜，可以食多幾碗飯。呢間舖頭位於尖沙咀鬧市，食物份量慷慨，而且手打魚蛋爽口彈牙，性價比非常高，十分推薦#樂園魚蛋粉

又喺尖沙咀放飯，想慳錢可又點？就係食粉麵。不過喺尖沙咀呢啲遊客區，想平又談可容易呢？有日同事話佢食過樂園都ok ，咁我又試下啦。$37一碗粉，話平唔平，話貴唔貴。不過驚喜位係，佢個魚蛋係四四方方潮州魚蛋呀！而家真係好少見，通常就算講明係潮州魚蛋，最後都係圓型嘅普通魚蛋。講返個粉，河粉量足，魚蛋魚片夠彈牙，不過有少少實，加左腩汁個粉都夠味，唔使落辣都夠味，不過啲湯略厭油左啲！服務方面，就唔好有要求，坐低即刻問你食乜，唔夠1分鐘，四個阿姐車輪咁行過黎問你食乜。而我見有個位痴住牆，諗住都無人坐到就放左少少嘢落去，我食到中間，有個阿姐叫我還返張櫈俾佢。但當時係有勁多位，到我走嘅時候嗰張櫈都無人坐過。其實如果多客要櫈，我無乜所謂，但，明明就有好多位，點解你要騷擾個客？

呢間做正宗潮州魚蛋粉麵係我尖沙咀既飯堂可以揀得高脂定低脂 平貴 豐儉由人最鍾意平平哋加碟菜 飽肚啲又健康啲（大家都知香港餐廳啲蔬菜幾矜貴）除左得有魚蛋粉、牛腩河呢啲野食，仲有梅菜扣肉飯、蟲草花雲吞鴨腿湯跟白飯等等照顧到唔同客人嘅需要，例如平時同我的大食另一半黎，佢就一定會叫飯啦😎呢到招牌係潮州手打魚蛋，第一次黎會建議試下呢個仲好食過我喺潮州買返嚟嘅白魚蛋又軟稔又彈牙！牛筋雲吞麵 $49湯底十分濃郁，好有牛骨既味道，但又唔會太過咸，無愈食愈口渴既感覺，呢個係鍾意佢嘅原因非常欣賞牛筋！好足料起碼有五六舊，好大舊！煮得夠淋夠爽口有嚼勁得黎唔會太靱或者太鞋口秘製牛腩飯 $54呢個一上枱比佢份量嚇親啲牛腩好大舊同埋好多😨食過咁多間牛腩飯 未試過一間嘅牛肉份量係咁多 佢嘅牛肉係好大嚿，冇乜肥膏 真正嘅啖啖肉 連lur返啲肥膏既時間都慳返雖然後尾發現原來係用咗好多白蘿蔔墊底🤣佢呢個價+比咁多肉而唔係勁多肥膏已經好有良心🫶🏽

今日放假諗住去想食地道野啦 之前都有聽聞尖咀仲有間食魚蛋 腩河 雲吞都平而有水準既店 去叫左碗魚蛋河 一句講哂 真香港人味道 37有碗有水準既粉同熱野（凍飲加4$）係正今既位有今既價已經吾話得，魚蛋魚片彈牙，粉吾淋一條條夾起，湯底鮮甜，雖然冇我係汕頭食個碗鮮（原諒我講廢話），但至少都吾係出邊洗腎水個種味精水，而且湯底都係店到仲有炸魚骨，雖然都係要搭位但冷氣都好夠，37$除去人工水電仲有熱野飲保到水準，真心講句，尖沙咀金馬倫下午茶之王非你地之一，下次再黎試其他

牛腩河、魚旦麵呢類地道美食，隔一排就會想食😌今日黎左樂園魚旦粉過一過口癮牛腩牛肚紫菜河粉麵店最好就係上餐速度快，落完單2分鐘就有得食😌牛腩肥瘦適中，入口唔會柴成日渣，但又唔係好多肥膏；牛肚係金錢肚，非常入味，口感爽口彈牙，河粉雪白爽滑，夾起唔會散，份量亦足夠，紫菜吸晒啲湯，好惹味。另外不得不讚辣椒油同埋紅醋，辣椒油昇華咗成個湯底，而紅醋係有種甜甜地既底味，唔會過酸，係我目前食咗咁多間河粉店最好食嘅一間。脆骨門鱔皮見到呢有呢款特別既魚皮又試食，比起一般魚皮加硬脆，即使浸咗湯都唔影響脆卜卜嘅口感。而齋食唔浸湯亦都好夠鹹香。凍檸茶再飲埋杯港式檸茶，酸酸甜甜，無得輸😌📍 樂園魚蛋粉 (尖沙咀)尖沙咀金馬倫道21號地下C號舖

就在尖沙咀！有樂園魚蛋粉，就在金馬倫道。下午時間去較好，因為有套餐附送飲品😎，可以吃得便宜又滿足欵。門面是橙白色容易看到，環境雖然不算很大，但坐得舒適涼快。這裡有多款港式粉麵，不同配搭也有多款選擇🙈。-熱奶茶 HKD$｜凍奶茶 HKD$4下午茶附熱飲，加凍飲也只是$4，中。這裡有多款港式飲品選擇，不用怕沒有喜歡的🤣。奶茶茶味甘香濃厚，質感順滑感覺奶味較重。個人較喜歡熱奶茶，因為味道較香😝。-樂園四寶丸 HKD$44這個是店家NO.1️⃣的美食，當然要試試看啦。裡有魚皮餃、魚蛋、墨魚丸及豬肉丸。魚皮餃煙韌的質感，肉質爽口鮮味，魚蛋、墨魚丸和豬肉丸的質感彈牙。湯底味道鮮味，裡面的粉吸入湯汁真香。-潮式牛三寶 HKD$56份量十足相吸引的組合，食物包括：牛腩、金錢肚及牛筋。牛腩肥瘦均勻肉質軟腍，金錢肚口感爽脆。牛筋是滑溜溜的質感，膠原滿滿的美食🤤。湯底味道香濃，加配店家自製的辣椒油更惹味。-

尖沙咀樂園魚蛋粉幾抵食魚蛋水餃面魚蛋口感彈牙👍水餃幾大隻入邊包住豬肉和蝦仁🍤皮薄餡多🤗清爽幼面☺️加辣椒油同紅醋口感大大提升小食限量炸門鱔魚皮😍鱔魚皮炸至金黃色😍口感非常香脆😬加$12有一碟油菜🤩新鮮菜心剛好熟透☺️可以點蠔油食😊凍檸茶酸酸甜甜清爽可口😊能夠緩解辣味和油膩感👍夏天飲好解渴😊

今晚想食清淡d, 所以收工同朋友去左TST到食粉麵。好近地鐵站 好方便👍🏻平日見到佢係各區都有分店今日第三次試餐牌上面有好多唔同選擇因為太多餸揀 唔知揀邊個最好我地叫左兩碗，上菜好快手，速食之選一碗招牌魚旦河一碗豬手面魚旦河份量不少，魚旦魚片各有3粒/片，魚旦爽口彈牙，魚片厚度適中，兩款食物都魚味十足💯豬手面汁令成碗香左好多！🤩仲飲品有加配價 抵玩另外想講鋪頭嘅秘制辣椒油好惹味，唔系得辣味，鐘意食辣嘅人可以一試。MENU可見都幾多款野食揀，未夠7點已經full house! 証明品質有保證

來香港，不吃香港最有名的魚蛋粉不算來過香港喔！我每次有朋自遠方來，都會請她吃香港本地人氣王，樂園魚蛋粉！（因為我的朋友們，什麼山珍海味沒有吃過？！）一家開業將近60年的連鎖手打魚蛋，牛腩專門店！我們點了四寶丸（裡面有手打魚蛋、墨魚丸、豬肉丸、手工魚皮餃），食材新鮮，全部香港製造，沒有防腐劑，湯底口感濃郁，據說是用豬肉、豬骨、老雞，每天熬製4-6小時而成的！牛雜正宗地道，加上自家製辣椒醬，非常惹味，口感一流！😂PS：店員普通話說得挺好的！#乐园鱼蛋粉#尖沙嘴美食#牛腩面#清淡饮食

後生男店員 態度好差(可能係老細？)食完麵見仲有位 又無排隊 坐多左陣見佢係面前丟毛巾 串樣埋單勁大力關收銀機 趕客咁 無下次 即刻走價錢唔算特別貴 大碗足料不過食物味道扁鹹重味精 牛筋好硬 唔推薦