世界第2好味雪糕蜜瓜麵包 (已結業)

係日本食過一次，菠蘿包熱辣辣再配哈蜜瓜味雪糕，一冷一熱，都幾特別。Size都ok，不過菠蘿包唔係岩岩出爐，應該擺左一陣，面頭已經淋淋地。蜜瓜味雪糕亦冇想像中咁好味

綠茶雪糕蜜瓜包之前第一間店坐落香港個陣大排長龍而加開多咗分店 一於試下係咪咁好食元朗間鋪頭有點兒頹 衛生質素😪 發夢見到員工冇戴手套做完其他嘢 就放包入上焗盤 安慰自己高溫可殺菌個包對切開一半 再放雪糕放入去勁伏👿 個雪糕莫講話冇綠茶味 連牛奶味都冇 完全係嚿凍冰冰嘅物體🌚個包唔係脆而係硬邦邦究竟係分店嘅問題定本身就係咁@@如何自稱世界第二好味😪😪————————————————————$38世界第2好味雪糕蜜瓜麵包元朗又新街38號恆富大廈地下10A鋪

好失望既一次之前岩岩到香港果陣已經好想試點知開左係對面海所以一直都無去到係元朗開左又咁岩經過梗係買黎試下.呍呢拿雪糕蜜瓜包$34著校服/有全日制學生證會平3蚊拎上手 中間既呍呢拿雪糕份量好多食落口 完全唔知自己食緊d咩係呍呢拿味上面亦都唔會見到呍呢拿籽再咬落個包度What???你可以稱之為脆 又可以稱之為硬個包都係無味既唔算暖 常溫係食到好中間先有少少麵包質感佢個過程似食曲奇多過包.如果你對於香港新鮮出爐既菠蘿包係好熱衷既話尼個食完你真心會想鬧人我寧願買條方包 再加盒家庭裝雪糕再夾黎食 我覺得會食得開心d然後得未食完就掉左啦.我未食過日本既蜜瓜包所以唔知係咪特色黎如果係 咁小女見識少如果唔係 就麻煩再比心d整唔好打爛人地既招牌

未去日本 喺香港已經可以食人氣蜜瓜包 而且口味都比想像中多😂----------綠茶雪糕蜜瓜包 ( $38 )新鮮焗出黎熱辣辣 淨係聞都已經好滿足 面層鬆脆重牛油曲奇香 麵包軟😁 入面夾住勁大塊雪糕 一熱一冷 食落口感幾特別 不過真係融得幾快😂 食完一個都幾甜幾膩 同人share就最啱 但食嘅時候真係停唔到口🤗-栗子蓉北海道牛乳雪糕蜜瓜包 ( $50 )呢個係元朗店限定嘅蜜瓜包 份量極多🤓 牛奶雪糕配埋好濃嘅栗子蓉 啱哂秋天食😝

叫左紫薯蕃薯味($48)，個包味道確實幾好，脆同有奶油味，雪糕夾落個熱既包到，又凍又熱好新奇，紫薯蓉都好多😂可惜個包太熱令啲雪糕溶得超快~差啲冇得食😂😂😂同埋價錢方面實在係貴~我自己就唔會再encore laaa✅

元朗店限定的雞扒蜜瓜包($58)，果不其然。雞扒是由側店雞雞駅拿的，灑上滿滿椒鹽粉，十足台灣的鹽酥雞扒，一咬開雞油在口中綻放，卻不會過份油膩，但是略嫌太薄而粉漿丸厚，如果雞扒的解凍功夫做足點，修飾一下雪味更佳。雞扒下面的芥末醬同樣誘人，可惜生菜未似預期中爽脆，口感可以改善。而蜜瓜包本人是會被店員加熱，做到外脆內軟的完美狀態。上面凡火炙芝士卻叫人有點失望，到手的時候已經是凍的，火燒凍芝士真不是我口味。兩者若能提高溫度，讓人全程享有溫熱感，定必更出色。

紫薯蕃薯雪糕蜜瓜包 $48元朗店係特別多限定口味😌近排有限定既紫薯蕃薯雪糕蜜瓜包💜中間紫色既明顯係紫薯蓉 係堅紫薯🍠咬落有d實身架 真係見到有紫薯粒仔上下夾住既係蕃薯雪糕黎架其實都幾大個！ 呢到堅足料我一啖係食唔到哂雪糕加紫薯加包架🤓成件事都幾飽肚🤤紫薯蓉加蕃薯雪糕 呢個配塔唔錯紫薯加蕃薯雪糕蜜瓜包剩係元朗店限定架炸！元朗店成日出新口味真係好啦限定口味 好似賣哂就冇架啦 售完即止 想試就睇怕要快d？🤔唔知重有冇呢

之前聽人講喺日本食過好好食，排晒長龍，但自己又冇得去日本，想試好耐嘞，咁啱見到元朗有就諗住買個來試吓，不過可能期望越大，失望就越大。我去到嘅時候都已經係好夜，差不多半夜12點，但個包仍然有新鮮出爐，呢個係值得一讚。我買咗一個蜜瓜包配蜜瓜味雪糕，食落去個包好甜，但覺得只有甜味，包面嗰啲一格格食落好似曲奇餅咁脆脆地，個包嘅質感都算軟熟，但啲雪糕好硬，有蜜瓜味，但雪糕實在太硬，所以比較難咬。所以咬落去好難同個包一齊食。

🍈蜜瓜包夾抹茶雪糕+芝士蛋糕🍈📍元朗又新街38號📍之前食過一次淨蜜瓜包 嗰日太熱一定要加雪糕🍦🍦新鮮焗起 睇手呀🔥面頭脆到好似牛油曲奇 😍😍麵包鬆軟得黎唔乾 應該係個麵糰重牛油🍞而且中間會帶微微嚼勁 唔係空氣包 呢個都係我欣賞蜜瓜包嘅獨特地方💓💓💓抹茶雪糕甜中帶甘 幾滑🌱🌱可惜太陽太勁 食耐啲都唔得🐸芝士蛋糕係自家製 芝士幾濃 比海綿蛋糕實在啲👏👏(中間係烘乾嘅麵包乾).Btw元朗呢間有好多款(榴槤/芝士/炸雞/薄荷朱古力雪糕)🙈🙈

起源日本的雪糕蜜瓜包開到香港，現已有三間分店，今天終於能一嚐這一冷一熱的好味道因為要把麵包烘熱，所以要等五分鐘左右製作，幸好蜜瓜包熱情早已退散，人流不算多，等過幾個客人後，便能下單，我選的是芝士蛋糕綠茶雪糕蜜瓜包，雪糕和蜜瓜包之間有一片芝士蛋糕夾著，暫緩雪糕的融化速度。蜜瓜包單個看起來很小，但加入了滿滿的內餡後便是份量十足的蜜瓜包，吃一個已飽6成。蜜瓜包拿上手有點燙但不至於燙口，一拿上手便要趕快吃，因為有一邊的雪糕跟溫熱的麵包直接接觸，很快就融化成水狀，滲進麵包和芝士蛋糕內。雪糕和芝士蛋糕-前者綠茶味不算香濃，後者口感實在，兩者味道不過不失。麵包不帶甜味，包質鬆軟，烘過的表層鬆脆，口感一流！因為雪糕融得很快，我先把雪糕吃完，剩下半份麵包和蛋糕吃有點單調，但味道還是不錯！雖然吃起來很狼狽，而且每項食材單看很平凡，但組合起來後就成了一冷一熱、一軟一脆的豐富口感和味道，令人吃得好滿足，絕對有下次！下次想試試蜜瓜味雪糕呢

暑假去完日本食咗世界得第二好食嘅蜜瓜包🍈，一直都好掛住，因為真係太好味！突然之間喺元朗經過見到，即刻沖去買😍😍見到佢出咗好多新味，不過最後都係揀返原味，因為想回味一下日本嗰個味道～＄43俾起日本有啲啲貴，但如果一樣味又有乜所謂😆但係真係好失望，先講佢個包完全唔熱又唔脆，雪糕亦唔好食，雲呢拿味唔重我好呢個包嘅過人之處就係佢外熱內凍，蜜瓜包鬆軟，雲呢拿雪糕滑身香甜，呢間分店完全做唔到呢幾點。不過唔知會唔會係因為臨近收舖嘅關係，所以質素下降。未試過食銅鑼灣或者旺角分店，下次可能會再試希望得返日本嗰個味道啦

自從係大阪食過 世界第2好味蜜瓜包之後, 返香港都仲回味緊個種外熱內冷..*v*知道銅鑼灣一早就開左間... 但係其實本人好少出城🙈🙈🙈所以而家元朗開左 終於可以食返個 回味一下~~ : DDD係好熟悉既招牌呀~~~ 同日本個個一樣!而家除左最basic既蜜瓜口味之外 仲出多左好多新配搭♥本來想試芝士蛋糕x抺茶雪糕個款..... 但係已經賣晒T^T...!見到好多人食好似好吸引咁...... 下次要早d黎食!!見到佢不停出爐新鮮既蜜瓜包♥♥超香超吸引~~最後決定揀返最basic款--->蜜瓜雪糕蜜瓜包$43一接到個下即刻覺得自己無決定錯! 未食已經聞到超超超香蜜瓜味!! 而且....舊雪糕係大個過上次係日本食!! *v*~~~最重要既係..真係食得返上次係日本食既蜜瓜包味道~!炎炎夏日之下食..我覺得揀蜜瓜味雪糕係好岩..好清新令人特別有透心涼既感覺~!!蜜瓜包真係新鮮出爐...好香脆好熱辣辣~所以舊雪糕會溶得好快架~ 要快快快快手咁食晒佢!!以後每當掛住日本既味道都可以黎止住渴先~~ XDD

去開元朗發現呢度都開左間蜜瓜包分店🍈🍞除左有之前食既蜜瓜包配普通雪糕球之外，仲有芝士蛋糕抹茶雪糕，薄荷朱古力雪糕等三款元朗限定既口味😮不過咁岩見倒佢呢期出左個期間限定嘅榴槤雲呢拿雪糕🤤對於我地呢啲榴槤愛好者黎講，就緊係比佢吸引倒，最後決定揀佢😍👁‍🗨 榴槤雲呢拿雪糕蜜瓜包 💲63個蜜瓜包攞到手都幾有份量😳個包暖笠笠又脆卜卜，中間爆曬餡，仲有好多榴槤蓉，個味都幾濃添，估唔到同雲呢拿雪糕咁夾🙈如果個口唔夠大又唔想食得太狼狽嘅話記住攞返隻匙羹先開始食🤣同埋天氣熱雪糕溶嘅速度比較快，所以攞到上手就盡快食😛有機會既話會再入去試埋其他味🔛 整體評分（7.5/10）

世界第二好味雪糕蜜瓜包元朗開分店了啦。。。👍🏻👍🏻👍🏻小編當然第一時間排隊朝聖一下啦。等了十分鐘左右終於可以品嚐啦 😜蜜瓜包新鮮出爐非常重奶油香表面的曲奇鬆脆可口。太棒啦❣️❣️❣️今次點了個煙三文魚蜜瓜包 🤤無庸置疑真的太好吃啦 ❤️❤️❤️一餐食一個已經足夠，因為口感太RICH啦 👍🏻👍🏻👍🏻大滿足❣️❣️❣️好適合鄰近上班一族/學生正餐之選 😂😂😂因爲可以外帶之餘，同時亦可有多個選擇，雖然雪糕蜜瓜包口感就截然不同，完全能感受到「冰火」兩個感覺，但真的不便帶走啦，喜歡吃雪糕蜜瓜包的就要親臨分店品嚐啦 😂😂😂

芝士蛋糕抹茶雪糕蜜瓜包 $48你冇睇錯 係元朗！！第一間係銅鑼灣果到開果間蜜瓜包 而家元朗都有店啦😍 原來開咗成個月啦我依家先第一次食😂黎元朗店食原來有限定口味架！呢款就係其中一款💚有齊我最愛嘅元素: 芝士蛋糕+抹茶雪糕🤤呢件芝士蛋糕係自家製架 自己一個食晒成件都唔覺得滯😌抹茶雪糕係屬於甜嗰隻 唔算淡味 幾滑 我幾ok呀💚重插左塊脆脆厚曲奇 好似塊脆多士咁到個主角蜜瓜包 一到我手仲係熱辣辣架！要知道蜜瓜包係冇蜜瓜味架🍈新鮮整嘅係最好食嘅🤓咬落外皮脆脆地 入面軟再加埋雪糕，又凍又熱 我喜歡🤓我自己一個人ko左成個😌😌_🍄為食tips:天氣炎熱，記住攞返隻匙羹食雪糕🤓元朗店有幾款限定口味: 芝士蛋糕抹茶雪糕，薄荷朱古力雪糕，原條蜜瓜雪糕蜜瓜包重有元朗店指定口味$70 2個😎✌🏻另外，幾間店都有榴連雲呢拿雪糕蜜瓜包如果有榴槤控嘅 去試吓囉我見到pat榴槤多到痴咗線😨