丼吉日式吉列豬排專門店 (新城市廣場一期)

营业中

休息中

之前食過九龍塘果間好唔錯，嚟開沙田就順便再食，水準一樣咁高👍🏻一樣係自己磨芝麻🤣消磨時間好玩意，人手磨真係特別香口👍🏻👍🏻👍🏻🐷鹿兒島厚切豚肉定食豬扒外脆肉嫩，炸漿好薄，唔會覺得油膩😋真係夠厚👍🏻🍤吉列大蝦定食大蝦好新鮮，炸完都仲好爽口彈牙👍🏻👍🏻👍🏻炸蠔就一般，可能因為我鍾意食生蠔🦪多啲😂無限任加椰菜👍🏻👍🏻👍🏻仲有水果清口腔😋價錢係貴啲，但物有所值👍🏻

我記得以前好喜歡到世貿嘅とん吉，我估當年他們把日本吉列豬帶入香港，慢慢有吉列牛、吉列蠔 同埋好多椰菜。今日路經沙田入去食，雖然上台嘅椰菜少左（不過仍然可以免費添食)，今次令我印象深刻的是服務水平。好耐冇captain 會過來問下好唔好食，最緊要是真的感覺到他有心想看看顧客的反應。不只是captain, 其他員工問他們要啲乜 都感受到他們想服務好客人。小位譬如講俾你知磨完芝麻加豬扒汁都唔會hea.呢餐食完第一樣嘢覺得要做的就是要好好讚揚他們。希望他們繼續努力💪🏿 ☺️😄

當日中午lunch堂食, 叫咗兩個set lunch.服務OK. 叫侍應過嚟嗰陣, 都好快有人有反應.（可能因為平日, 睇落唔係太忙）.叫咗佢幾次加茶都好快加到畀我食物質素方面味道都0K, 不過唔係頂級嗰種.豬扒肉肉質一般, 炸蝦炸蠔還可以.生菜絲係無限添加, 經常問你加唔加.地方環境都幾好, 可能因為是平日午餐lunch time, 唔多人,唔爆場.同朋友聚舊傾下偈, 留在店共一個半小時, 感覺都幾良好舒適.埋單簽卡走人, 之後先知道有啲事我張正單收據+ credit card收據登記The point 儲分. 結果係“此發票為重複登記”. 幾百分不太算是什麼, 但係都可能要小心啲考慮張單點解會畀人登記咗

小編已經好耐無離沙田食午餐，好耐冇食過炸豬扒，咁就搵間有名氣啲嘅吉列豬扒店食返一餐！途中仲經過一條特別嘅電梯！去到餐廳啦！店員都有禮貌嘅，亦推介左d優惠比我，但係我唔啱用！今次小編叫咗個吉列豬扒定食！包埋麵豉湯！椰菜任加，白飯任裝！有一個環節，就係要磨芝麻！豬扒炸得都脆，質素方面都有一定嘅質素！雖然就瘦咗少少、同幾年前食作比較，無前咁大塊，但係仍然咬落去感覺，同以前差得不太遠！不過一定要點醬汁，咁樣先可以好送飯！椰菜配枱面上兩個汁都有好食嘅地方！有隻比較鹹，視乎你鍾意！麵豉湯非常濃郁，好有麵豉味，仲有海帶喺入面！最後仲送上西瓜作為甜品！西瓜夠甜整體表現OK！有機會再食多次！

今日有老有嫩一班人去食晏，叫咗幾個lunch set，個炸豬扒真係好好食，肥瘦適中又夠鬆化，真係好飽！特別係想讚下啲侍應，尤其係個男侍應，好有禮貌又有耐心，不嫌其煩解釋啲coupon,見我地有小朋友會不斷跟進同睇下我地有咩需要👍🏻

這是我第二次光顧, 對上一次應該是2021年5月, 食物選擇有更新, 價格亦有上調, 幅度合理與否, 見仁見智。(2021年5月食評: https://www.openrice.com/zh/hongkong/review/%E8%84%86%E5%8D%9C%E5%8D%9C%E5%90%89%E5%88%97%E8%B1%AC%E6%89%92-e4016018)餐廳座位寬敞舒適, 店員服務殷勤, 主動介紹枱面醬汁與食材的配搭, 值得一讚。趁未上菜, 先把芝麻略微磨碎, 但不用磨至全碎, 然後加入豬扒汁待用。在磨碎芝麻期間, 芝麻香氣樸鼻, 加入稠密的豬扒汁, 酸甜香口。午市定食 $189 + 10%1) 芝麻2) 麵豉湯3) 酸菜4) 白飯5) 吉列大蝦, 生蠔, 豬扒6) 西瓜杯麵豉湯味濃, 有極少量海帶, 豆腐和硯。酸菜酸爽開胃, 白飯有點黏口, 沾上芝麻豬扒汁同吃, 是另一番滋味。椰菜清甜爽口, 加紫菜汁或柚子汁同吃, 酸味味, 解膩之餘更添層次。另一讚位是, 椰菜無限添加, 店員會主動詢問是否需要添加。3款吉列食物均炸得酥脆, 入口不油膩, 多吃不免感覺飽滯。大蝦手掌般長

沙田舖所有同事都服務貼心，尤其其中一位同事介紹咗個滑蛋豬扒飯俾小朋友食。小朋友大贊特贊，食到舔舔脷。區域經理更親力親為，殷勤招呼，值得推介！買現金券消費仲抵，食得更開心！

今日咁啱經開沙田，醒起之前有朋友帶過我去呢一間食吉列豬扒嘅餐廳，印象中果次係好好食嘅，所以今日特登再去試多次，叫咗個二人餐，果然同之前食嘅嗰次一樣都保持到水準，由於本人平時唔食炸嘢覺得好肥膩，但係偏偏呢一間嘅炸嘢係一啲都唔感覺到肥膩，仲要啲肉好鬆軟，所以我係對炸物有一種另眼相看既感覺，另外fion經理同埋timtim 都非常之友善，服務態度亦都好好，感覺到喺嗰度做嘅員工都非常開心，希望你哋繼續加油保持水準，我會再嚟幫襯的☺️

記得在日本路邊食過一間炸豬扒店超好食！呢間丼吉係暫時我覺得香港最好味嘅吉列豬扒店(可能有啲再再再好味啲嘅鋪頭先未食過😂有無人有推介？)餐前佢會有芝麻俾你自己磨。芝麻好香，再加埋豬扒醬點豬扒😋😋好味！🔸吉列豬扒定食(💰173)(8.5/10)其實我想俾9分，不過我塊豬扒點解好似咁細塊😒佢嘅炸豬扒真係炸得好酥脆！豬扒都算juicy。唔用汁點就食到豬肉嘅鮮味😋🔸吉列大蝦、生蠔、豬扒定食(💰189)(8.5/10)多$15就有大蝦同生蠔，都幾抵，可惜我唔食呢兩樣嘢🫢不過朋友話生蠔好大隻，幾好味！每個餐都有麵豉湯，白飯同菜。白飯同菜無限添加。啲飯好有飯味，甜甜咁！搞到我添咗飯，又肥多啲😑佢嘅菜又係好爽好好味！仲有紫菜汁同西柚汁，酸酸甜甜，又食咗好多菜！佢嘅服務非常好，店員會幫你影相，添菜添飯。Overall評分: 8.5/10

有日行過沙田突然間好想食吉列豬扒，比我搵到呢間專吉列嘅日本餐廳，睇相都已經流哂口水🤤即刻就上左去試試佢！之前去日本旅行，總會有一餐兩餐食吉列豬扒，當地炸野都好有要求，一定做到炸漿鬆脆同薄，醬汁又好有要求，係香港真係好難食得翻果種味道！🤥🍱二人前 吉烈豬扒、豬柳、大蝦 $➎➊➑餐牌除左有一般嘅一人份定食，仲有幾款嘅二人餐選擇。我地叫左呢份餐有三樣主食，分別係一塊豬扒，兩件豬柳同埋兩隻大蝦。份量黎講2個人食都十分豐富！🐷上菜之前店員先比左一小碗芝麻我地，自己用木棍壓碎後，然後加上秘製醬汁，絕對係日本嘅味道👍🏻首推佢嘅吉列豬扒，一塊切開7件，橫切面見到豬扒邊帶有一層脂肪，咬落口有即溶嘅感覺😻豬扒肉身十分腍同juicy，外面炸粉薄得黎唔會鬆脫，沾個醬汁或者他他醬食都有不同嘅滋味！🍤大蝦堅係大size，有我塊面咁長😂蝦肉堅爽口同堅有蝦味，堅係新鮮！炸粉繼續保持水準，啖啖鬆脆食到唔停口！定食配左白飯同生菜絲，食完唔夠喉可以添嘅！食完有少少望梅止渴嘅感覺🥲掛住日本啲吉列豬扒嘅朋友就一定要黎啦😙📍丼吉日式吉列豬排專門店 沙田沙田正街18號新城市廣場一期7樓707號舖

久唔久就會掛住呢度熟悉嘅味道咁多年都冇咩變水準還是可以的不過lunch真係平過晚餐好多質素都係一樣如果大家想平啲就嚟食lunch啦貴少少咪食dinner囉但係其實食物品質係一樣不過佢哋個廁所已經壞咗超過一年都唔整返覺得好有問題囉同埋啲侍應成日喺度sell餐券好煩一個離遠第二個又來好🤬煩第二個黎完第三個又黎好🤬好🤬煩🙄🙄🙄嚴重考慮下次唔會再嚟想食啖安樂茶飯都唔得

通常沙田食午飯間間都係好一般今次食呢間估佢唔到原來炸野都可以好好食好小食到咁好食的炸豬扒 炸蝦天婦羅 值得再去飯後居然還有生果附送 🎁最重要服務員態度非常好👍🏻

已經有接近半年冇食炸豬扒飯了，對上一次係上個禮拜食刺身飯，刺身飯就不太新鮮，三文魚有點腥，所以後悔點了刺身飯，但係個set包嘅烏冬就異常好食，所以加返少少分，可能呢間主要係炸物嘅緣故所以刺身飯略為差劣，希望店舖會有改善嘅空間。上次隔籬枱不停話炸蝦炸豬扒好食，所以今次專誠訂位，滿足自己想食的慾望，等了一星期今日終於出嚟啦，點了炸蝦炸蠔炸豬扒定食，食物終於嚟啦⋯⋯第一口就係炸蠔，外面係脆嘅，裏面的蠔味也可以接受，但係就冇juicy感覺，跟住就再試炸蝦，外面係趣嘅粉漿如果再薄少少會更好，口感係可以嘅，到炸豬扒啦，反而就唔太脆，肉質有點乾，至於米飯係好食嘅，飯，椰菜重任添，整體來說用餐嘅感覺係普通略貴，如果呢個價錢嘅食物應該要做好少少先得，希望餐廳會改善

8号風球終落下，因為大雨又打風，已失去兩天假期，今天星期日終於好天了，決定同女兒出外逛逛。沙田新城市廣場真是人頭湧湧，我地行完街決定早一點去dinner，吾想食西餐下，日本菜必定是第二選擇，這間日式餐廳是主打吉列餐，之前已想試試。餐牌上價目算是中上價錢，一人餐定食最基本消費都要＄248位另加一小費的。我們選擇二人前定食 $518(吉列豬扒，豬柳，大蝦定食)口感实在一流，咬下去十分鬆脆，兩件大蝦啖啖肉，豬扒豬柳肉嫩易咬，總括來說每样都有驚喜在，貴些都值得！🤩👍白飯同沙律菜可以任食，不額外收費。配有味噌濃湯，最後會送生果西瓜。甜！😊芝麻自己磨，再放豬扒汁。

節日避開繁忙用餐時間，再到本人享用炸物的飯堂，點餐為慣性食品，吉列厚切鹿兒島豚肉，外皮鬆脆而不油，肉質飽滿而不柴，算上品炸物吉列廣島蠔外層一樣鬆脆，蠔汁鮮美而蠔肉飽滿加上沙沙醬伴食，超好味伴菜中規中矩。服務員態度親切有禮，有求必應