中華小館

营业中

休息中

位於灣仔嘅中菜館，近來推出片皮鴨任食放題，$498一位，嘢食非常唔錯仲有啲懷舊菜式，每位客人贈送花菇鮑魚鴨掌，每人只限一份～🔘花菇鮑魚鴨掌鮑魚大隻肉厚之餘鮑魚味也濃，個汁味道恰到好處，而各食材都煮到非常入味，鮑魚當然係主角，但鴨掌都非常唔錯，大隻多肉食!! 片皮鴨同以下其他菜式就係任食~🔘片皮鴨即叫即烤，肥瘦適中嘅片皮鴨，鴨皮夠脆唔會黐住過多肥膏，有油脂香味，要讚一讚佢個嬤嬤皮，夠薄而且煙韌度啱啱好，可以任食一次過食返夠本!! 🔘碗仔翅足料碗仔翅，有金菇、筍絲、木耳、粉絲、鴨肉絲等等，無啦啦喺酒樓食到呢款街頭小食幾驚喜!!🔘臘腸卷唔係咁多地方食到，係潤腸同臘腸嘅配搭，裏面仲有類似叉燒汁唔會乾爭爭!! 🔘叉燒燒腩仔飯兩款燒味都好有水準，燒腩仔個皮夠脆，好搶手好快俾人食晒，好彩可以再嗌，叉燒半肥瘦肉質軟熟!!🔘蒜蓉炒時菜白菜仔唔會煮到超腍又炒到好有蒜蓉味!! 🔘桂花淮山淮山爽脆有桂花清香，可能個汁落咗少少蜜糖甜甜地~🔘泡椒魚皮泡椒係經過酸醃的辣椒，魚皮辣得嚟幾惹味，口感有啲似海蜇但更加爽，完全冇腥味!! 想瘋狂食片皮鴨嘅朋友記得訂位，分兩個時段分別係5:30pm同7:30pm開始~

日式放題大家就食得多，但有無諗過中華美食都可以任食放題？今次就搵到位於灣仔嘅中華小館，最近就推出咗「片皮鴨任食放題」，除咗任食片皮鴨外，多款中華美食都可以無限添加餐廳裝修格局充滿中華特色，環境舒適，提供不少懷舊菜式，以新派煮法，令菜式賣相精緻適合打卡💫片皮鴨任食放題 $498/位，*入座起計2小時/2位起🥢片皮鴨 - 即叫即烤，務求有最佳口感，外皮烤得脆，肉質夠嫩，用餅皮將青瓜、蔥白、醬汁包著嚟食，非常美味🥢泡椒鮮魚皮 - 鮮魚皮爽口彈牙，撈著泡椒嚟食，都幾辣吓！🥢桂花鮮淮山 - 淮山本身營養價值高，以桂花糖鋪面，食落清香鮮甜🥢屋村碗仔翅 - 材料非常豐富，啖啖都食到肉絲、冬菇絲、木耳絲同粉絲，好有懷舊風味🥢迷你臘腸卷 - 即叫即蒸，以往就冬天先食到嘅懷舊點心，絕對不能錯過🥢燒味飯 - 嫌無飯到肚？嚟一碗燒味飯應該滿足吧，有我鍾意嘅半肥瘦叉燒🥢四季時蔬 - 用蒜蓉清炒，食落有蒜香之餘亦保持到時蔬嘅鮮味🍴鮑魚花菇扣鴨掌 - 每位客人贈送一份，鮑魚汁好香濃，鮑魚口感彈牙，花菇同鴨掌都非常入味🔹另凡於5:30pm入座，每4位贈送法國紅酒一枝

好友約我晚餐，餐廳裝潢美觀典雅中國風格，靚靚通花屏風打卡至岩。我們選左任食片皮鴨套餐$498/位：泡椒魚皮：涼伴魚皮好爽好脆，辣得過癮。桂花淮山：新鮮淮山口感清新爽口，桂花蜜清甜。是我第一次嘗這新派配搭，很match 。花菇鮑魚玉掌：鮑魚味香濃又腍滑，花菇頗大粒夠入味，大隻鵝掌炆得腍滑黏口骨膠原十足，賣相精緻又美觀、美味又可口，值得推介。👍👍👍片皮鴨：燒鴨皮香脆，肉質嫩最好是無肥膏又多肉夠健康，餅皮加大蔥絲、青瓜絲、海鮮醬，口感豐富真美味。😍😍😍燒腩叉燒飯：燒腩皮鬆脆，五花腩肉甘香肉味濃，叉燒腍蜜味香甜又吾肥，米飯香軟。碗仔翅：材料豐富，味道不錯。蒜茸炒小棠菜小棠菜青梗很嫩，夠鑊氣蒜味香。臘腸卷：潤腸、臘腸各一片，味道香

聖誕節吃中餐，既容易訂位亦不怕只供應節日套餐，趁著平安夜我就來到位於灣仔麗駿酒店地下的中華小館任食片皮鴨放題。酒家採用木系裝潢，裝修陳設古色古香，散發中式典雅的東方韻味。樓底夠高，內裡面積寬敞，座位之間留有一定空間感，坐得頗舒服。餐廳主打懷舊菜式，以新派煮法製作而成，菜式賣相精緻適合打卡。片皮鴨任食放題價錢為 $498一位 (2位起計)，預約入座時間為5:30pm 或7:30pm，預約5:30pm時段，每4位贈送法國紅酒一支。另收茶芥每位$15及加一服務費。放題每位贈送鮑魚花菇扣鴨掌一份，濃稠順滑的蠔皇獻汁更能牽引出鮑魚的鮮甜海味。鮑魚以慢火燉煮，口感緊緻彈牙，鴨掌富含膠原蛋白，品嘗佳餚珍饌之餘亦可吃得補。任食片皮鴨都是即點即烤，確保上桌時新鮮熱辣辣，鴨皮燒至赤紅色，閃亮發光，外皮保持酥脆口感，內裡肉質鬆軟。餅皮軟綿煙韌，包著味濃肉嫩的鴨肉、青瓜、京蔥和甜麵醬等配料，一口咬下唇齒留香。除了任點任食片皮鴨之外，另有好幾款冷熱盤小食都是無限量任添，包括泡椒鮮魚皮、桂花鮮淮山、屋村碗仔翅、迷你臘腸卷、四季時蔬及燒味飯。泡椒鮮魚皮魚皮入口爽滑Q彈，椒麻韻味刺激味蕾，讓人忍不住食慾大開。桂花鮮淮

之前朋友介紹係灣仔有間唔錯嘅中菜館。 難得今日同男朋友佢去灣仔做嘢。就決定嚟呢度食飯！去到餐廳嘅時候見到有大閘蟹任食放題先係$498一位！我即刻心心眼😍。即刻就決定要食呢個😋🦆🦆鮑魚花菇扣鴨掌🍄🍄煮得超好食，🦆鴨掌味道濃郁，口感偏淋。食入口超滿足。🦪鮑魚唔算大隻，但味道濃郁，口感淋身。完全唔似罐頭鮑魚。超正！🦀🦀大閘蟹🦀🦀呢個大閘蟹好有驚喜。🦀蟹膏嘅比例係成隻蟹嘅一半。🦀蟹膏嘅鮮味由牙縫到滲返岀黎。味道鮮甜可口！我真係食唔停！🕊🔥紅燒乳鴿🔥🕊非常出色嘅菜式。🕊乳鴿味道鮮甜，一啲膻味都冇。肉質比較實，但唔會過硬，口感啱啱好👍🏻！連男朋友都讚口不絕！🫑🫑泡椒鮮魚皮🐟🐟第一次食呢道菜，味道真係唔錯！🐟魚皮十分爽口， 而且每一舊都有好香嘅🫑泡椒味。味道辣辣地。非常惹味！你哋餐廳嘅食物真係唔錯，最緊要係佢個性價比高。值得推薦俾朋友！

之前喺網上面見到灣仔有得食大閘蟹放題。而且comment唔錯🤩，價錢仲要唔貴。所以即刻約埋三五知己去試吓😋✔️蟹粉小籠包 - 小籠包細細隻，一啖一隻。入面有勁🦀蟹粉同🐷豬肉，兩樣食物嘅比例啱啱好，加埋香濃嘅🥣湯汁係入面。食落口味道一流，口感豐富😍。我勁鍾意！✔️紅燒乳鴿 - 🕊乳鴿煮得超級入味。肉質好嫩滑，而且仲有好多肉汁係入面。加埋香脆嘅外皮，😋滋味無比！✔️大閘蟹 - 到今日嘅主菜🦀大閘蟹！隻隻都好新鮮，蟹肉鮮味，但最正嘅一定係佢嘅蟹膏🤩！味道濃郁，非常creamy! 完全係食膏多過食蟹！我哋一共食咗20隻！超級滿足☺️！除咗以上呢幾樣食物係任食之外，仲有泡椒魚皮，桂花淮山，馳名叉燒飯，同四季時蔬都係任食。真係超級抵！果然冇嚟錯！

鍾意食中式放題嘅話，灣仔嘅中華小館真係一個唔錯嘅選擇。除咗有大閘蟹放題之外，仲有任食羊腩煲嘅優惠。真係超級抵食！今次我就黎試佢嘅羊腩煲！🥘羊腩煲🐑雖然係任食。但🥘羊腩煲都勁足料，有好多🐑羊肉係入邊。每一嚿羊肉又大又腍，煮得非常入味！絕對會食過返尋味！🐮汕頭牛筋丸🍡自家製嘅牛筋丸，口感彈牙。而且牛肉味好重，味道鮮甜。好快就俾我哋食晒。🍺啤酒🍻食羊腩煲又點可以冇啤酒！凍冰冰嘅啤酒配熱辣辣嘅羊腩煲，呢個配搭真係正到爆！飲完絕對有透心涼嘅感覺。正！

💕坊間少有片皮鴨任食放題 我係一個片皮鴨痴，❤️‍🔥好鍾意試不同酒樓或中菜廳嘅片皮鴨，可以閒閒地一個人食一隻😚係灣仔返工嘅朋友，發掘左一間位於駱克道地鋪嘅中菜館：「中華小館」晚市$498/位，兩小時任食（兩位起）。餐廳裝修古色古香，空間寬闊，有多間廂房提供，好適合我嘅呢啲港女打卡🤭💓放題贈送每位客人鮑魚花菇扣鴨掌一份！鮑魚炆得入味有咬口，鴨掌厚肉皮爽肉嫩，獻汁濃稠掛汁。無限添加食物：✅片皮鴨，✅屋村碗仔翅，✅四季時蔬，✅燒味飯，✅迷你臘腸卷，✅桂花淮山，✅泡椒魚皮等。餐廳為左確保顧客能享用到烤鴨之最佳口感，通常即叫即烤請，需要耐心等候！所以先試前菜開胃。⭕️桂花淮山，爽口清甜；泡椒魚皮，有辣勁又爽脆！⭕️以為燒味飯係整個放題嘅飽肚食物，實際真材實料，唔會比行貨，燒腩仔肥瘦勻稱，叉燒半肥瘦呈玻璃肉，有水準之作。⭕️臘腸卷已經差不多絕跡於茶樓，估唔到係到食到，卷內除左臘腸仲有潤腸，一包有兩種口感，食完唔覺膩😍⭕️屋村碗仔翅聽個名係平價貨，但餐廳做出嚟有酒樓質素，非常足料👍⭕️主菜片皮鴨先比半份，拌以蒸爐同上嘅包鴨皮，以免太快放涼。包鴨皮口感有別於坊間厚身麵粉味重，偏向透薄，所以食極都唔會飽滯😎鴨皮切得

邊個話聖誕🎄一定要食西餐，我同老公就轉戰中菜，我地都好鍾意片皮鴨，所以就去左灣仔呢間中菜館食🦆片皮鴨任食放題，而且重有多款菜式都無限添加。餐廳裝修環境舒適，主打以新派製作的懷舊菜式，餐點都好精緻📸，幾岩同家人、朋友來聚餐。如果夠四位，食5:30pm仲有優惠，每四位送紅酒一支。.✨片皮鴨2小時任食放題 $498/位(2位起計).🍄鮑魚花菇扣鴨掌 - 每位一份鮑魚大大隻，口感彈牙；花菇煮很好入味；鵝掌口感軟滑，充滿骨膠原。加上香濃惹味鮑汁，和新鮮時蔬很美味。.🦆片皮鴨片皮鴨整得外皮夠酥脆，而且帶油香，肉質夠嫩，配上青瓜、蔥段、醬汁，包起來一齊食，整體味道和口感都不錯。.💕屋村碗仔翅冬天來一碗暖粒粒碗仔翅最適合不過，味道香濃，口感十足。.✨迷你臘腸卷新鮮整起熱辣辣，食落肉汁四溢。.🥬四季時蔬蔬菜好新鮮，用上蒜蓉清炒，健康美味。.🐷燒味飯叉燒和燒肉燒得不錯，肥瘦適中。.🌼桂花鮮淮山准山好新鮮，食落爽口清甜，加上桂花香，幾清新。.🐟泡椒鮮魚皮魚皮爽口，加上泡椒調味，食落辣辣地幾惹味。

今天平安夜，一行四人到此餐廳晚餐。其中一個樓面部長不停打乞嗤，還間中除下口罩，「卒」完口鼻都沒有洗手，跟住就去上菜。衛生情況令人擔憂，如果因為咁樣傳染咗新冠，肯定一鑊熟。備注：以上情況目測不只一次

知道平時食開嘅中華小館呢排做緊大閘蟹任食放題。當然要即刻帶埋屋企人嚟食！鮑魚花菇扣鴨掌🍄- 呢個整得好岀色，鴨掌口感爽脆。鮑魚同花菇忟到好入味，而且口感好淋。加埋自家調製嘅醬汁一齊食。味道一流！大閘蟹🦀- 大閘蟹即叫即蒸，上枱嘅時候仲係熱辣辣。而且勁多膏係入面。蟹膏味道濃郁，口感creamy。蟹肉就鮮甜多汁。估唔到放題嘅大閘蟹都咁好食！值得讚👍🏻！紅燒乳鴿🕊- 乳鴿勁多肉，肉質好嫩滑，一啲都唔鞋口。食落口啖啖肉。好味！滋潤燉湯🐔 -食咗咁多蟹，真係要飲返個燉湯補下🤣燉湯非常足料，味道鮮甜。飲落去暖笠笠，超舒服。

今日有新同事上班，難得限聚令放寬，梗係book一圍歡迎一下新同事啦🤗因為近公司通常都係同同事飯聚，價錢大眾化，食物不過不失啦，優點係近公司！人多緊係叫份乳鴿套餐大家食喇~見倒差不多每枱都有叫金沙鍋巴，外層脆卜卜 ，光是那金黃色的賣相已經十分吸引我了！然後到份量十足的清蒸鮑魚，每一粒都大大隻又鮮甜味美😲估唔到經歷完清蒸過程之後，鮑魚肉質仍然保持彈牙🫰🏻難得難得!椒鹽海蝦🦐絕對讓你食指大動，齒頰留香。C父去埋蝦頭內藏, 乾乾淨淨, 可以不吐殼, 成隻消化晒，超正 ❤️什菌炆伊麵又幾香喎🌝調味恰好 夠鑊氣又唔油，睇落就知好正，上檯已聞到那陣陣迫人的香氣很是誘人！公事同事大家都食得好開心，總括服務態度非常好👍🏻 十分愉快用餐，食物有質素，環境又一流。

上星期🤟晚心血來潮想食大閘蟹， 收工我同埋老公一齊去食。近日見👀中華小館又有抵食套餐推出，所以同佢去見識見識😼🧡蟹粉小籠包。嘅皮好薄多蟹粉，夾起嚟食唔會好易穿，有好多湯汁，肉質鮮嫩同有著濃濃嘅蟹黃味，亦唔會cover左原有湯汁嘅味道💯🤎鮑魚花菇扣鴨掌。鮑魚大大粒軟滑彈牙，其次花膠咬下去又變得滑溜溜的配上靈魂醬汁🉐係另一番風味， 胃口大開😋😋😋🧡大閘蟹。蟹膏肥美，蟹肉扎實，都算係多膏又有白膏，大大隻多肉又多膏的大閘蟹，確實很誘人💃🏻！總體其大閘蟹貭量良好，聽經理講，原來從首屈一指供應商取貨，果然有貭素。款款觸動味覺享受，適合大家一大班人嘅大閘蟹聚會啦！

又到咗一年一度「Seafood Loves Sake」活動，今年第4屆，呢間係40間粵菜嘅其中之一，享受中菜之餘，又可以品嘗日本清酒。餐廳推出<Seafood Loves Sake套餐 x 匠 純米大吟醸>✨紅燒雞絲翅啖啖雞絲同魚翅，好足料，同飲宴嘅翅有得揮✨燒味雙拼燒肉外皮燒得香脆，配搭軟腍嘅叉燒，完美嘅配搭✨鮑魚扒花原條鮑魚，個汁好正，仲有嫩綠嘅西蘭花伴碟✨露筍炒帶子新鮮嘅露筍炒帶子，入口唔會太油膩，食到食唔到口✨濃湯蝦乾浸菜苗菜苗幼嫩，加入蝦乾令味道更香，濃湯配搭唔會太鹹，無味精✨羽衣甘藍炒飯第一次試羽衣甘藍用嚟炒飯，原來可以咁夾，炒飯粒粒分離，唔會太乾/太油，唔錯唔同嘅海鮮配埋Sake，將鮮味帶出，提升每道菜嘅嘅鮮味

食大閘蟹嘅時間又到喇，妹妹搵到呢間做每位$498(未計加一) ，2位起計，岩曬我哋全家人一齊去食嘅budget😼衝啊🏃‍♂️💨💨💨💨當然先介紹主角先㊙️大閘蟹聞到頗重蟹香味，拆開蟹蓋，可以見到有金黃色蟹膏，蟹膏尚算軟滑，亦食到淡淡甘甜，整體而言蟹味濃郁😬配角🈶蟹粉小籠包嘅皮好薄，夾起嚟食唔會好易穿，有好多湯汁，肉質鮮嫩同有著濃濃嘅蟹黃味！🪄鮑魚花菇扣鴨掌，鴨掌又索晒d汁，個汁夠甜同唔會太咸，好食。長輩👨‍👩‍👧‍👧都滿意這天的安排，大家邊吃邊聊天💬，而且呢個餐味道同誠意係超班嘅！1️⃣個餐，全家人食飽，而且d菜式又吸引，真係十分抵食，值得下年再光顧！