麗姐茶餐廳 (已結業)

25蚊生炒牛飯包凍飲好多年前食過, 果陣雖然無鑊氣, 但係都入得口今日行過見入面咁多人, 咪又試下囉而家間野真係污糟過公廁, D食具上面好似有層膠咁碟飯水汪汪爛泥咁, 無粒好米, 根本就係用米碎杯奶茶仲要係酸既, 咁即係趕客啦雖然25蚊算平, 但係煮成咁真係成個筲箕灣最難食果間...

經常和老公到這間餐廳，因為這間餐廳的味道OK，價錢真的很抵 !!!!!以往我會選擇 "廈門炒米"，好多配料 價錢只係＄22（凍飲仲要唔駛加錢）最近改食"焗飯/意粉"，價錢都唔洗$30 仲快過我老公叫果個"土魷蒸肉餅"!!!這家餐廳比較細, 同有點up dup 同 少少dirty 既感覺, 但我呢個頗 "醃尖" 既人都覺得ok, 可以一試 。

食早餐,叫左2個早餐b一個早餐c.等左好耐個b上左碗丁面,仲有煎旦好耐都未黎,咪催下佢地囉,之後過左5分鐘上埋旦,見隻旦煎左1分鐘都冇咁,生到d旦黃流晒出黎,d旦白又半生熟,咁肚餓又趕時間求其食左去囉,點知下午時份黎料,嘔晒d早餐出黎.腸胃唔夠健康的人勿挑戰此店

今次又來麗姐幫襯..原來有我最喜歡既牛利更係一定要試下啦...叫左個蕃茄牛利熷意粉+凍檸茶外賣($25)真係十分抵食又外賣又凍飲都係咁既價錢宜家真係好小地方做得到...這間點算係這區做得又平又好味既茶餐廳.講番個牛利意..味道都ok牛利都算多...如果意粉可以落多d蕃茄增加酸味就會更加好味..

這店都算係我常去既地方..原因係佢地既小炒真係唔錯, 我最愛就係佢地既魚香茄子煲啦...真係一個小菜都可以食到2碗白飯.味道又唔會過咸, 有少少咸魚最欣賞係d茄子又唔會太油都唔錯.不過這店成日都好多人,可能地方小又唔多位啦.

23.10.08 陪人睇醫生前先食個飯，已經八點幾，原本打算近近地去太興，但MENU實在唔吸引。又冇乜時間，費時去到東大街咁遠，朋友話不如行前少少睇下有冇其他選擇，見到『麗姐茶餐廳』，佢話個名好搞笑，見到都ok多選擇就入咗去，估唔到幾 full，最初仲要搭檯，之後見到有人走就shift去另一卡位。入面除咗個環境似８０年代之外連價錢都似８０年代，我個廈門炒米餐只係＄２２（凍飲仲要唔駛加＄）。朋友個鮮茄雞球飯餐都只係＄２５，係咪抵到爛先？1) 廈門炒米 - 最初覺得太甜（一定落咗好多茄汁），不過食食下就都ok，幾開胃，可能啲酸菜balance返。米粉好彈牙，料ok啦，好多酸菜。唔經唔覺我食剩啲酸菜，朋友都話我傻。2) 鮮茄雞球飯 - 個 look 好有中學飯堂啲飯，朋友話OK，飯嘅份量都算少，如果俾男人食一定唔夠。雖然係好平嘅一餐晚飯（亦好耐都冇食得咁平），但阿姐由頭到尾都好nice，又好真咁講多謝，我朋友一踏出門口就講『唔該晒麗姐』，哈哈哈，笑死我，唔知收錢嗰位係咪真係麗姐?!有機會再嚟！

經常和家人去這間餐廳,因為這間餐廳的味道真的不錯我個人最喜歡食的是夏門炒米,因為炒米粉爽口,加上火腿,雞蛋,同蝦,口感極佳而且這炒米的茄汁不太甜,不會搶走整體的味道而其他如楊州炒飯,肉醬意粉及常餐等都交足功課,而且水準發揮穩定,加上價錢十分便宜,所以我通常會委託家人買外賣回來3份Share不過這家餐廳比較細間,服務亦只是一般,而且一到繁忙時間就一定無位,就算外賣也需要花上不少時間等待要食好野就需要一點耐心了

一向有食開呢間茶餐廳,都覺得幾好,但係今日的事件令人十分失望.約3點半,叫一個焗飯外賣,要焗的野預左要等,但係問佢幾耐又話唔知,態度很差.最後竟然要等超過半個鐘,期間問親都用勁差態度話唔知,半個鐘pizza都焗到啦!!!真係好激氣!!!!!!最後先話有政府人員嚟左,所以先咁慢,係咪有政府人員嚟就唔做生意先,係就收鋪啦!!!一係就早d話我知,我唔一定要食焗飯,亦唔一定要食你呢間架!!!阿麗姐!!!