串燒王 (祥興樓)

营业中

休息中

旺角行完街想食個宵夜，經過砵蘭街有一排食肆，好想食香口串燒，離遠望到串燒王個招牌非常搶眼，就一於入去試吓。店舖不大，播放住Cantopop音樂，充滿氣氛。我哋寫紙落單，點菜紙種類多，有燒海鮮、蔬菜、肉類⋯⋯更有鐵板系列同埋麻辣香鍋，可以揀大、中、小同唔辣，亦可以自行加辣粉。惹味串燒一向都受外賣歡迎，一路食都見到廚房出外賣單。串燒店開至凌晨3:30，可以同朋友一路傾偈，食完一碟再叫一碟，係深宵食客宵夜之選。蒜蓉美國大生蠔 $58/2隻肉質爽口，超級多蒜蓉釀住成隻生蠔嚟燒，好香蒜蓉味，襯晒生蠔鮮味。蒜蓉扇貝 $78/2隻好鍾意食燒海鮮，熱辣辣，扇貝肉厚，燒得生熟程度剛好，唔會過熟，扇貝個殼仲兜住啲海鮮汁，唔會想俾佢流出嚟，加埋大量蒜蓉，𠽌晒啲汁，encore之選。串燒好香孜然粉味，最鍾意燒 #雞腎串 $35/2串，爽口彈牙。#厚切牛舌心 $45/串，表面有炙燒過，裡面有咬口。#魷魚鬚 $32/串，鮮味有嚼勁。#沙嗲雞肉串 $38/3片，沙嗲醬加上辣椒粉，非常惹味。#串燒王地址：旺角砵蘭街147號祥興樓地下A號舖

《📍串燒王介紹》各位夜貓子凌晨想食宵夜🦉？今次小編同大家介紹一間開到凌晨三點嘅串燒店，位於旺角及油麻地交界嘅串燒王🔥！串燒王主打四川串燒風味，提供超過40款串燒任您揀👅，同一班朋友傾偈飲下啤酒就啱晒🍻！🔸『蒜蓉原條茄子- $35』份量十足，原條茄子為你送上🍆！茄子上灑滿超多蒜蓉，加上店主嘅秘製醬汁同埋辣粉，每一啖都可以食到重慶風味，辣得嚟又惹味，而且茄子燒得啱啱好，好易就夾到起身，唔會過硬，又冇燒得過火候，必點😳！🔸『韭菜串 - $13』食串燒點會唔嗌韭菜串🌟！韭菜串份量竹足，新鮮多汁，唔會燒得太過火，保留到韮嘅原味，又感受到重燒串燒嘅惹味，價錢超抵味道又高汁，CP值超高🔥！🔸『肉類串燒- $18-28』▶️是次點咗：雞軟骨、雞皮、五花腩肉🍢雞軟骨燒得非常爽脆，唔會太硬，食到小編停唔到口☺️。🍢雞皮燒得金黃惹味，燒到好脆口，重點係唔會過乾，保留到雞皮嘅肉汁，非常出色👍🏻👍🏻！🍢五花腩肉份量多又大舊，咬落口充滿油脂香氣，肉同油脂嘅比例啱啱好，亦都唔會燒到過乾過硬，仍然保留到五花腩肉嘅質感🤙🏻！🔸『 海鮮炒飯- $58』海鮮炒飯炒得非常有獲氣，少少辣，非常香口，飯亦都係粒粒分易，非常QQ，而且

🍢宵夜之選🍢旺角街頭美食🍢#串燒王#特色風味芝士原條茄子🍆{$58}可以拉絲既茄子🍆好滿足，加上少少🤏辣味，特別野味👍仲要原條上，慢慢拉開既感覺，有得食之餘，仲有得玩🤭雞軟骨{$35/2串}口感好爽脆，粒粒都平均分佈辣粉🌶️鰻魚炒飯🍚{$70}飯粒炒得分明，唔會太濕，每啖飯都食到鰻魚粒，口感豐富👍甜蜜脆脆燒香蕉🍌｛$20｝唔會燒得太乾身既香蕉🍌輕輕燒過，香蕉味更特岀！甜度剛剛好😋五花腩肉串{$42/3串}以為全部只有肥膏，但脂肪分布平均🙌🏻有驚喜豬油滲入口中👍正‼️燒脆香魚腐{$15}大大粒魚腐，脹卜卜咬落去，又唔會好乾身☺️

串燒王地址旺角砵蘭街147號祥興樓地下A號舖今日晏左收工又想食串燒，渣車去開旺角見到一間串燒王都幾多人食宵夜，當然要試下魷魚鬚: 惹味、好食又彈牙、而且份量唔少雞軟骨: 2串大大雞軟骨調味岩岩好花甲粉: 好有驚喜花甲肉同粉絲份量非常多，大兜到一個人可能真係食唔曬，湯底非常濃郁，鍾意食麻辣既朋友一定要試蒜蓉美國大生蠔:大量蒜蓉生蠔唔算細隻，食落唔腥，燒得好夠熟最後叫左罐加多寶，好似去左大陸甘。整體調味得好好而且岩哂中意重口味既我，真係好好食 #串燒 #旺角美食#foodie #hkfoodstagram #hkfood #hkfoodlover #kaygorfoodie #hkig #hkfoodie #foodiehk #hkigers #hkfoodblog#hkfoodblogger #followforfollowback #likeforlikes #like #instalike #likesforlike #likeforfollow #likelike #liketime #likelikelike#likes #foodie #foodielady #foodblog

喺旺角附近，近近地咁搵間餐廳食，見到一間有好多選擇嘅串燒，我就直接行咗入去，因為真係好近，油麻地/旺角地鐵站行5分鐘就到😂😂店舖雖然係地舖，但唔係最熱鬧嘅街，所以環境都唔嘈，都適合同朋友一齊嚟食飯傾偈我哋就叫咗個酸辣紅薯粉，花甲粉，雞軟骨同雞中翼 雞軟骨同雞翼嘅味道都唔錯，有好香嘅子然粉🥸而佢花甲粉嘅份量勁多多，多到就快滿出嚟，而酸辣粉嘅份量就適中😂😂😂另外佢係即叫即整，所以要等比較耐，心急嘅朋友就要注意啦😂

一直都想食串燒，但坊間好多都又貴又唔太好食。今次朋友帶我去旺角串燒王食宵夜，本身都冇乜大期望，但食完發現呢間好食又抵食。我地叫左魷魚鬚: 惹味、好食又彈牙、而且份量唔少🦑雞軟骨: 鬆脆、香口牛舌心: 重牛味、有口感🐮翠肉瓜: 香甜、燒完都好有汁⭐️蒜蓉原條茄子: 呢個係連平時唔鍾意食蒜蓉嘅我都食左半條🍆蒜蓉夠香，辣味剛剛好以上我地都叫左小辣流心芝士年糕: 食完一堆咸辣野，最後食個甜品做結束，好完滿，而且味道都比想像中好食雖然啲野食調味得好好，但食完之後又唔覺好頸渴，所以真係食過翻尋味

準備新年啦，當然要辦年貨啦😃買到甘上下有D餓啦，今日心潮來潮想食串燒係旺角我都記得幾多串燒店，通常都會食開係旺角東個邊有一間，但今次想轉轉新意思，去左旺角砵蘭街後面睇睇有冇串燒店，結果發現到一間食物賣相好靚，汁醬類別都好吸引串燒店！由於老闆娘好勤力開店，開始營業係6：00PM,入到位置都坐得舒服，有簡約懷舊既裝修風格一台可以最多坐到4-5人，都唔會好逼！講番食物先：一定會叫佢D招牌黎食啦😁包括麻辣鴨舌，同鵝肝多士！鴨舌好滑食落香口過癮！加上唔算好辣，怕辣既朋友都可以食！另外鵝肝多士好有驚喜！估唔到呢間舖會將佢列做甜品，點解？原來佢多士加左甜味，十分有食物刺激感！再加上鵝肝入口即溶👍真係食到停唔到！之後再叫左燒豆卜，香脆爽口，汁醬係哂豆卜裡面，面仲有小小甜味好香，仲有燒冬菇串，雞軟骨，燒娃娃菜同錫紙娃娃菜，全部汁醬味道各有不同，都好入味，最後我叫左罐加多寶，滋潤下喉嚨！飲完立即精神哂又可以去掃貨啦😁！店名：旺角串燒王💯

4個人食600蚊，唔高要求不過都唔好比垃圾我食啊，等40分鐘先上第一樣野，食物品質垃圾，味道垃圾，賣相垃圾，以後都唔會嚟，一份肥牛烏冬。收$70，花甲粉無味，紅薯粉又係無味，四碗嘢每個人都係食咗一半就擺咗喺度，如果你話一個人覺得難食就算啦，四個人都覺得難食，四個人叫四樣唔同嘅煮食都可以淨係食一半，本身諗住食串燒，叫咗10串睇吓咩size，雞腎都係得個七八粒尾指甲咁大粒嘅，又乾又柴，唔係人識嘅，真係唔會有下次

我同老婆中午1点左右食完。夜晚10点多去食尼間嘢，雞翼、羊肉串同五花肉系臭嘅，嘔心到後邊啲嘢都食唔落，走左之後个嘴都系臭。剩低order嘅嘢唔俾退，埋單499，易主後加价一倍左右。又貴又嘔心。極奇不愉快的宵夜。重点係，10点47分埋單走左，11点两人開始覺得個胃唔舒服。十二點幾開始上吐下瀉，前後四次！如果想挑戰自己個消化系統可以去試下。以前个老板係到果陣，啲嘢係好好食，有良心，啲食物全部系新鮮串，我同老婆自從有左开始食到个依家。依家易主之後，简直唔係失望咁簡單，黑心到令人發指！

叫5款串燒錯3樣 完全唔新鮮 得個鹹 多味精店員態度差 話就話大生蠔 結果係手指咁大嘅蠔 貴都算 仲咁難食 包裝包到漏曬d湯 蒜蓉娃娃菜d湯多到好似上湯娃娃菜咁不如唔好做啦 咁難食

食完先知呢到原來負評如潮…其實之前買過呢到幾串外賣覺得陣味幾似深圳串燒既味道幾惹味，今次就試下黎堂食，不過今次食完就覺得有好多改善空間。首先，餐廳感覺好凌亂，d野放晒出黎亂七八糟，空間細坐得唔太舒服。佢為一間堂食但所有餐具都係即棄，好唔環保，同埋放出黎賣相唔靚..不過賣相環境係其次，如果好食都唔緊要啦😋其實全部野都差唔多味，孜然粉重口味，淨係食調味其實ok既，畢竟食呢d串燒都係食個陣調味姐🤪但係肉質方面真係唔太新鮮，叫左個一口豚肉直頭係臭..肉類全部都燒得太乾..無咩肉汁 好un..反而非肉類就比較好，茄子韭菜都燒得好香。我另外海蜇同田螺味道都唔錯。 最後佢明明寫住滿300$有88折，但畀錢既時候就話從來無出折扣的，真係唔係幾老實，雖然部分菜式ok但成個堂食體驗算差。題外話，中間不斷有熊貓車手入黎話等左成粒鐘都未有外賣🤯

諗住買外賣入到去同我講話要等20-30分鐘，咁我冇問題照樣等。半個鐘之後同佢講點解嘢食未到，佢話好忙咗好多單，爭好多嘢未整因為有好多外賣，問我介唔介意食住等，仲已經再三提咗佢嗰兩個香鍋。等嘅時候我淨係見佢不停接新嘅單，好心唔夠人手就唔好接咁多單，見openrice外賣自取都係30分鐘，所以我先信佢30分鐘。最後等咗一個鐘頭20分鐘先佢叫我入嚟攞，點知最重要嗰一個香鍋漏咗，淨係出咗一個，吹L脹仲要態度惡劣。

呢間野真係食過一次冇下次。1.等候時間超長我同朋友遞單到上菜一共等左超過半粒鐘，而隔離有一檯客人遲過我地五分鐘俾單都可以早過我地食野。而且間鋪只會主要處理外賣單，就算之後嘅外賣柯打都可以照樣比我地堂食柯打早處理，將我地呢啲堂食客放一邊唔理。2.食物質素差呈上，就算等得耐，食物好食我都算數，點知等左過半鐘，上來嘅雞肉串燒係凍曬，而且又柴又硬，根本食唔出係即場燒出來。另外串燒調味過咸，加上肉串根本冇肉汁，同啃加左鹽嘅樹皮冇分別。之後上嘅田雞乾鍋全都係油，又鹹又膩，超級垃圾。3.環境太差間鋪頭好細，只有5檯左右，而部分燒烤食材就咁擺係其中一檯嘅隔離地下，極不衛生。另外，廚房係開放式嘅，而間鋪頭嘅抽油煙機係廢嘅咁滯，成間鋪係佈滿油煙，俾食客吸曬。 4.態度惡劣我地剔左個五花腩串燒，根本冇上過來，而個疑似女老闆娘就夾硬話第一次上菜就已經上左。但係啲餸第一次上，只係上左兩串牛同三串雞，我同我嘅朋友都十分肯定根本冇五花腩串燒，因為我地餓左咁耐，再加上雞肉串燒太過垃圾，令我地非常清楚第一次上左咩串燒，而正當我地想理論嘅時候，個疑似女老闆娘就不耐煩地敷衍我地，話人手不足要幫手上菜就一口斷定上左五花腩串燒

除左食物難食 瘋狂漏野 個廚師衛生好差 食住煙燒野比客 如果唔係親眼所見 我真係唔信 萬一佢係中左新冠 甘。。。真係無言以對大家真係睇左評論先去試信店 唔想個個都去以身試伏真係覺得佢既存在係影響左燒烤本身

首先食物質素好差好差唔係熱辣辣甘上菜生蠔鼻屎甘大粒 仲有個係臭既然後瘋狂落錯單落錯單都算 我地唔想食都費事浪費食埋仲理直氣壯同我地講退錢好麻煩叫我地嗌其他野😒 跟住上左韭菜 韭菜應該都難唔好食啦掛頂 鹹到癡線 韭菜仲要老到咬唔爛 所有野除左雞亦係正常之余 全部都係唔一言難盡燒烤冇香噴噴既感覺你會信？😂仲好意思話我地細食 話人地都食千幾蚊😃如果對燒烤有要求對食物有要求的話兄弟姐妹們 三思而後食絕對唔會有下次！！！！！ 呢世都古唔到燒烤會難食