影片
以上资料只供参考，请与餐厅确认详情
相关文章
第一次嚟启德体育园，见到有两姊妹凉皮，嗱嗱临坐低叫咗个招牌两姊妹凉皮，见到Menu有个名好得意，叫做媲美拉面店叉烧的火炙咸香猪五花，一于叫嚟试吓。由于舖头比较细，厨房距离近，听到入边用火枪烧紧嘢，跟住就闻到好香嘅肉味，原来就系我旧猪五花！佢真系好香好好味！仲叫咗两款小食，青瓜木耳椒麻鸡同椒麻秋葵。两款都唔算好辣，但份量大，两个人都食唔晒。
继续阅读
启德开咗咁多新商场，仲有好多美食！今日就试人气小店——两姊妹凉皮，食咗佢地最经典凉皮，仲特别加木耳！ 🍜 经典凉皮 ：凉皮嘅口感爽滑，每夷啖都蘸满秘制酱汁，用传统酱料设计出完美比例，令麻辣同酸香都有，好开胃，麻辣味仲会在舌尖上面弹下弹下🌶️ 另外仲加咗脆口爽滑的木耳，为凉皮增添了口感层次，既解腻又清爽，搭配凉皮食就好夹，仲好营养健康！ 🏰两姊妹凉皮 九龙城启德承启道38-39号启德体育园启德零售馆1 2楼M1-206号
继续阅读
又系真实食评既时间第一次坐底食，味道对比起之前好似有小小出入？味道上好似淡左啲，入之前咁浓味，但整体个口感都系唔差既，面够冻。环境：入面啲位小小窄，坐4个都几辛苦卫生程度：正常食物质素：/推荐菜式：/极不推荐菜式：/总结：有机会会再去食
继续阅读
今日放工屋企人想食酸辣粉，走咗去零售馆见佢有得卖就谂住晚市外卖自取，叫左一个酸辣粉同一个重庆小面首先酸辣粉份量劲少，$68连一个𩠌都冇，汤底完全冇味，一啲酸味都冇，好似食紧加咗红色嘅清鸡汤！食完都唔饱！都唔明佢凭咩卖呢个价钱！$68隔离同一个价钱已经可以打到个边炉！然后个重庆小面，一样$68只有面同汤，个汤一样都系冇味道，都唔知食咗啲咩！系食过嘅最难食嘅酸辣粉！又贵！又难食！又少！完全唔会再帮衬第二次，简直系揾笨！
继续阅读
去咗两姊妹凉皮试鸡丝凉皮—酸辣冰爽好开胃！🍜🥢今日去咗两姊妹凉皮试佢哋出名嘅鸡丝凉皮，真系冇失望，酸辣清爽得嚟好满足！以下系我嘅食后感： 鸡丝凉皮 🍜凉皮一上枱已经觉得好吸引，条条分明，晶莹剔透。口感滑溜弹牙，食落去唔会烂，仲劲吸晒酸辣汁，好味到停唔到口！ 鸡丝：鸡丝用靓鸡胸肉撕开，份量唔算多，但啱啱好配凉皮。鸡肉嫩滑得嚟冇腥味，吸收咗调味汁嘅香气，食落去好惹味，完全唔会柴！ 调味汁：两姊妹凉皮嘅调味汁真系灵魂所在！酸酸辣辣，香醋嘅清新配埋辣椒油嘅香气，仲有蒜蓉提味，食落去每一口都劲开胃。辣度适中，唔会辣到抢味，但又够劲带出层次，真系好正！ 配菜：加咗爽口嘅黄瓜丝同埋花生碎，黄瓜丝清脆又爽口，平衡咗酸辣嘅味道，而花生碎就增加咗香脆嘅口感，每啖都好丰富，唔会单调！
继续阅读