麗姐茶餐廳 (已結業)

一直都有去開這間茶餐廳食早餐， 因為個煎蛋實在太好食，而且個出前一丁煮得啱啱好，唔會太林或者太硬，我真心覺得唔係好多人識煮好味嘅出前一丁。換左老闆之後， 都係第一次去食。我係絕對絕對絕對唔會再幫襯，一入去茶餐廳入面，已經充斥著一陣怪味，加上嘢食難食左都算，竟然仲有半隻曱甴喺碗麵入面，係半隻呀！我唔知另一半係比我食左定係喺房已經比人處理左。對呢間餐廳都有情意結，因為有屋企人個名，所以成日去食，希望間鋪唔會比個新老闆搞到結業啦！

如標題，冇下次🤮🤮🤮🤮🤮🤮🤮🤮朝早入到去間餐廳有陣古怪氣味。唔計隻茶杯崩到一忽一忽，你睇啱啱一端上來，杯邊已有好多雜質。如你假設話係啲茶葉屑hi咗落去都算，但係摸下成隻杯嘅質感係有啲千年油漬嘅肥沐沐😱😱😱😱😱😱😱駭人！！一碗麵、雙蛋、多士、奶茶才$28，都算係抵食。但我建議餐廳應改名為「厲姐西餐廳」，因為有西面待應。就算有幾抵食，但坐得唔安樂嘅話，倒不如在家吃包算吧！

有人話茶餐廳係港式文化嘅代表。但茶餐廳都有唔同style嘅。所謂咸魚青菜，各有所好，個人就對一啲舊舊的、地踎感濃嘅港式食肆比較偏愛。由佢門面未裝修，就已經行過麗姐無數次，但偏偏次次唔係已食飽就係趕時間，一直無機會坐入去。今日lunch hour行過，啱哂，嚟個佬飯先！有A、B、C、D、E、F、G咁多款午餐，由蒸鯇魚，到涼瓜排骨到印尼炒飯都有，值得留意係是日午餐仲可以做B、C雙拼-即係涼瓜排骨拼滑蛋牛肉，變咗兩餸飯，都只係加兩蚊啫！佬飯少見嘅玩法，但都唔錯喎！焗嘢系列，往往令人無可抗拒。今日揀咗焗肉醬意粉，加杯熱飲都係43大洋，仲送一大碗合掌瓜湯。有時食焗嘢，等十年都唔嚟，嚟到一食又發現外熱內冷，令人好沮喪⋯⋯但喺呢度完全無呢個問題，焗意粉比想像中嚟得快，面頭嘅芝味香噴噴，肉碎都十分足料，叉到入核心內圍都係熱辣辣的。讚！喺呢個時候，廚房部stereo傳嚟汪阿姐〈萬水千山總是情〉嘅歌聲。雖然舖仔細細，但嗰種地道風味，街坊街里情懷，滿載。

平凡不過嘅茶記早餐。味道不過不失, 但勝在就腳, 價錢還可以。今日打八號, 做完早市佢都休息嚕~早餐$27(外賣)牛肉少少韌, 但唔重蘇打粉味。通粉係烚極唔爛嗰種質地。沙嗲今日比較淡。最近煎奄列煎得幾"工整"入面仲有少少流汁冇以前咁油膩~好彩嘅會係厚包, 唔好彩就2塊薄, 好軟熟架, 但而家唔會烘, 要加錢外賣會幫你落埋糖, 通常都太甜, 所以記得叫少甜/走甜總結: 唔想諗食乜就揀佢啦~~*可以打電話叫定, 去到外賣自取

這天下午我在筲箕灣, 突然下著雨, 加上又肚子餓, 所以好就腳地便進入了呢間名叫麗姐的荼餐廳. 呢間荼餐廳地方唔大, 都坐滿一半人. 我選了一個下午茶炒粉麵飯餐. 下午茶都幾抵食, 有埋飲品, 都只是$32. 我叫了乾炒泰式河粉, 一杯熱奶茶多奶.等左5-10分鐘 , 乾炒泰式河粉終於有得吃啦. 嘩, 碟野熱辣辣   , 香噴噴, 好有穫氣, 亦都幾好味! 原本以為是泰式炒法應該是辣的, 但一點也不辣 .  配菜以牙菜, 蝦仁, 肉片為主, 肉片幾冧幾好味, 河粉炒得也不太油. 熱奶茶的茶也沖得好有茶味, 聞到茶香,  好滑.  雖然餐廳環境一般, 不過呢個$32的茶餐, 卻不算一般呢. 埋單時服務也不錯, 一句 “下次見” 令人頓時感到很親切的感覺呢. 

嗰日去行龍脊，臨出發之前就喺附近地鐵站食啲嘢先啦。咁就求其入依間茶餐廳食，茶餐廳都唔可以要求太高，但依一間真係唔好食，順水地理位置贏咗，夠近地鐵站。我同朋友叫咗個焗飯同苦瓜火腩拼茄子魚鬆飯。佢個焗飯唔好食，個番茄汁做得好一般，我嗰個都係好一般。

是日晚上，一個人來到筲箕灣麗姐茶餐廳吃晚飯。筆者的朋友也知道斑腩飯的最愛，而麗姐的小菜和碟頭飯更是做得出色，鑊氣比筆者吃過的大排檔更高。餐牌的小菜、碟頭飯和炒飯麵選擇非常多，但是沒多考慮便點了時菜斑腩飯（$40）。不消2分鐘，熱奶茶先來，香滑回甘；其實，也很掙扎該否點例湯，用上新鮮材料，也相當好喝。推薦指數：5/5至於主角斑腩飯，在客人多的情況下，5分鐘也有了！出色地方除了是鑊氣夠，魚炸得外脆內軟，還有調味做得對板！相比起坊暑間貨色僅以蠔油調味，麗姐的更會用上少許辣椒搭配薑蒜調味，相當香濃惹味。推薦指數：5/5而且，麗姐的服務也是超好的，和客人有講有笑，是人情味極濃的好地方！

約了好友行山前先去攪早餐，呢間近巴士站，門面殘舊，入內感覺仲舊，因為已同未到嘅朋友講咗地點，所以唔轉，阿姐店員比咗門口卡位，坐得好迫！早餐都係一般茶餐廳早餐，我已經食到怕，所以叫份三文治！食物出菜效率好低，阿姐愛理不理，最後杯奶茶三催四催先到！三文治餐（$24）芝腿治麵包較乾，牛油要加錢，事緣我唔知規矩，又無睇啲細字，落單時嗌咗走牛油，阿姐好冷淡咁講呢度唔包牛油！芝士正常，火腿無煎過！好普通！一般！熱檸茶：個膠杯好嚇人，已經由透明磨到變白色，超殘舊！熱檸茶茶味濃，檸檬唔澀！茶餐廳水準早晨全餐（吉列魚柳、香腸、炒蛋）($28)朋友食，所有食物正常除了炒蛋，又老又乾！後到嘅朋友食：沙嗲牛肉麵（$26）沙嗲牛肉正常，但個麵泡到變意粉咁淋晒！唔知放咗幾耐！差！火腿奄列：個蛋奄列皮可以老到黏唔埋！又老又乾，差熱奶茶：三催四請先出到嘅奶茶（前後足足催咗4次）食物普通，廚房出嘅蛋類食品完全唔得！水吧又慢，樓面阿姐又闊佬懶理！呢餐早餐食到好忟！無下次！

以前好鍾意食依度嘅义燒炒蛋/芙蓉蛋飯因為又抵又好味今日再返去幫襯佢嘅义燒炒蛋飯多豉油（外賣）返到去一開就想噴火由於本人從少唔會就咁食蛋黃所以一定係叫炒蛋平時大家叫開义燒炒蛋正常都應該係义燒連蛋一齊炒但佢竟然俾咗煎蛋我...都算啲义燒分開一舊舊又乾珍珍仲要啲蛋完全食唔到有味因為啲飯索晒啲豉油今次真係跌晒眼鏡唉！冇下次

麗姐呢度有樣好, 就係夠平, 抵食夾大件, 食晚飯最平$29蚊連野飲, 凍飲都唔使加錢, 去邊度搵?今日食左個揚州炒飯, 飲例湯, $35, 不過飽到上心口, 唔好講笑, 蝦又多, 火腿更多。聽聞過呢度係星島員工飯堂, 有成條東大街唔食, 都要來回行多十分鐘過來麗姐逼住食, 就知道呢度真係平得有道理。平野未必無好, 大x樂愈食愈貴都唔見得好好, 麗姐, 我撐你!

由於在筲箕灣工作的關係，經常也會光顧東大街這條有名的食街；不過最令我留下深刻印象的卻是這間位於東大街以外，甚至可以說得上是其貌不揚的茶餐廳，現在已經成為了我的午餐飯堂了！這間茶餐廳空間小，裝修亦很殘舊，就連最普通的硬座卡位也只得廿多三十個，從外看真是一點都不吸引！但奇怪的是無論早、午或晚市都坐滿了一眾街坊，而且來叫外賣自取的人連續不斷，真的使我不得不探個究竟！這天我點了個外賣自取 － 「賣飛佛」的焗粟米石斑飯 + 熱奶茶 焗白汁粟米石斑飯回到公司打開飯盒實在使我非常驚喜：1. 雖然這個焗飯沒有標準的錫紙盒包裝，但溫度控制卻是非常適中；縱使經過十多分鐘步行回公司的路程卻仍是熱辣辣的！2. 石斑塊煎得金黃香脆可口，新鮮得沒有半點急凍的痕跡；魚肉片片就連丁點骨絲都沒有，老少咸宜；最難得的是在這個物價騰飛的世代，$31 一個午餐配飲品，還有這麼三大塊石斑塊，絕對物超所值！3. 飯底加蛋炒得香軟鬆化；即使沒有配菜也足以令人大啖大啖的吃下去！4. 白汁量多而且質感濃厚，微鹹的芝士被焗得熔化透落在白汁之上，配以鮮甜爽脆的粟米粒，實在令人胃口大增！ 熱奶茶熱奶茶奶味比例偏重，正合我意！但值得留意的是這

筲箕灣東大街以食馳名，但並不是每間店都好食，　要衡量店的好味道，不妨以客人「常滿」量來決定。這一間本身是常滿的店，可算這間麗姐。價優料實相信是最重要的原因，味精少、油少、有人情味也是原因，當然，位置少也會造成這種景觀。（全是卡位，好像只有十張）他全具備了，不過，這裡確是我喜愛常到的店。晚上與同事2個人叫左魚香茄子煲及雞煲一起食,魚香茄子咸魚夠香配上肉碎茄子非常味道, 這個雞煲雞肉嫩滑入味, 最深得我心就係佢地配菜洋蔥,蔥,青椒吸受雞既味道,這些全是精華.賣相不算太好，但味道不錯，可食足一碗飯

有時回家前都會喜歡來此店買盒飯回家食, 一般都係叫炒粉麵味道都唔錯前晚突然想食牛利, 所以叫左個粟米汁牛利意粉+凍朱古力($28)其實這一盒意粉份量十足, 絕對可以夠2個女士食.牛利總算合格夠淋又唔會話好薄...可惜個意粉同個汁都麻麻..意粉煮得過龍偏淋身, 加上個粟米汁完全係無味道, 要自行加鹽先較為好.今時今日$28仲包野飲真係唔好要求太多

今日試下好爆人嘅麗X茶餐廳，坐低叫咗個午餐（E）乾炒牛米，等​咗成15分鐘有多先到，但係就變咗星洲炒米。我話係E餐，阿姐就話煮​錯咗，啱唔啱食？我話喉嚨痛。佢就立刻＂黑面＂。跟住入廚房話煮​錯咗，客話唔啱食。過多7、8分鐘出來。碟乾炒牛米咸到無倫，睇​真D佢用番碟星米挑起D火腿，加番牛肉同生,老抽染染色又比番我！見​佢成日＂爆＂滿，重以為有幾棧，劉德華話齊今時今日噉嘅服務態度係未夠!

住左筲箕灣3個月都無話認真去搵下邊度抵食好食-3-今日有個新相識既朋友係柴灣收工話過黎筲箕灣食飯~本來我唸住去佳寶食既,但我朋友行過入去話唔係咁鍾意...佢就同我講話記得筲箕灣近住東大街有間幾好食,原來佢之前成日過黎筲箕灣去教會同D教友都會去依度食飯。我見佢話有好介紹緊係試一試啦;P行到黎原來就係話依間麗姐茶餐廳@_@平時成日行過不過就未入過去食~但周不時都見到好似幾多人咁。今日第一次入去,鋪位唔係大,似係自家生意。全部都係卡位,原來門口收銀上面有部電視添@O@岩晒我依D電視迷^^不過如果要睇環境既未必岩依度,不過依度有D香港地風味^^唔錯!餐牌唔多,不過晚飯既選擇都算齊,雞牛豬魚都有~仲有蒸魚餐添都係35蚊咋!!不過我地大約8點9去食已經無晒蒸魚喇>_<我地叫左2個餸::豆腐斑腩煲,啫啫滑雞煲。等左5分鐘多個豆腐斑腩煲到左,阿姐就叫入面筆2個飯比我地,服務都算OK。個煲唔係好大,但係D餸都唔少喎~好多舊魚!!飯唔算大碗,如果係飯桶起碼要食兩碗。食左唔夠2~3分鐘個啫啫滑雞煲都到左。依度既雞煲原來用叉燒拌碟咖~第一次咁食,味道都幾好,D雞係雞翼仲有D係大大舊雞添!!估唔