串燒王 (祥興樓)

营业中

休息中

又係時候支持經濟圈今次食串燒～～一入去，已經發現抽煙系統好差，出面都見到勁大煙基本上成間店整係得一部冷氣加開哂門同窗通風但一心諗住支持既關係，所以都係照入去幫趁一坐底，個鼻已經有d 唔舒服我地兩個人大約叫左10條串燒，再加個雜菜整係影左初頭幾碟，之後掛住傾計，已經無影到燒菠蘿係必點，勁juicy 又甜好好味隔離係唔知牛定羊，食唔出，店員亦無講但肉質有d 韌，一般雞翼又係必點，好食粟米唔好睇佢燒得好靚，下半面係燶哂架。。。其他都係水準一般，唔多提錫紙包雜菜就多油同鹹左d....但重點要提既係佢個店員服務，全店得佢落單同上菜佢上菜完全係丟係台面，無錯，係丟，係聽到拍一聲跟住唔會講係咩黎，態度真係勁差我地臨時加支茶，佢又漏唔知係佢太忙定點，全程都好似受佢氣甘因為佢，真係唔會有下次

好耐都冇食川味串燒，唔講唔覺真係幾懷念啲孜然味價錢唔貴但叫下叫下埋單成500幾都幾誇張😂😂錫紙兜上嗰個麻辣金菇幾好食，但食到尾好油膩下就放棄。份量都差不多大半包金菇，唔差炒米粉唔得，有啲怪味好難形容，咪嗌燒賣，土豆片，饅頭，雞泡魚，呢幾樣叫咗包冇死既，幾香幾好味道羊肉真心不了，好膻味，食一舊仔就放返低，咪嗌x2五花腩肉串$18/3串咪睇佢好抵咁，一條好幼，肥肥脂肪多過肉，又唔係香豬肉味，唔好貪平嗌喇多春魚反而就抵食又叫得過，香口既其實佢出色在啲調味真係嗰種川味，但食材方面就有改進空間。串燒呢樣野唔好睇佢20蚊串咁就好似好抵，佢大部分都偏幼身一條肉仔咁，都要食多啲啲先飽肚。希望食材質素可以提高啲啦，據我所知都開得夜既，夜晚買幾串頂下癮唔錯😊

串燒王，位於油麻地砵蘭街，距離地鐵站只有數分鐘路程.由於現時香港疫情關係，串燒王店舖內座位半數暫時無法入座，故此晚餐時輪候時間較長。餐廳方面防疫措施亦做到足，量體溫，酒精搓手液等等。串燒王食物選擇非常多，點菜單設計亦非常貼心，按食物種類分門別類，而且亦有不同辣度供顧客選擇，最重要串燒王價錢實在非常大眾化，而且份量亦足。特別推介菜式為麻辣海蛰及蒜蓉茄子，兩款看似簡單的菜式，但味道確實一流。讚。

惹味抵食@串燒王 旺角砵蘭街147號祥興樓地下A號舖行過旺角街頭空氣中傳來一陣強烈的孜然炒味道, 聞到有點肚餓。試圖追蹤一下香氣看看是什麼食物, 是從一間叫串燒王 的小店。入去即看看剔門紙點野食,超多款串燒! 點了半用半菜試下先$38大雞脾大大隻多肉食, 好似炸雞脾一樣個皮脆而不油膩, 咬一下就卡卡響啦! 食完一隻已飽了一半, 填滿食肉獸的心靈同口慾$22 3串五花腩食好抵食呀! 每一皮都滿是辣粉, 燒到香又有油脂脂潤, 好好咬口, 必食推薦, 令人食過翻尋味, 直頭有外賣一打回家當宵夜的衝動$38 原條芝士茄子, 前臂一樣長, 用筷子挑起淋身茄子同拉絲芝士, 好幸福呀!$10 燒秋葵 ASPARAGUS 都是爽口的蔬菜, 食串燒的偏愛瓜類同感爽身, 軟爬爬有點怪!$12燒雜菜各$12( 翠玉瓜, 露筍)同樣灑了重味粉調味, 香味直撲出來$12 DRINK 一枝沒有加一的服務費, 認真的抵食呀!! 10元8塊起, 食落唔會好辣, 反而是充斥了孜然粉的香味!!!!

日本、韓國燒烤串燒較常吃，但川式則很少。在油麻地經過這家小店，見外面掛起的燈籠，起初以為是日式料理，但聞起來是惹味的燒烤、串燒香氣。入面只有數張枱，座位較少，剛好有一枱食客埋單離開，不用等候就入座。身為熱愛海鮮愛好者，所以大多數都是點海鮮串燒；肉類方面，只點了田雞串燒。燒麻辣田雞串原隻田雞燒，田雞腿位置啖啖肉，肉質結實，還自行灑上辣粉及孜然粉，有助除掉膩感，尤其喜歡孜然的香味。蒜蓉味燒鮮味大海蜆海蜆連殼有6大粒，蜆肉脹鼓鼓，清洗得蠻乾淨，沒有沙，味道清甜。除左辣汁仲有蔥、蒜蓉等，非常惹味。鹽燒多春魚多春魚烤得較乾，可能因為本身魚身不算飽滿。燒北海道粉絲活元貝一端上枱，我們都嘩然，很巨型的元貝，澎湃的粉絲疊成山，吸收了粒粒蒜蓉的油香，蒜香餘韻留在口中。而底下烤熟後的帶子依然大粒，肉連帶子裙邊有嚼勁口感。鹽燒8寸大虎蝦外皮脆脆，巨型虎蝦，蝦肉結實爽彈，沒有雪藏味。麻辣粉加孜然粉十分惹味。川北炒米粉 沒想到單單普通的用料，卻是難忘的滋味，值得一試！米粉跟生菜及雞蛋，加點調味及辣醬炒得香口，而且米粉容易吸味。錫紙燒娃娃菜 娃娃菜切成細狀，比起原條菜吃方便多了。鋪面有大量的蒜蓉及蔥花。以鍚紙盤盛

鐘意食多選擇而且超好味嘅串燒，價錢合理😋趁天氣冇咁熱嘅時候，食番餐燒嘢食先😝- 惹味芝士燒原條茄子芝士加在茄子上, 原來你地都幾夾呵, 芝士可拉絲架，剛剛燒出黎熱辣辣🥰😋正啊- 燒美國特級小牛扒呢個值得推介, 肉質嫩滑, 口感彈牙肉汁豐富☺️- 蒜蓉扇貝扇貝食得出新鮮夾甜，鋪滿粉絲蒜蓉, 遞到面前已覺得很香, 而且十分juicy!-燒紐西蘭羊架出品時都已香氣撲鼻,肉質鬆軟加上輕辣，簡單調味已出食羊本身嘅原味！- 蜜糖燒雞肉腸燒得香口而皮爽脆。- 一口豚香口嫩滑而沒肥膩感~- 小聖子小聖子面上鋪滿蒜蓉，帶少少甜同辣味☺️鮮味突出。- 金菇肥牛卷牛不太肥，金菇燒得剛剛好😘滿足的一個周未

復活節假期嘅最後一日梗係要食返餐好啲來報答下自己舖頭雖小，依家仲實施緊限桌令，但估唔到間舖頭仲係咁忙，因為佢哋有好多好多外賣單左邊嘅係燒司華力腸$18，腸嘅外皮燒到好脆，右邊嘅係燒豬頸肉$16，全部上面都加左孜然粉，非常惹味左邊係燒脆香魚角$10，而右邊係燒蒜蓉粉絲特級聖子$48 2隻呢款多士都幾特別，將塊麵包燒脆左，中間夾有棉花糖，而棉花糖受熱後會溶化，好有燒嘢食嘅感覺估唔到呢度連鮑魚都有得食，鮑魚面上佈滿左蒜蓉同蔥段鮑魚燒嘅時間啱啱好，一啲都唔un 最後呢款芝士撈公仔麵都唔錯，芝士醬非常澎湃，一夾起就有拉芝嘅效果

復活節假最後一天，朋友說要來旺角吃些特別的食物。邊走邊談，聞到好香的燒烤味，走前看看是一間日式串燒小店，看見有不少人在等外賣。剩下一枱，就進入坐。店內木凳上有Cushion,木枱給人優雅感覺。點了厚切牛舌心 ，扇貝帶子， 蒜蓉金針菇， 雞中翼 ，燒韭菜 ，芝士 燒原條茄子， 燒麻辣大蔥雞肉 和麻辣海蜇。份量好足呀，尤其金針菇，麻辣海蜇，是用 錫紙盆裝，好抵食。麻辣海蜇好滋味。比較有創意和惹味當然是茄子，雖然樣子不出眾，但芝士味道很香，茄子🍆肉滑厚嫩。 朋友特別喜歡燒麻辣大蔥雞肉，大蔥鮮甜不亁，雞肉又香辣。接著登場的是扇貝帶子，帶子好大粒，咬下去蒜蓉味香充滿了整個口鼻腔，帶子肉厚嫩滑，回味無窮。整體來說，這裡是品串燒好選擇，食物多選擇，滋味，份量足。

旺角新開咗間串燒店 有少少東門串燒店感覺串燒店食物種類多 有海鮮類、肉類、蔬菜類 仲有小食等等 川味十足！串燒價錢唔算貴 每串既肉都大大粒啊海鮮類叫咗生蠔 大大隻 冇沙 鱔魚好好味 燒至皮脆 啖啖厚肉 冇碎骨多春魚燒得幾香唔錯 但比較乾咗小小 肉類方面 叫左豚肉串、鹿兒島一口豚、牛吞心、雞肉串、雞心鹿兒島一口豚推介！厚厚唧豚肉 口感爽口 好juicy!!豚肉串半肥瘦 幾滋味 牛吞心口感爽口 油脂豐富 正啊雞肉串唔算太乾 有雞肉味道！蔬菜類叫咗燒菠蘿、菜芯、粟米燒菠蘿有4塊 好甜又多汁 一啲都唔酸啊 好好食菜芯加咗孜然粉 更加惹味 粟米加咗牛油燒 好香口 每串串燒加咗孜然粉 好香口 性價比高

都隔左一排無食過串燒,最近出街又無得同一大班朋友一齊食唯有約人自私食啦.朋友知我想食串燒就帶左我黎呢間串燒王到試下.串燒款色種類都幾多選擇,連平時少見既甜品類都有而且價錢都係$10幾蚊串都幾抵.麻辣海蜇多彈牙加上青瓜絲更爽口,麻辣汁微辣,再重口少少會更惹味.燒蒜蓉粉絲特級蟶子,粉絲份量超多而且望落呈通透既醬汁色超級入味,入唔爽彈蒜香味濃.內裏蟶子無沙質感飽滿又夠嫩食落唔會韌.燒饅頭估唔到平平無奇既饅頭燒出黎都幾滋味.外層燒乾脆卜卜內裏軟綿,上層加左蜜糖燒好香甜,底下加左孜然粉兩者一甜一鹹估唔到個味又幾夾.牛舌心店內推薦,比牛舌更厚身,燒熟都唔會過韌,口舌中間仲好爽口.牛舌上佈滿川椒粉,入口惹味帶點麻辣.燒賣,墨魚丸,雞軟骨燒得唔會過乾.燒賣燒好有心機,慢慢燒脹唔會焦,外層卜卜脆,因為燒賣內裏魚肉彭脹左入口特別煙韌唔會入口死實實.雞中翼$30有足4隻真係好抵食,每串2隻,外皮夠晒脆內裏仲鎖住肉汁.川北炒烏冬簡簡單單用上生菜,雞蛋,腸仔再配上少少麻辣汁同孜然粉炒香已經好惹味之餘又唔會過鹹.烏冬沾上蛋汁蛋香味十足,麻麻辣辣入口夠晒過癮.燒雜菜好足料,又多款色,食左咁多肉要食返d菜平衡返.

前幾日行過旺角呢間串燒店，遠遠就已經見到鋪頭門口勁多人排隊，就算喺政府既新政策下都無影響到生意。一於試試佢！小店既價錢算係幾抵食，等左半個幾鐘終於入得😭 第一碟上既竟然係甜品，棉花糖多士($28)，烤得金黃色脆香既牛油多士加上棉花糖真係無得輸呀！帶子兩隻($50)係我每次食串燒都一定要叫既菜！帶子彈牙鮮甜，配上蒜蓉同醬汁燒，好惹味！原條燒茄子($28) 又係重口味既野，燒完唔會太濕，加上醬汁啱啱好。煮雜菇($32) 依項真係扺食到爆！入面有金菇雞髀菇娃娃菜等等，比起一串串咁叫抵食左而且一樣咁濃味但比較無咁熱氣。羊架($38) 呢個價錢竟然食到羊架，孜然粉香味濃，配上少少羊羶味好夾。串燒方面我地叫左 豬頸肉，牛舌，金菇肥牛，雞髀菇同台灣腸。其中我既畢愛係豬頸肉，好油既油脂味但又唔算膩。其次就係牛舌，厚切所以勁有咬口！最後我哋叫咗個酸辣米線($40)，配左三款配料，我哋揀咗金菇，肥牛同埋芝士丸，酸辣嘅味道比較淡，不過配料嘅份量真係比想像中多好多！

鍾意食串燒的我，曾經試過買咗50串不同款的串燒返屋企，一路煲劇一晩食清光🤣🤣不過買返屋企食多數係菜類同肉類，今晚我要食海鮮.所以堂食好D。昵度既海鮮好抵食，真係又平又正仲要係用料靚😋👍👏環境不錯，內外都坐得舒適味道可以自己選擇，有蒜蓉昧。有芝士味。有辣有唔辣，如果食辣，辣味程度又係可以自己選擇.......👏👏👏呢度個串燒師傅好得，燒既食物唔會過火，🔥火喉適中，味道又了得👍👍包魚——新鲜爽口，又香又甜又鮮軟熟😋扇貝——全部海鮮新鮮燒，燒得剛剛熟，最好食係燒到呢個程度生蠔——新鮮大大隻，滋味濃厚大蜆——肉鮮甜，好抵食的海鮮羊扒——肉嫩無比，味道恰當芝士年糕——皮香跪，咬落煙煙靭靭有囗感，入面濃郁芝士旺角砵蘭街好味道➕坐得又舒適的平靚正串燒，

咁岩經過，有d串燒香味就入去試吓啦，價錢又唔貴望見餐單都幾多選擇喎，唔同種類都有日式既嗌咗個鰻魚炒飯同玉子，鰻魚炒飯只係48蚊，依個價錢尼講，依個質素算係咁，個汁幾好味。燒玉子面有層脆焦糖麻辣汁燒花甲好惹味，陣麻辣味令人愈食愈想食！雜茹蒜茸味較重，岩晒重口味既人其他串燒都正正常常，菠蘿都多汁，牛舌幾爽口我最鍾意食既芝士年糕呀，美中不足就係d油多咗少少喇店入面坐低食串燒尼講，依間算平算抵食，份量又夠

朋友話旺角有間高CP值嘅串燒店，行完街就過嚟試吓啦～呢間串燒店大部份串燒都係$20內海鮮會再貴啲，不過相比其他串燒店，價錢都係好抵食「燒日本一口紫薯」$15 紫薯一串有5粒， 烤得又香又甜，好味「燒流心芝士年糕（兩件）」$28 半流心嘅芝士伴隨香軟煙銀嘅年糕一起吃，味道唔錯「汁燒鮮冬菇」$10 冬菇好Juice，烤得香熟，好味道「燒脆香魚腐」$10 魚腐口感香脆，帶點咬口～「燒原條鮮魷魚」$30 魷魚烤得香脆，拌上蒜香和蔥調味，好味呢～「燒菜心」$10和「燒泰國BB蘆筍」$10 好抵食，又好味「頂級鹽燒多春魚」$30/ 6條 多春魚絕對是必食之選，在烤得香脆的多春魚上灑上鹽巴和蔥花，非常惹味可口太多串燒想食，但肚子位置有限，下次絕對要再嚟encore

因應疫情店家做左調整，因此只能同時做三台生意。店家都好快手，上菜速度算快。燒烤食物口味可揀辣/原味。如果要就唔食辣既朋友仔，可以落店家提供既辣粉。比較想推薦既係👉🏼燒棉花糖多士，中間係士多啤梨軟心，入口即溶😻👉🏼而燒豬頸肉火候控制到恰到好處，肉質鮮嫩之餘仲保留到肉汁👉🏼燒一口紫薯都係值得encore既食物，有營養之餘亦都幾甜👉🏼冬菇燒完令香味更突出，值得一試Overall覺得可以再黎試下其他未食既菜式，推薦俾大家。