中村藤吉香港店 (已結業)

一直對中村藤吉的抹茶產品很有興趣適逢朋友生日可以一嚐中村藤吉家的抹茶戚風蛋糕蛋糕就如年輪蛋糕，中間中空，圓碌碌的一圈 帶有淡淡清新抹茶氣息蛋糕質感頗輕盈，但不夠濕潤

之前第一次食係係the one個間..個時新開張.閒閒地排隊都成個幾兩個鐘..之後就冇再食過..今日同朋友行過..朋友想食..又見居然唔駛排隊 （可能是閒日吧）..即刻沖入去😂😂由於之前已經食過lunch..所以我地都係叫甜品.天氣熱涼一涼😋叫左三款 抹茶芭菲、生茶啫哩同抹茶冰..生茶啫哩 - 叫左抹茶味..好好味..每食一啖都充滿抹茶味..雪糕又夠滑..啲啫哩滑嘟嘟咁..透心涼😋抹茶冰 - 冰夠綿同埋落左好多抹茶醬比你.唔怕食到最後冇醬😋😋抹茶芭菲 - 覺得麻麻地..因為裡面既材料基本叫左上面個二樣都已經食到.同埋我以為會好似雪糕咁凍..但又唔係wor..可以不叫

今日陪老公出尖沙咀訂衫👔記得之前經過呢間（中村藤吉香港店）看到門口已經覺得佢好抺茶feel 🍵抺茶我真係好愛，特別係抺茶ice cream 🍦我嗌左杯夏天限定既抺茶刨冰🍧🍵入面有齊我中意食既野紅豆蓉，小丸子，抺茶雪糕再加埋底既刨冰，根本透心涼最中意抺茶雪糕既綠茶味甜而不漏呢杯野我俾滿意👍🏻👍🏻👍🏻👍🏻👍🏻👍🏻👍🏻👍🏻不過貨錢黎講都幾貴都要成HKD$65一杯依家依雪糕真係同正餐一樣🤦🏻‍♀️

話說阿妹去完京都試左中村先生, 劣評*10所以本小姐即刻好想去香港店試下XD可惜當日打風唔開, 但第二日勁好天, 即試4:25分拎飛等30張枱, 等到5:10張飛有BAR CODE 隨時check 到排到第幾張枱, 不過枱號被delay所以仲有10張左右就要返去等每人要點一份餐點剛好二人, 坐窗邊, 日落個view 勁正, 對到應雪糕浮冰 ($68)綠茶雪糕+綠茶冰飲雪糕偏奶, 綠茶冰飲偏甜抺茶芭菲 ($98)頂層是芝士, 然後綠茶蛋糕, 玄米, 粟子, 紅桑子, 白玉紅豆, 綠茶啫喱, 綠茶奶這個配料全都好吃~尤其白玉紅豆和綠茶啫喱, 正到爆就綠茶奶濃度還不夠, 再濃一點就像極京都味了每位茶芥$10, 沒有加一多喝口茶, 看看日落的風景

很早就聽說這家，向來喜歡抹茶的我一直惦記著它，但不愛排隊只好默默等待人氣降溫。上個週日約了朋友去試試，下午三點多開始拿號碼排隊，和朋友二人等了不足半小時便可入內。我們點了兩款招牌甜點——抹茶芭菲及海綿蛋糕。芭菲還可以，裡面料很豐富。海綿蛋糕比較乾，完全沒有綿密的感覺。總體口味比較清淡，不會覺得甜膩，但也無過人之處，平平淡淡。這壺茶雖然不是我們主動點的，好像也是算了茶費的……也許是抱著很高的期望去的，所以平淡地離開還是挺失落的。

好久不見了，又好掛住中村，weekend就去排下隊，人龍冇以前咁勁，等半個鐘至40mins就可以。估唔到日本店都有茶介$10位，規條照舊，90mins交枱，每人最少order一款食品。冷抹茶蕎麥麵定食($118)抹茶冷麵樣子很濕潤，用鐵網盛起，一絲不苟。冷麵份量不少，蠻有彈性，但是抹茶味道不夠重，冷麵汁很清爽，不會很鹹，很適合炎炎夏日食。小酸梅在飯上，漬物酸酸的，很好下飯，白米飯有嚼勁，很Q，煮得粒粒分明。個set仲有甜品，抹茶凍、紅豆和白玉，非常滿足。抹茶宇治金時餡蜜($98)水果新鮮，係seasonal 的菠蘿、奇異果、橙、rasberry，加抹茶雪糕、果凍和紅豆白玉，配脆脆的花形餅一齊食，美味。順手再買個焙茶雪芳蛋糕返屋企食，價格ok，只是$63。包裝很有趣，是用咭紙摺起的立體圓形，能夠保持蛋糕的形狀，體會到日本人的細心看上去很綿密，有彈性。茶味清香，質地軟綿綿，十分有moisture，不會很乾，甜度適中，口感鬆軟，很不錯，下次會再試下抹茶口味

中村響香港都開左一段長時間,但我都真係前一陣子先有時間去試,本身去過pop up store食雪糕,已經覺得D綠茶好高質,香濃但唔澀,呢次我特登入去坐低,當然要食番個正餐,食麵啦!由於朋友唔食冷面,我地就叫左熱湯麵set~丫,呢個set都幾豐富wor,大大碗綠茶湯麵,仲有一碗珍珠米飯,再配搭多個丸子,自問胃口有時候都頗大,但呢個分量真係比2個人食剛剛好~~綠茶面本身其實除左綠色之外我係食唔到綠茶味,但面條好彈牙個湯又好清新,所以我都無特別介意,當佢普通面咁食囉不過呢個飯~~~~就真係太好食飯粒彈牙又甜甜地,好有咬口,齋食我都可以食3碗!XD跟餐的丸子好軟糯同少甜gei紅豆一齊食好夾,如果你咁樣一個lunch真係大滿足!之但係我又點會就此打住呢,由於我地得2個女仔,所以只能夠叫一個甜品-刨冰.上檯o個陣我真心嚇左一跳.咁大gei?????好彩我好鐘意食冰,如果唔係2個人真係無可能食得曬~跟冰仲有2個醬(綠茶.楓糖),開頭我以為係好苦澀o個D,原來呢個綠茶醬汁係糖水,所以一定要加落去呀~不過我覺得唔使落曬2個.因為佢仲有小綠茶雪糕同埋N咁多粒丸子,咁樣已經有甜味呢個白雪雪gei刨冰真係好s

早幾夜晚7點多，吃了這個曾經有人排2小時的日本品牌，當晚前面企了6個人等位中，後面就仲有2個人等，職員帶了前面個班人入坐，又無講，我2個唔知咪一直跟住入，後面個2個同樣又跟住入，入到去見到得3成滿，大量吉位，點知個帶位好看禮貌問我們幾多位，未叫你入嚟，你地出返去等好啦，咪行返出去囉，出到去企都未企定，又帶返我地入去，玩吖p.s.我仲要係1名大肚婆，明顯睇到西瓜咁大個肚，我完全明白唔係大肚大晒，但個職員真係好無禮貌同點解要人行嚟行去。好，到食物，我完全唔覺得有咩咁正，無成意嘅攞出上碟之餘，一啲美觀感都無，而且唔覺得值咁貴。2樣野共2xx元，完全唔會再有下次想吃嘅意慾。

中村藤吉在香港雖然開業了好一段日子，身為一個抹茶控，到現在我才第一次去嘗試。身邊朋友早就告訴我這裡的食物茶味不濃，聽到這句，我早已不是抱有期待的心態進去。碰巧這天兩三點的時間人不太多，只等了好幾張票就可以進去吃囉!店內環境有日式感覺，但隔音稍為差了一點。由於這天還未吃中午飯，所以點個鹹食和一個甜食。抹茶麵定食比想像中更加沒有抹茶味，普通一個麵食。然而附送的甜點也是沒有帶有茶味。抹茶芭菲或許這裡的甜品比鹹品好，份量和甜度剛剛好，但若然茶味更濃一點，我會比較喜歡。值得一提反而是茶芥的茶，味道清香。

還記得中村藤吉初登陸本港時，曾經掀起一陣抹茶熱潮，在舊店更曾是人龍店，現在熱潮減退了，已經不用排隊，所以就來試試甜品吧！一客京之精選包括抹茶及焙茶海綿蛋糕、白玉丸子，紅豆及 抹茶雪糕，雖然蛋糕質感鬆軟，很遺憾地茶味卻不濃，白玉丸子口感彈韌，全碟最好的則是抹茶雪糕，甜度不高，帶有綠茶苦澀味。丸十芭菲 (焙茶)底層是軟滑雪糕，中間爽雜著果凍、脆玄米和白玉丸子等，口感層次豐富，但同樣地茶味依然不夠濃郁，以為這是日本老字號抹茶店，一心想來吃茶味甜品，但竟然兩款甜品茶味也不重，而且也覺得不值這個價錢，難免會失望而去吧

之後去大阪冇去到京都總店...係一總遺憾。唯有係香港食住先啦。 依家搬左新店..除左少左人排隊之外，重可以係隔離miji 行住等😁。雖然今日星期六，不過只係排左十五分鐘就入得👍🏼天氣咁熱...一坐低就先飲杯綠茶解渴😆冷抺茶烏冬開頭見隔離台得返個網好似冇咩特別。不過朋友過必食，當然就要叫黎試下啦。首先我地將一半芥末放入凍抺茶，然後將烏東放入去浸一浸。 出奇地好爽口同埋重有少少芥未味，個人唔太好隔離附送既酸菜，所以未掂過。建議大家盡快影相盡快食，因為麵放大耐會痴埋好難夾😏腐皮蕎麥麵我解釋唔到個腐皮點解咁好食...但蕎麥麵唔係太特別....加上清湯所以冇咩味。中途有段小插曲。差唔多食完既時候，小弟突然冇力咁將碗麵撞瀉左😅 估唔到佢地換左碗全新既比我。搞到我又唔好意思又滿意佢既服務。抺茶啫哩大家記住..如果一開始叫記住話後上😆或者食到咁上下先叫無謂等到溶曬唔好食😂宇治金時...紅豆蓉個口感好好 唔會一pat pat 咁加埋抺茶啫哩...食完好想去京都😍

未開店已經係全城熱話，到開店排晒大長龍，諗起排隊都唔開胃 隔左一排，熱潮過左終於可以去試下啦，試過日本店，真係好出色。香港既原來都唔差，雪糕丸子mochi都好好味。本身抹茶好，就自然樣樣食品都好

行過見到門口無人排隊又攰攰哋，於是試吓佢哋嘅出名抺茶食品順便坐吓。在門口㩒了電腦飛等位，但奇就奇在當時晚上未到7點鐘，望入去有好多位，而門口除了我哋就無人等位，但職員並無叫我哋入去，我哋在門口等咗約10分鐘，在這10分鐘我以為職員好忙未能招呼我哋入去，但我站在等候區頭位多次望經過的職員，佢哋只行過並無帶位問都無問一聲，當時亦唔覺得真係忙到連帶位都做唔到。到最後我示意想問之際佢就帶了我哋入去。而今次我哋入去主要想試抺茶甜品，叫了一杯抺茶芭菲及一杯抺茶雪榚浮冰。兩杯味道正常，唔會超級出奇地好食，亦唔會差，但價錢覺得貴咗啲。反而下次想試吓佢哋的麵餐，相對感覺抵食啲，大約$110就有一個麵餐。

見到網上面咁多人讚呢間抹茶店，作爲抹茶控梗係要黎親自試下係咩真係咁好味啦！由於我係大概兩點幾三點去，所以都唔多人，係門口望，已經覺得舖頭好有日本feel~ 入到去，餐廳既設計簡潔，坐落都算舒服既，同埋環境清靜，好啱成班friend一齊黎。舖頭對住既風景真係好靚，可惜天氣麻麻地，如果唔係對住呢個景真係會影多幾張相... 京之精選（$98）佢既蛋糕好鬆軟，好海綿~ 而且綠茶味好濃郁，值得一讚，但其實我期望個蛋糕係暖既...佢配埋紅豆蓉同cream一齊食會令蛋糕加點甜，好配！ 軟雪糕（$98）我叫既雪糕係雙色- 抹茶+焙茶雪糕都係好濃綠茶味，有回甘既味道，好香濃，而且雪糕好滑，creamy得黎都唔會話濟或者太瘺，但個脆皮係好似普通雪糕筒個啲脆皮，無咩特別.....個啫哩好滑，都有綠茶味但比較淡，而且唔甜，相對下唔鍾意甜既人就會鍾意。佢個紅豆蓉就係中和返令佢無咁淡同無味，同埋個白玉丸子好煙韌，好有咬口！茶位（每人$10）茶味好濃郁香醇，中和返食左咁多甜野，食完飲返杯可以消濟，熱烘烘一杯茶，飲完舒服嗮！整體黎講都唔錯既，不過價錢比較貴，我認為唔係好划算，但係啲服務都唔錯，而且都好快手就有得食，啲

我一向都鍾意食由抹茶製作的食物，喜歡抹茶濃而不膩的感覺，今次友人就帶左我來中村藤吉店食抺茶料理抹茶蕎麥麵定食，份量不算大，但都足夠一個男生晚餐的份量，有飯有麵有甜食的抹茶蕎麥麵湯食，醋蘿蔔酸度岩岩好，唔會太嗆喉嚨，同個湯麵好搭份量適合女士多d京之精選一次過滿足哂食甜品的要求，抹茶雪糕好滑好濃，蛋糕鬆軟有蛋香抹茶芭菲必食之選順帶一提，就座後每台都會有茶，好似係蕎麥茶，本人好鍾意，如果愛品茶的朋友千祈唔好錯過