丼日本咖哩專門店 (已結業)

個日同同事去完力寶軒做野做完野, 因為大家都長期糧味, 唯有搵間平平地O既啦行行下發現左又係DON, 因為上次經驗OK所以就入去再來一次~~~~今次發現原來有RAMEN, 似乎OK經理姐姐話九州RAMEN 值得一試, 果然唔錯,, 最緊要湯底丫麻~P.S. 一間餐廳, 除左一流食物SERVICE真係好重要只可嘆息,呢度D人SERVICE真係麻麻...好在仲有個姐姐識笑識答下我地問題JA.....

由於星期五要當值關係，午飯時間推遲了一小時，剛好可以到『丼』試試日式咖哩，由於人潮已過，到達立即點了芝士豬扒咖哩飯($35)，附送清湯，再找個吧位坐下，欣賞師傅整拉麵，個對煮麵專用的大木竹相當特別，看來這間咖哩專門店應非浪得虛名吧~等了接近十分鐘，一個賣相相當不錯的芝士豬扒飯終於端上來了，侍應解釋其實佢地做錯 order，這一客是極品芝士豬扒咖哩飯($44)，我當然唔會介意這免費 upgrade 呢! 究竟極品及普通版的芝士豬扒飯有何分別呢? 照餐牌看，普通版的芝士是在豬扒外的，極品則是釀在豬扒內~一大盤咖哩飯，先吃點紅色的前菜，甜甜酸酸，開胃! 再盛了一口珍珠米，加入咖哩，味道甜而不辣，唯咖哩本身的確比較稀，切勿以港式咖哩食法看待此咖哩飯 (即直接將大量咖哩放在飯之上)，絕對影響珍珠米的質感! 飯一口一口的吃，再試一試芝士豬扒，炸豬扒外層鬆化，但與內裡的芝士有一點格格不入，最後我還是分開了芝士及豬扒，芝士沒有溶在豬扒裡，可惜! 但總的來說，這裡的咖哩飯以 $35 的大眾價來說，是金鐘一個不錯的選擇，只是店舖座位太少，食物即點即製，午市總有一條長長的人龍，要在繁忙時間中在這裡慢慢品嚐

之前同事們話親食日本野通常都會揀四季(快餐店那邊), 因為價錢平(約$50)又好食... 呢間餐廳就俾咗我地多一個選擇.. 價錢平四季少少... 野食又ok.. 不過只係成日都好多人.. 要等位.... 今次帶咗三位同事一齊去, 我主要目的係試佢的拉麵... 叫咗個旦拉麵, 出黎個樣果然同相的差唔多一模一樣.... 個湯底超好味, 碗麵亦都ok大碗.. 食咗大半已經飽.. 但係個湯實在太好味, 最後都將成個麵連湯食晒.. 不過, 唯一美中不足的係佢隻旦旦個心仲係凍.. 就算浸落個湯到一陣, 食落去都係有D凍.. 不過佢個咖哩飯真係好抵食.. 由其對於一個大食的人, 因為佢可以免費加碗飯... 雖然今次黎同事們都無得再玩係門口個部自動售賣機(開張頭一兩日我玩過), 令到佢地有D失望.. 不過, 食完個個都好滿足咁行番公司..

星期五同一班同事一行六人去試下新食店 (因為又有多一間選擇)點知十二點半已經要排隊了...等了大約十分鐘左右門口有位便服女仔同問我地是否需要一起坐好奇怪...之後我向她說要一起坐...可以叫多幾款一起食 又開心D呀佢便說可能要等耐些少之後佢真係可以安排到我地一齊坐,好嘢!!原來等完位, 仲要再排隊買食物之後, 我地叫咗三款拉麵 (因為門口的女仔介紹) 1) 九州拉麵 (朱骨湯) 好味 無味精2) 牛肉拉麵 (麵豉湯) 肥牛唔老 OK3) 蚧皇拉麵 (清湯) D蚧柳不是平的貨品 有鮮甜味 正三款咖哩飯 (仲可以免費加飯) 抵! 大約每款三十幾蚊1) 芝士朱扒咖哩飯 - 有芝士流出嚟 好味2) 漢堡牛扒咖哩飯 - D牛差少少 3) 雞球咖哩飯 - D雞好滑 但少D得四粒 唔夠分仲送湯 (蛋花湯) 麻麻 仲無得CHOICE三款小食 (味道普通 無特別)1) 雞翼2) 炸雞軟骨3) 沙律總結拉麵出色 (個女仔無介紹錯 正)咖哩OK (芝士朱扒 GOOD ! 漢堡牛肉 麻麻! 雞球 夠滑 OK! )小食 普通 價錢 平

這日式咖哩小店開業了快一個月，今天才有機會過去嘗一下。到達時大約是十二時半，但在外已經有一條小小的人籠了，而80%都是附近上班的OL們，感覺好像頗受歡迎似的。因為只有我自己的關係，剛好遇到有一個空位置便不用等候直接進店裡去了。座位方面不算太迫夾，算是可以接受的。這裡除了咖哩之外，原來還有拉麵跟4種湯底可以選擇。於是我要了一個吉豬咖哩飯+牛肉薯餅+加勒比海沙冰。吉列豬扒的樣子頗吸引，出層乾身而內在可以看到一點點肉汁在流出來。它的炸粉比較硬一點，還好豬扒的肉質很有咬勁，但未至於過於煙韌的地步，這已算是合格之作。咖哩方面比一般日式的辛辣一點，甜味也較淡，不過這樣做法頗讓人有醒胃的感覺。再來的牛肉薯餅，炸粉跟吉豬的一樣，味道方面不知是味蕾有問題還是甚麼，總是吃不到薯仔味道和牛肉味道，這道菜不太合我口味。至於飲品，味道是菠蘿+椰子汁，但喝下去時卻有點點像益力多般，酸酸的味道頗合今天炎熱的天氣，十分解渴~一碟咖哩大約只要三十五塊左右，在金鐘這地點算是十分便宜了，加上又有拉麵可以選擇，這店頗適合跟同事一起用膳和多試幾款式。(最後才發現，原來侍應忘了給我那個濃湯........)

今日公司同事話試食, 於是去買外賣, 我地叫左蒜香雞扒咖哩, 另外叫左個吉烈雞扒咖哩同埋芝士豬扒咖哩, 因為是外賣, 我12:25到. 有好多人排緊隊堂食, 於是我同個waiter話要外賣, 佢話如果唔係叫指定set lunch要等15 ~ 20分鐘, 我覺得好耐, 問佢可唔可以快點, 佢話盡快, 我等左一個字左右, 因為外賣, 所以無睇佢有無比錯我, 返到office發覺無左吉烈雞扒, 芝士豬扒變左就咁豬扒, 比多左個蒜香雞扒咖哩, 不過算啦, 無謂返轉頭。每個飯都會跟一碗蛋花湯, 個人就唔係咁鐘意飲, 因為無乜味, 個飯同d咖哩汁幾好, 但吉烈就唔脆, 好似炸左好耐同埋得四件, 份量太少了….在金鐘區呢個價錢都算平, 可能咁, 份量不會太大, 女士會比較岩, 男士可能就唔夠飽。　

食左魷魚咖哩飯,吉列魷魚份量不多,但又真係幾好味,飯加左大,有多一細碗,食完太飽.如果細食就唔好加大飯.其實本身已經份量好充足.至於個湯味道就普通

四月十八日(星期四)同老公仔同同事一齊行過黎試!好多人,不過都算等得唔耐!5個人都幾快有位!不過可能新開啦,同埋我地都覺得個system唔係咁好,因為叫完野食,佢都唔知我地坐o係邊!所以都幾混亂下!我叫左咖喱魚柳飯,d咖喱汁辣辣地,都醒胃,而魚柳都新鮮炸的,外脆內多肉!好味!不過值得一讚既都係佢個飯真係好味!佢話有220g,仲話免費加多180g tim!下次要加大!ha,因為我好中意食飯!而老公叫左個豬肉丸咖喱飯,我試過都不錯呢!佢地送既肉汁湯就唔好飲lu!同埋都幾多choice,又有拉麵呀,小食!當然佢地應該係咖喱出名d啦!呢個價錢都算不錯呢!如果各位o係附近番工都可以一試!^^