串Grill 自助燒烤專門店 (譽發廣場) (已結業)

➰好耐以前去過旺角另一間分店食過 幾鍾意佢呢度有得嘆住冷氣食串燒😍放題形式有120分鐘時間 而且係全自動唔使自己不停反食物👏🏻👏🏻簡直係懶人因恩物啊🍢🍡餐廳座位比較闊落 完全唔會有壓迫咁 望住彌敦道個感 別有一番風味🏙❤️➰枱面上面會有調味架🥣有燒烤醬汁 柚子醬 孜然粉 辣椒粉🌶️等等 本身食物冇特別醃製過 所以燒嘅時候可以按返自己喜歡嘅口味而去調味☺️➰飲品係自助形式🍹出面有一個大雪櫃 汽水 茶類果汁類 豆漿都好多款式選擇👍🏻點餐方面係用手機QR code落單 操作簡單落完單之後串燒都好快會經由店員送上枱面😗➰食物質素中規中矩 包括有🐮牛肉類🐷豬肉類 羊肉 雞肉 蔬菜類🥬棉花糖 但係勝在唔需要自己燒😝😝淨係落調味料上去就可以 座位又比較舒適 啱晒三五知己朋友chill 下😎

睇youtuber推介，黎試左呢間懶人串串燒烤🤑唔洗留意火喉真係慳力慳精神，而且無油煙嘆住冷氣燒烤好舒服。呢度係QR自助落單嘅。店員一開頭會示範燒一串，跟住做就可以，之後淨係留意食物有冇轉就可以。要留意唔好擺得太滿太密，啲串串會打交的😂推介大家豬五花、紐西蘭牛西冷、雞翼、雞軟骨、雞腎、台灣腸、鯖魚、多春魚、蝦卷，呢啲都幾快燒熟。醬料有孜然粉、椒鹽、柚子醬。甜品有日本迷你番薯、棉花糖，菠蘿，最驚喜係有埋雞蛋仔，呢幾款雖然唔係咩貴價食材，但燒完表面脆脆地真係好好食。🤤

放題型式的餐廳越開越多， 今次同fd 來到旺角的串Grill 好興奮， 因平時食野要自己燒的，但今次可以座係睇住d串燒自動轉動感覺好爽皮。呢到用QR code 落單，分開雞、牛、豬、丸、腸、海鮮、菜、和甜類咁， 飲品有汽水， 菊花茶，豆腐果d 。超級推薦❤️⬇️⬇️🔯 豬大腸 🔯 M6和牛牛柳🔯 鯖魚🔯 多春魚🔯 棉花糖🔯 豬五花🔯 雞皮🔯 雞軟骨🔯 台灣腸🔯 雞中翼🔯 蝦卷睇住個機自動轉來燒，油花爆哂出來感覺好正， 喜歡重口味可以自己加多點調味粉，咁樣嘆住冷氣食串燒岩哂我呢d 怕熱但又鍾意食燒烤食物的人，再者咁樣同fd吹下水咬一串飲下野真係好滿足的一晚。

朋友響加拿大返嚟，想揀啲特別啲嘅放題， 上網見到呢間一串串嘅燒烤， 覺得好有特色所以就同朋友一齊嚟試。上到去全部卡位， 座位非常之寬敞， 每一張枱上面都有抽氣， 平時BBQ 或者韓燒完都好大陣味， 但係佢嘅抽風系統都唔錯，食完身上唔覺得有味， 值得一讚。 同埋燒都非常之方便，佢一串串放響爐上面，就會自轉燒，我亦都唔需要好理會，可以安心同朋友傾計。食物款式都有3，40款， 牛肉同豬肉肉質都 juicy，燒完之後肉質唔會乾， 最有驚喜係佢有得燒雞蛋仔， 唔試過真係唔知，原來燒雞蛋仔好好食， 燒到外面皮脆內軟， 試食完一串之後，忍唔住即刻叫多兩串， 十分推介。飲品方面好開心見到有ooha，亦都有烏龍茶怕肥嘅女士們就唔使驚啦！最後每人會有一杯haagen dazs嘅雪糕作結尾， 畫上完美嘅句號。

串grill係喺旺角譽發廣場，係燒烤專門店。如果你喜歡食燒烤，呢度嘅選擇都OK嘅， 200多元，可以叫腸仔、丸仔、牛肉粒、蜆肉、多春魚、青魚等。食材唔係話太高檔，今時今日百物騰貴，喺呢間餐廳食嘢，座位都好舒服，又夠寬敞，仲可以任叫任食，雪櫃嘅飲品任飲。要求唔係太高嘅話，都可以嚟試下嘅。

以無火串燒作為主題，又做到傳統串燒嘅味道🥰餐廳提供左40多款嘅串燒比大家，保證唔會食到厭。好啱一大班朋友上嚟，邊飲啤酒邊燒嘢食，又chill又食，一大享受💯分時段入席有唔同價錢💰星期一至四7:30前離席就$208蚊，假期就要比多$30蚊啦😟不過，咩時段嚟食，啲食物質素都有保證。餐廳更提供電話落單，唔會有漏單情況‼️🐮牛類提供左M6和牛牛柳，紐西蘭牛西冷、美國牛肋腩同牛舌🥩每款牛肉都有新鮮牛肉味，唔會有雪藏味‼️每一份牛肉都可以盡情落單。餐廳更提供時間參考，確保大家好好掌握時間⏱️🐷豬類美國豬肉眼、荷蘭豬五花、美國豬肩胛同豬大腸🍖所提供嘅豬肉粒粒都係一口豬，可以一啖食晒，每粒都好有咬口，如果大家怕豬味嘅朋友，都可以落多啲孜然粉😌🐥雞類雞腎同雞軟骨係必叫之一‼️可以送酒又可以普通加鹽食，你發覺愈食愈好食，唯一一樣係可以食唔停口嘅雞軟骨🤤🦐🦀海鮮鯖魚、蜆肉同多春魚，鯖魚係比較突出，燒耐啲令到表皮變香脆，會提升口感同味道👍🏻🌭腸提供左多款快熟嘢食，芝士腸、廚師腸同台灣腸，肚餓嘅朋友可以先叫腸仔先，大概5分鐘左右就食得啦🙊🍢丸各種丸類都會有，例如魚蛋、牛丸、墨魚丸、貢丸👍🏻小編🐿️就偏向中意食貢丸，香口得

久仰串grill大名好耐 💁🏻‍♀️💁🏻‍♀️一直都冇試過自助轉轉串燒懶人同埋唔識燒野食嘅人必試之選個爐傳熱唔錯 無論外圍內圍都夠火力 唔會外面細火入面猛火🤓店員一開始會先示範兩串擺入適當位置就可以由得佢轉轉轉轉一陣就食得！先講最深刻嘅係 燒棉花糖我嘅燒野食燒棉花糖成功率係0但自助轉轉可以燒得好完美😭😭岩岩好脹卜卜仲微金黃 好正我食左三粒🤤🤤肉類方面有M9和牛 牛胸腩 牛脷等等 鍾意食肥啲嘅會鍾意牛胸腩 如果想食瘦啲嘅就可以叫和牛 牛脷都好有咬口 整體都非常唔錯🤣🤣最重要係以一個燒肉環境黎講呢度係冇油煙 冷氣又夠座位又闊落 燒兩個鐘都唔會成身油煙味😋😋

串Grill - 串燒DIY今日嚟到油麻地一間串燒專門店，和一般串燒店唔同，因為係自己串燒自己燒，120分鐘放題任食串燒，利用轉轉自助燒烤爐，睇得又食得。可以再配上孜然粉、辣椒粉、鹽、燒汁和柚子醬。肉類牛肉、豬肉、雞肉和羊肉一應俱全，推介M6和牛牛柳、荷蘭豬五花。海鮮類有多春魚、鯖魚，配上調味粉更惹味。丸和腸類各式各樣既丸類，重有超正既魚肉年糕；腸類就要食台灣腸同芝士腸。蔬果類經典既燒菠蘿。甜點類燒烤一定唔少得嘅棉花糖，呢度仲有雞蛋仔添。最後每人仲有一杯Häagen-Dazs呀！

今日約咗朋友去油麻地譽發廣場7樓一家串Grill自助燒烤專門店，嗰度嘅座位好舒適寬敞，跟朋友慢慢傾偈慢慢食，感覺都唔錯。因為係自動燒烤，而且完全冇油煙味，通風系統做得好好，所以覺得好舒適。午市係$198一位再加一，顧客可以自己掃code落單添加食物，有豬、海鮮、牛、羊、丸仔、菜、腸等類別嘅食物以供選擇，飲品放喺個雪櫃裏面，自己可以隨便攞。M6和牛牛柳、紐西蘭牛西冷，台灣腸仔和日本小甜番薯都係我最喜歡吃的。朋友愛蜆肉、鲭魚和多春魚，也愛吃丸仔，有貢丸，魚片頭、魚肉年糕、蝦卷、魚蛋，墨魚丸都好彈牙。食店嘅調味粉都有好多，食之前可以先掃燒烤醬，再燒一兩分鐘，桌面有淮鹽、孜然粉等調味料，有柚子醬、魚露，增添燒烤嘅風味。不用山長水遠去郊野公園BBQ，來串Grill也滿足到我們想燒烤的願望。今日吃得開心又滿足。

冷氣超足夠，一坐低，職員就會拎一盤串燒過黎，仲會介紹醬料同簡約講俾你聽點燒，亦都會講夠鐘前半小時就會last order,到依刻都覺得唔錯既，用手機落單叫完野食，咁就放野落去燒啦，食串牛肉，都覺得唔錯，之後其他就不停出事，豬….食落有小小酸醙味，諗住可能一串半串串係咁啦，燒第2串都係咁…，當堂已經無胃口，再拎串燒好既豆卜.，聞落去無野，一放落口，咬第一下就出事，果陣酸醙味供出黎，吐🤮都吐唔切，羊肉卷同雞肉卷都中規中矩，其他食材真係唔得，最好味就係臨尾果杯雪糕總括黎講：價錢唔係平，同食物質素唔成正比，食材唔新鮮，所以一定無下次

上網見到有人食轉轉串燒好似幾有趣，所以就同朋友book咗食呢一間舖頭地址好方便，喺油麻地站附近上去就係，今晚同朋友兩個人食任食120分鐘，大概200頭，價錢都ok好多串燒一排咁樣轉，好治癒！不過要留意係啲肉如果太迫會轉唔郁就燶，所以要適當執下個位梅花間竹咁燒！串燒都有幾多選擇、豬羊牛雞都有，蔬菜都有～ 主要係菇類。比較推薦係車厘茄、魚肉年糕🤣 雖然食材係平嘅但我鍾意😆食完到尾會有甜品食，係Haagen Dazs ～

肯創新，自然有吸引力！一間推介 “自動燒烤” 嘅專門店，唔駛自己郁手去燒烤，唔駛忙住反轉啲嘢食，驚燒燶，梗係要揾次試下。店員話只要將支棒嘅齒輪位放好在軌道上，即可以旋轉，等食物自己在燒烤，等夠時間就食得，既方便又快捷。放題食物種類大致有海鮮、肉類、丸類、菜類及甜品類，有兩個鐘時間任點，兼且有各款飲品供應，值得推介。喜歡食魚嘅朋友，不妨點多啲多春魚及鯖魚，快熟又鮮甜；肉類當然有牛柳粒，粒粒方便，有趙口但冇渣，燒得香口，加埋魚露或者柚子醬嘅配合，多吃無妨，過足口癮。仲有台式食品，例如雞肉卷、蝦卷及黑椒腸仔，都可以試試，有啲特別風味。我就覺得甜點嘅雞蛋仔及年糕丸最好食，因為表面烤得脆脆 ，內裏軟心，口感唔錯。最後仲有杯雪糕仔作結尾，應該滿意啦！

喺網上見到自助旋轉串燒，一直都覺得好得意，今晚約咗朋友去試吓餐廳係放題形式，落完單店員就會將串燒一盤盤送過嚟，款式都有幾十種，包括雞、豬、牛、海鮮、蔬菜、小食等等上菜速度都好快，而飲品就係自己出去拎，有梳打水、涼茶、汽水、檸檬茶等等燒烤形式好方便，只要將串燒放上去燒爐，轉下轉下就有得食，可以加上燒汁，再點柚子汁、雨露，或者加辣椒粉，椒鹽粉等等我自己就最鍾意雞軟骨，燒得脆卜卜好好味，牛肉就有牛柳粒、和牛粒、牛舌仲有魚蛋、貢丸、蝦卷等等，呢幾樣都好快有得食，當然要配上一啲蔬菜，例如雞髀菇、翠玉瓜、冬菇等等平衡一下最突出嘅仲有燒菠蘿，因為菠蘿好甜，仲有香港特色嘅雞蛋仔，同埋棉花糖，係比較有趣嘅選擇食完嘢仲會送上一杯雪糕，可以揀朱古力、曲奇、雜莓或哈密瓜，今次整體感覺都唔錯，第一次試呢種串燒，好適合我呢種懶人

呢晚特登黎串grill玩下佢個自己轉動嘅串燒爐🤩發現除左新奇好玩之外，仲好適合懶人🤣完全唔怕唔記得反，而令到野食燶晒一面咁～～餐廳都幾大間架，啲卡位好闊落👍野飲櫃都幾多款式，除左茶、汽水，仲竟然有豆奶同豆漿揀呀👍上菜前店員會講解下啲串燒要點擺又會提醒啲調味粉盡量食果時先落避免會整到發熱線，幾熱心👍野食方面都around有3-40款，每串份量唔會太多，變相可以每款都試均，我地推介嘅有厚切又多汁嘅菠蘿、牛柳、大大粒嘅雞蛋仔、燒賣、台灣腸。另外bbq必備嘅棉花糖呢度都有得嗌架！仲有個年糕丸都好推介嗌，燒到中間咇晒啲年糕出黎好鬼攪笑同好味！枱面放左啲調味粉，例如孜鹽、辣粉，仲有柚子醬、魚露、燒汁。我自己就好少落粉/點醬，因為覺得野食本身都夠味lu～食到最後有雪糕送😋

放工出旺角食Dinner，天氣凍凍地其實好想去BBQ，不過啲BBQ場又驚熱，又驚蚊😂上OpenRice搵到呢間諗住同Friend 2個去食。我係平日6點去，平啲嘛！7:30前走，埋單都係$208加一，仲有時間去行街、食糖水添😂冷氣大，大家記得帶外套有好多seasoning可以比你加落啲串燒度！特別推介柚子醬😂出奇地夾！都有好多肉類選擇，我就focus係牛😍牛嘅種類好多，味道都唔錯！教大家如何食得有效率😂就係將兩串變一串，然後放上去，時間唔係快咗，只不過可以一次過食多啲種類🔥🔥🔥多春魚、雞軟骨、甜薯一定要瘋狂Encore😍見到啲多春魚啲春爆都幾爽😂棉花糖是重點🥳🥳🥳可以夾雞蛋仔食正！野飲好多種類可以揀，最重要係有無糖飲品！佢個豆漿都唔錯，唔太甜☺️重點係有Haagen-Dazs食，勁開心🥳建議大家2個人泥撐枱腳食好啲，多過2個可能都要take time 燒🔥