丼丼屋 (已結業)

今天原本可以同男朋友踢完波先食飯, 但因為要回家, 所以我自己一個人食完飯先回家。本來想食EMO 韓國菜...點知超多人, 所以就轉戰丼丼屋, 好耐之前都食過一次, 唔覺得有什麼特別, 不過MENU 同食物都好精緻。環境屯門市中心的丼丼屋, 環境不錯, 當天其實都有好多人等, 但因為我是一個人來, 所以唔洗等都可以攝位。入面都好寬敞, 侍應安排我在圓形柱TABLE個度。這裡的TABLE就好像BAR TABLE前的, 所以不會太闊。MENUMenu 好精美, 全部食品都有圖, 令人好想食^^. 但我CHOOSE了呢個* 牛肉壽喜鍋因為佢的賣相實在太吸引了。食物落左ORDER一陣, 食物就來了, 來到時就是這樣 ^_^.................都真的好快手, 而且跟MENU中的賣相差不多。.* 火鍋湯底是甜甜地個種, 好清 好好味。入面有豆腐、白蘿蔔、紅蘿蔔、芋絲、蒟蒻、菜、金菇、年糕, 好多野^_^。豆腐超滑, 白蘿蔔同菜吸了D湯好味。蒟蒻片仲係有花蚊, 搞到我好開心。不過有年糕的火鍋係香港好像是第一次食到, 令我想起我最喜歡食的其中一個關東煮中, 有一個好像叫「福袋」, 係用

做左媽咪出街食飯首先要選岩吾岩小朋友去 尤其係我個女得18個月大有冇BB櫈 會吾會太嘈 例如有live band之類都吾去得 所以當我睇見飯評有人推介依間有兒童餐 我地就即刻去試星期日六點幾去到等10分鐘倒0K啦 裏面係幾日式裝修 同日本差不多 坐底冇耐即付上小童餐具 我個女見到好開心跟住玩左一陣 我地叫左食物如下：炸芝士薯餅（好似30幾蚊）同飯評推介差不多 必叫小食 薯餅外面炸得趣又冇油冧冧 裹面又夠熱 薯蓉好滑 芝士又溶哂響入面 好好味鰻魚飯 $98我好鐘意食日式鰻魚飯 響香港通常食果d鰻魚都比較薄身 （未去過好高級果d日本料理食）但依間d鰻魚好厚身 係平時食嘅厚3份之1 下面再放滿日式蛋絲 再加埋日本米煮出黎嘅飯 簡直係100分嘅鰻魚飯 98蚊直頭抵丫炸豬扒咖哩飯（好似係60幾蚊）普通日式咖哩味道啦 個豬扒炸得比我心目中好 夠趣夠熱吾油又juicy 以依個價錢有依個質數 好ok呀兒童餐 $55有牛肉同炸豬扒揀 我個女重細所以揀左牛肉比佢 成份有牛肉半碗 日式煎蛋2件 白飯 橙汁一杯(類似果汁先生) 牛肉麻麻 有d鞋 冇吉野家果d咁滑 但比我個女食就岩曬 冇咁肥脷丫麻 宇治紅豆新地

冬至日突然有得放早，收工後便閒逛 一陣市中心才回家。是日早餐吃得太盛，中午只是吃了少少，都依舊是好飽...之不過人在外心野野，好想去食少少東西(其實是貪吃吧)。有限胃納要容納無限餐廳的選擇，這實在是苦惱﹗思前想後決定不吃假期都有的TEA，不知只在閒日才有的下午茶餐會有嗎﹖幸好給我在丼丼屋食堂中找到了﹗禮貌的侍應介紹企在門口八八卦卦的食客們關於這個下午茶餐，四個配套每項選一，價錢依項目多少來定斷，價錢甚抵之外，又可以飽有飽有，餓有餓食。閒日的餐廳當然清靜得厲害，一人獨坐四人枱，侍應奉上暖水後，我便和餐牌對視著...腦交戰良久，終於被食物吸引，點了一個太豐富的下午茶了。上次在這裡喝過的菠蘿汁，單叫加一後差不多$20一杯，跟餐都有這個教我如何放過﹖當然味道方面如同菠蘿罐頭加點點糖水，但入口也感到有點果肉纖維，酸多甜少，只可以說對我口味嚕。不過水杯飲用位置的水滴太多，會給客人有點不太好的感覺。(俗語：乜隻杯咁濕淋淋,都唔知咩水黎,好嘔心...)之後的天婦羅盛盒為何是這麼巨型﹖明明問了只有蕃薯﹑南瓜﹑茄子和竹輪卷各一，原來每樣都是加大版...(已經擔心吃完這碟後黎緊個飯點算...)炸漿是厚實版本

我要推介這間restaurant 比有小孩的Daddy and Mommy!!!!! 佢地個兒童餐好正, 份量又多, 又有一杯橙汁!! 我兩個細仔食得好開心! 雖然可能炸豬柳有D熱氣, 但偶然一次無所謂啦!!! 大仔要咗個咖哩炸豬扒飯! 好滿意!!! Daddy 就order 咗個焗咖哩牛肉飯! lee 個真係好好味!!!! 如果可以有多D 芝士喺面就更好啦! 服務也很週到, 尤其是對小朋友!!!! 好欣賞!!! 一定會再去!

親子丼沙律清新。親子丼即係滑蛋+雞肉飯。滑蛋呈流心蛋絲狀，十分嫩滑，蛋汁豐盈，甜甜的，相信係加咗日本甜醬油。不過由於蛋汁太多，底下嘅飯變得好濕，好糊口。米飯本身亦無甚咬口。另外，雞肉係雪藏貨色，無雞味，但勝在唔嚡口。以58蚊一個套餐嘅價錢，不能要求太多喇。芝士炸薯餅薯蓉內藏滿滿芝士，一咬落去，芝士呈半溶流心，可以拉成絲狀，不錯。但炸皮太厚了。整體普通，一試無防。

一入去，只有bar枱位，同侍應講聲，佢話有枱就立即轉比我地，服務也算不錯。等了十分鐘左右，就幫我地轉枱，坐得舒服好多。親子丼＄53見到之前的post都讚呢個親子丼，價錢又抵食，於是點了一客試試。真係好多蛋汁，雞肉也嫩滑，但略為濕了一點。牛丼＄48賣相一般，但牛肉汁好香濃，d飯又夠熱，拌埋d汁食，真係食到停不了口，可以再encore。芝士炸薯餅＄38新鮮炸起，好熱，好香，但不油膩，份量也很大份。一啖咬開，發現好豐富的芝士要流出來，好好味！唔單士有薯蓉味，仲有芝士味，雙重味道，雙重口感。值得推介！

星期二約左兩個朋友食晚飯,我提議嚟呢間,其實未嚟過的,不過睇D相好似好吸引咁,所以嚟左呀!朋友都食過架都話OK的,七點半嚟到都冇咩人,可能係屯門及閒日的關係啦,我地三個人分別叫左一個吉列豬扒丼,一個咖喱牛肉焗飯,另外叫左一個汁燒牛扒飯,再叫左一份蛋卷,我睇食評相後就好想試食啦,仲有燒魚干一齊食呀!!上菜好快呀,先嚟蛋卷,好靚呀!!有四件的,好厚的蛋卷,入面係少少流心蛋,好香好好味呀!!我好鍾意食蛋卷架,正呀!! 燒魚干朋友話上次食過話好味的,果然真係喎,好薄的魚干,唔知係咪雞泡魚干呢?? 好味喎,真的好香!!飯嚟啦,咖喱牛肉焗飯都好大份喎,賣相OK呀,好香咖喱的味道,我都試左少少,有些芝士係面,牛肉唔算好淋身,不過份量都幾足的,唔會飯多牛肉少,少少辣. GOOD!!! 汁燒牛扒飯個樣都OK,係七成熟的,都好多件唔算大件的啊!! 朋友話味道都好味旳.我的吉列豬扒丼,上面一層係吉列豬扒,一面係一層蛋舖係飯面,豬扒唔算好鬆化,但都好味,我好鍾意果層蛋呀,少少未熟晒既感覺,加埋D飯一齊食,VERY GOOD!!!! 仲有一碟小黃瓜的.我地坐左好耐,係度傾計,但仕應的服務都好好,都有不停加水,

屯門市廣場開左好多呢類日式食店，呢個位前身係元綠，開左一年左右！呢間主打飯類、小食and雪糕新地。佢門口D滑蛋飯圖片已經好吸引！不過，最唔鍾意係佢地的打招呼方法一入去會全部侍應叫，真係嚇鬼死，我地坐bar台位，佢地一有人入黎又叫，真係咪話唔驚！我知呢D係佢地的禮貌，但我認為招呼我果個講咪得囉！比大家睇圖，大家認為點呢？價錢都算實惠！上菜時間都好快！嘩，呢個滑蛋雞肉飯($48)，簡直係JUICY，雞肉份量充足！Ｄ雞蛋汁好香甜，好滑，撈埋Ｄ飯一齊食真係一流！飯又唔會淋，我只用了10分鐘已經ＫＯ哂！同事的鰻魚飯未到我已經食左一半！終於出場喇！鰻魚飯($98)係連石頭鍋上，熱辣辣嫁！睇下Ｄ鰻魚，份量十足，厚度一流，絕無取巧！我本身都唔係特別愛食鰻魚，但間中食下都唔錯，我試左一件，肉質好嫩滑，啖啖肉，連埋Ｄ汁真係絕配！再加上飯焦唔會過燶！食落口好非常香脆！粒粒飯都覺得好香，用石頭鍋上零舍唔同！

一場八號風球，打亂了大多人的行程，包括我，本來這晚，我與她在蘇豪上吃飯南意菜的。接她下班之後，商場內的食店還是繼續營業，但每一間也有很多人排隊，我說：(不如回到屯門再算。) 在颱風下的食店，除了酒店內的餐廳之外，剩下的，是大集團下的食店。隸屬美心集團的丼丼屋食堂，上年曾到過圓方店，吃過多款菜式，感覺還不錯。在丼丼屋加上食堂兩個字，便是是丼丼屋的平價版。基本上，在屯門市廣場內的食店，只要不大難吃，一到晚上黃金時段，門外總會出現人龍在等候，她說丼丼屋食堂每晚也有很多食客排隊。這個八號風球的晚上，丼丼屋食堂繼續營業，但門外的人龍不見了，直行直入，店內只得三數檯食客！既然是平民版本，價錢當然平易近人，餐牌上最新推介盛豚丼，只是＄58一客，套餐價則加上＄15。如果拿盛豚丼與牛丼比是不公平，牛同豬又怎能相比，不過豚肉層次分明，肥位帶點甘香，瘦肉位鬆化有嚼頭，味道香甜，中間的煮蛋，伴以日本米吃，甜美的蛋汁與肉汁的結合，簡簡單單，不花巧，價廉物美。其他的前菜，麵豉湯，沙律，總共價值＄15，沒甚突出，亦不難吃，不要太過苛求了。她點了鰻魚飯，則比較貴一點，單點價＄98，以熱騰騰的石窩盛之，還是熱呼呼地端上

看到店面的display, 感覺上丼丼屋有點像一間貴價吉野家和朋友等了15 MINS到, 就有得入座,等位期間, 門口的員工細心的問要不要先看餐牌或在旁邊的椅子等候我們坐的位置是在廚房出面, 環境有D嘈, 同埋比較大油煙試了門口大POSTER的""盛豚丼""飯上面舖滿了豚肉, 一點都不吝嗇, 旁邊還有一些配菜, 中間有一隻蛋黃, 店員送到時主動提及先攪拌蛋黃再食豚肉就有小小"un", 另吃了朋友的牛肉, 好像不大分別飯是日本米,汁的份量也不太多不太少,加上攪拌的蛋黃很惹味另叫了必叫的"芝士薯餅"呢個一定要襯熱食, 睇落平平無奇, 但一哎開去就好多芝士湧出來鍾意芝士同香口食物既人一定唔可以錯過最後叫了一杯綠茶牛乳杯面有些cream, 杯底有些紅豆, 增加口感3.6牛乳真係唔同d....好香好滑,又唔會太甜

餐廳步上軌道後，客源穩定，但個人反而頗欣賞這裡的下午茶餐價格相宜，有前菜、Miso Soup及飯麵，加錢可點小吃或甜品飲品Tea Time時間也吃過幾次，豚肉生薑燒、牛丼、主餐牌的雙拼都有吃過，質素中規中矩，但人流少，地方大，坐得舒服。吃牛丼少不免想起吉野家作比較，但這邊濃味得多，可惜牛肉有點over-cooked，少許乾韌，洋蔥入味後比牛肉更吸引；豚肉生薑燒較前者好，但就少了那種jelly-liked的醬汁，也不打緊，在香港幾乎沒吃過滿意的生薑燒冷烏冬與吉列豬柳飯雖然在主餐牌，價格七八十以上，但同時有炸物配飯和冷烏凍，絕對可滿足夏季的胃口，芝士薯餅一貫地出色，炸得通透下午時間雖然職員人手少，但相對客人也少，服務頗到位，消費合理，是個理想傾談的下午茶地點

是日由於要到旅行社詢問一下套票事宜, 很自然又到了這裡晚飯, 彷彿已成了就近的心水食堂。 其實每次到來, 總不希望被安排方檯, 心想靠著坐比對坐好, 私密度亦大一點。 隔了數星期沒來, 餐牌略有改變, 此刻突想吃些炸物熱氣一下, 循例又是主食跟上兩客小吃便剛好了。燒玉子卷($28): 一向對日式甜蛋都很有好感, 愛其甜甜又像海綿鬆彈的質感。 這客看起來雖未覺有烤過, 面層不見太多焦黃, 未免失色一點。 然而層次感還算豐富, 層層相間著, 而每層之間有一定的空間感, 綿密度高, 頗鬆泡的。 吃起來帶點甜, 蛋味不作假, 伴上細滑的蘿蔔蓉和木魚味醬油, 簡單清新。吉列廣島蠔豬柳定食($98): 定價比圓方丼丼屋便宜, 份量約是三分之二吧! 配套同樣有湯、前菜、炸物、米飯、菜絲, 親手磨芝麻亦是少不得, 只是跟食物同時上檯, 為免炸物放涼, 動作可真要快手。 見蠔肉被炸漿緊緊的包著, 已覺對辦, 麵包糠較為粗粒, 但不會硬得界口。 趁熱咬下去, 汁水豐富得要流進口中, 差點兒燙傷呢! 蠔肉雖不大但還是飽滿, 十分鮮嫩, 沒有腥氣, 難得是炸層鬆脆甘香, 未有過多的油份。 炸豬柳蠻厚肉的, 因

[星期日在屯門吉之島同啊仔和媽咪去玩完呢個冒儉樂園之後揾野食啦....行過小小見到有間叫(丼丼屋)食日本野架啵...門口裝修都幾靚架比佢級引左我入去.......睇吓有乜食先...又想食烏冬.又要食飯....一次過滿足我兩個遠望....媽咪就點左生牛肉湯烏冬.....wowowo我的丼丼定食要出場了分別有炸朱扒飯+清湯鳥冬..沙律.日色前菜.麵豉湯和兩片太郎羅白..朱扒炸得好香好脆.加埋日色朱扒醬一起食...GOOD...清湯烏冬真係好清...其如的沙律..麵豉湯和兩片太郎羅都是可以唔須要講的....媽咪的生牛肉湯烏冬也來了湯先喝一口..都幾好清得黎唔會冇味加埋牛肉一起食...環可以..至於烏冬就是一般貨色.唔會話凸別彈牙好食......争啲唔記得啊仔要用兒童餐具潻IMG:7]呢到都對啲小朋友都幾細心.兒童餐具都幾靚架.等啲小朋友食野都開心啲丫~~~~總結:丼丼屋食物水準都係可以話一般.又唔係話吾好食...合格多小小啦.至於環景同裝修我比90分坐得都好舒適....整體黎講都好.各爸打.絲打行完街經開都可以入去舒適一下架~~~~~~

這店與圓方的丼丼屋屬同一集團, 打著食堂的旗號, 意謂價錢較平民化, 見餐牌上食物都有五六成相像, 唯沒有刺身類供應。在附近閒逛後已是閱上八時, 心想這黃金時段必定很多人在等吧! 但口是這樣說, 還是乖乖的走過來, 幸好情況不算太壞, 只等約十個號碼, 期間利用空檔研究餐牌, 很快便可入座了。餐廳裝修設計都沒有太大分別, 木色調加上柔和的燈光, 帶點日式風情。 剛好被編坐吧檯, 眼見二人桌位置較小, 加上左右隔鄰都在高談闊論, 這樣安排還合心意呢! 而事實亦坐得舒適, 十分鬆動, 而且傾談時也不用放聲大叫, 感覺良好。先點杯菠蘿汁($15)來解解渴, 果味真實自然, 帶點酸甜, 間中會嚐出絲絲果肉, 飲後沒有涸喉的弊病。一翻開小食幾頁, 特別花多眼亂, 燒玉子、炸雞、燒魚、沙律等統統想吃, 作出取捨之下選了燒雞泡魚乾, 印象中是初次嚐這東西吧! 兩邊都燒到香口, 入口微脆的, 事前還擔心會燒得乾巴巴的, 怎料一點也不韌, 鬆軟中不失嚼勁, 先有甜味, 鮮味則慢慢出來, 伴沙律醬更能提升味道。 只是略嫌部份燒得較焦, 不然會更完美。香口食物總是離不開, 炸芝士薯餅($25)是必然之選。

寶寶日漸長大，媽媽照顧他所花的精力也更加龐大了，因此就算遇著長假期，也少有出門；就算出門，也盡量揀就近地點。剛過去的四月清明復活假，一家三口選擇來屯門shopping，並於丼丼屋食堂解決午餐(其實是下午茶了!!)。　抵達之時已近三點，店內食客不多，一家三口在寬敞檯下就坐，BB車就泊在檯旁，舒服得很；後來見到沒太多人，爸媽甚至連片都換埋! 　 媽媽十分想念這裡的新潟靚米，急不及待重溫了美味的滑蛋雞肉丼($48)。超級滑溜的嫩蛋，以及味帶香甜的雞肉，配上恰到好處的上湯雞汁，以及軟熟有致、棉香有嚼頭的一級靚米，美味啊! 除了滿足舌頭及味蕾，雞蛋與雞肉都有很豐富的蛋白質，對媽媽及寶寶都很好；這美味、營養並重的丼食，難得定價又不貴，如果開在元朗，媽媽必定每週都去拜訪!　其實丼丼屋食堂早已開枝散葉，爸爸返工的樂富也有一間，故他也試了多款丼食，是日見有一款新出的咖哩牛肉焗飯($58)，就點了來試。靚米用來製作焗飯，滋味與普通米飯差不多，失去原有的優勢；幸而焗飯外層的芝士軟滑富乳香，再襯香口日式咖哩及細碎的免治牛肉，口味頗為豐富，整體水準也不差。　爸爸加了$15轉套餐，多了麵鼓湯、沙律及小食，但這些媽