丸亀製麵 (已結業)

下班回來，本來想上supermarket 食魚生，不過可能食得多；朋友話食其他野試下。我諗下有什麼好食呢？不如就丸龜喇，之前又無食過。去到排隊點食物，其實可以自己一件件去點食物係幾有趣；不過可能排前面的人沒有決斷力再加上員工沒有速度感，所以慢到我想走人！忍阿忍，點到食物喇，我點了明太子溫泉蛋撈烏冬+一部份天婦羅(蝦、番薯、茄子、南瓜、什菜)想試下好不好食。先試明太子溫泉蛋撈烏冬，明太子沒有鮮味只有咸味；溫泉蛋都creame ，不過烏冬質數真是好普通；和supermarket買的包裝烏冬差不多。如果要用它來作主打就過分左D。而天婦羅就精彩！皮硬料細，我覺得和食快餐都炸得好D。只有炸什菜是比較好…公平D講，因為有一D天婦羅是做定的，不熱是正常。不過個皮炸到可以當刀仔用就危險左D…所以佢得到我的第一次( 又真是實至名歸。重要比朋友鬧

因為openrice都有好多讚美的說話，所以我特別去到此店品嚐。門口是在商場入面，而一入門口它陰陰的燈光，以令我覺得店鋪比我想像中少而且因為餐廳是以快餐店方式經營，服務上令我覺得略遜一籌。鋪面的餐牌和宣傳單張都清楚說明餐廳有什麼食品，形式有點像吉野家，但此店以烏冬為主，飯為次。 點餐都是直接由廚房師父幫手詢問客人要求，廚房師父+服務員+半清潔員三合一，老闆真的有諗頭。由於是三合一的服務員所以我真的無咩要求可言，就等如收銀小姐的服務要求都是零。點菜主要分四部份，點主菜(烏冬或飯種類)> 點配菜(例如明太子、蘿蔔茸、溫泉蛋、炸物、壽司卷、飲品等等)> 收銀(點菜問題可問收銀小姐)>自助區(醬汁、蔥粒、冰、水)。所有烏冬都有大中選擇。而我今次點的是大的S3豚骨湯烏冬(($44))，份量都不是很多，另加蝦天婦羅($13)、溫泉蛋($9)和海老壽司卷($12)，共$78元正。 價錢跟台風拉麵差不多，但份量方面略遜一籌。言而，喜歡烏冬的朋友不妨一試，因為它的烏冬爽口彈牙又煙韌，口感真的唔錯。湯有濃濃的豬骨味，食的時候我加上了蔥花、雞蓉和炸物粒，口感豐富而不太油膩。天婦羅沒有

是日因為要到吉之島買些日用品，路過荃灣廣場見到有間日式食店，裝修都幾靚，又見有人在排隊，便看看是什麼一回事。店外放了一個指示牌和餐牌，了解完之後，原來是一間自助形式的烏冬店。首先要選擇食什麼烏冬，師傅便即時為你做好，然後可以再加一些附加食物，例如天婦羅，所有食物齊全之後，便可以到cashier付款，然後自行找座位。最細心的是在cashier後面有一個自助counter可以加清水和有齊蔥花，薑茸及天婦羅麩供應。烏冬價錢由二十幾蚊到四十幾蚊，有大和中兩個size可以選擇。當日都算多人，要排大約十五分鐘才可入店內。本人點了中size的豚骨湯烏冬。豚骨湯烏冬，烏冬煙韌同埋彈牙，口感唔錯，食落真係好食過其他烏冬，豚肉味道只是一般，而且是現成做好的，那半隻雞蛋只是熟蛋，沒有像圖片中，帶著溫泉的味道。總括而言，在這麼平民的價錢，環境舒適，食物又不差，已是很好！

下午快2點去食 要排隊也是很正常 荃灣廣場旺冇計啦但排左5分鐘就覺得怪 有好多空枱冇客坐入到去裡面首先見到一個員工慢動作咁量烏冬份量... 點菜位得一位職員去落之剩重要做埋orde再入少少有4-6個職員都係有準備食材 明白哂排長龍原因...不過咁多人準備食材 但係可以立刻選購嘅天婦羅得幾款由排隊到購買都令人很失望自行加食材的天婦羅粒也不是傳統日本烏冬店的那種本人點的是咖哩烏冬 另外加左一個獅子狗天婦羅咖哩味道很濃 算是好味 份量也足夠 食得飽飽的可惜種種行政上錯誤 令人食得唔開心

與其話佢係一間餐廳, 倒不如話佢係一間另類快餐店. 入到去, 職員會叫你買左野食先可以搵位, 搵晤到, 職員會安排. 有好有晤好la, 如果一個人去食都ok, 晤會因為一個人無得霸位而無得食.烏東可以揀大or 中. 師傅會即場整個烏東比你, 烏東碗會係用之前用滾水洗下先, 幾乾淨衛生. 之後排隊比錢中間可以選擇其他食品e.g.飯糰. 比左錢之後可以自己落調味料同拿水…S2溫泉蛋蟹籽撈烏東 (中)烏東真係好煙硬, 味道ok, 蟹籽好細粒, 味道比較鹹.S3豚肉湯烏東 (大)個湯超正, 同一般豬骨湯晤同. 味道比較淡, 同埋有蔬菜味, 飲落有d似較鹹ge老火湯, 不錯! 但d豬肉就少得很…鮭魚卷完全晤得, 見到就晤想食, 賣相好似我自己係屋企整果d咁... 入面有煙三文魚, 生青瓜, 玉子, 沙律醬… 不過佢d飯竟然係熱的… 明明有沙律醬, 仲有生青瓜, 個玉子都係凍的… -_-“ 有d無奈…Overall: 適合自己一個人去食, or 當快餐去食, 約會or想傾計就免了… 不過overall味道同價錢都尚算合理.

一田的熱潮已過,,還記得6月尾一田開張,,帶來了好幾家的日本餐館,,都是平民化的價格..小兩口子可以90塊搞定一餐..想要豐富點,,也不過百多塊,,也實在實惠..丸龜就是一個好地方..剛開的頭幾天可是人頭擁擁,,要等10-20分鐘才能入店選購..但第一次就被吸引了..看著師傅用機器即做的烏冬,,隨說麵團已是弄好的,,只是用機器再壓扁..然後放入另一機器切成條狀..但看著一條條的烏冬從那機器裡跑出來,,再被放到熱騰騰的水裡煮..’滴滴滴滴滴”..計時的鬧鐘響了..師傅馬上把烏冬撈起..放到旁邊的冷水中”過冷河”..防止繼續煮,,也讓烏冬更爽滑煙韌..用磅計算分量,,每一份都一樣..從熱潮剛起到熱潮減退,,我來這裡3趟了..也試了不同的烏冬..1.溫泉蛋烏冬温泉蛋的流心是我最愛..2.醬油烏冬醬油烏冬雖只是在烏冬上加上醬油..很簡單..卻很配合..醬油沒有苦感..簡單但美味3.清湯烏冬4.豚肉烏冬豚肉很林,,有日本燒肉的味道,,驚喜,,5.季節限定冷拌烏冬的確是季節限定,,夏天吃這個確實不錯,,酸酸甜甜的醬汁特別開味,,配青瓜絲和紅蘿蔔絲很清新,,值得一試!6.海鮮野菜天婦羅每次必定會加一

21-7-2013(Sun)朝同男友起身後,爸爸又叫我o地去買餸,男友又想買高達T恤,o係荃灣廣場有Chocolate,但冇早開吧,就晏一晏至落o黎呢頭附近食o野兼買啦.我o地o黎到,原想去新斗記食雲吞麵,但原來唔係食雲吞麵,係食順德o野,咁唔食啦,落返去地下睇,見有兩家手打烏冬,其中一家o係新都會廣場食過,不如就試呢家丸亀啦.我o地搵到喇,呢o度要先自己點o左鳥冬後,可以加其他小食,如天婦羅,壽司等,畀o左錢又可以自己拎多種醬油,蔥粒同薑蓉,重有可以自己加水,最後至搵位坐.我同男友分別要$42.00o既大溫泉蛋烏冬,我要$44.00o既大沙律烏冬,然後我o地加$13.00o既海老天婦羅,$7.00o既茄子天婦羅同南瓜天婦羅各一,但由於天婦羅全部都未炸起,我o地要坐低等,之後有好多客人喇.男友加o左蔥粒同薑蓉落佢o個碗溫泉蛋烏冬,我o地影好相就開餐.我o既沙律烏冬,烏冬夠冰凍同彈牙,麻油味好濃,已經覺得唔錯,青瓜絲新鮮清甜,大粒粟米卻唔夠甜,紅蘿蔔絲過硬,建議可以拖拖水整腍啲,而食到底,啲黑醋汁酸酸地之餘,都食到有少少辣味.而男友o既溫泉蛋烏冬呢?醬油味同樣夠濃,都好好味.好耐,我o地

自從十多年前嚐過電器道的手打烏冬店後，以前不喜歡食烏冬的我開始喜受上烏冬。套用女朋友的話：原來我不是不喜歡食烏冬，只是十食過好食的烏冬。可惜那家店已結業了，後來怎麼找也找不到特別好食的烏冬。雖然還有尖沙嘴的富久保（很貴）、自家烏冬（其實只是剛剛合格，現在品質更差了），以及甘味讚岐手打烏冬店（尚可），但始終食不到好食的烏冬。這一晚往荃灣大會堂，路經見到這一家店，決定完事後一試。點了溫泉蛋湯烏冬，然後自助夾了蝦與魷魚天婦羅，最後看見甜腐皮壽司，忍不住夾了一件。付款後在自助調味桌酌了蔥花，便坐著品嚐。第一口，久違了的鳥冬重現。麵身滑而有韌度。很想像味吉陽一那樣大喊：「好味啊！」我最愛的是簡單的烏冬麵，醬油湯底加上蔥花，已能讓我大抒幾碗。起初略嫌湯放得不夠，因為我是那種連湯也喝清光的食客，誰然吃到最後，湯的份量剛剛好。溫泉蛋流心，跟麵同食最過癮。其餘的天婦羅，說實話，我對它們的興趣一般之餘，它們的品質也一般。難得的是有甜腐皮壽司，我最愛的烏冬，其實是甜腐皮木魚湯烏冬，夾這件壽司，純粹情意結，味道嘛？我只能說，這家名符其實的製麵店。最後一提，別忘了最後要自己收拾餐具。總括來說，我很喜歡這裏的烏冬

丸亀製麵的確是在香港少見的餐廳，其特別於其經營方式，顧客自行點叫基本麵式之後，烏冬配料可自由配合，再付錢享用。不論烏冬的質感，湯底，百分百是日本當地的風味，甫入口的心情是：噢，好懷念日本旅行時的烏冬風味啊！點了個溫泉蛋烏冬，溫泉蛋入口即溶的口感真的是一絕，再夾了個魷魚天婦羅（１０元）（いか天）正宗的日式天婦羅，脆炸得來不會太多炸粉，拌以天婦羅汁實在好吃到不得了。手痕還拿了個鮭魚飯團，只是這個就有點兒不是滋味啦，但大體上這間店是值得一去再去的。：）

看著她圍板，裝修，試業，到正式營業。這間餐廳，正好在我家樓下。本人好日本菜式，但謝絕所有生食的食材，所以這間烏冬專門店實在值得一試😋進入好的店面，首要學會如何跟進她的營運去點選你要的菜式。1》先選好你要的烏冬（拎餐具及托盤）2》選擇天婦羅（要留意天婦羅係每件計算價錢的，而無論你要與否，都要等前面的食客完成此部份，你才可能順利結賬）3》結賬（結賬區有飲品選購）4》到調味區加料（如有需要，此區屬免費的）🍴完成後方可埋位開餐🍴提到食品水準，個人認為一般。烏冬厚身彈牙，確實容易飽肚。湯底一般，以豚骨湯來說，味道不夠濃郁。天婦羅雖然冷冰冰，但勝在外表夠脆，而且在食品枱上的量並不多，每款大約有5件，沒有存貨時才現炸👍整體而言只屬一般，本次消費HKD82只屬一個人的消費，是否抵食見人見智。

非常喜歡呢間野既烏冬，由整面團，壓面粉，煮熟，同過冷河都做到一絲不苛。煮好既烏冬都好彈牙，醬汁都好掛面，炸物又可以即叫即炸，價錢合理，唯一缺點係無外賣。荃灣新開既梗係要黎試下啦，呢個店舖既前身係一間台式食店，依家都沿用返本身既廚房同餐廳間格，不過自助烏冬既關係，廚房位要介多一小部份黎等食客自助購物。坐位既地方好明顯比尖沙咀分店細，但舖門口間多左幾張台撘救。排隊等叫烏冬，見到staff用個網黎撈烏冬感覺好新奇。炸物款式好似比尖沙咀小。是日係星期一既下年1點幾，唔知係咪食飯時間加放暑假，所以都有9成full。講返主題先，今次當然係要左我最中意食既中size既4號冷烏冬同紫菜尤魚炸物（今次係即叫即整，所以好食好多），朋友就要左一個中size既6號溫泉蛋暖烏冬。我試左一條，醬汁唔咸，好掛面，好味！不用多說， 賣飛彿凍烏冬彈牙程度比暖烏冬更強，加上小小 wasabi 味好 fresh 好岩夏天食，食完唔會滯，一d油膩既感覺都無！推薦俾大家！

首次接觸丸龜製麵，是在The One的總店，當時是一位朋友介紹，話呢間野好玩又好食。印象中那時沒幾多客人，仲擔心唔知頂唔頂得住。轉瞬間，這品牌已在荃灣廣場 (以前四海游龍的位置)開分店，已經是第三間了，真係唔講得笑。大概係新屎坑既關係，荃灣店人山人海，見到排隊買野食既人龍，有點嚇了一跳，怎麼可以跟尖沙咀店有咁大的對比呢?或者再講多次遊戲規則，就是先排隊去選烏冬 (有冷有熱有跟溫泉蛋)，再走過天婦羅那邊自已「夾」心水炸物，最後到收銀處付款，之後返埋位食，就係咁簡單。至於天婦羅醬油、蔥花以及白開水等，也是整整齊齊的放好，大家悉隨尊便。這個近乎全自助的做法，一方面慳人手，大家又覺得好玩 (尤其是青年人)，絕對是雙贏。好啦！究竟我買了什麼回來吃呢? 答案是：海老天婦羅、茄子天婦羅以及炸半熟蛋，配以冷烏冬。烏冬仍然是爽滑又有咬口；茄子天婦羅粉漿不太厚，外鬆脆內軟腍，但最大問題是凍冰冰；海老天婦羅亦然，雖然屬外脆內爽口，不過就是預期中的冰凍和沒味道；流心炸蛋，我依然不懂欣賞。總的說，我喜歡這裡的烏冬多於天婦羅。另外，像我這份食物，盛惠五十八個大洋，價錢雖不算十分經濟，但間中來吃一餐，未嚐不可。

(779)自從荃灣廣場之四海遊龍遊過千色店後，新主人丸亀製麵就進駐了這裡。這天過來一田趁熱鬧之際，看見這店已經開業，便順道入去吃碗麵，剛在八方雲集食過水餃麵，不太餓，就選擇了細碗豚骨湯烏冬。豚骨湯烏冬，烏冬煙韌，咬感幾好，豚肉內帶軟骨香口好味，而那半隻雞蛋只是熟蛋，沒有像圖片中，帶著溫泉的味道。這裡飲食程序是，先選擇食物，通知門前櫃內之師傅，再取餐具食物盤，行到尾收銀機處交錢，等待食物，清水就要自己斟，不是很習慣，最正的...就是生蔥任你舀！物換星移，總是永恆不變，這裡又是一龍遊去一亀來。