豐信餃子店

营业中

休息中

豐信餃子相信大家都聽過，我每隔一排就會幫襯，每次飯點時間都一定大排長籠。但都無阻我想食佢嘅心！🥟香菇鮮肉餃併芫茜鮮肉湯餃7隻 $47★★★★☆其中最出名嘅椰子海帶鮮豬骨湯，次次叫湯餃都會飲哂呢碗湯！一入座已經有好幾款餃子售罄，最想食嘅西洋菜、椰菜都冇哂！香菇鮮肉餃皮薄肉餡好爽彈，菇味好香，配湯一流；芫茜餃真係睇人口味，我自己係芫茜控覺得超級之香，芫茜味超級突出，食落係大滿足！🥟紫菜鮮肉餃併麻辣白菜煎餃 10隻 $79★★★★☆除左煎餃我仲加左$17蚊加埋個金沙餃！真係超級邪惡，每隻餃子香脆仲鋪滿哂咸蛋黃，咸香又沙沙嘅口感，好正！叫到呢個時間已冇咩餃子選擇，紫菜超爆餡，煎都幾夾，我最鍾意加埋佢個辣菜脯一齊食，超惹味。麻辣第一次試就出奇地好鍾意，有麻辣香(偏向大陸風味)，但唔會太辣，一般人絕對接受到！🌟涼拌皮蛋 $22★★★★☆呢個係我每次黎都必叫嘅小食，皮蛋汁係甜口嘅醋汁，食落係超級開胃！佢仲配埋個醃薑，呢個又係我Favourite，單食配餃子、配皮蛋都得，解膩一流！🌟秘汁金錢展 $40★★★★☆呢個金錢展好厚實有一定口感，食落去札實但唔韌，佢已經滷得好入味。一碟都有6-7片，絕對有驚喜

呢間位於太子嘅人氣餃子🥟店，經常都有條長長嘅人龍，而且提起香港好味嘅餃子🥟，好多人都會建議嚟呢度，唔怪之得可以連開兩間😗，今次一於試吓佢😜❣️芝士粟米鮮肉餃拼韮菜鮮肉餃（邪惡金沙餃）10隻 $74佢哋嘅招牌係邪惡金沙餃，就係喺煎餃上加上大量嘅咸蛋黃，加$17就食到😋，食落口超香超邪惡，每一隻餃子都超級飽滿，韮香鮮肉餃超爆餡🤣，但更鍾意芝士粟米鮮肉餃，芝士味超濃，餃子🥟煎到脆卜卜，食唔停口🤓❣️紫甘藍粟米鮮肉餃拼白菜鮮肉餃（湯餃）10隻 $54湯餃每隻脹卜卜，超足料😜，湯底係椰子海帶鮮雞豬骨濃湯，超清甜又冇味精，十足十阿媽嘅老火靚湯🤩，試咗特別嘅紫甘藍粟米豬肉餃，紫甘藍爽脆清甜👍🏻，白菜鮮肉餃就鮮甜多汁，煎餃湯餃都咁出色🙂❣️涼拌海蜇 $22海蜇爽口而且食落去有少少醋味，更加開胃食多啲🤣❣️秘汁雞腎 $24雞腎超腍身，真係冇牙都食到😂，加上個秘汁甜甜哋，好惹味🤓❣️菊花蜜 $12❣️青檸蜜 $12菊花蜜清甜、青檸蜜就酸酸甜甜，配上餃子同小食，爽🤠🏦是次消費總額 $198（人均消費 $99）👅好味度：9（10分滿分）無論煎餃定湯餃🥟都好出色，隻隻爆晒餡，而且味道都好多選擇，難怪成為長龍店🤤🍽️豐信餃子店

豐信餃子店一直以手工餃子和多款惹味小菜聞名，每次經過都會見到都幾多人幫襯，今次同朋友收工決定要試試佢！餐點選擇與口味這次點選了邪惡金沙芝士粟米鮮肉餃、白菜鮮肉餃、秘汁金錢展、秘汁雞腎、涼拌雲耳、豆漿等。每一道菜品都展現出豐信餃子店的用心和實力。芝士粟米鮮肉餃（7隻）
這款餃子是店內招牌，再加上邪惡金沙，侍應一放上枱就聞到陣陣咸蛋黃。香氣芝士與粟米的組合為傳統鮮肉餃增添了層次。咬開後芝士香濃，與鮮甜粟米和肉餡融合，奶香濃郁，口感豐富，令人印象深刻。邪惡金沙必點！白菜鮮肉餃拼紫菜鮮肉餃
白菜鮮肉餃則屬經典款，餃子皮薄餡多，白菜爽脆，肉餡鮮美，配上椰子海帶雞豬骨濃湯，湯底清甜，提升了整體味道層次。紫菜餃子本身肉汁充盈，加上絲絲紫菜，吃起來十分滿足。秘汁金錢展
金錢展滷得入味，口感軟糯帶有彈性，秘製醬汁鹹香適中，作為餃子的配搭非常合適。秘汁雞腎
雞腎處理得乾淨無腥味，醬汁滲透其中，鹹香開胃，適合喜歡嚐鮮的食客。涼拌雲耳（細）
雲耳爽脆，調味清新，帶點微酸辣，作為前菜或配菜都很合適，能平衡主菜的油膩感。總價為$201，平均每道菜價格合理。以餃子和小食的份量與質素來說，性價比高，適合三兩知己或家庭

呢間手工餃子店真係誇張，無時無刻門口都大排長龍，人氣高到要在隔籬開埋新舖擴充！新店裝修固然更靚，但人潮一樣冇減退，睇嚟出品真係有料到。🥣湯底落足心機主打嘅係熬足4小時嘅椰子海帶鮮雞豬骨湯，味道清甜滋潤，飲落好舒服。嗜辣嘅朋友可以揀酸辣湯底，夠晒刺激。🥟餃子選擇多又有創意必試邪惡之選！加$17就可以將煎餃升級成”金沙餃”, 煎到金黃香脆嘅餃子面頭鋪滿超多鹹香蛋黃碎, 邪惡但真係超！香！濃！今次配咗韭菜鮮肉餃, 惹味到停唔到口。🥟湯餃方面試咗兩款：芫荽鮮肉餃:芫荽控必點，香氣突出。香菇鮮肉餃:香菇味香濃，經典之選。小食夠驚喜：🐤甜蜜蜜雞翼外皮焦糖般甜脆，肉質嫩滑帶蜜香，食落唔膩！🥢涼拌海蜇：爽脆過癮，麻油香好突出，酸酸哋超開胃🥬上湯時菜：菜心浸喺鮮甜上湯裏，清甜解滯。🥤清熱潤喉嘅羅漢果甘草茶: 清甜順喉，食完煎餃飲啱晒。🥤柑桔蜜，酸甜開胃。🌟由湯底到餃子都感受到用心，難怪長期人龍不散。特別係個金沙煎餃，雖然邪惡但真係值得一試！新舊店都咁旺場，絕對有理由。

【餃子戰區。香脆飽滿】太子是餃子店的一級戰區，這家絕對是口袋名單。之前經過看到在隔壁鋪再開了分店，新店設計比較現代感，緩衝了排隊的等待時間，也是需要搭檯（拼桌）。餃子有好很多款，+$2 可以雙拼，很適合有選擇困難症的人。❈ 10隻煎餃 HK$67- 咖哩椰菜鮮肉餃 （5隻）- 芝士粟米鮮肉餃 （5隻)- 薯粉 + HK$8每一粒手工餃子都很飽滿，餡料紮實。椰菜的鮮甜提升了濃郁的咖喱香味。粒粒分明的粟米混在鹹香的芝士和豬肉裡，停不了口。薯粉浸泡了椰子海帶豬骨濃湯，每一口都滲出微淡的清甜椰子味。❈ 10隻邪惡金沙餃 HK$79- 白菜鮮肉餃 （5隻）- 南瓜粟米鮮肉餃 （5隻)- 米線+ HK$8金沙餃不是很多地方都有，香脆的餃子上灑滿了一層鹹香的蛋黃，豐富了口感和味道。南瓜鮮甜綿密，相對比較容易飽肚。白菜鮮肉保持一貫水準。米線比較掛湯，口感柔滑清甜。❈ 秘汁雞腎 HK$24秘製滷汁鹹甜味很惹味，雞腎入口鬆軟。❈ 菊花蜜 HK$12淡香的菊花味，不會死甜，很降火。❈青檸蜜 HK$12味道清新，甜中帶酸，很解膩。

我行過門口十次，九次都見有人排緊隊！心諗：使唔使呀？試過一次之後，嗯，明白了。真係抵你排㗎！🌟 主打湯餃，個湯底堅係落足料！ 每日用椰子、海帶、鮮雞、豬骨熬出嚟個濃湯，零味精，飲完成個喉嚨都係甜嘅！點返： ➡️ 韭菜鮮肉餃（經典之選，韭菜香爆燈！） ➡️ 紫菜鮮肉餃（鮮味再加層次，必試！）😈 成日都食普通餃子今日再叫多一個佢哋嘅招牌金沙煎餃，超級邪惡呀呀呀🫣🫣➡️ 南瓜粟米鮮肉餃（清甜好食！）加錢轉「黃金脆皮煎餃」！成個底鋪滿鹹香金沙，咬落去「咔嚓」一聲，成個口都係香噴噴嘅鹹蛋黃碎，邪惡到極點！👍 小食揀多幾款啦，送餃一流！ ➡️ 香煎豆腐 (3件) - 外脆內軟，點辣醬食超正！ ➡️ 子薑皮蛋 - 酸甜子薑夾住溏心皮蛋，開胃到食極都唔夠！ ➡️ 涼拌手拍青瓜 (細) - 爽脆酸辣，解膩必備！ ➡️ 涼拌海蜇 - 食落嗦嗦聲，口感滿分！🥤 飲品唔係求其沖，係自家煲㗎！ ➡️ 菊花蜜 - 清甜下火，一支點夠飲？ ➡️ 清熱潤喉羅漢果甘草茶 - 食完煎炸嘢飲返啖，個喉嚨即刻好舒服！

因為想食足料手工水餃，所以今晚特登去太子既豐信餃子店食晚飯🍽️。一直覺得豐信係我既top 3餃子店之一，前排留意到佢係本店隔離再租多左個舖位，擴張左多一間，環境舒適左、位置寬敞左，坐得舒服，食得更開心✨.湯餃 — 椰菜豬肉餃拼韭菜鮮肉餃（7隻 $41）🟠 呢兩款係經典口味，餃子好大粒，餃餡好飽滿，肉眼可見既新鮮豬肉做成餡，口感勁道又滑爽。湯底係椰子＋海帶＋鮮雞＋豬骨慢火熬製，最正係佢地話冇落味精，用新鮮豬骨慢燉出黎既鮮甜，椰子味好突出，飲完都吾會口渴，係暖胃又清新既組合👍.邪惡系列 — 芝士粟米鮮肉邪惡金莎煎餃（7 隻 $62，煎餃+$17升級為金沙餃）🔥 如果揀煎餃可以+$17升級成邪惡金沙餃，絕對值得叫！煎至金黃酥脆既餃皮，外層好惹味，再加大量鹹蛋黃，瞬間變得好邪惡。內餡係芝士粟米鮮肉，半溶既拉絲芝士配粟米既清甜爽脆，肉鬆帶芝士香，再有流沙鹹蛋黃既顆粒感，口感層次非常豐富，令人一口接一口😍.煎餃 — 麻辣白菜鮮肉餃拼紫菜鮮肉餃（7 隻 $46）🌶️ 原本想叫雲耳椰菜鮮肉餃，但果款剛好售罄，於是轉左紫菜鮮肉餃，結果都幾驚喜。麻辣白菜鮮肉餡加埋麻辣後，麻中帶辣，入口Q彈又爆汁；紫菜鮮

～豐信餃子店～ 呢間手工餃子店平時真系打曬蛇餅咁勁跨張，個個都系為左招牌邪惡金沙餃。今次就睇下有幾邪惡先😈👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻♡ 邪惡金沙餃 $74-椰菜鮮肉餃 ：粒粒餃子表面都鋪滿晒鹹蛋黃碎，經過油炸嘅蛋黃碎口感真係超香脆超邪惡😂椰菜鮮肉～經典口味😆有左金沙餃嘅加持，口感更升華☺️-芝士粟米鮮肉餃：芝士味意想不到的香濃😳同粟米、鮮肉味道融合得好好👍新奇得黎幾唔錯～♡ 秘汁雞腎 $24 ：雞腎肉質軟糥食落較腍身，滷汁味道偏甜滷得好入味～系一道唔錯嘅小食👍♡ 涼拌海蜇 $22：海蜇味道清新，口感爽脆～超開胃🤤♡ 香煎豆腐 $19 ：豆腐煎得外脆裏嫩，表面仲撒左啲胡椒粉。非常香口🥰♡ 涼拌皮蛋 $22:皮蛋口感q彈滑嫩，唔會好似平時啲皮蛋咁硬👍涼拌汁偏甜口，味道特別～♡ 甜蜜蜜雞中翼 $23 ：芝麻香再加上甜甜地嘅醬汁食落超惹味😍👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻邪惡金沙餃原來唔系淨係得個名，系真係好邪惡架😌會越食越想食🤣

三年前在太子工作時，我同同事的Comfort Food 就是豐信餃子，個時得一間細細的，人龍總是滿滿，如果您夜晚遲多少少買，大概有一半款式都會售罄。時至今日已經差不多兩年沒入太子旺角，今晚交收後同朋友諗不到食乜，突然想重溫舊好，就去了這裡。好久不見原來隔離開埋多一個鋪頭，一新一舊的設計非常有趣，喺出邊撳機落飛，等咗大概15分鐘就入到了。呢度係scan QR code落單，本身一早諗定想食紫甘藍粟米鮮肉餃，果然冇估錯，一早已經賣晒🙃誇張到連韭菜餃都冇，只怪我沒學懂，要食一定要早到！不打緊，同朋友點了兩款餃同兩個小食。1. 邪惡金沙餃（芫荽鮮肉）朋友最喜歡食重口味嘢！我就借機叨光吃兩件！新鮮煎好嘅金沙餃香脆熱辣辣，鹹香鹹蛋黃配上惹味嘅芫荽豬肉，不得了，如果鍾意食濃味野嘅朋友，加$17轉金沙是必須的！2. 梅菜粟米鮮肉餃（加$轉酸辣湯）/ 雲耳椰菜豬肉好鍾意喺呢度食新口味嘅餃子，因為冇紫甘藍，所以今次就試試梅菜粟米豬肉，我本身比較喜歡湯餃，今次就貪得意加錢轉酸辣湯，誰不知有驚喜！本身以為酸辣湯會係好似上海嘢咁，濃稠的像碗仔翅咁樣，結果又是另一重口味之選！一上枱香氣十足，重蒜、重荽、重蔥，辣椒

豐信餃子屋🥢 甜蜜蜜雞中翼 3隻 $23雞翼炆到好腍，瑞士汁甜甜地帶啲蜜糖香🤩-🥢 涼拌海蜇 $22海蜇爽口，麻油味香，食落好清爽鮮甜🥰-🥢 芝士粟米鮮肉餃拼咖哩椰菜鮮肉餃（邪惡金沙餃）10隻 $74必試邪惡之選‼️另外加$17轉左邪惡金沙餃，煎餃上面加上大量嘅咸蛋黃，咸蛋黃食落起沙，一啲都唔漏🥰芝士粟米每次都必叫🤩芝士既咸香配埋粟米既清甜好夾😋咖哩椰菜都好出色，咖哩好香唔辣👍-🥢 香菇鮮肉餃拼南瓜粟米鮮肉餃（湯餃） 10隻 $57湯餃係必叫‼️因為要飲佢個椰子海帶鮮雞豬骨濃湯🤣湯底清甜冇味精，飲晒成碗都唔夠喉🤣南瓜粟米鮮肉餃口感綿密，滿滿既南瓜蓉配上鮮美的粟米鮮肉，絕了😆-🥤菊花蜜/柑桔蜜 $12菊花蜜清甜/柑桔蜜有啖啖果皮味😆

位於太子的港式餃子店，由以前一間小店起，延伸到旁邊新裝潢的店，新店座位較舒適，地方環境企理。未到晚飯時分，外面開始站滿排隊等位的人，還有等候外賣的客人及外賣員。主打手工餃子，人手新鮮包製，分別有湯餃或煎餃，並配搭多款不同的餡料。風味小食：涼拌藕尖涼拌小食，酸辣開胃。藕尖即是蓮藕最幼嫩的根莖，口感鮮嫩脆爽，而且跟泡椒一起涼拌，那股辣勁後來慢慢滲出來。邪惡金沙餃：紫甘藍粟米鮮肉餃這款升級版的邪惡金沙餃，以煎餃製作，餃子先煎得金黃脆口，再灑上滿滿的鹹蛋黃碎，鋪在餃子上面，底下流著起沙的鹹蛋黃醬，味道濃郁、鹹香。餡料用上紫甘藍、粟米及豬肉，那紫色甘藍特別搶眼，粟米令整體口感更加豐富。湯餃：小棠菜鮮肉餃湯餃的湯底用上椰子海帶鮮雞豬骨湯，有住家湯水的味道，鮮甜又滋潤。還可以額外加配湯麵，更加飽肚。這碗10隻餃子加了出前一丁，餃子配搭是爽口小棠菜，豬肉口感較紮實。湯餃：韭菜鮮肉餃 份量分別7隻或10隻，每隻餃子皮薄飽滿，韭菜及豬肉的比例平均，韭菜切粒，味道更加突出，而且更凸顯整體餃子的鮮味。

好耐冇食過餃子，特登去太子呢間人氣餃子店食晚餐，我哋七點前就去到都見到人龍，不過原來舖頭有兩個舖位，所以我哋等咗冇幾耐就有枱。涼拌海蜇海蜇非常爽脆，調味好好，作為涼菜好醒胃。香菇鮮肉餃湯底我哋揀咗原味嘅椰子海帶鮮雞豬骨濃湯，一上枱已經聞到椰子清香，即刻飲一啖，幾鮮甜順口，呢度仲標榜絕無味精添。講返主角餃子，大大隻，真材實料，皮薄餡靚，隻隻飽滿，香菇爽滑，豬肉紮實嫩滑，夏天天氣熱，湯餃濕濕地咁好易入口。我哋仲加咗上海粗麵麵底，麵條質感好好，軟硬適中，吸入湯汁好味。南瓜粟米鮮肉餃餃子一樣係巨型，薄薄滑滑嘅餃子皮包住滿滿嘅南瓜蓉鮮肉，南瓜軟綿綿，甜甜嘅味道加上粟米爽口嘅口感，呢款餃子肉嘅比例少啲，口感多層次。呢款狗配佢嘅椰子海帶鮮雞豬骨濃湯味道都好夾。邪惡金沙餃我揀咗極邪惡嘅口味，用芝士粟米餃，再加上邪惡鹹蛋黃，煎香嘅餃子皮金黃，鋪上滿滿嘅金香鹹蛋黃，一口咬下餃子皮香脆香脆，然後裏面係熱熔芝士奶香配上粒粒粟米鮮肉餃，好味到不得了。不過煎餃需要長啲時間即煎，所以一坐低最好快啲點咗呢個先，如果唔係就要預多啲時間等了。

位於太子手工餃子店佔據兩個鋪位仍然座無虛席真係超級人氣餐廳環境簡約舒服餃子即叫即包款式選擇非常之多真係樣樣都想食🥹涼拌海蜇 $22海蜇口感爽脆，帶有微咸同埋麻香。韭菜鮮肉餃 $39餃子好飽滿，大大隻。韭菜香氣濃郁，豬肉鮮嫩多汁，搭配餃子皮Q彈口感。椰子海帶鮮雞豬骨濃湯熬煮4小時，味道清甜，成碗湯飲哂都唔會好口渴🤤。白菜鮮肉餃 $59邪惡金沙煎餃鹹蛋黃控絕對抗拒唔到！皮薄且煎到金黃香脆，鹹蛋黃起哂沙，🤤咸香惹味。餡料白菜鮮甜爽脆口感，豬肉鮮嫩多汁。柑桔蜜 $12味道清新，唔會太甜，好解膩。

呢間店永遠門口都會企滿人~都有好多人會叫外賣🥡。等左一陣就入店因為豐信再租多左旁邊新鋪所以座位都比以前多左~ 🗯️呢到既餃種類至少都有17款，總有一款會岩你 🤤加$17邪惡金沙餃，係咸蛋王粒鋪滿面，餃子煎得香脆🌶️麻辣白菜鮮肉餃係爆滿餡料食落唔會太過辣，味道剛剛好雙拼加$2要紫菜鮮肉餃脹卜卜既紫菜配少少鮮肉，呢款出面較少有  韭菜鮮肉餃加$5 雙併雲耳椰菜鮮肉餃配椰子海帶鮮雞豬骨濃湯🥥🐓值得一提呢到既湯底係非常鮮甜，平時少飲湯既人士叫沙餃就最合適 涼拌皮蛋 - 低脂低卡必點之小食秘汁雞腎 - 滷得非常之入味涼拌爽脆竹荀 - 出面好少有既小食，非常好刀工，厚度好適中  🥤呢到店好體貼，配有清熱潤喉支裝飲品青檸蜜柑桔蜜

算係豐信餃子嘅常客， 今日專誠來幫襯， 但我發覺佢哋嘅餃子越嚟越重口味🫥🤢， 今日叫咗我平時最鍾意食嘅香菇餃和芫茜餃， 湯底仍然係 香濃好飲的， 但兩款餃子都實在好鹹 好重味精， 芫茜餃嘅芫茜直頭好似鹹菜咁， 頂唔順！！我感覺自己食完之後體內嘅鹽份嚴重超標！！ 希望意見得到接納， 懇請封信餃子店可以好好監控餃子嘅調味配方！！