世界之窗 (已結業)

今日因為工作關係所以很遲食晚飯，因為太晚只好到這餐廳。去到餐廳見客人都不太多，只有兩三張枱係有人坐的，於是就去吧枱叫野食（因為係自助式的）。可能太夜了，有些工作人員都在休息，於是我就點了一個公司麵連一杯餐飲（其實因為太晚所以無其他選擇）。餐廳廚房採用開放式設計，調製食物的過程客人都可以一目了然，感覺新鮮到呢⋯⋯不消一分鐘食物就已經準備好。食物既賣相都沒有特別，和一般既車仔麵差不多，只係麵底採用公仔麵，配菜有蘿蔔、香腸、魚蛋、牛丸，還有一隻醃製雞翼。但是湯底十分清淡，原因可能是餐廳的自由性比較大，喜歡客人自行調較適合自己的湯底，所以提供大量的調味料，種類繁多。但是當我一食落去個麵既時候，我以為自未攪混個湯底，無味，連配菜都係一樣。再食多兩啖就有一種感覺，一種令人反省既感覺。究竟我做左咩錯事，個天要咁懲罰我，盡管我個肚有幾餓，但是我都沒辦法吃完這個麵.......

呢間餐廳既野食，環境，服務態度，只能用唐司長名句"完全垃圾"黎形容。首先講食物，我地幾個人叫左三個麵，三個都唔掂。第一個:沙爹牛肉麵，啲牛肉比疏打粉"乸"到入口即溶，完全唔係牛肉，似一舊啡色既麵粉。第二個:車仔麵，只係將啲餸放埋一齊，但都可以好難食，蘿蔔有柞，魚旦有沙，啲麵煮到漿糊咁，個湯同清水一模一樣。第三個:牛腩麵，我地食咗咁多間牛腩麵，從來未食過牛腩會有毛，佢啲毛仲要多到你揀都有排揀，清完碗麵都凍晒。而且三碗麵既共通點係:啲麪煮到漿糊咁，個湯完全無味,同埋真係好難食。之後就係環境喇，好難想像位於香港機場，間餐廳係完全無冷氣，你唔行淨係坐，都會成身大汗。仲熱過出面烈日當空既停機坪。而且又窄，空氣唔流通。你坐多一分鐘都想死。最後係服務:呢間餐廳只啱啲鐘意比人鬧既人去，事關由收銀到個廚，全部都無禮貌。我去買個麵，比錢個收銀，好似我迫佢賺錢咁既樣，找錢個時又就咁dum返比你就算。到個廚，我地食落啲麵完全無味，諗住叫佢比啲沙爹汁，佢就係度發老脾話:我地間野一向無沙爹汁!咁我碗沙牛麵個啲咩黎架?最後係啲清潔阿姐，算係比較正常，只係佢收野速度太快，句把口一邊問:碗野要唔要架?但其實佢已經收咗放