世界の山ちゃん

营业中

休息中

世界的山哥係日本名古屋來港的，最出名就係雞翼。香港人個個都鍾意日本文化，一於有理無理都去食啦！雖然過江龍多數都比人批評又貴又唔失特色，呢間屬於一般。價錢唔算十分貴，最平40幾蚊都有招牌菜原味夢幻雞翼5隻。夢幻雞翼同土匪雞翼一樣咁邪惡，簡稱重口味，鹹辣味重，好岩飲番杯啤酒。個人認為m記脆香雞翼脆好d好味道d，薯條都係。鐵板扁麵，配料只有蛋夠大但唔香濃，調味普普通通，扁麵唔覺Q彈。手撕雞青瓜都一樣，可以唔叫，食過好食的中菜麻醬手撕雞會覺得頹。

之前去名古屋食過佢地出名的雞翼真係好好味…雖然香港無..但食住呢間止下隱都好丫叫左佢最出名的幻之手羽 & 吉列豚肉兩樣都炸左幾脆..但手羽就咸左少少..用黎送酒就岩岩好吉列豚外脆內軟..裡面都仲好Juicy.仲有朴葉味噌燒牛肉..送飯一落可惜無得叫白飯..haha仲有味噌烏冬..呢個無咩特別每樣食物都比較重口味..叫左杯Whisky Highball中和下!!

香港人總是對日本過江龍會有啲特別嘅情懷，莫非真係當咗日本係自己鄉下？但對於“自己鄉下”嘅食物又係咪真係認同？呢間舖剛開嘅時候好多人前來朝聖，興許就係對“自己鄉下”嘅熱誠。可惜，都只是一群三分鐘熱度，之後，甚至劣評如潮，是對“自己鄉下”食物幻想的破滅嗎？還是大家都不懂這種日本的飲食文化？講咗咁多，都應該要入返主題～而家已經唔需要排隊，自不然就成為我哋拍拖嘅聚腳點，可以慢慢坐，慢慢食～我哋最鍾意嘅夢幻雞翼，我承認，真係好乾，但勝在調味好，少少鹹，啲啲辣，餸啤酒一流，有時我哋都會講笑咁講，點解叫做夢幻雞翼？肯定係因為佢太好味，可以餸啤酒，結果搞到我哋飲多咗兩杯啤酒，搞到昏昏啲～結果夢幻咗！鍾意呢種睇住煲嘢喺我面前慢慢熟透，然後兩個人你去一下筷子，我又去下筷子，全部嘢由生嘅到熟嘅，再到嘴裡面，不是中式火鍋的味道，卻有洗筷子的快感。最後，當然係埋尾～都係普普通通嘅泡菜炒飯，濕度溫度剛剛好。而最正嘅係，自從香港客人來少咗，啲日本客人反而多咗，係佢哋真心支持自己鄉下嘅美食，食嘅就係佢哋嘅情懷。我哋呢啲唔嫌棄佢，反而又好鍾意佢嘅香港人，置身其中，就如幻想，去咗“自己鄉下”拍拖！

夢幻雞翼 💲144（15隻）❌ 可能我唔識欣賞 但成$10一隻又乾又鹹既雞翼都幾肉痛😫 如果真係想試味的話叫最少5隻可以了 除返每隻都係同價西尾抹茶炒飯 💲58❔ 抹茶炒飯同預想一樣係冇綠茶味嘅😂 不過炒飯飽肚🍵👅Taste：3/5💰CP值：2.75/5🙋🏻‍♀️Service：3/5👁‍🗨Stylishness：3.25/5

一大班朋友，最好就係可以坐喺個地方食小食同埋飲啤酒。今次揀咗呢間日本名古屋嘅餐廳，聽講佢嘅雞翼好出名，我哋就決定試吓挑戰80隻雞翼雞翼嘅味道總共有三種：有鹽味，有醬油味啦，同埋有辣味。佢最出名嘅味道就係辣味，佢哋稱之為夢幻雞翼！佢嘅雞翼唔係雞中翼，如果有埋雞鎚就一流啦！除咗嗰個醬油味之外，佢嘅雞翼比較瘦，唔知係咪因為係名古屋雞翼呢？未到的話，我個人最鍾意佢嘅醬油味好入味，同埋感覺上冇咁熱氣。不過我略嫌三種味道實在太少，如果加多啲味道就更加好喇仲有一提，就是員工的態度實在太差了。同埋有時我哋明明已經落咗要追加雞翼，但係佢哋就忘記落單

喺店舖出邊行過好多次一直俾佢嘅一個大叔拎住雞翼嘅平面設計吸引住。心諗究竟呢間餐廳係乜嘢一回事，因為佢冇好多中文字去解釋究竟係食乜嘢，今日終於帶住呢個心情去試吓究竟其實係咩一回事。餐廳喺地牢你要行果條樓梯先落到去餐廳，一睇餐牌原來係食名古屋名物-夢幻雞翼。於是同女友入去試下。叫左5隻夢幻雞翼，一個大阪燒，一個咖喱烏冬鍋物同一杯橙汁特飲。夢幻雞翼：喺食物上枱之前你會見到枱上邊仲有說明書教你點樣食。上枱後試過發覺原來所謂嘅夢幻應該就係店內用秘製嘅七味粉嚟炸嘅雞翼。味道的確係令人上癮，如果你係雞翼紅的話，一定要嚟試，仲可以唔止叫五隻，餐牌上最瘋狂嘅係有30隻俾你選擇。大阪燒：味道一般尚可接受略嫌佢比較多油咖喱烏冬鍋物：感覺上可略嫌配料不足只係得1塊豬肉橙汁特飲：用橙汁同荔枝構成嘅乳酪特飲，味道相協調唔錯

男朋友成日經過尖東都同我講話幾好食，今日終於去左，第一次食到夢幻雞翼，究竟有幾夢幻呢？叫左5隻［夢幻雞翼］，食第一隻既時候，食落其實偏鹹，不過食多隻會覺得又幾好食，可能因為味精好多同有少少辣關係，又幾好食。［關東煮］蘿蔔好林好食既［味噌烏冬］好入味［炸芝士年糕］普通

-自從喺日本🇯🇵食過呢間雞翼專門店之後， 一知道香港🇭🇰有分店，就會掛住呢度嘅雞翼。 耐咗冇食，又心思思想食返👉👈。 認住人頭樣 + 雞翼身，就係山哥嘅標誌啦。 尖沙咀呢間舖喺basement，落樓梯就到啦。夢幻雞翼 ［5隻］（$48）：係要不停添食😋😋嘅雞翼， 每人食十隻八隻真係閒閒地。 名古屋鐵板拿破崙意粉🍝（$68）：意粉腳底有全熟炒蛋🍳，仲用鐵板㷫住啲意粉。牛肉🐂壽喜鍋（$78）： 雖然嗰鍋細細兜，但係份量十足。環境坐得好舒適😻。 有個corner 可以買souvenir，同埋拎🆓免費嘅日本🇯🇵雜誌。 =====================世界の山ちゃん地址: 尖沙咀金馬倫道57-59號金馬倫中心地庫

在尖沙咀閒逛很久，經過金馬倫道見到這間餐廳，就同友人試下。餐具備有特色，再附上食雞翼教學。店內最有名就係以下的夢幻雞翼，世界第一名古屋手羽，$48 五隻(一人份)，我地兩個人，所以order 了十隻(二人份) 。 雞翼好乾身，而且每隻都很瘦小很細隻，感覺只是把雞翼烤熟，然後加上味噌粉。只能說可能把世界第一手羽想得太美好，現實只是很普通的雞翼。店來不提供水，要自行order 飲品。在日本居酒屋，多數都係手羽加啤酒這種配搭。由於雞翼吃不飽，點了一個咖喱烏冬。 咖哩烏冬味道很濃，但烏冬除了有一只雞蛋外，就只有幾片炸豆腐了。

在日本留學時，與朋友吃過好幾次世界の山ちゃん，很愛很愛它的雞翼，炸得鬆脆又入味，每次都是連雞翼尖的骨頭一起啃下去的！！所以來香港的山ちゃん，其實就是吃個情懷，期望也沒有很高啦。夢幻雞翼（五隻）嗚嗚與日本店是真的有差很，雖然還是不錯吃，但感覺無論是肉質還是調味都有點打折的感覺。結果就是，在香港我並不會把雞翼尖的骨頭啃下去（正色）關東煮冬天就是要吃關東煮！熱熱的湯和各種魚糕、蔬菜、蛋，整個身子一下就暖起來了～如果湯再濃味一點就更好了。味噌烏冬鍋這個算是最失望的……味噌的味道太淡了，基本吃不出來。難道是我太重口嗎？？芝士薯仔年糕（左）＋香酥炸雞（右）炸雞一般。年糕好好吃～不太甜，有咬口，是我喜歡的味道！！整體來說，雖然比不上日本店，但還算不錯啦～居酒屋本來就是吃氣氛比較多XDD

自從上年去完名古屋，回港在尖沙咀試過一次《世界之山》之後，已經很久沒有來過，今天因為一家人到尖沙咀看燈飾，所以想起先在這𥚃吃飯先，我們點了20 隻雞翼，一個飯一個炒面和一個關東煮，這裡的雞翼依然出色三個人吃，二十隻總是不夠的感覺。下次再來每人要再叫十隻！

雞翼$9一隻，無乜肉，味道雖好，比較貴.玉子燒真係做得唔好，明顯落後當地水準。好多本地鋪頭平過佢，又好味過佢。.不過呢間鋪係第一次去日本時食過嘅，食情懷，無得計啦

呢間餐廳一直是我的飯堂之一，我經常和朋友來喝喝酒。這間餐廳是我去日本旅行的時候發現的，是一間吃明古屋名物的點。發現香港都有分店後，我就經常去。這裡餐廳的 老闆都是日本人！每次來有2項東西都一定會點！一，夢幻雞翼。二，梅酒。夢幻雞翼即叫即製，上碟時還是熱哄哄的，外皮炸的很脆，肉好嫩滑！和我在日本吃到味道是一樣的！配上一杯梅酒，煩惱就忘記了。這裡除了夢幻雞翼外，壽喜燒也是不錯的！壽喜燒的湯汁好濃郁，牛肉吸收壽喜燒的湯汁會變的好鮮甜！不夠吃的話還可以追加烏東。可樂瓶也是很好吃，不過不是常常都有，要看運氣。

尖東。在曼谷見過但沒有光顧。所以回港後試試。店子在地庫。裝修是日式風，但不是高檔。點了招牌夢幻雞翼及名古屋咖哩烏東。先說烏東。咖哩太濃好像汁一樣。個人不喜歡。重點雞翼來了。雞翼應該有用胡椒調味。味道不錯。但炸得有點乾。而且偏瘦沒有什麼肉。只算一般。說是夢幻有點言過其實。服務員態度是好的。結賬140元。應該不會再來了。

朋友推介的日本餐廳~星期四晚上去的~ 有6位所以都一早book左啦~ 係地下室來的，不過招牌好大，所以應該不難搵！入到去係闊落光猛的，9成滿了，要book啊記住！是食雞翼出名的鋪，面有小紙講解點樣食雞翼~幾cute！我地都叫左鹽燒雞翼黎試~雞翼比想象中小和瘦！外皮係硬脆既~ 有點失望！鮮柚子燒酎梳打好得意！原來真係比半個柚子你d汁出黎，再倒落杯燒酎梳打~好fresh又有得玩！名古屋咖喱烏冬好好味！我唔特別鐘意食咖喱，但呢個真係好creamy好match~ 有隻流心既蛋添！香煎鰻魚雞蛋卷雞蛋卷好食正常，但入面舊鰻魚好細粒！炸芝士好重芝士味！唔會拉絲，不能打卡！好味但細粒！少少貴~甜品唔記得咩名，係想全粒丸子先叫既！原來得白色個粒係我想食既~另外個d入面有餡架！不過影出黎好靚~