串過鷄 (已結業)

睇到某社交平台 foodie 介紹，諗住happy Friday 食餐好，冇諗過會咁失望🥲。。。入到去收銀位哥哥有禮貌招呼。任我地選咩位都得。第一印象唔錯。但一坐落去張椅立立地，我起身個下直頭痴住條褲慢慢咁先可以扯返開，勁驚整爛條褲可能咁啱我黑仔坐正張污糟既椅。諗住有美食搭夠就算。點左蟲草花膠雞湯米線，$68唔會期望有靚花膠所以唔講呢樣，但湯底得個咸，完全唔似雞湯。雞件好鞋口得雞槌位較滑。唯一係米線發揮。第二道上碟既係 燒波羅&風琴豆腐，呢個真真真經典，個風琴豆腐係凍凍凍凍架！WTx?! 佢應該係燒完放左好耐求其淋返啲汁同粉就上枱俾客又乾又凍，真心o咀 好啦個菠蘿上枱唔差，但原來只燒左一邊，另一邊有燒過咁，我自己買罐頭波蘿都冇咁嬲😵‍💫 真心可唔可以燒爐位位師傅可唔可以專業少少？平價野就求求其？！點解咁講？因為之後上既牛舌芯，白鱔，雞軟骨一定要燒熟既野係好正常發揮的。唔知係咪因為呢啲野食一定要全熟先上得枱冇得偷懶定點最後一提，剛才收銀位哥哥真係要再用心少少，我落米線，佢唔夠5秒行返收銀問我係咪要飯，牛舌心要一串佢落兩串，另一串就放俾返佢放返落肚😅明明要走辣就幫我落左小辣🤨好彩佢唔係落錯

夜晚經過試吓呢間米線+串燒鋪環境細細，似係街坊小店，入到去地下同枱面癡粒粒，感覺唔太乾淨，即管試吓味道質素如何。花膠雞湯米線 $56花膠唔錯，雞件正正常常，湯底就幾清淡吓，以米線嚟講就唔多推介😅但係，串燒嘅味道令我另眼相看，係一間平價高質嘅串燒舖，覺得老細可以轉做單賣串燒😂是晚叫咗燒韭菜、粉絲燒扇貝、燒汁雞肉串、羊肉串、雞肝、魚肝、魚春😋整體都好夠味，又唔會燒到乾柴，比較推介嘅係雞肉串同埋內臟串燒👍🏻下次再嚟嘅話，應該淨係會食串燒🤣

有點失望......燒物有點鞋同淡味，.............真心有進步空間，但食物量得好少，魚燒到散晒。其實啲瓜成本唔貴，一串係唔知3-4片。佢可以試下美XX既串燒，呢間其他野食未試，可以試下。希望佢既燒物可以改進。..................但服務都ok有禮貌，食物種類多....................個名好笑所以來試.............,,希望繼續努力⋯⋯⋯⋯下次再試過

離開咗裕民坊，突然之間覺得好肚餓！咁就嚟咗一間餐廳坐低食好嘢！咁啱自己又有少少趕時間，又想食辣嘢！咁就叫咗個口水雞飯食！份量就足夠嘅！d雞都有雞味嘅，而且又唔係好肥！又唔會話好「孩」，啱啱好熟嘅！有個好處就係容易入口啲嘅！同埋佢呢個鋪排都幾好！有部份舖頭係餸同飯分開上，而佢哋係一齊上，好處就係唔使夾來夾去！個辣到都係適中合理嘅！唔會辣到食唔到！仲配上少少蔬菜！蔬菜都係新鮮嘅！食完個飯都夠飽！賣相都唔錯嘅！至於服務方面，小編係非常之滿意！店員/店主服務親切！充滿人情味！回頭指數直頭係滿分！下次要食返佢個串燒先

餐廳位於觀塘，非常平民街坊小店，環境清潔有待改善。皇牌雞湯飯（蟲草花，花膠）雞湯雞味濃郁，感覺應該無落味精，飲完湯個人暖笠笠，冬天食非常適合。雞肉嫩滑，蟲草花份量多，花膠軟滑。倒碗飯入去食，飯粒索滿雞湯，非常美味。我亦都有叫左好多款串燒食，食物即叫即燒，good！ 我食過覺得值得推介既有：爆燒花支丸，紅燒五花腩，鹽燒翠玉瓜，爆蒜燒茄子，爆燒雞軟骨，爆燒牛丸，紅燒雞中翼，車厘茄腩片卷，泰色豬頸肉，鹽燒韭菜

“串過雞”這店一開始就是以雞肉串燒為主, 從餐廳名字就能見到. 除此之外, 餐廳同事的服務態度也蠻”串”的, 有點愛理不理之餘, 連紙巾(無論是餐廳自己提供還是要買的Tempo紙巾) 也沒提供, 也許是環保原因吧! (笑) 另外清潔度也可以改善一下, 畢竟在同事清潔完枱面後, 還是油光滿面的感覺真的不太好呢!它現在的名物是花膠雞湯米線, 吃起來還是甚為滿意的. 雞湯鮮味濃郁, 而且質感相當濃稠, 在寒冬之下品嚐相當溫暖, 雞肉, 花膠和蟲草花份量很多, 同樣真材實料, 雞肉肉質嫩滑而且新鮮, 花膠口感爽而不韌, 比傳統的口感稍為厚實一點, 蟲草花沒有草腥而帶微微菇香, 雖然說它和冬蟲夏草沒有什麼關系, 但同樣對身體有益, 雖説補肺益腎就有點誇張, 但性質平和, 就算燥底如我吃完也覺得暖而不燥, 算是這個星期寒冬日子的良品.

過往我好鍾意去啲酒店餐廳、或者啲米芝蓮推介嘅餐廳食飯，覺得好似有保證啲⋯但最近去咗幾間朋友介紹嘅街坊小店，又覺得小店好有heart，真係別有一番風味！所以今次就聽住喺觀塘嘅同事介紹，嚟到呢間位於觀塘協和街、專門食串燒嘅街坊小店餐廳「串過雞」試下。呢間餐廳鋪位唔係好大，但行過路過都會比佢哋嘅串燒爐吸引！原來串燒係每日下晝先會開始有得賣，專業嘅店員親手燒，所以唔需要擔心因為自己唔識控制，而燒到啲嘢食窿晒！我嗰日去嘅時候咁啱係下午茶時段，見到餐牌上邊嘅食物價錢合理，種類亦都好多，本來都有啲心思思想食下午茶，但一場嚟到專門食串燒嘅舖頭，冇理由唔食串燒㗎 ？午市同下午茶套餐好似都好抵，不過我都係想食下啲串燒傳銷嘅種類都好多，除咗大路嘅燒牛肉、燒豬頸肉之外，亦有我好鍾意嘅燒茄子🍆梗係要叫你試吓啦！呢一度燒茄子嘅蒜頭好香，義消嘅火候啱啱好，所以成條茄子都好Juicy燒肉同樣都好出色，味道醃得好入味，而且火候控制好好另外燒雞翼都係另一亮點，因為外層燒到金黃色，好香口燒羊架都好味，不過就略顯細舊啲，唔夠喉呀燒烤配一杯冰凍日本啤酒，簡直好似當自己去左日本旅行咁，正呀

夜晚唔係好多人，所以野食好快送到。雞湯同飯分開，好實際嘅份量，食得好滿足。我呢一份雞同花膠每樣都最少有5大舊，係大大舊！有D菜底，如果可以再多D我會更更更加愛！雖然佢係雞湯，但我唔肯定係咪飲得嘅正 雞湯，個人覺得鹹，又唔係話重味精嘅死鹹，不過我試左幾淡就無飲了。杯柚子蜜超甜，佢D柚蜜係一D都唔姑寒😂叫佢加熱水嘅話，味道應該足夠你飲3杯。會做回頭客，不過未必因為呢個花膠雞湯😂伙計好chill，個後生女仔超nice，播嘅歌都好chill，呢個氣氛arm我口味，就係鋪頭少暗。野食質素ok，價錢ok，系滿意嘅一餐晚餐

🔺 串過鷄 (觀塘)係觀塘發掘到少數高質食材但平價既小店，lunch 黎到諗住係咁易食個飯就離開，見到呢到有我最愛既口水雞飯又唔係貴就入去食下～🔻口水雞飯 ($53)雞件嫩滑又大件，皮與肉之間又冇肥膏，不得不提個靈魂面頭果pat 口水汁，送飯真係一流，佢唔係死辣果d,係有調到味，係飯底多阻d 紅油，飯雞分開可能會好d~🔻秘製牛筋腩飯 ($53)牛筋煮到夠軟熟，牛腩唔un 有咬口，個汁都係好送飯，甜甜地好特別，係出面唔會食到，鍾意食牛腩飯既朋友仔要試下🤗🔻涼拌一口花膠 ($58)花膠大舊有咬口，唔會淋成一pat 野，個汁辣度岩岩好，唔會辣到食唔到花膠味，食既時間係常溫，唔知可唔可以再凍d 咁食呢～🔻串燒玉子蛋❤️燒得好靚既玉子蛋😍甜甜地好鬆軟，仲熱辣辣好滋味，份量都唔少～總結：店鋪細細但座位好闊落坐得舒服，坐低會好主動比杯水你，呢到除阻有飯有麵食之外，仲有串燒，羊腩牛腩煲，好多款式😍😍

今日同朋友去開觀塘經過呢間串過雞 門口見到個Menu，港式食物又有，泰式又有，川辣又有，真係麻雀雖小五藏俱全。見價錢都平平哋所以就同朋友入咗去先Menu如下：嗌左個泰式豬頸肉飯，見到算係招牌，個泰國汁超好味，呢個喺其他地方都好少食到。而豬頸肉亦都燒得啱啱好👍點左兩串燒羊架，一串比較靭，另一串就啱啱好。味道同燒嘅熟到，都掌握得好好。燒賣就有驚喜嘅脆皮，而個面有汁，個汁又唔會好令到個皮冧咗。出邊一般嘅炸燒賣都係乾炸，而呢個特別之處就係有汁喺面。仲order左一串台灣腸，好耐冇食過台灣腸啦真係好掛住台灣腸嘅味道，台灣腸燒完入邊有肉汁，出邊唔會乾，讚👍最後叫左一杯凍檸茶同一杯凍檸蜜😇Overall 覺得間餐廳幾特別串燒又有，雞煲又有，其他菜式都有，雖然店舖細細地但坐得幾舒服，服務都OK。下次再嚟試多啲串燒同埋其他煲先

今次又係嗌外賣！呢間餐廳 開好早所以可以早啲去預訂order! 就可以準時到達！最緊要係 佢啲飯都係around $50-70!價錢平！又好食！今次 試 花膠雞湯飯！($70)花膠都有好多舊，冇數，但一定超過8塊！啲花膠吸晒雞湯嘅精華正呀！雞肉就唔多講啦！係脾位！lucky! 又滑又juicy!湯底一啲都唔咸！好有雞味！唯一唔好就係比較多油！仲有仲有！碗底仲有菜！啲菜又係吸晒啲雞湯味好正！將啲湯逐少逐少咁放入啲飯度，等佢慢慢索啲湯！冇得頂呀！

📍串過雞觀塘協和街109號地下D號舖環境：店鋪細細地，位置約25個。入門口左邊玻璃窗入面係燒野食嘅廚房，可以直接見到店員係入面即場燒串燒比你，都幾有趣！食物：🟠秘製牛腩麵 $43牛腩擺埋一齊有成隻手掌咁多😯，見到個時真係嚇一跳，但係瘦肉比較多，如果鍾意食有咬口瘦肉嘅朋友黎到不妨試下！湯底好濃郁，啲牛腩同啲麵都吸晒啲味。評分： 🌕🌕🌕🌕🌑回頭率：🌕🌕🌕🌘🌑🟠泰式豬頸肉飯 $56不嬲都好鍾意食豬頸肉，今次黎到緊係唔會錯過泰式豬頸肉飯。約有7件肉，以泰式酸辣醬同埋番茄洋蔥陪襯，味道偏辣，如果食唔到辣嘅朋友試下其他野食會好啲。評分： 🌕🌕🌕🌖🌑回頭率：🌕🌕🌕🌑🌑朋友係正常食量，食完主食一碗之後就表示八分飽，如果比較大食嘅朋友嗌多兩串串燒就啱啱好啦！🍴🟣燒牛肉(兩串) $30十分推介！！！一拎上臺已經聞到好香，啲肉腍身大件又入味，令人想食完一串又一串。嚟到一定要試下呢個😍😭！！！評分： 🌕🌕🌕🌕🌗回頭率：🌕🌕🌕🌕🌕🟣燒豬肉(兩串) $30豬肉較為嚡同埋硬，比起燒牛肉就略遜一籌。評分： 🌕🌕🌕🌑🌑回頭率：🌕🌕🌗🌑🌑🟣燒火雞串 (兩串)老闆好好人，送咗兩串火雞比我地🤤😍啲調味料好香，但有肉質就比較乾

觀塘越嚟越多新商場，食市來來去去千律一篇，今日去咗試下街坊老店，亦都因為佢個名而吸引我去試，叫做 串過雞，我以為佢主打食串燒，原來係午餐，下午茶都係用雞做主打（仲要係皇牌），串燒係晚市先有。我大慨下午茶時間入座，睇到餐牌見到有蟲草花雞米線，吸引我去試，仲有涼拌一口花膠，用平民嘅價錢食到花膠👍🏻👍🏻食物好快上枱，蟲草花雞米粉，湯底係用雞熬煮，好好味，蟲草花口感軟身，雞肉好滑身，米粉幼細涼拌一口花膠，份量多，佢係用涼拌製法來醃花膠，花膠大大舊，口感爽口，但偏辣，啱晒食辣嘅朋友。涼拌木耳，木耳份量多，入口爽脆，但偏辣，食唔停口。侍應見我想食串燒（非常貼心服務），特登燒了一串雞肉比我試，雞肉細細舊易入口，雞肉燒得好juicy，唔會乾身，加上佢秘製嘅調味料，食落酸酸甜甜，下次一定要試串燒，抵讚！

最近常常出去食飯，荷包乾塘，去觀塘工作，不想去APM食高檔上百蚊的午餐，只好去協和街舊區找便宜午餐。走在斜坡路上，見到這間小店門庭若市，應該心得民心，街坊食肆。店舖不大，但卡位也可以讓三五知己聚在一起，有不少學生哥光顧。坐下後看他的menu也看了好幾回。原因是他的午餐價錢基本跟主菜沒太大的分別。天氣炎熱，還是食湯麵好，太多款式花多眼亂，最後還是點了午餐香滑雞湯米線。雞肉嫩滑，配上香濃雞湯，妙絕，份量大，十分飽。朋友減肥要食肉，她一睇就睇中食肉獸飯，雞扒，豬扒，漢堡扒，腸仔，煎蛋飯，滿滿的蛋白質。這個組合讓我想起雜扒飯，這個飯十分飽，非常適合我們在去邊跑了一整天的勞動人口。舊區滿滿人情味，味道是有記憶的，小店麻雀雖小五臟俱全，總有一款啱你。滿分為10分(1分最低，10分最高)食物：8環境：7衛生：7服務：7價錢: 9舒適度：7總分：8

本人已經係第二次嚟「串過鷄」再食串燒，今次帶埋朋友嚟幫襯晚餐，因為呢度要下午三點後先至開始有得賣串燒，我哋兩個女仔今次嗌咗11樣每款一串雞肉、雞腎、腩肉、豬頸肉、花枝丸、墨魚咀、牛肉金菇卷、燒粟米超甜叫咗兩條，燒茄子超大條一開二好好味😋本人食唔到辣，佢哋好貼心辣粉幫我拎上，另外豬頸肉佢就俾返泰式醬汁我非常之好味😋係唯獨是佢哋水吧啲嘢飲唔好飲，建議最好就叫番罐裝或支裝嘢飲會好啲，今晚消費總共$300