影片
今日因为工作关系所以很迟食晚饭，因为太晚只好到这餐厅。去到餐厅见客人都不太多，只有两三张枱系有人坐的，于是就去吧枱叫野食（因为系自助式的）。可能太夜了，有些工作人员都在休息，于是我就点了一个公司面连一杯餐饮（其实因为太晚所以无其他选择）。餐厅厨房采用开放式设计，调制食物的过程客人都可以一目了然，感觉新鲜到呢⋯⋯不消一分钟食物就已经准备好。食物既卖相都没有特别，和一般既车仔面差不多，只系面底采用公仔面，配菜有萝卜、香肠、鱼蛋、牛丸，还有一只腌制鸡翼。但是汤底十分清淡，原因可能是餐厅的自由性比较大，喜欢客人自行调较适合自己的汤底，所以提供大量的调味料，种类繁多。但是当我一食落去个面既时候，我以为自未搅混个汤底，无味，连配菜都系一样。再食多两啖就有一种感觉，一种令人反省既感觉。究竟我做左咩错事，个天要咁惩罚我，尽管我个肚有几饿，但是我都没办法吃完这个面.......
继续阅读
呢间餐厅既野食，环境，服务态度，只能用唐司长名句"完全垃圾"黎形容。首先讲食物，我地几个人叫左三个面，三个都唔掂。第一个:沙爹牛肉面，啲牛肉比疏打粉"乸"到入口即溶，完全唔系牛肉，似一旧啡色既面粉。第二个:车仔面，只系将啲𩠌放埋一齐，但都可以好难食，萝卜有柞，鱼旦有沙，啲面煮到浆糊咁，个汤同清水一模一样。第三个:牛腩面，我地食咗咁多间牛腩面，从来未食过牛腩会有毛，佢啲毛仲要多到你拣都有排拣，清完碗面都冻晒。而且三碗面既共通点系:啲面煮到浆糊咁，个汤完全无味,同埋真系好难食。之后就系环境喇，好难想像位于香港机场，间餐厅系完全无冷气，你唔行净系坐，都会成身大汗。仲热过出面烈日当空既停机坪。而且又窄，空气唔流通。你坐多一分钟都想死。最后系服务:呢间餐厅只啱啲钟意比人闹既人去，事关由收银到个厨，全部都无礼貌。我去买个面，比钱个收银，好似我迫佢赚钱咁既样，找钱个时又就咁dum返比你就算。到个厨，我地食落啲面完全无味，谂住叫佢比啲沙爹汁，佢就系度发老脾话:我地间野一向无沙爹汁!咁我碗沙牛面个啲咩黎架?最后系啲清洁阿姐，算系比较正常，只系佢收野速度太快，句把口一边问:碗野要唔要架?但其实佢已经收咗放埋一齐。总括而言，呢间野真系差到无人有，真系死都唔会再帮衬。
继续阅读