丼吉日式吉列豬排專門店 (新城市廣場一期)

营业中

休息中

噙日幫襯平日午餐餐牌，叫咗3個午餐，炸豬排 冇肉汁，除此 𧐢、豬柳及炸蝦仍然保持水準😋😋😋服務人員，維持良好服務，經常問需唔需要加飯或菜🤣🤣🤣整體優良👍🏻👍🏻👍🏻

吉列豬扒是一家位於沙田市中心的專門店，以豬扒定食為主打菜色。每個定食套餐平均價格約為300至400元，包括無限添加的日本珍珠米和椰菜沙律，讓人飽足感十足。首先，讓我們來談談吉列豬扒的招牌菜豬扒。這道菜採用了厚切豬扒，表面煎至金黃酥脆，內部仍保持著豬肉的鮮嫩口感。搭配上店家自製的吉列豬扒醬一流。除了豬扒，店家的配菜也很值得推薦。日本珍珠米粒粒分明，口感十分香糯。椰菜沙律則清爽開胃，可以讓人在享受豬扒美食的同時，也能夠保持口感的多樣性。而且店家提供無限添加，讓人可以盡情享受食物的美味。整體而言，吉列豬扒是一家值得推薦的餐廳。除了美味的豬扒外，店家的配菜也非常出色。而且店家的服務也十分周到，讓人在就餐過程中感受到溫暖和舒適。如果你正在尋找一家高品質的豬扒餐廳，吉列豬扒絕對值得一試。

冇錯，哩一篇拖延症的探店 文🤣 新年初五去的，真系人山人海，如果唔系因為旁邊果間服務太差（就不指名道姓了，餐牌同我之前介紹過賽馬會那間一樣的，當時門口冇人招呼都有幾個人係度排隊，突然有人出來有個新來的問就放進去了，後面我們出面有意見就叫我們要取飛（根本沒人派¯\_（ツ）_/ ¯）連句唔好意思也冇），我都唔會發現哩間店，當然一早吃炸物是有d漏啊，不過都幾好吃，出乎意料呢 😋🍱 本店特選吉列定食（三人前）有上級猪扒、猪柳、大蝦、生蚝四款食材，據說猪扒係最出名的，但我覺得其他都唔差，哩個餐分量我覺得4人都够，而且有好多唔同的醬汁自己搭配 🤣我覺得炸得非常好，保持中間吃材既味道，特別生蚝咬落去十分juicy 😋中間椰菜絲如果唔够仲會有人問是否需要添加，拌上柚子醬汁，為哩道菜解漏😝係上菜之前會給一份芝麻自己磨，真的需要d耐性 🤣 之後磨成粉末沾著吃好鬼香 😆飯後會送上另一款茶清清口同水果，完全超滿足 😆 一般人頭份，但是想要多杯都係可以的 😋 全程都覺得服務員們好好笑容，心情勁靚！ 冇旁邊那果間店咁晦氣 🙄我覺得作為晚飯好正！ 下次如果晚上離既話，會再去試試，早餐就真係太多了 🤣 不過就服務和食

口罩令撤銷後，飲茶特別多人，都係落去試吓呢一間吉列，我多數去尖沙咀嗰間食，呢間第一次，一於試吓啦。1:00門口已經有人排緊隊等叫飛，好彩啱啱有幾台客走，我有卡位坐，你個點餐先，店員首先奉上熱茶，服務幾好，介紹今日刺身好靚，好啦一於叫一個刺身食，炸軟殼蟹，大車海老及大帶子。唔使10分鐘，美味靚刺身送上，牡丹蝦好肥美，海膽有甜味，帶子有口感，油甘魚靚，吞拿魚十分新鮮，整體嚟講滿分。我問店員可唔可以加錢炸蝦頭，店員殷勤地幫我攞去廚房炸，好快脆就連埋軟殼蟹一齊奉上，軟殼蟹同炸蝦頭要即刻食，軟殼蟹鬆脆，有蟹膏味，炸蝦頭炸到連殼都食得，一樣蝦膏味十分重。大大大車海老同大大大帶子終於上枱，車海老肉質結實，啖啖蝦膏味，配上他他醬真係絕配，刺身及帶子用來做吉列，口感真係唔同，真係要食多兩碗飯，啊唔得，要食返多少少椰菜先至得，呢度啲椰菜可能浸洗得好，完全冇苦澀味，都可以食到配上紫菜汁食，食菜都食到飽啦，好彩呢度菜同飯可以免費refill。嚟個結尾，夠熱嘅玄米茶同凍西瓜，清清個嘴， OK OK。呢一間同尖沙咀The One嗰間都一樣好食。

今日輕輕地行完個山，落左山行左去新城市廣場到搵野食，就黎呢間食炸豬扒既專門店食返個晚餐。叫左個前菜併盤，豬扒同個蝦帶子定食食物高水準，一黎到就見到外面個皮炸得金黃，皮脆不帶一點油，咬落去咔嚓一聲脆響，豬扒鬆軟，蝦彈牙，帶子爆汁。侍應服務態度殷勤有禮，由入門口帶到我地個座位上，笑容滿面，唔駛一陣又奉上熱茶，落完單都介紹返啲汁醬點用 ，員工又細心，見你食晒椰菜會主動問需唔需要添加。服務好！！食物一流！！

今天放假在附近寶福山掃墓完後好肚餓，那就步行返回新城市廣場裡周圍看一看有什麼好西吃，上了幾層見到高級知名的吉列專門店餐廳，進到餐廳叫了一款吉列帶子豬柳定食，新鮮炸出來的大大粒的帶子咬一口感真的爽滑彈牙，超級好味道，值得再次光臨該品牌餐廳享餐。

今日去食Lunch有D失望，話說之前首次食沙田分店時，員工熱情推介食物優惠券套票，買了$1200套票送$200 回贈 覺得好抵所以購買，之前星期六食散叫餐都要200幾至300幾一個餐，所以買套票是好的。算埋今日已光顧三次，之前2次 食物質素 是有驚喜，員工 有禮貌 服務亦相當好。 但是今天平日去食lunch set時， 吉列豬扒相當一般， 吉列蝦不新鮮霉的。 飯後員工好有禮貌咁樣話， 幫你出埋西瓜及玄米茶。其實用餐前已有一壺茶，唔明白點解，我明明有茶飲緊，都俾過令外一款玄米茶俾我呢？最後結帳時 終於知道點解， 因為佢要收我9蚊玄米茶錢， 我兩個人去佢就收了18蚊。 menu上完全冇標註， 好似老屈客人一定要畀錢， 杯玄米茶仲要難飲過我原本飲緊嗰杯茶。 咁樣嘅不良銷售方法我覺得好有問題， 我唔介意你話生果收我費用或者有些餐廳有收費前菜咁， 或menu標住話要收茶錢 ，我覺得合理。 但你職員冇說明之下， 強迫客人飲收費玄米茶， 好不合理。 我開頭以為自己孤陋寡聞 原來亦有其他客人投訴的， 但是貴公司仍然覺得冇問題可以繼續咁樣經營落去， 真是無言以對。

第一次食日本嘢會收茶錢，真係聽都未聽過。炸豬扒是可以的，但係CP值不高，加上最後找數時發現會收每人茶錢9蚊，唔理有冇叫嘢飲，亦沒有在餐牌裏面寫明，真心覺得有冇搞錯，好彩冇買coupon😂

每次經過沙田都想食返餐好嘅, 今次終於食到喇, 冇錯依然服務好好, 引領我坐低之後, 立即奉上熱茶, 仲給我介紹刺身啱啱返貨.我點咗個雜錦刺身, 同埋吉列二人餐, 跟住店員奉上芝麻, 及介紹芝麻用法.....打圈磨碎跟住加豬扒醬汁, 好正等嘢食.好快好快上咗刺身, 真係好新鮮不過掛住食無影到.唔使好耐二人餐上枱喇, 炸得真係好靚, 首先梗係食咗炸蠔先, 炸得鬆脆好味仲好 Juice 添, 跟住炸蝦啖啖肉好味, 炸豬扒唔使講肥瘦適中送飯一流, 店員仲不時問我添椰菜絲同白飯, 呢餐真夠飽.又係時候來個完結, 今次原來轉咗玄米茶, 正, 茶夠熱配清涼西瓜好舒服.

同朋友睇完戲搵見肚餓，朋友極力推薦黎呢度食，試過之後果然物有所值吉列特級鹿兒島🐷定食🐷扒厚身而且肉質柔軟多汁．吉列大🍤定食大🍤肉質爽囗鮮味．定食包括日本飯．椰菜沙律．麵豉湯．水果．椰菜沙律．加柚子汁好清新．做前菜同中間refreshment一流．水果．西瓜好清甜．食完炸物食水果特別清新

今天放假去咗沙田新城市購物shopping，之後就梗係要填補空虛……老婆話要食日本野，我就諗起呢間炸豬排專門店，有佢鐘意食既刺身同我鐘意食既炸物去到唔使等位，即時入座，可能因為係平日我哋點咗個迷你刺身，同埋一個二人豬扒大蝦餐豬扒夠鬆脆，食落又唔油膩最後仲有西瓜同玄米茶奉上 用餐過程中，服務員到不斷有巡枱服務，緊貼人客需要

今天到臨本餐廳用膳，本人點了吉列帶子豬扒定食，配菜份量充足而十分之飽满，炸得香脆美味，口感爽脆彈牙，真的很有正宗日式風味，而且員工們有配合過客人不同之需，服務態度上尚算可以。

#貴價日本炸豬扒 #無下次 Lunch食到$200蚊很少有講緊嘅係lunch set Menu當然貴就貴在它的價值，但menu無註明既情況下最後嗰杯玄米茶居然收左$9蚊上返Openrice 搵返lunch set menu 確實無寫，打電話去話是茶錢，有無飲都要收👎🏻👎🏻👎🏻👩🏿孖媽食評1️⃣吉列大蝦,生蠔,豬扒定食🐷豬扒不算厚肉，但炸粉好脆，五分一是肥肉，一咬即爆肉汁，豬扒汁沾上磨香的芝麻粉，沒有了肥膩感🍤大蝦天婦羅色澤金黃，具備外脆裏嫩的口感🤤🥗無限任添的沙律菜可配柚子汁可以食多2輪🤤最後呃你$9送上解膩玄米茶一杯

今日和弟弟往新城市丼吉食晚餐,我們點了吉列朱扒,朱柳,大蝦定食二人前和自選前菜拼盤,吉列朱扒,朱柳,大蝦定食二人前除主菜外,還有漬物,味噌湯和白飯,職員有教我們如何打碎芝麻配朱扒汁及椰菜配紫菜汁,漬物食落開胃,味噌湯温度適中,白飯軟綿香滑,椰菜新鮮爽口,吉列朱扒食落金黃而不油膩,粉漿薄薄,食落爽脆,配上芝麻和朱扒醬,口感一流,朱柳啖啖肉,肉質惹味,而炸蝦新鮮彈牙,車厘茄食落開胃,整份吉列朱扒,朱柳,大蝦定食二人前可添加白飯和椰菜,材料豐富,口感滿足,自選前菜拼盤我們選了凍日式豆腐,薯仔沙律和吉列薯蓉,日式凍豆腐食落香滑,木魚絲爽口,配上醬汁味道開胃,薯仔沙律薯仔爽滑,吉列薯蓉炸得金黄香脆,佐酒一流,最後餐廳提供玄米茶和西瓜作結,餐廳座位闊落,食物美味高質,我和弟弟食了一頓好味定食二人前

本身以為今日有午餐食，因為平時午餐應該都有！以前都食過覺得性價比好高，不過今日嚟到先至因為假期之後，所以就得散叫有個朋友想食屎山所以就嗌左好貴嘅特上刺身不過唔係定食唔緊要啦咁大份都唔使咁煩！睇落勁新鮮！不過成$400 㗎 ！如果三文魚變做其他白身魚更好我就嗌咗個吉列豬柳配帶子再加一隻吉列蠔呢間豬扒出名炸豬扒，皮雖然唔係話超薄，但係非常之脆口，豬肉亦都非常有口感唔會太硬同埋好鍾意佢有一啲好fit嘅醬汁加豬扒汁一定要點同埋呢度啲白飯，沙律菜都可以任加㗎，好似日本咁好有趣好健康帶子剝皮睇吓幾大粒，都幾大㗎 ！炸號就覺得細咗少少好似要另加成$60一粒！今餐仲有西瓜，健康！呢間嘅環境非常舒適，爭在冇一個獨立嘅廁所，如果要去商場就要去返樓下嗰層好遠嘅廁所，熱鬧嘅新城市仲要排隊比較麻煩另外，呢度嘅服務非常好，有個男士應該係經理，超級好細心，成日望吓我哋有咩需要其他嘅就都達標有lunch set嘅時候再嚟食！