丼瀛 (已結業)

進入冬季又係打邊爐季節，丼瀛都因應天氣推出幾款火鍋套餐。五款套餐分別有齊豬牛羊同海鮮，梗有一款啱食。套餐仲有得揀湯底，配野籃一份同一杯飲品。黑豚肉跟黑蒜油豚骨湯：黑豚肉脂肪唔多，肉質結實有口感，係黑蒜湯內煮熟，唔使調味都好食。野菜籃有冬菇，洋蔥，金菇，粉和野菜，好鍾意佢個黑蒜湯底，又濃郁又香，所有野煮完，夾住黑蒜香味，唔使調味料都夠晒味。天龍卷：擺盤好有誠意，完全貼合個名。三文魚炙燒過，連埋吉列蝦好有口感。忌廉蟹肉薯餅

多謝同係十二月生日嘅朋友仔，呢個識咗17年嘅朋友第一次請我食生日飯？請食飯嘅老闆話事揀咗呢間日本餐廳，本身聽到話要個半鐘離座以為係放題添。雖然簡簡單，但係大家傾下計，飲返杯，都好開心。食物質素唔錯，由其串燒幾好味。座位舒適度一般。每人會送一份茶碗蒸。三文魚腩壽司，帆立貝壽司，阿根廷赤蝦壽司，劍魚腩壽司，火炙左口魚壽司，唔錯。串燒白鱔同牛舌，白鱔夠新鮮，牛舌一啲都唔 韌。牛肉壽喜燒，再另加一個烏冬，牛肉一啲都唔鞋。Sapporo生啤。

今日去到觀塘，梗係要去中海日升中心食野啦，因為以前係觀塘返工，就係知個度有好多餐廳可以醫肚。今次就去左丼瀛，睇來我都好耐無返觀塘食野，第一次見呢間日本野，見餐牌同價錢都幾吸引，入去食返餐先。我地入到去就叫兩客定食，一客係雞排烏冬，一客係刺身飯定食，再加炸蠔。先講定食，每客定食都會有麵豉湯同埋茶碗蒸，最貼心既係兩樣都係暖暖地，唔會太熱亦唔會太凍，令我諗起D貴價小籠包餐廳都係有同一樣的貼心服務，抵讚。講返主食先，雞排烏冬，個雞排足料夠大份，最緊要D醬汁夠入味，簡直係一滴入魂，配埋豬骨湯味的烏冬，夠滿足。而另一客刺身飯，刺身大大份，無hea場，而且個飯上面仲加埋味素，完全岩哂我口味。最後講埋個炸蠔，香口熱度又剛好，咬落去口感十足，夠哂滿足！

係觀塘工廈揾野食揾得多，唔想再同人逼lift， 今次去商業大廈既日式餐廳。店長好熱情介紹食物，其中包括日本直送深海乳龍蝦，我地有揀，仲叫左牛舌，太子醬玉子燒的串燒、天龍卷同一個鍋燒烏冬深海乳龍蝦 第一次食龍蝦刺身 味道同牡丹蝦有d類近 好鮮甜 果然係日本直送值得一試 燒牛舌 呢個價錢有2串 幾抵食火候掌握得好 鮮嫩多汁 唔會太乾太鞋太子醬玉子燒 燒得唔錯 玉子保持到好滑 天龍卷 係炸蝦卷物，面頭包住火炙三文魚 賣相吸引卷物入面有青瓜 炸蝦 上面除左火炙三文魚仲有三文魚子一啖放入口 好豐富 多層口感鍋燒烏冬配料都好多 有天婦羅，紫菜，蟹柳，冬菇同生蛋烏冬口感偏淋 天婦羅都浸淋左 扣小小分下次係觀塘唔知食咩都可以黎支持下好食既黃店日本菜！

黎到工業區既觀塘，比我發掘到一間良心小店💛Lunch Set幾抵食，值得一嚐兼支持💛小店😊！每個Lunch Set已經包括茶碗蒸🥚、麵豉湯🥣、芝麻醬沙律🥗，同埋有一杯野飲跟🥤，所以每一款Lunch Set都已經好豐富！Lunch Set Q) 壽司定食🍣6件壽司＋2件軍艦＋2件青瓜絲卷物＋昆布烏冬🍜刺身壽司最主要都係睇刀功同刺身新鮮程度，食物質素正常發揮😋 咁多野食包保飽肚Lunch Set L12) 燒日本花魚🐟呢個Set有跟3件三文魚刺身同一碗白飯日本花魚煎得煙韌香口，配上白飯完美配搭！🐙章魚小丸子口痕再用優惠價加左個小食😋 佢仲有好多小食可以優惠價叫架

【丼灜】觀塘壽司店，呢間算係心水之一🤓👍🏻💛原本諗住食魚生丼就算，問店員有咩好介紹，自己睇下Menu ，怎知...睇下睇下就點餐叫左：.❇️牛肉壽喜鍋：成鍋熱辣辣，有粉絲/肥牛/蔬菜，份量都唔少。鹹度適中。.❇️天龍卷：好大碟好大件，用上虎蝦，再鋪三文魚魚生+魚籽，比一般卷物大件。「龍頭」係用上蝦頭上漿炸，真係有龍既形狀，成碟天龍卷有氣勢❗️係炸虎蝦+魚生，味道有保證。口細d 都唔可一口咬落去。.❇️炸蝦天婦羅：炸漿唔厚，蝦身嫩滑，沾上蘿蔔溶，好正。.❇️唐揚炸雞：略嫌普通，正常味道，未見驚喜。.❇️串燒：❇️鹽燒雞翼：一定唔會差😆 雞皮燒到脆卜卜，全翼上碟，賣相靚仔。但支竹籤痴肉，拔唔出，要連雞連竹籤一齊用口輪骨。❇️大蔥黑豚肉：味道正常。❇️明太子牆燒玉子：有沙律醬，我Skip 左，無食。..在工廠區都可有壽司食，呢間係唔錯，有保證。

觀塘日本料理🇯🇵 店員服務不錯~ 鋪頭都幾大，座位幾闊 座得幾舒服~ 食物方面 都有哂一般既日本料理 選擇幾多~ 不過冬天嚟到 我哋揀左熱辣辣既涮涮鍋😌❣️#安格斯牛頸脊涮涮鍋湯底係鮮魚湯 ~ 味道幾鮮甜 😙 幾有家常便飯嗰種魚湯味，不過用黎做邊爐湯底嘅話就比較淡~ 個人覺得一般 ，安格斯牛頸脊唔算有驚喜，不過不失 唔太韌 ~而牛肉味都比較淡😊 而野菜籃方面，菜嘅種類就幾多~ 有金菇、豆腐、冬菇、洋蔥、黃芽白等~ 好似好健康咁😊 加埋魚湯一齊煲，令到個湯好甜😋❣#明太子雞翼冇炸皮普通燒雞翼，但係內有乾坤。雞翼入邊釀入咗微辣嘅明太子，熱辣辣😜❣#花之戀係花之戀既味道😂三文魚蟹子沙律醬加醋飯 ~ 三文魚幾厚身😋❣#溫室蕃茄豆腐沙律配胡麻滑溜溜嘅豆腐，甜美爽口嘅溫室蕃茄，加上胡麻醬。嫩滑嘅豆腐喺口入邊入口即溶，加上胡麻醬嘅配合簡直一絕。蕃茄唔太酸唔會太淋，係我鍾意嘅口感。🔺🔺🔺🔺🔺🔺🔺🔺🔺🔺🔺🔺🔺🐷味 道 : 🟡🟡🟡🟡⚪️🏠環 境 : 🟢🟢🟢🟢⚪️💰抵 食 : 🔴🔴🔴🔴⚪️‼️性價比 : 🟣🟣🟣🟣⚪️❣️整體評分 👉🏻 7/10-📍丼瀛 (觀塘)觀塘駿業街56號中海日升中心1樓B號舖🔺

💛好耐冇食過日本嘢喇😍 今日收工同屋企人嚟咗呢間位置方便嘅丼瀛食🥰 呢度有各式各樣嘅日本美食，由壽司刺身，至鍋物串燒都有，一次過滿足多個願望🤩🥗 香桃蟹籽沙律 （$45）首先食個沙律清新口腔🥰 呢個沙律用咗原個蘋果切絲，加上青瓜絲等整成，仲加入香桃，美觀之餘非常健康，比經常外出食飯嘅人攝取返多啲水果、纖維，仲好清新好好味添🥰🦀 甲羅燒 （$68）呢個甲羅燒特別在於佢放好晒滿滿嘅蟹肉蟹膏蟹籽，仲比咗一柆奄春蛋比食客自己撈勻，睇得出真材實料🤩 不過要記得襯熱撈同食呀，會好味啲㗎👍🏻 成個甲羅燒超rich超美味😋🍳 明太子醬燒玉子 （$26）🍢 牛舌 （$48）呢兩串串燒都非常有驚喜🤩 明太子醬玉子咬落有creamy嘅感覺，燒得剛剛好，份量都啱啱好唔會膩😋 牛舌有三片，夠惹味又煙煙韌韌好滋味☺️🐉 天龍卷 （$98）好架勢嘅壽司卷！炸咗個天婦羅「龍頭」、「龍尾」都可以食㗎～ 而中間嘅壽司卷都非常足料😚 上面嘅炙燒三文魚仲好肥美添🤤🥟 雞皮餃子 （$48）第一次食雞皮包嘅餃子！個皮好香好脆，唔錯！🥘 鍋燒烏冬 （$98）呢個烏冬性價比非常高😙 鍋內有超多烏冬、雞球、蝦棒、菜、菇、蛋等等🥰 撈勻

早幾日同朋友黎左依間係觀塘商廈入面嘅日本餐廳，夜晚唔算好多人，唔洗等位😋啲枱幾闊落，環境都幾舒適😛menu上好多選擇，有丼飯、前菜、刺身、壽司等，連涮涮鍋都有😙🔻🍱特上浦燒原條饅魚爆丼 $168呢個饅魚丼飯係超大個😂條鰻魚勁大條😍🔻🦑原隻魷魚 $98呢個份量都好多，味道好夠，魷魚腳燒到少少脆，呢個汁同饅魚丼個醬汁有啲似，不過都好食嘅😜🔻🐟酥炸池魚仔 $48呢個當係小食咁，炸到好脆好香口，用黎佐飯又得，冇骨而且冇魚腥味😁🔻🍣碎三文魚松葉蟹肉卷（4件）$68呢個壽司好食😍最面頭有啲松葉蟹肉碎，下面就係三文魚切粒，入面包嘅都係三文魚同松葉蟹肉，點wasabi食好味😛🔻🍣花之戀（1件） $26三文魚愛好者必叫😍勁大塊魚生，勁多蟹籽😚好食

💥四十幾蚊魚生飯去邊度搵🙉📍 丼瀛｜觀塘📍埋單 $ 4 9#cl觀塘 #CL四圍食 #CL日本野⚪️⚪️⚪️⚪️⚪️⚪️⚪️⚪️⚪️⚪️💟 雙色魚生飯呢日去到已經有幾個人排隊啦🤣見到前面個個人都叫呢個雙色魚生飯，緊係唔執輸叫跟啦🤣估唔到真係幾抵食💛三文魚同鯛魚都有三大件，唔係厚切都叫okay la最緊要係好新鮮🤤仲有大量蟹子撈埋豉油同醋飯勁正😍最後飲埋個暖粒粒嘅麵豉湯就Perfect啦不負責任點評✌🏻好味道🌕🌕🌕🌖🌑性價比🌕🌕🌕🌗🌑回頭率🌕🌕🌕🌗🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

觀塘區除左工廈之外，其實係中海日升中心都好多嘢食㗎！鐘意食日本嘢嘅我見到「丼灜」就果斷入去食喇💛 作為三文魚愛好者，一馬當先點咗一份花之戀壽司作為頭盤先！🍣厚厚嘅三文魚配埋豐富嘅蟹籽同沙律醬，滿足晒三文魚控嘅欲望。🤤之後再叫咗一份蕃茄豆腐沙律作為開胃菜，蟹籽鋪滿晒成個沙律，溫室蕃茄配埋豆腐同沙律菜，點埋個胡麻醬，為我嘅準備食主食胃口熱身。🏋🏻‍♀️趁著天氣凍凍地，今次就點咗佢個晚市黑豚片shabu shabu嚟暖身😝聽店員講佢個鮮魚湯底係真材實料熬製，咁吸引就決定試試佢！🐟飲落的而且確充滿魚香味，而且一啲都唔腥。跟住就落黑豚片烚下烚下，黑豚片切得均勻有致，肉質口感恰到口處。🐷個配菜都非常之足料㗎，大大磚切好嘅豆腐同埋金菇、火鍋菜等等，肉類同蔬菜比例夠曬平衡，食完唔會驚heavy！👍🏻

Sushi set lunch with sushi, maki, miso soup, chawanmushi, udon, salad & drink, fair quality 一早趕去觀塘工作連早晨都無食，到中午餓到腳仔軟，比我搵到呢間日式餐廳醫肚；店內有幾多連豬擺設，那種感覺恍如隔世壽司定食>帶子壽司、蟹籽和魷魚軍艦都okay新鮮，其餘壽司係正正常常。定食包括沙律、茶碗蒸、烏冬等。沙律菜落咗醋食落幾開胃、自己覺個烏冬幾滑和口感有彈性，個湯有昆布味道不太鹹唔錯。杯青蘋果乳酸梳打淡咗啲

☆ 丼瀛觀塘駿業街56號中海日升中心1樓B號舖✦ 香桃蟹籽沙律入面有青瓜蘋果洋蔥蟹柳蟹籽，成件事好爽脆又fresh。✦ 晚市暖笠笠涮涮鍋天氣凍就自然想打下邊爐，呢到個涮涮鍋份量幾岩一個人食，有5款可以揀，我揀左安格斯牛頸脊配鮮魚湯，除左有肉仲有個菜籃，牛頸脊肥瘦均勻，菜籃嘅菜都好新鮮，同埋葛絲好Q彈好食。唔夠食有得追加食物，所以我後加左以下食物✦ 菜肉餃子✦ 粟米✦ 稻庭烏冬✦ 葛絲✦ 白桃乳酸淡淡地都ok(´▽｀)

今日同朋友喺觀塘練完舞之後去咗一間黃到金嘅壽司店❤️由於我哋真係太肚餓所以我哋叫咗九件壽司、四件天龍卷、野菜照燒雞扒稻庭烏冬同埋一件甘栗紫薯餅！九件壽司都非常吸引同埋新鮮，其中有熟嘅壽司同埋生嘅壽司，熟嘅壽司就會有鰻魚壽司🍣其他壽司就有三文魚壽司、帶子壽司、吞拿魚、甜蝦等等。每款壽司都非常鮮甜，而且佢哋嘅壽司飯錯嘅份量都非常剛好，而且飯粒唔會好鬆散😚天龍卷係炸蝦卷壽司，佢有兩大隻炸蝦🍤而且每件壽司都有火炙三文魚鋪在面頭😬這個卷物非常足料，而且佢嘅口感非常豐富，因為炸大蝦非常香脆，但係鮮蝦肉依然非常Juice，而且夠彈牙有咬口！照燒雞扒稻庭烏冬也是十分推介，佢哋嘅照燒雞扒同烏冬係分開上嘅，雞扒嘅份量都非常之大塊，而且佢嘅照燒汁非常香濃，雞扒亦都燒得剛剛好非常入味！烏冬嘅湯底亦都非常香濃，而且烏冬非常掛湯又彈牙！甘栗紫餅都非常可口，薯餅入面充滿紫薯，非常甜而且口感非常綿滑，就好似食薯蓉咁樣非常creamy！

又來到打邊爐嘅季節，觀塘呢間日本餐廳推出左多款火鍋套餐。呢個天氣真係好啱食暖笠笠嘅火鍋，首先前菜我哋叫咗個沙律🥗 油甘魚海膽牛油果沙律，柚子汁相當開胃😬 配搭刺身同海膽好Fresh🤩🤩餐廳主打五款火鍋套餐，有A至D 任君選擇，我哋就揀咗安格斯牛頸脊，再配呢個特色嘅鮮魚湯！每份火鍋套餐都跟一款海鮮或肉類及蔬菜籃，仲送餐飲。安格斯牛頸脊就剛剛好二人份量，而野菜盤就足夠有餘，相當大份。鮮魚湯非常清甜亦都做到奶白色，相當推介俾大家🤤🤤 總括嚟講呢個二人火鍋好啱追求健康嘅你，食到新鮮食材嘅原汁原味，仲可以令你喺呢個天氣下保持暖笠笠🤗