丼日本咖哩專門店 (已結業)

日日搭車都見到LE 間野...所以就去試試得唔得! 我係TEA TIME 時間去的...無咩人...但D SERVICE 一D 都唔掂...無人理你...........我叫左個薯餅咖哩飯 + 串燒豚肉 / 凍奶茶...薯餅咖哩飯好食的...串燒豚肉我食唔出佢係豬肉囉! 而杯凍奶茶係我吹速之下先有的! 我走時幫友人買外賣...但當我返到返公司時..先知佢地比留左份串燒比我!!! 所以佢地D SERVICE 可見係點架啦!

某同兩位同事一齊黎左呢到食lunch，初時見佢門口有人排隊，諗住要排好耐，後來先知果度排隊既當中有人排緊外賣既，排左一陣(5-10分鐘)，就有位，都算快，不過野食等得耐d，拉麵果d都要等20分鐘左右。我要左個新推介--芝士蘋果豬排，果咖哩汁ok，豬排ok，加左蘋果會無咁陋既，但相對少左d香濃既芝士味，極品芝士豬扒咖哩飯d芝士味重d香d。要講講，佢個飯型狀好得意，好似個欖球咁。

幾個朋友累累的從海洋公園返來，這間咖喱專門店占了地理優勢，我們懶得再去其他地方揾食，就就近試試。肉汁濃湯，店家倒是出手大方一人一碗，可是所謂的肉汁濃湯，在我看來更似是速食面的調味粉沖出來所得，滿是味精的痕跡，不喝為妙。野菜玉子咖喱飯：我的餐，食材都是煮的，健康清新；可惜不太喜歡這里咖喱的味道，不濃郁就罷了，還透著澀澀的酸味。，吉列豬扒咖喱飯：豬扒的份量較少，適合女仔食；朋友對炸豬扒的評價還不錯，粉不算厚，肉亦香口。香燒羊架咖喱飯：沒有羊肉的膻味，不過羊架似乎很得朋友喜愛，連帶著咖喱汁和飯全部清掉了。北海道風味拉面，豬骨湯底：又是很健康的一餐，雖然有半融的牛油提味，可惜豬骨湯底實在油膩膩卻算不得鮮美；拉面亦不夠彈牙。價錢平平，都是30-40蚊一個餐，可是質素亦著實麻麻，好在服務態度親切熱忱，賺回了一些印象分。

八月七日(星期四)今日又到Don食lunch,上次都已經是數個月之前了!很味道的白飯,一粒粒的珍珠米…令我回味無窮,終於可以再吃到侍應送到客人的檯!湯就是跟飯的!還記得上次的湯很難飲!...是似粟米沙的物體,但味道卻是怪怪的!今次比上次進步了!似中式的蘿蔔湯,加上胡椒粉,比較辣,渴完有點口渴的感覺呢!Don出色的不是做湯!我覺得如果換上面鼓湯會比較好的!飯就很快送到,可能人不多,上次等了十幾分鐘才有!明顯地效率有進步呢!....四十多元的咖哩飯做得不馬虎!炒蛋是厚厚的,都頗滑!牛腩是放在蛋包內!咖哩汁都是正宗的日本咖哩-甜甜的,少許辣味!....由於牛腩是放在飯內,切開炒蛋,見到四大舊牛腩在飯中,飯吸收了牛腩汁,變得更加香!牛腩都算林!...不錯呢!...老公吃的海老飯,有3-4舊蝦,蝦都算新鮮,有香的蝦味!....下次再試試Don的拉麵!...雖然我還是喜歡吃它的白飯啊!在香港能吃到出色的日式的咖哩飯(以我所知的)有currybee,panda,寶太郎,還有丼…可是我還未試過panda和寶太郎,看來此peak season完了還有另一個peak season呢!

Arrived with my colleagues around 12noon, and it was already full - there were six of us but the only table available were a table for 4, and the bar seats. Ended up we had to split into a group of 2 / 4. I ordered a 海老奄列咖哩飯, shrimps were a bit too dry. Curry sauce taste v. good. My colleagues ordred BBQ pork Ramen, Curry chicken with rice, & Curry beef with rice, they all said the food taste OK. Price are cheap for a restaunrant in Admiralty. Around $40 per head. For service, there are still ro

早咗少少出去食Lunch，所以唔洗排隊等位。我最怕要自己排隊買票然後取食物嘅餐廳，去到《丼》見到要自己買票已經大打折扣，不過，好在唔洗自己攞食物，有人送埋嚟，咁就可以舒舒服服坐喺度等食喇。海老奄列咖哩飯($42)，上網粗略睇過介紹呢個飯好食，所以就試吓。將塊蛋蓋上飯頂便是奄列飯？海老有啲乾，肉質較“鞋”，飯就硬硬地。蛋好滑，仲有蛋汁，咖哩都好香好好味！我係一個鍾意食餸多過食飯嘅人，食食吓覺得好齋。蒜汁雞扒咖喱飯，同事話同普通雞扒沒有分別，而另一同事話人哋主打係食咖哩嘛！極品芝士豬扒咖哩飯($45)，同事話好好食，本來我想攞佢啲嚟試，但見得幾塊咁少，唔好意思食食食吓望到玻璃櫥窗外有好多人排隊，而我哋又坐近櫥窗，店員更是勤奮不堪，只要見你放低餐具，不出三分鐘內就會嚟問你仲要唔要，然後收走啲嘢，效率快過各大連鎖快餐店，基於上述種種壓力下，無可能食完飯仲厚住面皮坐喺度吹水唔走。下次我要試極品芝士豬扒咖哩飯！！！

近來間歇性的大雨，真的頗令人討厭。眼看雨勢不會那麼快便減細，只好在附近的餐廳用膳。尤記得上次來這店時聽到旁邊的OL提起拉麵不錯，還不能吃刺激性食物的自己，也就選了再來光顧一次。雖然有撐著傘子過來，但是大雨仍把膝蓋以下的部份弄濕了，實在是狼狽不堪。一如以往因為早外出用膳，店內只有一檯客人而已。看看菜牌便到門口的收銀處點食物，今日則要了一碗北海道豬骨拉麵和一碟鹽燒牛舌。這碗拉麵幸好沒有甚麼"古怪"東西，雖算不上是完全正宗，但也非港式。湯底豬骨味不算極濃，但入口順滑有微微的鮮味，算不錯了。叉燒則有點硬及嚡口，完全跟鬆化拉不上關係。麵身比較爽口有彈性，因為有過冷河的關係，而且沒有梘水味，這拉麵算合格了。至於忍不住要了的燒牛舌，一碟有兩串。是即燒而不是用炸的，在上面灑上了一點點鹽和黑椒，味道當然不會是上等，但也非常香口惹味。以$20的價錢來說，算是貴了一點點但在可接受的範圍內。想不到終忍不住破戒吃了"熱氣"食物，希望沒有影響病情吧~

在上星期的一個下雨天, 相約女朋友到這間新開的店鋪吃咖哩飯, 這店位於金鐘, 由 Office 行去可以唔洗開遮. 入店鋪前要經過一小段冇瓦遮頭的地方, 攪到把遮有少少濕, 咁個職員就要我地放係門口唔可以放入黎.鋪頭以半自助形式, 去 Counter 買飛俾錢, 佢之後會送到你枱面. 我叫左個咖哩芝士豬扒飯, 女朋友就叫左咖哩魷魚飯. 飯未到侍應先送上一人一個肉汁濃湯, 顧名思義, 得汁冇肉. 味道都不錯. 等了十分鐘到, 飯終於出現, 飯粒係珍珠米, 唔知係唔係我有問題, 我覺得個咖哩汁, 甜得黎有o的怪味(唔知點形容, 我覺得係香口膠味), 塊豬扒好乾身, 乾身到冇乜肉汁, 一舊舊芝士同塊豬扒格格不入, 反而個魷魚幾好食.

經常鍾意周圍食, 有得揀通常都盡量唔翻兜, 奈何0係有限 budget 之下要食得好 d, 金鐘 choices 實在比較少, 結果今日又同同事們0黎食咖喱了, 唔爭在0黎個「一餐一評」 見「咖喱海老蛋包飯」($35) 0係 menu 上的相片好吸引, 叫了碟試試.實物賣相同圖片大致一樣, 不過我0個碟塊蛋係穿了個洞的, 印象不禁打了少少折... as expected 呢個唔係蛋「包 」飯, 而係一大塊煎到圓形的蛋, 成張被咁 kum 住一餅圓形的白飯, 叫蛋「蓋」飯會比較貼切. 不過 d 蛋整得 ok 的, 雖然蛋香一般, 但幾滑, 仲有蛋汁; 面頭0個 3 隻蝦食落爽口, 咁0既價錢叫做交到貨啦; 咖喱汁同白飯就同上次差不多, 今次唔講咁多. 亦唔知點解今日全部咖喱飯都有蛋花湯送, 味道清清的, 有少少似平日0係日本餐廳食蒸蛋0個 d 湯底, ok 的.其中一同事叫了個唔知乜0野牛肉拉麵, d 湯底望落好清0下, 唔知好唔好食呢? 我都想叫佢 d 拉麵試試 -- 如果短期內又翻兜的話!

落雨濕濕搞到無晒「灣仔快閃」0既意欲, 唯有乖乖留0係金鐘, 0黎試試呢間原為仙跡岩的新開日本咖喱店. 一行 4 人堂食, as expected 多人到喊, 但出奇地只等了 5 分鐘就有 4 人窗口位, 真係好彩. 0黎到「日本咖哩專門店」當然食咖喱啦, 要了碟咖喱吉列雞扒飯 ($37) 試試.呢度係 food court 運作模式, 即使有位坐都要出 counter 買飛, 好彩好快就有食... 雞扒炸得金黃, 炸漿夠薄夠脆, 雖然係雪0野, 但唔會有雪味, 食落帶少少肉汁, 算唔錯; 咖喱汁偏深色, 日本咖喱0黎講味道唔算甜亦幾辣0下, 帶少少酸, 同之前九龍城廣場「銀座二丁目」的差不多, 唔多鍾意.同事們則食了賣相唔錯, 份量又幾多0下的拉麵, 話 d 麵條好食, 唔會腍 bad bad 云云, 唔知湯底味道如何呢?環境好似大家樂 / 大快活, turnover 快店員們執檯更快, 幾乾淨, 而且咁多人都唔會好嘈, ok 的; service 亦 ok, 所有0野都去得好快, 完全切合金鐘上班一族0既要求.雖然味道一般, 但竟然可以 $40 有找0係金鐘「日本餐廳」食一餐,

昨天中午來這家咖哩店時有兩大發現：1. 他們星期六的上菜速度比平時慢十倍。2. 他們的特級芝士豬扒咖哩飯的豬扒很硬！豬扒硬得非向侍應取餐刀切不可。即使有餐刀，豬扒亦很難切和很難消化。咖哩汁則不錯，若有多點送飯更好。這店子的服務態度十分不錯，星期六他們樓面只有一位侍應，所以上菜難免慢和有出錯，但侍應以禮貎的笑容道歉，無損我們用饍的心情。

13/6 上次食完 ..... 感覺良好~今次食泡菜拉麵~ 都 ok gei~ 可以佢係以咖哩做賣點, 拉麵始終都係差 d d朋友點了咖哩海老蛋包飯~~ 呢個真係幾好食p.s 過左 12 點之後就唔好黎~ 要等位 ... 都唔係短嫁~

lunch 早放, 行行下搵到呢間野 入到去可以揀位坐12 點之後黎就要排隊~同朋友點左 2 個咖哩飯d 咖哩都幾甜 .... 辣度我接受, 但朋友唔食得就覺得辣左 d wo芝士豬扒都幾夠 cheese .... d 汁岩岩好拌飯~ 蘋果豚肉卷 --- 豚肉 "鞋" 口左 d d p.s Manager 個 service 好好, 招呼好好 12 點前 order 有 85 折

試了咖哩炸豬扒和咖哩炸雞扒，咖哩內加了些水果，感覺不錯。但炸豬扒和炸雞扒就非常麻麻，最近大家樂的日式炸雞扒水準比此店高出很多倍。不過，以此價錢在此區來說，又有位座，算可以接受。

4月28日, 去金鐘睇戲, 喺openrice揾下金鐘有乜平野食, 揾到新開咗間日本咖哩, 價錢唔貴之餘仲好似好特別~ 一於先食為快! 黎到原來係地舖, 喺正元氣隔離, 我地唔知頭唔知路上咗去1,2樓, 好彩最後都揾到~ 好似快餐店咁要先買飛, 跟住可以坐低佢地會拎個餐黎~ ::: 蕃茄咖哩飯 + 吉列豬扒 + 牛肉薯餅 ::: $49自由配搭既咖哩有3種: 普通, 雜豆同蕃茄~ 另加自選餸, 我地揀左店舖推介既吉列豬扒同牛肉薯餅…… 有好多咖哩汁, 蕃茄雜豆令到個咖哩好豐富, 甜甜地, 撈得晒成個飯~ 吉列豬扒幾好, 唔乾身之餘個皮d炸粉唔會太多, 好少好似哩個咁食到有少少肉汁~牛肉薯餅就冇乜牛肉, 個皮同d薯仔竟然係分開的~ 同埋個皮同吉列豬扒唔同, 有d硬, 炸得太耐既感覺~ 隨飯付送肉汁濃湯, 顧名思義, 冇肉, 得肉汁, 有d蛋花, 食完都有d開胃, 因為未食肉, 個口已經有肉味…… 特別注意** 係可以免費加大飯~ 好夠我地2個人食~ $50唔駛完全覺得超抵!服務都好一流, 態度好日式好恭敬, 可能新開卦, 想留個好印象俾人~ 我地都覺得哩間之後會多人食, 因為對正海洋公園