中華小館食評
地鐵站鄰近,行幾步就到,木系裝潢古色古香,坐低即有傳統酒家feel。主打粵式點心、燒味,亦有新派中菜,晚市經常座無虛席,建議早啲到場。

必試熱點推介:
紫砂功夫螺頭燉湯(強推第一位!):用紫砂壺裝住上,保溫效果超正,全程都飲到熱辣辣嘅湯。入面螺頭用料好足,燉得夠火候,湯底濃郁鮮甜,又唔會膩,飲完暖笠笠好舒服。


燒味海上鮮孖寶:厚切叉燒肥瘦相間,淋甜多汁;燒腩仔外皮酥脆,肉香十足;配埋約1斤重嘅清蒸游水虎杉斑仔,魚肉鮮嫩,原汁原味,一次過嘆晒燒味同海鮮,满足感爆棚。




上湯蒜子浸菜苗夠晒淋甜,生炒牛肉飯粒粒分明,牛肉滑嫩帶镬氣,收尾食返一碗,成餐飯就夠晒圓滿。


📍中華小館
灣仔駱克道128號地舖及1樓


1