串Grill 自助燒烤專門店 (廣華街) (已結業)

難得出街食一次，見到網上有好評，一心諗住同班同事去試下，搵啲有趣野搞下。首先，員工態度好差，不停話我地呢樣唔岩果樣唔岩，又話我地唔識燒啲野，浪費晒啲食物，又話我地亂放佢啲野，但明明係佢個指示唔清晰，而且非常唔方便食客。全程不停俾佢責罵。俾錢你賺仲要受你氣。痴線。再者，食物質素真係好一般，啲肉啖而無味，牛肉韌到好似咬緊舊膠咁，啲丸呀腸呀，一陣怪味，好似不停重複解凍再雪凍好多次之後變壞果種味。最後，環境非常迫，坐得好唔舒服。一句講晒食物質素員工質素都唔掂！仲要成$300咁貴，絕對有好多其他選擇！呢一間絕對無下次！