丸亀製麵 (已結業)

成日見到呢間烏冬，今日終於食到試左醬油烏冬，其實唔係好貴$28 就有一碗細烏冬，女仔食細既都好飽啲烏冬好彈牙，好大條仲可以自己加蔥同脆脆之後可以自己揀自己想食既餸今次食蝦餅同炸茄子蝦餅都脆幾香口但茄子可能太大舊，中間仲有啲硬！希望下次試釜揚烏冬🙈

每次必點明太子溫泉蛋烏冬，加葱花薑蓉少少鰹魚醬油撈匀食，美味！烏冬跟晒程序，唔會有乜差池，係唔明點解溫泉蛋明太子烏冬要等七分鐘，問佢係咪因為溫泉蛋要等，佢話因為啲烏冬要過冷河，吓過冷河要七分鐘？真係唔明。胡麻炸雞每次必叫，炸雞唔乾juicy，外皮有黑芝麻夠香，加啲七味粉，一流！但今次個皮唔脆。😓經過幾次嘅比較，覺得屯門店嘅職員，一般態度係差過荃灣嗰間，荃灣嗰間有啲笑容態度較nice，而屯門呢間就黑面啲惡啲... 下次都係去返荃灣店😣

早排食過丸亀的烏冬，覺得彈牙又美味，而且相當便宜，所以這天再次到來回味! 同樣選了腐皮湯烏冬 ($25)，本想加點炸天婦羅碎，可惜只餘下少許，而且剩下的也超多油，所以試試加點生薑& 七味粉，怎知一試就愛上了. 生薑辣辣的，吃過烏冬後，整個人都感到暖到來. 炸鱈魚扒 另外，炸物也正做優惠，任選2件只需$20，與家人每人一件炸鱈魚扒. 不要期望是熱辣辣的，幸好入口仍帶暖，而且炸得夠乾身，魚肉嫩滑亦沒有伴點腥味，可以一試的! 每人$35 就吃到飽飽，如果烏冬的湯底是熱燙的更好!

看回舊文，才發覺已有2年多沒幫襯過丸亀製麵，難得下午時份經過，又有點肚餓，不如吃碗湯烏冬la! 腐皮湯烏冬 ($25) 只售$25 的腐皮湯烏冬，份量也不少，還可自行添加炸天婦羅碎，更添香口惹味. 腐皮幾香甜，再加上煙韌有嚼勁的烏冬及熱辣辣且帶帶甜的湯底，簡簡單單已令人回味. 要不是過來屯門市廣場2/F買東西，也把這烏冬店遺忘了. 這次之後，應該很快再見面了 屯門屯隆街3號屯門市廣場一期2樓2172號舖 2811 1520

上次見到明太子溫泉蛋烏東已經想試，不過最後都係試咗雪蟹烏東，今次再黎一定要試呢個！明太子好足料，加上紫菜絲，鹹鹹地充滿日式風味，將溫泉蛋攪勻混合烏東一齊食，好滑好滿足！叫咗中size已夠食，另加兩件蝦餅亦只需$20。蝦餅炸得好鬆脆，仲有一隻隻蝦肉在內，真材實料！

d炸物淋晒！五好味d炸雞既肉好粗糙，同炸物既衣分開，炸雞=炸物衣+雞肉d飯團既飯無醋味，之前食既都有d壽司同炸物五多新鮮又無野隔住，感覺好一般(雖然呢間真係自助式咁，但係如果好似有面包店既櫃去保護d野食會五會好d呢？到要拎既時候先打開去去拎)此外，當時起我前面既人對住d野食打鼻鼾⋯所以我先有咁既諗法同嘛五知做咩佢只係開左半場燈有一半五知壞燈定點d蔥有野蓋住會好d好怕d人無公德心呀以前呢間切既蔥比依家係幼d！幼d食落去正d

今日又黎到屯門食烏冬 上次已經見到撈烏冬 今日終於俾我試番✌🏼️叫咗明太子温泉蛋撈烏冬 依個烏冬唔知點解要去左俾錢先 之後至俾個烏冬你 無相干啦 一見到個烏冬已經覺得好靚😚 仲攞咗葱同鰹魚醬汁 諗住唔夠味可以補充下 點知 撈完一試 明太子啲咸味已經夠哂 唔洗落醬汁都得 食多2啖 覺咸 就撈勻隻蛋 中和完簡直perfect match ✨✨

屯市近住意前粉屋嗰頭有間日本烏冬店 終於試咗依間店係自助形式 首先去叫烏冬 再沿住條路 可以揀埋配菜 配菜有各種天婦羅同飯團 我就叫咗腐皮湯烏冬同魷魚魚卷($15) 之後再一次過俾錢腐皮湯烏冬 湯底好香 好似係鰹魚湯底 烏冬夠咗un 度 QQ彈彈的✨ 腐皮甜甜 好啱似足小朋友口味既我魷魚魚卷就一般般 冇彈性 冇口感 都冇乜味添 我就不太推薦了總結 烏冬堅得 好正!

同朋友都想食烏冬，行行下就見到呢間野，自助形式，首先講左湯底要咩size，我都係食細size，因為我仲叫左個野菜餅同炸芝麻雞好味道，鬆脆香口，朋友叫左個豚肉烏冬加魷魚，正呀，炸到岩岩好

今次嚟到丸亀搵食！以前喺日本冇錢～烏冬係其中一個窮人恩物！日本咁多烏冬連鎖店入面最鍾意就係丸亀～明太溫泉蛋拌烏冬 大（$49）魷魚鬚天婦羅（$10）基本上每次喺香港丸亀都係食呢款～再另外拎一大碗天婦羅碎同鏗魚醬油。（大碗到鋪滿成個烏冬面）喺日本讀書嗰陣為咗慳錢～係唔會夾配料食～所以會拎天婦羅碎一齊撈～就創咗呢個食法～店員會建議喺烏冬上淋醬油2個圈～但我覺得太鹹～大家可以慢慢落試吓個味先～個明太子應該只係蘿白蓉+少量明太子～但都幾香～而溫泉蛋淥嘅時間啱啱好～不過應該同日本用嘅蛋唔同～所以蛋味唔夠濃⋯而烏冬略嫌太軟～如果再煙韌一啲會更好。魷魚鬚天婦羅係第一次食～炸得非常香口～好有街頭小店嘅風味～不錯！總括來說都幾抵食～但味道跟技巧還是比不上日本店⋯

ROARRRR~~~~ 呢排實在太熱了， 胃口都遞減了(竟然？！) 凍野凍野我要食凍野呀！ 冷烏冬(大) $35佢冰凍Q彈爽滑ge口感， 一啖o雪入個口到， 再配埋附上的冷麵醬汁+少少wasabi, 真係好爽！ 你中意ge可以加埋餐廳提供ge葱粒&薑蓉， 不過加左我覺得變左燒味飯囉…我覺得ja! 温泉蛋湯烏冬(熱&中size) $38温泉蛋滑嘟嘟，烏冬一樣好煙韌， 不過熱同冷烏冬相比之下， 冷食係加强左個種Q彈ge質感山葵腐皮壽司$12/2件甜甜哋的腐皮入面有磨碎o左的山葵， 但味道唔算太出，普普通通天婦羅就點左：-野菜魷魚$13:竟然係軟綿綿！有d 雜菜粒， 魷魚味又唔係好覺wor哈哈炸蝦$13: 就係炸蝦味黑椒雞柳$13: 粉醬唔厚，雞肉都唔鞋，都ok!總結： 夏天o黎食冷烏冬真係呀

好煙韌嘅烏冬，明太子都好好味，温泉蛋最正😍一值都好鍾意食利間烏冬，啲烏冬夠晒彈牙，似足我以前去日本食果種嘅，天婦羅夠脆，雖然吾係平，但好好味，已經係經常食值得一試

以前好鍾意食烏冬，成日去食自家烏冬，但係佢既質素已經冇一開始keep得甘好，我就少食左。但係種烏冬癮一直保留至今口，係這一晚爆發出來! 麻醬牛肉烏冬，是一款凍烏冬。我較鍾意食凍烏冬，因為這樣能夠令烏冬既爽彈質地更加突出。而依間的烏冬亦無負我所望，真的很軟滑而富有彈性。麻醬是撈凍烏冬的常用醬料之一，這款十分之香濃，和烏冬的涼感相得益彰。稍稍一吸，就一條烏冬入口，隨即滲滿香濃的麻醬，個種爽感難以形容。為左令到麻醬同烏冬既組合可以留耐啲，我仲突登食哂啲牛肉先，雖然牛肉都很嫩同入味，但我始終鍾意就甘麻醬撈冬，因為真的很正.

晩餐想食烏冬就去咗丸亀製麵，好在時間仲早唔多人排隊平時夜晩好多人排隊。雪蟹烏冬(中)：由湯底到食材，都加入咗螿，仲有蟹殼做裝飾，打開蟹殼入面會見到一舊打碎咗既蟹肉。先講講湯底，雖然有蟹味，但偏鹹，至於嗰個蟹肉，食落粗糙唔夠幼滑，無乜味~最好食既估唔到係粒丸~彈牙，有少少蟹味~後尾將嗰件蟹肉再整碎加入湯到算...因為真係幾難食~烏冬質感同以往一樣有水準，煙煙韌韌~整體黎講雖然碗野夠特別，但堅係唔好食~

夏天來了，熱熱地唔想食飯，想食烏冬，仲要食冷烏冬來降降溫呀。烏冬係即叫即整，浸上冷麵汁，加上少許蔥和薑絲己經好香。將烏冬撈勻，薑絲頗開胃，而烏冬好滑身，有厚度而且合口感，冷麵汁正好為我降溫。配料有腐皮飯，很特別，像腐皮壽司但腐皮超薄，少許醋味令我幾醒胃。另外是煎雜菜魚餅，質地滑滑的，外皮煎到幾香，味道少許甜，像是適合小朋友。