丼丼屋 (創紀之城五期(apm))

营业中

休息中

同老公睇戲前食個飯先,見到呢間野D野食好似OK,甘就拎飛等位,未入去坐前,已經揀好食忌廉煙肉烏冬,炸雞薯角,魚生飯,忌廉煙肉烏冬,烏冬好彈牙,ININ UNUN,成碗野好CREAMY,味道唔錯,有一粒生既蛋黃係中間,食之前撈混烏冬同煙肉一齊食,魚生飯份量係正常,有魚籽,牡丹蝦,三文魚,帶子,吞拿魚,其實全部食落都覺得唔太新鮮,因為好腥, 搞到食到一半都唔想佞,跟餐既沙律,湯,前菜都OK,炸雞薯角,炸雞都幾大件,有四五舊,唔會炸得太乾身,薯角脆脆地唔錯

尋日係無訂位下，就唯有去呢度碰吓運氣，只係等12個，真係唔算多，雖然入面座位應該大概得50個，但侍應安排得好好，大中細檯都會輪着叫。大概等左30mins就有得入座了，2大1細左4人檯，感覺闊落， 而且仲有high chair。由於繁忙時間，所以用餐只有個半鐘，但對於我哋嚟講其實已經足夠，由落order到上菜，都好快手大概15分鐘內。我們點了吉列豬扒滑蛋飯，北海道豬肉特盛和炸芝士薯餅。2者都配上麵豉湯，沙律同少少魚蛋，擺盤精緻美麗。吉列豬扒嘅豬扒炸得好脆，送飯唔錯，滑蛋就望落已有點老，唔算滑，而且唔係鮮黃色，個總括味道不錯。北海道豬肉個味甜甜地，啲汁送飯一流，可惜豬肉唔夠淋。炸芝士薯餅係最好味，芝士味濃郁，而且揸到外脆內軟，真係想再叫多一客，絕對有下次。

觀塘這個地方, 好在於他們食物有很多選擇, 工廠區有茶餐廳, 走過地鐵站一點, 則有比較好看, 但貴一點的餐廳2個人叫了一個骨膠原蟹腳鍋, 當然不夠飽吧! 又叫了黑毛和牛, 豚肉, 還有野菜拼盤, 追加不追加呢? 比較後發現叫一個鍋或者追加都是差不多的價錢就決定不要分開了, 共用一爐比較好他們的牛肉, 實在很薄, 什麼和牛會有羶味呢? 不過是很快熟而且入口即溶, 所以算合格至於蟹腳的鮮味幾出, 但解凍不夠出來後整個碟都是水! 賣相不佳...野菜算不錯, 幾新鮮而且鮮甜, 還有超滑豆腐, 但是呢, 好少啊!

番左新工咁耐就冇胃口咁耐...今日同班同事出去豪一豪...今日叫左個北海道刺身飯 ~~ 本來都想試下個鰻魚飯...但好似刺身飯吸引D !! 個飯有三文魚/帶子/牡丹蝦/大量蟹子 !! 個飯唔算大...但我都竟然食唔哂...都真係...唉 !!講番刺身 ~~ 帶子好鮮甜 !! 又夠大粒 !! 份量都唔少架 ! 三文魚都幾肥下 ~~ 魚油好夠 !! 牡丹蝦勁大隻 ~~ 好甜 !! 全部都好新鮮 ~~ 蟹子都唔錯...但我覺得多左D...要真係撈好哂先食...如果唔係有少少腥味...

這間分店坐位較其他分店舒適，食物都可以，因此都很喜歡到此醫肚。今晚就揀選了這個牛肉壽喜燒。又是一個很豐富的定食，都是有飯，有湯，有前菜和沙律。沙律是新鮮蔬菜，雖然份量唔多，但是都算新鮮，由於餐內全是肉，如果沙律菜份量可再多些就好，balance diet 嘛。前菜是花生，這個我不大喜歡，花生可能由於浸冧咗，沒有太大豆味。反而個主菜就唔錯，有時候，很怕遇到肥牛，但是這店的牛肉，一點兒也不肥，這點很重要，很好啊，而且肉質不會靱，又唔"鞋"，感覺較健康。煱內還有小量菜蔬，有金菇，冬菇，大蔥，小小葉，和一隻蛋，好豐富的晚餐啊！

雜錦魚生飯魚生飯真係唔好食飯係暖嘅刺身勉強新鮮無咩特別刺身仲要貴隨餐附送刺生麻麻非常迷你沙律得兩條菜ok 好食咖啡杯有綠茶粉非常驚嚇非常污糟反而豬扒飯有驚喜燒汁非常好味記住唔好食生野食熟野啦

happy 星期五， 當然要食好d, 同食飯Buddy去APM 食lunch, 最後決定食丼丼屋叫左個煙肉玉子忌廉烏東， 和風醬汁吉列豚肉三文治伴沙律煙肉玉子忌廉烏東：煙肉煎到好香口，食落有d 咸香味，個蛋就混合賣d 忌廉同烏東一齊食， 好滑而又有忌廉的香味，正和風醬汁吉列豚肉三文治伴沙律：柚子沙律汁加蔬菜，d 汁唔多，唔會太酸，吉列豚肉炸得剛好唔會過火，加賣d "ok"汁做成的三文治都幾好最好係飲橙汁，凍檸茶唔洗加錢，下午茶時間唔會太多人

依日約左同媽咪食LUNCH，近近地揀去APM不過講真..AMP既食店水準一般，唔算有驚喜感囉見網上食評依間都唔錯，所以決定一試早少少11:45AM去到..避開OFFICE放飯時間去食環境好舒服，而且位置都算比較靜，SOFA坐位都幾舒適我地一人點一個午餐，先有前菜及麵豉湯/沙律..我地揀沙律前菜片墨魚軟腍唔韌口，下面仲有幾粒青瓜，用醬油做醬汁比較正路而沙律菜好新鮮，醬汁偏酸左少少定食.."鹽燒鯖魚 & 吉列豬扒"鮪魚唔腥而魚肉好厚身，肉質OK..燒得唔會過老吉列豬扒好香脆，份量好大塊，豬扒軟腍..好少肉汁(微鞋口)珍珠飯粒粒晶瑩黏口餐飲..熱咖啡，好香濃有回魂感覺整體食物水準OK，服務唔錯..但人手唔太夠呢

今日Lunch黎左APM新開既丼丼屋, lunch hour有好多人等, 等左20分鐘先有位, lunch set選擇都有好多, Vi點左煙肉玉子忌廉烏冬+抹茶鮮奶~lunch set有頭盤, 係沙律+章魚, 章魚好彈牙, 係頗有誠意既前菜~主菜煙肉玉子忌廉烏冬賣相唔錯, 中間係生既蛋黃, 底下既忌廉汁十分rich, 混埋蛋黃之後, 每一條烏冬都掛滿汁, 好惹味, 忌廉汁好creamy, 食得多係有d膩, 不過係好食既, 值得一讚烏冬好粗身彈牙, 係高質既烏冬~飲品加$10可以轉抹茶鮮奶, 抹茶鮮奶好大杯, 睇個色已經知道好濃, 抹茶味足夠, 但有d粉末未溶哂, 所以飲落唔夠滑, 不過加$10係抵飲既~

老人家慶生日通常喜歡新曆,我這名偽老人也不例外、走在初三農曆為自己添來第一個搵食借口去到新開之丼丼屋食晏就。。。二十分鐘之等候時間個人應為是可以接受,而且還是正正紅日、拿起餐牌多款融合西方元素,感覺倒是特別、就决定勇於試試要來一個煙肉玉子忌廉烏冬$68.以碗子盛載,上枱時感覺蠻特別畫面似是「卡幫尼carbonara pasta」卻以日式條紋花邊碗子,腦裏頓然打上了交幸好只是瞬間,夾在筷子間慷慨如湯之白忌廉、滿滿滲於烏冬之內,將紅紅的小蛋黃撈兩撈,另烏冬更富鮮味,條條煙肉絲被炸得較乾、入口略為乾固將意粉變成烏冬,腦海像洗牌般打得一片亂但這片亂確實又打得幾精彩,烏冬條條方大、煙韌又富彈性,很愛吃 冬天其實好不應飲冷製品, 但又忍不住餐牌上靚靚草苺沙冰$38.、濃郁草苺香在嘴腔內陣陣發送,甜品以個人略見偏甜、但絕不扣分沙冰嘛, 莫非要淡淡然? 所以我還是喜歡的一口啜一口往嘴裏送

Apm的丼丼屋跟別的分店有些不同, 首先, 店鋪的裝潢帶點西化, 用色以白色為主, 亦放置了多張圓桌, 光猛明亮的環境, 予人的感覺像身處café. 打開餐牌, 發現有沙律, 三文治等食物, 是一間像café 的丼丼屋.竹輪半熟玉子烏冬 ($58)在竹輪烏冬及烤雞三文治兩個選擇之間掙扎了很久, 最終還是選擇了比較養胃的竹輪烏冬.炸竹輪比平時打邊爐用的獅子狗長得多, 幾乎跑到碗外去了! 炸竹輪味道相當好! 天婦羅炸粉剛好包裹著竹輪, 所以”香口”之餘卻沒有油膩感, 而竹輪的口感亦很彈牙.除了主角竹輪之外, 其他”配角”亦表現不俗:半熟玉子竟然是雞蛋天婦羅, 趣怪趣怪! 外層香脆, 內裡半溶流心.手打烏冬彈牙有嚼頭, 湯底富有木魚昆布香, 不會過鹹, 沒有”味精湯” 的感覺.連粉紅色的日式魚片竟然都彈牙有魚味, 真是喜出望外呢!美中不足之處是炸竹輪放進湯碗內, 被湯浸淋了不少, 吃這個, 千萬要向店員要求炸竹輪”另上”啊!辛辣牛油果吞拿魚定食 ($115)家姐點了牛油果吞拿魚定食, 我很愛吃牛油果, 但又對吞拿魚不感冒, 但兩者合二為一, 效果竟然出奇地好!吃這個一定要把牛油果和吞拿魚拌勻

在日式飲食連鎖店中，丼丼屋食堂(Dondonya)確實有其獨特之處，由最初的雞肉親子丼，和後來的十勝帶廣名物豚丼，都是水準之作，我自己間中都會幫襯一下。最近，丼丼屋在觀塘apm商場，開了新店，跟其他店有所不同，以Café 形式佈置，氣氛較為悠閒。食物方面，除了原有的日式丼飯外，加入了和洋風的食物，有種渙然一新的感覺。這天晚上來到apm店，要等候約十五分鐘才可進場。一個人來到，吃得不多，分別點了前菜、丼飯和甜品。海老牛油果他他 ($38)混入了相當份量Cream的牛油果他他，十分軟滑，將之拌入香脆的多士上，便更加潤滑而又突顯鮮甜。辛辣牛油果吞拿魚丼 ($98)是Dondonya的新品，放置得相當整齊而細緻，蛋絲和吞拿魚黃紅兩色，很鮮艷。一粒粒吞拿魚刺身撈了醬汁後，外表仿如東坡肉，質感也同樣油潤而不失原有的鮮味。不要被「辛辣」兩個字嚇到，其實辣度頗為合家歡口味，如果要加辣，可以將全部Wasabi拌入，便增加刺激性!手作炸綿花糖球 ($58)可以自選材料，果物、配料、雪糕和甜品醬，四項中各揀一款料。可惜當晚有些材料缺貨，於是最終揀了士多啤梨、開心果仁、朱古力雪糕和朱古力醬。炸好的綿花糖，拌入

趕住睇戲又不餓，來到呢間在APM新開的丼丼屋隨便吃個沙律就好。隨便點了一個照燒雞肉沙律($53)，一上碟顏色豐富，雞肉味道一流，鮮嫩又軟稔，入味而不咸！不過其他配材就麻麻，南瓜不是鬆綿也不是綿密的口感，咬落反倒硬綁綁的。南瓜和蕃茄份量如更多會更好點。火箭菜略嫌不夠新鮮，只有苦味吃不出新鮮火箭菜的香味和微辣味。沙律上還鋪著好幾片脆片，增添口感，其實整個沙律都ok，只不過醬太多了，實在太太太咸了。 下次再吃的話一定要少少少醬！

本來林住去食元氣， 但係真係要等太奈，見到丼丼屋唔係甘多人就轉左過去食...我叫左個吉列豬扒定食，老公叫左個雞肉丼....兩個都叫左定食...第一樣黎到的係老公所叩定食中的沙律，湯，小食。。。過左五分鍾先有個飯到， 甘邊係定食個雞肉飯d 雞都幾滑，加賣個滑蛋唔係甘老，都ok...我果個係吉列豬扒， 個豬扒無炸到好乾，肉質保持到，仲有小小朱味，唔錯， 但係我果d 滑蛋就太老，影響口感， 我幾鍾意個小食， 係芋頭仔，無用太多調味料去整，清淡中帶點芋頭本身的香味，麵豉湯加左細花蛤去煮，好鮮甜，個定食我自己食唔曬比左三份一老公食，本來仲考慮叫甜品，但係食唔落，唯有下次再試

如果有留意開我之前分享的文章，應該都知道我向來時常光顧丼丼屋食堂，可算是其忠實 Fans。早前才慶祝過五周年的丼丼屋，近日正式登陸觀塘 apm 商場，更化身為首間進化版丼丼屋。進化版的丼丼屋，名字除去尾部「食堂」的部份，無論環境設計或餐單都與平時丼丼屋食堂有分別。走輕食咖啡店風格的觀塘店，除了仍會供應一貫受歡迎的和食之外，還加入了洋食元素。觀塘店的全新餐目，新增多款飲品、甜品、前菜、輕食、三文治與沙律等菜式，大部份為此店限定。【海老牛油果他他】奶滑的牛油果混入鮮蝦肉，加入蛋白和番茄，塗到烘得香脆的法包片上同吃，非常清爽開胃。【照燒雞肉沙律】帶皮的惹味燒雞肉與清甜南瓜，伴上新鮮蔬菜與柚子醋製成開胃又清新的沙律，加入炸腐皮有新意。【日式炸雞伴薯角】食堂本來有的炸雞配薯角，大件厚肉又香濃惹味，小朋友應該會喜歡，但我認為炸皮太厚身和濕了點。【吉列千層豬扒三文治伴沙律】觀塘店限定的食物之中，這個吉列千層豬扒三文治十分討我歡心。厚身的炸豬扒，外層炸得金黃香脆又鬆化，沾上滿滿的香甜濃郁醬汁。裡面由多片豬肉堆疊而成千層狀態，與普通豬扒相比，更覺油嫩多肉汁。【吉列海老三文治伴沙律】海老三文治用上原隻爽口