丼吉日式吉列豬排專門店 (新城市廣場一期)

营业中

休息中

今日喺沙田新城市廣場行街，逛行到晚飯時間，行去7樓見到好耐冇去嘅Tonkichi豬扒專門店，趁佢仲未好多人，有卡位坐，一於就入去食。打開餐牌，發覺同之前去過嘅元朗分店唔同，女店長就好細心提議我哋叫二人餐加小食，仲有三款可以揀，最後就點左一個豬扒豬柳蠔二人前，又見到迷你刺身有海膽都幾抵食，一個唔夠食就叫左兩個一齊上，再加埋兩隻炸軟殼蟹。落單之後，店員好快就送上芝麻，係用嚟磨碎後配豬扒汁點豬扒豬柳，又遞上豉油同細碟，準備點刺身用，女店長提議我哋買coupon，計落都幾抵等於八五折，於是買咗一套可以即刻用800元。等咗一陣一盤刺身送到，好大嘅海膽味道濃郁入口溶化，油金魚亦好新鮮，店員提議牡丹蝦蝦頭可以加錢炸。果然炸蝦頭脆卜卜仲有少少蝦膏，炸軟殼蟹香脆可口，係我嘅至愛。主菜終於上場，第一時間就係食炸蠔，外面鬆脆、裏面多汁，正，豬柳好腍，豬扒鬆化，雖然貴過元朗，但食物質素好，環境舒服，貴少少都係值得嘅。

今日生日🎂，就諗住食間好嘢嚟慰勞自己。行過7樓見到有間「吉」好多人排隊就諗住朝聖下。 大概等左一個鐘左右就可以入啦。（好醒目識攞咗飛後去行一陣街🤣🤣，唔經唔覺就到我哋啦）服務員好有熱誠咁介紹，先知原來呢間係吉列豬扒專門店，怪唔之得咁多吉列😂😂。 打開個餐牌發現無從入手，因為樣樣都咁吸引，職員好醒目見到我哋疑惑，就走來介紹，佢話：來度佢哋舖頭梗係要試佢哋招牌吉列豬扒，聽完佢細心介紹後，最後我哋試咗豬扒同炸蝦🍤😆 落完單，職員就拎咗兩碗芝麻俾我哋，然後又好細心咁講解如何磨芝麻，D汁醬點樣用。突然間發現自己好似大鄉里出城，咩都要人介紹🤣🤣 食物上到嚟，見到真係好吉列，但係食落去竟然冇油炸感覺反而入口鬆化，豬扒多汁，炸蝦彈牙，正😋😋😋。最後食完，原來仲有驚喜，西瓜🍉，我嘅最愛

夜晚9點先去食，其實差唔多Last order，店員叫我地即刻叫嘢食，10點前要食完，所以無咩時間揀食咩。$768 三人吉列拼盤有4款食物，如果第一次黎都可以叫呢個試下，有豬扒，豬柳，炸蠔，炸蝦。4款都唔錯，我中意豬扒，炸蠔，配他他醬都好夾。朋友就中意豬柳多啲。啲椰菜絲可以任fill ，配搭沙律汁幾清爽。$98 前菜拼盤可以叫三款，選左菠菜，秋葵，薯仔沙律，三樣都幾好，開胃，係個薯仔沙律普通左少少。Total 大約$950 三個人，係幾好食，不過貴左少少。

丼吉係一間耐5耐就會返去食既餐廳主打吉列定食雖然價錢唔算好平但食物質素係好既食前會用木樁磨碎芝麻加埋特別既醬料去配D炸物次次兩個人都會叫一款海鮮加個豬排炸物依然係唔會太厚入面塊排依然係有肉汁配料好似係可以任加 (不過正常應該唔會加都食唔哂)價錢呢就唔算平架啦不過個質素係值得耐5耐返黎食下既

上星期日 去完宜家傢俬買嘢 諗住同老婆去食意粉屋, 就畀 門口嘅 帶位 熱情 介紹的 哥哥吸引咗入去食.入到去 坐低 問我哋有冇人食過嘢.我同我老婆 之前未 食過 隨即就介紹咗呢度嘅特色食品 👍就依他們介紹我們叫咗 豬扒定食, 炸蝦定食. 有好多配料畀我哋 服務員亦要逐一介紹服務好好. 估唔到又真係幾好食 炸物好新鮮好鬆脆, 我最喜歡嗰個係 芝麻加豬扒汁一流特別想賺你哋 埋單後因為我哋忘記咗 攞番袋嘢 追來搵返我哋 可能比起第二間餐廳 就有機會我要返轉頭攞了😊🤣下次再嚟再見啦 thank you 💕

丼吉日式吉列豬排係我其中一間好喜愛既餐廳員工服務好好，食物質素都好好平日午餐時間都要排隊除左豬排之外，另一款我都會叫既，就係吉列鰻魚餐，因為真係好肥美，啖啖肉，每次食到一半已經覺得好滿足但唔知係唔係疫情關係，我再點吉列鰻魚餐時已經不復昔日既味道其實, 我有俾機會佢，我諗可能只係一次啫，我有再去都係點吉列鰻魚餐，但都係一樣，鰻魚非常瘦，仲有D食唔飽既感覺。炸粉好似多過鰻魚咁....下次都係唔再叫啦我朋友叫左滑蛋豬柳丼伴吉列大蝦，佢就話好味大蝦好大隻，豬柳係佢地出名既菜色，依然KEEP住水準另外，最後食完午餐，待應都有俾西瓜

好味指數：🌟🌟🌟🌟抵食指數：🤑🤑吉列豬扒曾經係我至愛，但係因為怕肥膩同熱氣都唔敢成日食，不過聽聞呢間餐廳嘅吉列豬扒同出邊唔同所以冒着變肥仔嘅風險嚟挑戰下✅吉列豬扒&豬柳定食首先店員奉上一碗芝麻同磨棒，將芝麻磨碎嘅時候已經覺得芝麻香氣撲鼻，加入豬扒汁更加酸甜香口。醬汁準備好就到主菜啦，吉列豬扒同豬柳外層炸得香脆又唔油膩，肉質軟綿適中有肉汁，而且食法多樣，可以配豬扒汁，亦可沾鹽、檸檬汁同黃芥末。而且仲有清爽解膩嘅椰菜同淡香嘅麵豉湯，食完一啲都唔覺得膩滯

平均一個月食兩次，睇住佢越嚟越差。（1）豬好硬可能來貨差左，而且炸到好硬（2）非常嘈啲人講野好大聲，俾得200 hkd lunch, 吾好去。好辛苦（3）欺負女性客人連續四次，啲staff 故意要「後生女客人」坐喺好嘈同埋隔離位好奇怪既位置。 （4）staff 及manager 黑面同啲staff 講環境好差、太嘈。Staff 即時黑面，冇講嘢就走開。之後manager 黎收錢，塊面仲黑。冇講吾好意思，又吾識叫隔離細聲啲。總之吾會再去沙田店。

相約朋友去沙田聚舊，試咗呢間以吉列食物做主打嘅日式食店，講到專門店應該唔簡單吧！😂點了兩個定食加份甜品，侍應知道我同朋友share 嚟食就建議一份上，我哋當然無問題啦！➡️吉列上級豬扒定食➡️吉列大蝦豬柳定食每份定食除咗主食外，另包咗：1)芝麻2)麵豉湯3)酸菜4)椰菜絲 (可以免費添加)4)白飯最後店員奉上西瓜杯 (免費嘅，不過無甜味嘅😂)，而我哋都點咗綠茶雪糕做飯後甜品，不過不失啦整體來說定食份量好足夠，吉列脆漿做得好好，外層炸得夠脆之餘而唔油膩，豬扒同豬柳都做到外脆內軟，吉列專門店之名真係唔係過譽👍

近排經過新城市， lunch time時候，好多食肆都好多人等，見到而家即刻有位，所以就即刻去試下雖然呢度出名係吉烈豬🐖，但係我係鰻魚控，所以就叫咗個吉列鰻魚定食，真心覺得好好味，鰻魚都好厚身，而且仲有啲鰻魚汁tim，雖然得4片，真都係好飽同好正，另外佢哋嘅椰菜絲絲可以免費refill，食到咁上下有啲飽飽地，食啲椰菜絲中和返😊而且定食仲有個蒸蛋，食埋之後都真係好飽，最後會有西瓜粒🍉作總結，成餐飯食完之後都唔會有油膩嘅感覺😝

想吃吉列豬扒，日式吉列都是好選擇。這家店的ʟᴜɴᴄʜ 可揀sᴇᴛ或單點，食物選擇也多。餐廳安排坐卡位坐得舒適，店員態度好，食物也不錯☺️*吉列豬扒蕎麥麵定食豬扒外脆內嫩🤤入口不油膩配上手摏芝麻醬汁味道昇華不少茶碗蒸夠滑溜，味道也鮮餐廳說蕎麥麵是手造從日本空運到來可惜煮得太淋有些浪費了*吉列鰻魚定食鰻魚皮脆鬆化😋肉質依然嫩滑漬物有助減少油膩感*甜品抹茶雪糕茶味濃而沒帶點腥味另一種驚喜😝

每次去沙田新城市逛街，都首選此食店，因為環境，服務及食物都不錯，今日老公生日亦選了這裡食午餐，點了兩set午餐，另外點了一隻炸軟殼蟹，點了西瓜汁但一點也不凍，稍為扣分了。但整體真的不錯，希望質素能繼續保持。

今次我哋叫咗個三人餐，每人有一份芝麻俾你磨成粉，再加入豬扒醬汁！芝麻其實香嘅，不過磨芝麻呢個過程，其實都係噱頭嘢，不過小朋友就最鍾意，攞正牌可以搞搞震🤣今次呢個三人餐，入邊包括有炸生蠔、炸蝦、炸豬扒同埋抓豬柳。有任你加添嘅生菜絲，同特別嘅紫菜醬汁，確係醒胃！每人仲會包一碗白飯！炸蝦同埋炸生蠔都好大隻，每人有1隻。豬扒同豬柳各有一份一齊分，其實份量屬於正常，唔係特別多，但係食到最尾，因為全部炸嘢，口感味道差唔多，冇乜太大分別，所以有啲太熱氣嘅感覺，好飽好跩嘅感覺！最後甜品有西瓜粒一杯！

呢間餐廳個名叫吉列豬扒專門店，入黎梗係叫吉列豬扒啦～🐽😆午市定食 - 吉列豬扒（$158）未上豬扒前先要活動活動，磨碎白芝麻釋放香氣，再撈埋佢地既秘製豬扒汁，完美既醬汁就準備好喇～👏🏻睇賣相都覺得吸引！吉列豬扒炸到外皮勁酥脆，豬肉就好軟嫩，配埋自己準備既白芝麻豬扒醬汁，好正～🤤又甜又脆既椰菜絲原來食完可以再添，加埋紫菜汁同/或者西柚汁一齊食，味道好清新呀～🥬最後仲有飯後果🍉，完美既午餐～😂

炸物是日本菜一樣的精點美食, 好吃的炸物都香脆可口, 還保留肉或菜原本的肉汁菜汁 還有配上相對合自己口味的特式醬汁, 必定可以多伴幾碗白飯這次介紹一家沙田很有名的日式吉列豬排專門店, 是必定要試試他們的豬排/豬柳, 肉還是超級鮮嫩另外他還可以搭配其他的主食,例如炸蝦炸生蠔, 總有合不同口味的朋友價格方面, 可能是在市廣場裡, 價格未有到性格比高但是作為高級炸物店還有多款美食, 是絕對可以來試試日式炸豬柳拼炸蝦外觀：👍👍👍👍味道：👍👍👍👍*滿分=5👍丼吉日式吉列豬排專門店 (新城市廣場)Tonkichi Tonkatsu Seafood (New Town Plaza)