世界の山ちゃん

营业中

休息中

有朋友要去外國讀書，就揀左呢間日本野，有個飲酒🍻聊天既好地方！餐廳係尖東，有一塊大型廣告牌，地方都算易搵，係地庫位置，所以完全收唔到網絡，連電話都打唔到，可以一心一意enjoy同朋友相處既時光！呢間餐廳主打就係雞亦，餐廳內好多指示交你點樣食雞亦，最後只退返兩條骨出來，都幾搞笑，仲有漫畫有圖有字叫左兩支🍺，同埋25隻夢幻雞亦雞亦偏乾身，炸到十分脆口，送酒一流夢幻雞亦其實就係小小辣，再加上一堆味粉既炸雞亦，味道都略鹹。但個人唔中意雞亦太瘦，完全無咩肉可以食，亦尖淨係知道d味粉，d皮已經乾到食唔到，所以需要食好多先夠喉！當晚其實仲叫左好多其他食物，但傾計太開心就無影相。印象最深刻係味增烏冬鍋，我地食左兩次，烏冬索汁，好入味！香煎鰻魚雞蛋捲：雞蛋唔夠滑而且鰻魚帶腥味，好一般炸芝士：驚喜之作！芝士味濃郁，半流心質感好特別，香濃脆口！牛肉壽喜燒鍋：份量太少了，但味道很好，香甜滋味

夜晚睇完場戲已經9點幾10點，好多舖頭都關咗門，好彩行到去金馬倫道見到平時要等位嘅「世界の山ちゃん」唔洗等位就入得，當然去食番個宵夜先返屋企啦。今次叫咗兩款雞翼各一份，夢幻雞翼-好重胡椒味(感覺似味精）肉質較實，雞翼尖比較難食到好乾淨。黑色雞翼-好酸，肉質較另一款淋及有肉質，比較易食。另外，仲叫咗個名古屋鐵板扁麵&三文魚沙律。三文魚沙律賣相不錯，係醋汁，排得好整齊，不過$88有點貴。到於扁麵就係開頭食覺得好甜，但之前就有辣的感覺慢慢湧出嚟，鐵板嘅底部有隻煎蛋喺底，撈埋佢同個麵一齊食，口感不錯。甜品就叫咗個櫻花味雪糕，唔太食得出櫻花味，但好有雲呢拿同煉奶味。今晚每人叫咗杯飲品，分別係(左面)玫瑰酒草莓櫻花梳打（3.5%酒精）& (右)水蜜桃特飲。前者比較淡口，後者比較有驚喜，估唔到水蜜桃同埋乳酸味都幾夾。 總括來講，今晚喺「世界の山ちゃん」叫嘅多數都係偏重口味，好彩有叫番啲淡少少嘅去中和番～

其實一早就想試，話晒係名古屋名物~睇過下食評都大概心裡有數，不過作為一個為食妹點都想自己試下先死心 XDD我地2個人叫左3樣野同2杯野飲首先係必食名物：夢幻雞翼味道泥講其實唔錯，夠重口，送酒應該好適合！不過如果好似我咁就咁食就覺得只係撈左一堆味粉上面…太鹹…而且隻雞翼好瘦…炸到有d乾…唔差既~但係一定唔叫好食lo跟住係真心推薦既味增烏冬鍋，呢個就好好食wo！味增夠濃，烏冬又唔會林晒，配料吸左d味增湯好正！最後係吉列火腿扒，講真加埋個sauce幾好食，不過唔知點解塊火腿可以整到咁乾…um....但係又唔太影響味道既~不過不失咁啦~野飲方面叫左維他命力量(櫻桃汁+西柚汁)同可樂，個可樂明明問左係罐裝先叫…點知係杯上…仲要$28…有d被騙既感覺…杯維他命力量，唔可以話難飲，但係我期望會甜d…同埋一d櫻桃味都無…只係一杯多冰西柚汁…講真d野食咁鹹你比杯咁既野我其實同水無咩分別…總括泥講，味道就不過不失，但係無想像中咁好食，如果想同朋友飲野吹水都不失為一個好地方！

店內完全沒有手機信號，也無免費WiFi，整個就餐環境根本處於無網絡狀態。這家店的上菜速度非常慢，我們三個人要了三份面但最終只來了一份。同時面的份量也非常少，根本吃不飽，味道也一般般。招牌雞翼10蚊一隻，味道還不如麥當勞，而且非常小。最氣的是不給免費的飲用水，要10蚊一瓶😠其他的飲料都在50蚊左右，根本就是逼你消費。就這樣的服務還厚臉皮要加收10%服務費，真是不知道哪裡來的自信。與其在這裡受罪，不如去味千拉麵這種連鎖日本餐館。

我諗冇乜人會抗拒食雞翼，我都唔例外。朋友介紹話佢啲雞翼好好食，梗係黎試下啦！餐廳有教點樣食可以將雞中翼兩條骨中間既肉一次食晒。跟住佢既教學黎食，真係得。夢幻雞翼炸得好香脆，好香胡椒味，辣辣地好惹味。不過略嫌有啲乾，食得多既話好熱氣，所以最好叫杯啤酒下一下火。黑色雞翼有日式醬油，甜甜地，幾好食因為有醬油既關係，肉質唔會乾，亦都冇咁熱氣。鰻魚雞蛋卷好香滑，加少少豉油，好食呢個意粉有腸仔、洋蔥、青椒同蛋。味道冇咩特別驚喜，但加左芝士粉會好味啲啲，但整體黎講一般。我好少飲清酒，見佢有熱既清酒，覺得幾特別就叫左黎試下。個人覺得一般，因為好似消毒藥水咁，唔啱飲。有唔少日本人都係度食，所以應該幾正宗。佢既雞翼又確係唔錯，鐘意食雞翼既朋友，真係要黎試一試！

久聞去日本必食的雞翼，在香港都有分店，於是今晚專登留肚過來專程試試傳說中的夢幻雞翼。店鋪環境幾舒適，入到去有少少身在日本的感覺。果然是日本餐廳份外細心，枱上已準備好餐具，仲排得好靚添。唔識睇日文有中文翻譯。上菜。沙律蝦－炸得剛剛好唔油膩，皮脆有咬口，蝦肉新鮮彈牙，值得一試。名古屋鐵板燒－份量唔算大，麵的口感有咬口，配上濃郁的醬汁及蔬菜，味道不錯。招牌夢幻雞翼－十分香口胡椒味，味道似曾相識，有點似台灣杏鮑菇的味道。咬落皮脆，肉比較少。

以為個雞翼好好食叫左份夢幻雞翼點知落勁重味粉得個咸字隻雞翼又瘦又乾以為個雞翼好好食叫左份夢幻雞翼點知落勁重味粉得個咸字隻雞翼又瘦又乾因為要夠字數唯有重覆2次..

食完立食壽司，專程留肚過來食雞翼，久聞去日本必食的雞翼，早前知道原來香港有分店，所以想來試食好耐，今次有緣的確難忘。細心的講解，的確有趣。唔識中文？咪睇日文囉。上菜，招牌的夢幻雞翼，十分香的胡椒味，不過一咬之下，那又乾又瘦的口感的確有點淒涼感。（味道是台灣燒杏鮑菇）之後是黑色雞翼，十分濃郁的醬油味，比夢幻雞翼好，無咁乾。最後是塩味雞翼，單調的塩味十分配合那又乾又瘦的感覺，絕配。講真，接近十蚊隻的雞翼，但是這樣的質素，真係十分失望，真心想去日本食一次，睇下日本同香港的分別。其實，自己整都好過佢好多，唔駛浪費金錢。

雞翼, 這道菜看似簡單, 但要稱得上「夢幻」一詞又談何容易呢? 作為資深的「雞翼迷」, 即管品嘗一下。來自日本名古屋的連鎖式雞翼專門店, 一貫經典居酒屋的裝修, 環境實而不華。主角登場－「夢幻雞翼」, 同場加映「香煎雞蛋卷」。前者, 燒至乾身再配出特製的調味, 味道還可以但絕對稱不上「夢幻」。後者, 蛋味濃郁; 口感嫩滑, 比前者較為驚喜, 可以一試。筷子套上印有「食雞翼教學」和店員預先準備的雞翼骨碟, 足見日本飲食文化的專業和細心。

平日夜晚七點左右,唔需要排隊點了夢幻雞亦  牛肉壽喜鍋  刺身3種(金槍魚,三文魚,甜蝦) 泡菜炒飯夢幻雞亦$48有五隻,味道真係唔錯,唔算辣亦唔會炸到好油,有D胡椒味,夠入味都夠熱,牛肉壽喜鍋$78Gas爐上,牛肉3-4片左右,仲有少少菜,豆腐,金菇,無乜特別刺身3種(金槍魚,三文魚,甜蝦)$138一D都唔抵!每款3片,三文魚質素算比較好...泡菜炒飯$58以為炒飯是乾身的,原來是濕炒,味道還可以,都有泡菜既味道,仲有幾粒仔香腸兩杯生啤最吸引,夠晒凍

個晚出左尖沙咀係到諗食乜🙄👦🏻又屎忽痕想食日本嘢之後又行行話想飲酒🤦🏻‍♀行下行下就經過呢間👧🏻比烏冬吸引左😂👦🏻又話可以試下😳就咁入去Lu😆-🔹塩燒雞翼(5隻) $48👅：❤❤️❤️(滿分為5個❤)一入去枱面就好貼心咁有提示點食雞翼👍🏻佢話只要跟住食 就會食到好乾淨🤣雞翼偏細隻雖然係鹽味雞翼😍但唔會過咸味道岩岩好😚皮脆嘅但肉質有D韌👄都要咬一段時間先呑到🤣要有牙力😂🤣有機會可以試下夢幻雞翼的😋見係比較出名的😆-🔸味噌烏冬鍋 $78👅：❤❤️❤️❤(滿分為5個❤)👧🏻最期待係呢個🤣餸唔少嘅👍🏻👍🏻有竹輪片，腐皮，雞肉，蛋仲有最重要的烏冬😍😋烏冬彈牙 入味😍竹輪片比較薄😳但都幾多片嘅腐皮係甜腐皮😋😋仲有吸晒D湯嘅味👍🏻正😍雞肉食得到雪藏味重🐤蛋就變左流心蛋😋總括都係巧吃的-🔹炸蝦飯糰(3件) $48👅：❤❤️❤️(滿分為5個❤)我以為係好似7仔飯糰咁大😆但…比想像細😗黎到我哋都呆呆因為蝦又細 飯又細😂好啦 都係要試味的😛應該岩岩包起🤤紫菜唔會太淋🍣蝦就真係細左D🍤飯都足料嘅🍚唔可以話唔好食😅但比我哋想像中差有D失望☹️-🔸Draught Beer 生啤酒 $50👅：❤️ (滿分為5個❤)味道好淡我都唔知

幾年前係名古屋食過，極度上癮！雞全翼烤到幹身，雞肉結實，味道好濃，根本停不下來 😭.登陸香港味道保持到，不過價錢加左唔少 😢雞翼細細隻，相入面見到好少，但都成100蚊，食完好似無食過咁 😂 今次純粹重溫舊夢，之後唔再黎啦

名古屋名店... 早前去名古屋時,  一路去旅行一路POST FB,然後有FD 留言我先知原來香港都有呢間店..............(- - "" 哂QUOTA, 咁早知唔好係名古屋食呢間啦... 試多其他店嘛...)不過又咁講, 咁咪可以係日本食過原味, 又返黎睇下有咩分別咯?! 呢間店都幾大, 一路播住日文歌, 不過我地太早, 唔多人. 大概好少人會黎當正餐?!我重要約左平時去日本既鐵腳一齊黎食..哈哈~ 食食下都有台日本人黎左,  即時覺得自己係日本呀! 哈哈!!兩個味既雞翼都叫左... 都好好味. 不過可以再香口D~個炸蝦芝士春卷就... 算吧啦.. 好頹.......XDDDD蛋只係FAIR. 唔夠日本既香同滑~~~建議食完飯, 黎呢度HH 飲下野食雞翼都唔錯!!

太太與小友是典型的雞翼迷。無論做法是蒸、炸、炆等兩人都愛，往往一大碟雞翼轉眼就會將之一掃光....也正因此，帶她倆來這兒會一會傳說中的夢幻雞翼，同樣屬很正常之事....除了招牌的夢幻雞翼外，小弟對另一款作法鹽燒也很有興趣，就每樣各來一碟好了....有雞翼，又怎能沒酒相伴 ?吃雞翼之前，先來些沙律來清清味蕾....一大堆菜蔬堆疊起來再淋上沙律醋汁，感覺非常清爽。最奪目亦較突出當自要數到紅噹噹的蕃茄，其甜度甚足之餘亦頗夠juicy；薯蓉相反卻沒料想般口感幼滑....咬了一口所謂夢幻的雞翼，感覺頗乾沒想像中多汁。味頗辣調味濃，亦有很重的五香粉味，嚴格上是不太合我那杯茶....若要稱之為夢幻，似乎是有點誇大了吧....反而調味較簡單不賣花巧的鹽燒，入口香脆惹味。以鹽作調味，於小弟而言永遠是王道....小友點用來填肚的名古屋鐵板炒麵，上桌時冇喱火氣溫吞吞；調味確是非常的和式風格，味甜得不得了之外帶著蛋黃醬的酸。這不倫不類們調味風格，同樣一向不是我喜歡的....若您是專程為了招牌雞翼而來呢，恐怕大家就要失望而回了....

This Japanese chicken wing restaurant is my favourite! I love the flavour and the variety of food they provide. I know that they open this restaurant in Hong Kong but never get a chance to try it out as it is always pack with people. But luckily I walked pass today and there were lots of table available. Yama chan salad:To start with, a salad is a must! I always loved Japanese salad because the mashed potatoes are delicious! The salad was nicely presented and everything was fresh and crispy. The