串燒王 (祥興樓)

营业中

休息中

叫咗外賣，一開頭話等15至20分鐘因為震燒羊架，20分鐘後第二個職員無啦啦話冇落到單，但係錢都俾埋飛又收到，呢個時侯本身落單嗰個行埋黎，就話其實有落到，嗰陣時已經講咗如果未整就唔要，之後5分鐘問一次，次次都話就快有，最後加埋等咗九個字，好心做唔切就唔好夾硬做啦，為左搵多張單錢，喺度浪費客人時間，以後唔會再幫襯。。。。。。。。。。。。。。。。。。。。。。。。。。。。。。

我地係叫food panda 外賣的。叫嘅原因係因見喺新開，價錢同附近嗰間九妹美食差不多。因為九妹美食成日要等好耐，我就打算試下le 間。不過真係太失望，因此忍唔住要寫上來。份量少，燒d嘢又乾，性價比低，肉質差。叫左甘姑肥牛，燒饅頭(饅頭未熟)，燒牛舌(好難食好乾), 燒韭菜，尖椒，芝士年糕(芝士爆曬出嚟,年糕好硬）,仲有羊肉串蘇得好緊要🙈而且價錢貴。我係泰國舖買咗兩串雞兩串豬兩串牛，肉質豐厚，有汁，先60多元。係串燒王買左300多元，樣樣都差！真係要寫出嚟等大家注意一下。咁做食市真係唔得。

外賣串燒全都是凍🥶🥶串燒雞腎未燒熟🤯燒生蠔 蠔肉細得恐怖🤬🤬🤬燒茄子火侯唔夠味甩肉🤯🤯$$不平！！以後都唔會再食😤😤😤完全失望🤕🤕🤕唔明點解有人推介🤐🤐以香港食串燒來講是最差的一間！

1.寫單唔認真睇漏嘢2.外賣要等半個鐘多3.一共要左二百幾蚊嘢，拎走返屋企check埋只比左一半嘢？？咁誇張？？點可以做到咁誇張？？有冇責任心？點可以做到咁cls？再唔會幫襯

話說我同我男朋友叫food panda ,返到上屋企先發現佢執漏左支野飲，都算，標注埋要餐具，又唔比，打電話去check單，搵個講普通話嘅人黎聽，雞同鴨講，搵返個識講廣東話嘅人黎聽，一句唔好意思都冇，直接叫我地去搵返熊貓客服就cut線，啲野飲全部叫唔辣，全部變左辣🤷🏻‍♀️🤷🏻‍♀️🤷🏻‍♀️最仲要係佢地有劃單

本身覺得食物都唔錯，所以今次已經係第二次幫襯。點知食食下，枱底下有陰影掠過，原來係老鼠！！！只見佢好熟路咁走進入了廚房，我同朋友立即好驚慌，等左好耐既羊架諗住棄單，佢又立即同我講上得菜，唔可以棄單，我地唯有話拎走就算......好心急想埋單走，明明門口寫88折，但佢又偏偏唔老實，要我地自己計返先有折扣真係好失望，之前從來唔寫openrice,今次希望可以藉此文章警惕世人🙏🙏記得記得，呢間店有老鼠...

疫情的關係，好耐沒有過去深圳食串燒，今日朋友介紹旺角一間"串燒王"，說食過很地道，今日一於去食。來到餐廳，還早所以未見人流，但過會已經好快滿座，十分火爆。看點餐紙好多選擇，樣樣都想食。竹蔗茅根 $12惹味蒜蓉燒原條茄子 $30/條滿滿蒜蓉香，好惹味，茄子軟諗。燒京蔥 $10/串愛蔥的我必點項目。燒薄切牛舌 $18/串燒泰國BB蘆筍 $12/串燒雞心串 $18/2串蜜糖燒雞肉腸 $12/2條牛舌不韌，爽口濃味。雞心有口感煙韌，越嚼越香濃。鹽燒鯖花魚 $32/條燒得正好，皮脆汁潤，魚味鮮甜，十分推介。秘製燒原條蒜蓉黃立倉魚 $88/條沒想到會有原條蒜蓉黃立倉魚，點來試試，魚厚汁潤，燒得夠火喉又惹味。燒韮菜 $12/串阿拉伯羊肉串 $18/串在港比較少食到羊肉串，很不錯，羊羶味香濃。芝士撈一丁 $38/份這個比預期有點落差。如果通風系統再能優化便更好。

串燒鋪咁多間真係冇必要幫襯呢間。一入去坐低已經見到隔離墻上有曱甴，食嘢嗰陣又見到廚房入面啲大膠箱都有曱甴行嚟行去。聲稱開曬冷氣同抽風系統但油煙都係不停向外吹，全程面對廚房基本上係要瞇住眼食嘢。衛生環境惡劣。食物味道尚可，燒菠蘿好甜，涼菜都唔錯。整體：不可一不可再

同朋友staycation夜晚肚餓忍唔住叫咗外賣🥺凌晨食串燒真係好放縱👅Menu的確幾吸引 外賣都好抵 仲要開到咁夜(๑˃̵ᴗ˂̵)و ❣️燒薄切牛舌$16/1串 👉🏻雖然叫薄切但都幾厚😂❣️烤五花腩肉串 $18/3串 👉🏻 勁抵食而且有肥肉燒起上嚟真係🤤❣️燒雞軟骨 $10/1串 👉🏻 normal❣️串燒雞中翼 $26/2串 👉🏻 唔到Juicy但係孜然香料味正🥰❣️燒大雞髀$32 👉🏻 真係勁大隻 但係有啲失望 比較乾身肉都比較鞋😢❣️燒流心芝士年糕(兩件) $28 👉🏻 必食呀😛❣️川北炒粉絲(配雞蛋,生菜,腸) $42 👉🏻 配料豐富有鑊氣相信嗌辣仲好食👅

叫網上外賣平台，見佢款式幾多，所以唸住試下。點知等左一個半鐘有多，送到黎已經凍哂，肉類串燒味道正常，翠玉瓜叫小辣勁鹹，最過份你個流心棉花糖夾餅整一半唔整一本，令人極度無奈。

夜晚跟朋友一同去食，open rice明明是寫18:00開業，但去到店舖尚未開，然後致電問職員開業時間，職員表示19:00才開業，之後等到19:00後我們才再去，一到店舖門口已見到一班外賣員在門口等待（有的什致沒帶口罩，有的會拉開口罩在店舖門口傾計），因想嘗試，所以照進入店內，只見環境很細，而且滿店都是煙霧離漫，散煙系統做的非常差，而且所有職員都沒有帶口罩，店裡只有數個職員，當時原來朋友想走（但我沒有察覺，而且已進店了，不好意思走，再加上本身真的想試一試，就沒有為意），全程都膽戰心驚，不敢除口罩（除了食緊野），我們每食完一道菜都都即時帶回口罩，而且上菜速度亦非常慢（這個我明白，因為要即燒）。其實食物尚可以的，肉類也不太差，價錢也可接受，不過只能現金付款，但環境及通風系統太差了，欠缺防護意識。

頭2次黎食還可， 炒河粉好有香味，當時openrice只有20幾30個攢好，因為食物好有鄉味我都好鐘意，後黎愈食愈差， 多次黎都係同朋友一齊，其中一次同朋友食，我地坐到去位置時店員為我地執拾上台客人的食物，再用毛巾抹枱，點知毛巾入面包住隻曱甴爬左出枱面仲爬到去朋友身上，店員並沒有用新毛巾抹多一次枱，就咁企係度「眼金金」咁望住我地然後就走，全程都食得唔舒服周身痕，食食下野腳下會有野爬黎爬去。而另外一個原因係態度好差，不但收錢「掉」張單比你，語氣仲要係呼呼喝喝，上菜時更係將碟野食勁大力咁放枱面，大力到隻雞翼跌左落張枱度。最重要一樣係佢既抽風系統係非常非常的差！ 成間鋪頭都係煙，即使鋪頭係開左2部冷氣（食野既地方，不包括廚房）都吹唔走入面湧出黎既油煙，加上門口同多個「窗」既設計開2部冷氣都無用。今次食野已經係深夜12點幾人已經少，想坐入少少既位置吹多d冷氣，店員係都要叫你坐門口位置，（但當時位置幾乎空曬加上我地食野只有2枱客人），食餐宵夜都要忍受住鋪頭中門大開同隱形既「窗」 吹入黎既熱氣。呢2-3個月本人都食左至少多於5次，即使經歷完比昆蟲爬身，面對住店員既態度，都因為一碟炒河粉好有鄉味好好

又係時候支持經濟圈今次食串燒～～一入去，已經發現抽煙系統好差，出面都見到勁大煙基本上成間店整係得一部冷氣加開哂門同窗通風但一心諗住支持既關係，所以都係照入去幫趁一坐底，個鼻已經有d 唔舒服我地兩個人大約叫左10條串燒，再加個雜菜整係影左初頭幾碟，之後掛住傾計，已經無影到燒菠蘿係必點，勁juicy 又甜好好味隔離係唔知牛定羊，食唔出，店員亦無講但肉質有d 韌，一般雞翼又係必點，好食粟米唔好睇佢燒得好靚，下半面係燶哂架。。。其他都係水準一般，唔多提錫紙包雜菜就多油同鹹左d....但重點要提既係佢個店員服務，全店得佢落單同上菜佢上菜完全係丟係台面，無錯，係丟，係聽到拍一聲跟住唔會講係咩黎，態度真係勁差我地臨時加支茶，佢又漏唔知係佢太忙定點，全程都好似受佢氣甘因為佢，真係唔會有下次

好耐都冇食川味串燒，唔講唔覺真係幾懷念啲孜然味價錢唔貴但叫下叫下埋單成500幾都幾誇張😂😂錫紙兜上嗰個麻辣金菇幾好食，但食到尾好油膩下就放棄。份量都差不多大半包金菇，唔差炒米粉唔得，有啲怪味好難形容，咪嗌燒賣，土豆片，饅頭，雞泡魚，呢幾樣叫咗包冇死既，幾香幾好味道羊肉真心不了，好膻味，食一舊仔就放返低，咪嗌x2五花腩肉串$18/3串咪睇佢好抵咁，一條好幼，肥肥脂肪多過肉，又唔係香豬肉味，唔好貪平嗌喇多春魚反而就抵食又叫得過，香口既其實佢出色在啲調味真係嗰種川味，但食材方面就有改進空間。串燒呢樣野唔好睇佢20蚊串咁就好似好抵，佢大部分都偏幼身一條肉仔咁，都要食多啲啲先飽肚。希望食材質素可以提高啲啦，據我所知都開得夜既，夜晚買幾串頂下癮唔錯😊

串燒王，位於油麻地砵蘭街，距離地鐵站只有數分鐘路程.由於現時香港疫情關係，串燒王店舖內座位半數暫時無法入座，故此晚餐時輪候時間較長。餐廳方面防疫措施亦做到足，量體溫，酒精搓手液等等。串燒王食物選擇非常多，點菜單設計亦非常貼心，按食物種類分門別類，而且亦有不同辣度供顧客選擇，最重要串燒王價錢實在非常大眾化，而且份量亦足。特別推介菜式為麻辣海蛰及蒜蓉茄子，兩款看似簡單的菜式，但味道確實一流。讚。