丼日本咖哩專門店 (已結業)

在金鐘工作已有年多,一直沒有發現遠東地下的Don-Curry。直至一日跟老闆lunchtime路過, 唔洗等位堂食才試了一次。堂食印象麻麻，因為我們都不吃招牌芝士吉列豬排，其他烏冬便當以每位$60-$80的價錢來說實在失色。外賣lunchbox還是可以考慮的，雖然每日只有三款選擇，不過包罐裝汽水都只是$32，大家樂隨時貴過佢。Pros：價錢平，主菜及珍珠米的質素可接受，及省時 (唔洗排隊俾錢, 10分鐘左右飯盒便到手，有時更快)。 Cons: 款式少及普通，門口帶位非常粗魯，以及飯盒質素時有參差。兩星期前的照燒雞排lunchbox今日的照燒雞排lunchbox算啦，係金鐘返工，都預咗lunch係無乜選擇，唔應該太挑剔。總括來說呢個lunchbox都係個不錯的選擇。

同同事都唔想排長長元氣, 就轉左入去食咖哩拉面烏冬飯!好野, 唔洗排隊係main point, 不過要同人答枱囉~吉列鮮蝦芝士石煱湯烏冬---好快上枱喎新鮮熱辣勁沸騰烏冬滿碗好煙韌芝士湯底夠杰身炸蝦三只太厚粉凍美國咖啡---太淡口喇, 又唔係好夠凍喎~另加18蚊要左多春魚點知一上枱, 見到有4條, 嘩~好少囉!好似貓魚咁細條, 又平平無奇!尋日先大風大雨一.一今日就勁好天勁晒我地坐正係window-side, 真係晒死左!真係一路食, 一路係咁滴汗, 成身都熱辣辣, 再加埋個熱辣辣烏冬真係火上加油!!!

近日空氣質數極差,連午飯也不想行得太遠,已有一段時間沒來過這裡吃飯,原來已略為裝修翻新過,由以往的半自助形式改為坐下點餐.網燒牛扒咖喱飯----同事的選擇,因賣相不俗所以借來拍照,之後再引來強行搶掠,一貫帶甜味的日式咖喱,牛排肉質雖是平凡但處理得宜表現已算不俗!吉列鮮蝦芝士石煱湯烏冬----如果是冬天的話看見這個,就算未試味道也會被這賣相吸引!上檯後放了五分鐘依然在沸騰,烏冬入口咽韌,芝士湯底調校得很好,不會太咸太杰.如果將那幾隻蝦分開另外用碟上會更好!因為總覺得吉烈食品浸湯的話,出來的效果是絕不討好!凍咖啡----淡的味道很適合自己.其實這店在金鐘來說已算不錯!起碼不用排大隊等餐懵都未坐得低,(如果午飯時間要花一半來排隊等食的話都咪話唔慘!)出品也總好過咐近那家"日式車仔飯"吧?

日前與同事來午餐, 我們點了九州拉麵及芝麻芝士豬扒飯套餐, 拉麵上檯時很香, 而豬扒飯因不是午市套餐所以製作需時, 等了很久才到; 芝麻芝士豬扒的味道尚算不錯只是不知為何芝麻會由相片中的白芝麻變成黑芝麻了? 由於我很喜歡吃芝麻所以都沒所謂了, 不過若豬扒的肉質可以再鬆軟些就會更好。 另外要再扣分的地方是沙律有些苦澀味, 這様好大可能是没有放在雪櫃裏而變了, 這就等同魚生放在室温下, 後果可以是很嚴重的!!!!!!! 很可惜, 這個不敢想像的後果就真的發生在我和同事身上...............我們回公司後不久都相繼出現腸胃不適………!!!!!! 記得埋單時送了一張餃子coupon, 我相信應該用不著了, 因為不敢與自己的肚皮作對!!

N 世紀之前去 - 2008年 8 月 去既諗主好好食。 專程利食。 點知一個人都無見到有個open kitchen.幾乾淨。 choice 都好多叫左招牌芝士豬扒咖哩飯 同埋薯餅唔記得要唔要等好來太耐以前我記得好奇待食佢知到佢哋芝士豬扒咖哩飯係出名總如到啦﹗ 熱辣辣。 點知。。芝士係流出嚟 但無乜芝士味豬扒好唔鬆化 - 一般咖哩好似係supermarket買返利知己整個d咁我之從個次之後 無再返去無乜突別個位又唔就手

叫左個吉列芝士豬扒咖哩飯～熱辣辣～食個陣ｄ芝心好似想流出黎咁～好好味～～～～～～～金鐘黎講個價錢都唔算貴ｇｅｉ．．同埋好少可吉列豬扒裡面有芝心．．好少地方食到～有機會會再黎

和朋友一起進餐: 叫左:吉列芝士火腿豬扒咖哩飯(轉奄烈) x 1網燒牛肉咖哩飯(轉奄烈) x 1一個小食 - 雞翼環境: 狹窄, 坐位仲細過茶餐廳d位 (係唔係日本仔都特別細粒呢?)主菜: 味道不錯, 但份量太少, 咖哩汁亦太少(已經份量少,仲可以唔夠汁=.=")雞翼, 嚴重出血, d血汁仲要流入個盤度, 如果你鐘意食生生地又唔怕見紅, 呢個小食o岩哂你!服務: 叫添咖哩汁叫左三次, 要成15分鐘先有人俾到...一起叫既兩個主菜等15分鐘來一個之後再隔15分鐘先來一個...小食係我地食完飯先來...第一次叫既小食漏左單...買單 : $125每人: $62.5個人感覺: 唔會再來!

與一家真正的咖哩專門店，距離著實不小。那天一行三人，在海洋公園玩個痛快，六時園區關閉，乘車就來到金鐘了。嗯，這家咖哩專門店看似挺專業的，外牆上大字書明三十塊的咖哩雞排飯賣相不賴，而且裝潢挺好，就進來吧。誰知……「有三十塊錢的咖哩雞排飯麼。」「那是中飯時段外帶的呢…」心先涼了一截。一看菜單，甚為驚嚇，不放下五十塊錢，別指望走出這所店！茶剛喝進口裏，已經想吐出來離座，奈何兩位友人說價錢還好，我也不便作聲，把怨言跟茶一道灌進肚子裏去。好吧，把菜單翻爛以後，決定點吉列芝士火腿豬扒咖哩飯。咖哩挺一般的，恕我品味低下，沒能吃出什麼特色，也許普通、不濃不淡正是它的特色吧。吉列芝士火腿豬扒倒是有點喜出望外。吉列的外皮香脆可口，豬扒是一層一層的，把豬排這樣切就能做到鬆軟口感、還有大口肉大口肉吃下去的滿足感。起司挺香濃，火腿該也是正常的超市貨源，但是起司、火腿、豬排三者拼在一起，如同發生化學作用一樣，頓時便得味美了。飯拼成一個柳葉形狀，挺怡人，份量卻少。服務員懶洋洋的，加水得三番四次的催促。以$45的價錢，有點感到不值。

一個平日夜晚黎食個quick dinner.試左個店長推介的蟹皇蛋包咖哩飯. 咖哩少少辣, 味ok, 但冇expect日式咖哩的甜味. 汁可以再多d. 唔欣賞塊蛋. 蛋包好似冇蛋黃的. 齋蛋白冇有蛋黃的o甘好味, 亦因為o甘塊蛋好多隆隆, 鞋~蟹柳份量可以, 好在好有蟹味. 上面有兩小片日本酸薑, 同成碟野個味好夾. 如果多幾塊就好了.一至五夜晚有八五折. 有玄米茶供應. 埋單只係38蚊. 不能要求o甘多.

今日中午專登去試佢概咖哩.....蒜香雞扒咖哩飯:雞扒煮得恰當但味道普通,咖哩汁太咸,咖哩香味欠奉....反而朋友點概燒汁雞扒烏冬較出色,燒汁幾好味、唔太咸,烏冬尚算彈牙....朋友點概網燒牛肉烏冬都okay,牛肉keep到有肉汁、淋身,但烏冬份量比較少......串燒豚肉亦太咸,肉質(拿)得有點散冇口感....凍咖啡:多奶又多糖水勁甜,似杯凍奶水,好彩待應肯換果杯,不過都係冇乜咖啡味,可能係咖啡本身品種問題,建議飲凍檬荼好D！

上一次lunch黎食吉列芝士豬扒咖哩飯, 印象唔差~今次再黎食dinner, d食物都唔錯!2個人order左:吉列芝士火腿豬扒咖哩飯同上一樣好漏 但我鍾意咁芝士~ 個咖哩飯就差左d咖哩味, 反而好重梅子味…怪怪地~網燒牛肉烏冬竟然呢樣俾到surprise我~上次試過拉麵唔ok, 所以都唔太想試烏冬!估唔到又幾好wo!!D牛都唔錯! 夠林得黎有肉味, 用左黑椒燒更加香! 鹽燒鯖魚燒得唔夠乾…有d水味…怪怪的…成餐飯食完得都好地地…但… 最後飲左啖個度provide ge茶 嘔…個杯洗唔淨…有口水味!!! D野幾好食都無用…

尋日lunch b泡魚要出金鐘做野關係, 於是約打令令一齊食個lunch先~打令令建議試呢間咖哩飯, 我無所謂, 最緊要食飽飽.去到餐廳門口已12:45了....嘩..入面已有好多人入坐, 好彩, 我地得2位..好快有位入坐了...打令令叫了吉列芝士豬扒咖哩飯, 炸豬扒唔乾..但可能有芝士關係, 好似好漏咁...b泡魚叫了蟹肉咖哩蛋包飯, 唔..蛋包飯入面都幾多蟹肉既..可惜係塊雞蛋皮..唔滑, 又乾..好老呀~ 我和打令令都覺咖哩唔算太差..但比起台北西門町既蛋蛋屋...呢間, 差好遠唷~

四月初十‧開始熱 喜歡吃咖哩，獨不愛日式咖哩，因為總覺不是咖哩來的。不過不愛還不愛，總會有吃的日子，如是日，來金鐘找朋友吃飯，就因為附近沒有什麼其他東西好吃，就兩個人來吃日式咖哩。 這裡人不少的，午市時份，二人也要等近十分鐘才可以進座。對薄薄的吉列豬扒沒有興趣，卻發現有咖哩牛腩，很有趣，就來個咖哩牛腩蛋包飯。 這裡的蛋包飯是只是蛋皮包飯，而非正宗的蛋包飯，也不見怪，在香港也只能如此。扒開蛋皮，內裡的飯不少，但為何不見牛腩？原來就有幾件藏在飯裡面。牛腩是全廋加一邊是肥油的類型，廋的那邊幾韌，而肥油的那邊就當然甘香。咖哩是濃濃的，沒有什麼辣味及香料的味道，也不是甜甜的類型，感覺很「咖哩磚」。還好米飯是珍珠米，粒粒飽滿肥潤，配合起濃濃的日式咖哩，也算是好吃；餐還有味噌湯一小碗，當然不是什麼好貨色，也算了吧！ 餐沒包飲品，就要了杯Americano。淡淡的，叫做有杯咖啡到肚。 埋單62蚊，不便宜，但在這一區，也是如此。

趁住冇工開，去海洋公園玩。到金鐘，搵間食店醫下肚... 記得之前寫過荃灣分店，那時給的是 ok，因為佢環境較暗，食物一般，咁又睇下金鐘分店又如何了。兩個人，叫左兩樣野: 鰻魚烏冬、日式咖喱豬扒飯 鰻魚烏冬: 鰻魚和烏冬分開上的。鰻魚醬料比一般的濃味，但幾好食的... 不過，如果鰻魚可以大條少少便更好﹗ 而烏冬係豉油湯底，好香芝麻和蔴油味。豉油湯底都唔錯，但唔同一般較清既，佢既豉油味幾濃的。烏冬尚算彈牙，但唔好 expect 會係讚歧類烏冬，有時都會見到 d 烏冬有想斷開既情況。 咖喱雞扒飯: 雞扒又香又脆又 juicy，好味﹗而 d 咖喱唔算好香，但惹味得黎唔算好辣。之不過呢，咖喱汁略嫌少一點，如果多少少會更好。舖仔同樣地屬比較細，但這兒的環境比荃灣的光猛。而且在 12:30 前埋單會有八五折 (全單)，折左每人 $38，真係幾抵食。

汁好夠 最開心有芝心豬扒夜晚八點幾仲要無人食 唔洗同人迫