不籽是咖啡 (文豪閣)

营业中

休息中

每次星期六、日都大排長龍，冇機會食到，唯有試下夜晚去，碰下運氣！終於比我試到！龍蝦湯配牛油果大蝦稻庭烏冬湯會另上，一來保温，二來吾會浸到啲烏冬稔曬，夠貼心！個湯好濃郁，竟然同牛油果幾match!大蝦已經剝曬蝦殼，啖啖肉😜不少得我最愛的稻庭烏冬，入口滑溜🤪味噌蟹醬蟹籽蟹肉扁意粉蟹控嘅我十分滿意！因為蟹味好強烈，加上蟹醬提升鮮味！仲有不少蟹肉，都幾足料！海鹽焦糖雞翼單骨雞翼，食得更方便，更易去骨😜醬汁甜甜地，食完甜絲絲~🔔Limited Time offer 朱古力鮮奶限定產品♥️打卡一流♥️ 朱古力濃度都足夠！甜度都適中。DessertAffogato香濃熱咖啡配Vanilla ice cream，帶比我不同層次的感受。最後溶為一體，咖啡味相對減少，鐘意不太濃咖啡，咖啡香氣為主的朋友，可以一試。👍🏻

味噌蟹醬蟹肉蟹籽扁意粉🍝 蟹醬同蟹肉嘅份量頗多，喺意粉上面堆成小山，忌廉汁味道唔會太濃，所以食得出蟹醬嘅鮮味，味道balance得唔錯，蟹籽再多啲就更好👍龍蝦湯配牛油果大蝦稻庭烏冬🥢 喺社交平台同埋食評都常見到依菜式，因為真係極度適合打卡，龍蝦湯味道濃郁，可以按自己喜好一邊食一邊落除咗有半個完熟牛油果，亦都鍾意依度每款菜式都會配一啲沙律菜，清新又健康🥗海鹽焦糖雞翼🧂依款係單骨雞翼，食起嚟都好方便又斯文啲，雞皮脆雞肉滑，唔會覺得乾身，加上焦糖醬汁嘅甜味，食多幾隻都冇問題😋Cold brew口感順滑易入口，苦味較輕Mocha 

難得今日平日夜晚經過「不籽是咖啡」，係IG勁火紅既打卡cafe，但次次經過都要等位🥺對於一個最怕等位既人就選擇經過見到唔使點等先會食😅😂.餐牌選擇唔算多，無理由食親cafe都叫ADB, 所以就叫左兩個main + 一個小食同2杯咖啡☕️「龍蝦湯配牛油果大蝦稻庭烏冬$128」好少cafe有咁fusion菜食，呢個烏冬真心好鬼正，龍蝦湯本身夠濃郁，加上creamy 嘅牛油果同爽口既大蝦🍤不約而同地好夾，烏冬仲要係好煙韌又唔會浸淋，真心正。「味增蟹醬蟹肉蟹籽扁意粉$128」呢個比起烏冬個種清新感覺較濃味，但鍾意食蟹既真係大愛，成個意粉都好濃郁既蟹味，加上蟹醬蟹肉蟹籽係幾重口感，值得一叫。「海鹽焦糖雞翼$68」成日覺得單骨雞翼最好食，事關佢分開一半先夠入味又唔會怕中間無味，焦糖味加左海鹽，唔會甜又唔會過鹹，中和味道好得意。.成晚最出色原來係兩杯咖啡，睇黎個咖啡師真係功不可沒。「Mocha $42 」朱古力香味與咖啡的融合，苦與甜的完美搭配，唔係落朱古力粉咁普通既mocha. 「Hazelnut latte $40 」平時飲開Hazelnut latte係落糖漿，呢度明顯唔同，雖然唔知點整，但好香

呢間文青Cafe我聽左好耐。見好多朋友都去過，今日終於到我去朝聖啦。🤍龍蝦湯配牛油果大蝦稻庭烏冬佢個龍蝦湯係自己落，所以可以一路食一路添，唔怕d麵凍曬！個龍蝦湯好濃，配新鮮既牛油果同大蝦好夾。評分：4.523/5🤍味噌蟹醬蟹肉蟹籽扁意粉第一次食意粉有蟹醬，好新奇！原來配意粉係好夾，同埋佢蟹肉真材實料，全蟹令成個意粉充滿鮮味！評分：4.433/5🤍Hot Chocolate拉花好令，同埋朱古力味濃！唔會話拉花d奶拉到杯朱古力味淡曬！評分：4.324/5🤍海鹽焦糖雞翼好甜好似蜜糖，同埋佢係單骨雞翼，好容易食～評分：4.424/5

知道呢間文青打卡熱點好耐😛一直都冇機會試終於有得放假就一早過去等佢開門🤗果然有驚喜🥰——————————————🦞龍蝦湯配牛油果大蝦稻庭烏冬（圖一、二）🦞龍蝦湯非常濃郁🤤配合烏冬真係一流🤗大蝦亦非常爽脆🥰最正係個濃湯分開上🥣唔洗怕啲湯會凍左影響鮮味👍🏻讚呀🦀味增蟹醬蟹籽蟹肉扁意粉+野莓梳打（圖三）🦀依個意粉都好令人驚喜😋估唔到蟹肉都唔少呀😍配埋味增蟹醬陣和風味道出哂黎🇯🇵yummy👍🏻

發覺佐敦呢面都幾多高質cafe呢間位處角落嘅cafe唔係特登留意都未必會見到入到去感覺幾舒服樓底好高唔會有壓迫感而且店員都會盡量安排客人間有返一定距離咁就唔迫埋一齊揀左招牌嘅龍蝦湯配牛油果大蝦稻庭烏冬同焦糖雞翼～再加杯海鹽忌廉朱古力焦糖雞翼正佢係單骨雞翼淑女食特別優雅😂😂焦糖好香甜佢又唔同蜜糖咁淨係得蜜味有返少少焦香同黏稠龍蝦湯烏冬好特別日式食材加日式餐設但就配上西式龍蝦湯大玩fusion龍蝦湯超濃厚不過建議大家唔好全部直接倒晒落碗反而當沾麵咁食逐少逐少加湯咁就唔會太鹹海鹽忌廉朱古力係secret menu 黎㗎！朱古力底唔會甜面層厚厚嘅海鹽忌廉鹹鹹地幾好味忌廉重身可以當雪糕咁不起食添～仲有室外位可以chill chill

進入左另一個世界。行到去餐廳門口出面等位已經覺得自己進入左另一個世界。餐廳嘅裝修俾人一種無憂無慮很自然舒服嘅感覺。好似去到一個遠離城市繁囂嘅感覺。試咗餐廳嘅招牌菜式 - 龍蝦湯牛油果大蝦烏冬 $128。分量ok牛油果都算大份, 飲埋龍蝦湯一定會夠飽。專登飲佢嘅龍蝦湯睇吓會唔會頸渴，之後其實都有啲頸渴所以應該係加左d味精因為飲嘅時候唔覺得佢鹹。大家記住order嘅時候要出面落單我仲傻仔咁叫waiter落單。

呢間係油麻地「隱蔽的角落」的清新Cafe好有驚喜！門口的裝飾已經令我好有去咗日本及台灣旅行feel! 所以未知食乜都已經有哂好感，食完好感更加倍呢！主菜係「龍蝦湯配牛油果大蝦烏冬」、「味噌蟹醬蟹籽蟹肉扁意粉」。自己很喜歡這個烏冬，因為龍蝦湯夠濃烈，三隻大蝦🍤又啖啖肉，配搭牛油果原來好啱key，濃味得來又有清新感。意粉也一樣味道夠濃夠多層次，又因為配搭得宜唔油膩，我鍾意食蟹的朋友超鍾意，係咁話好好味！另外加了小食「海鹽焦糖雞翼」，我哋兩個因為掛住影相所以涼咗, 但都好好味，如果熱食應該更好味😋飯後我飲Affogato，咖啡夠香濃應該係double shot所以苦啲，但配搭雪糕的甜味就啱啱好啦。朋友飲海鹽Matcha Latte，佢話抹茶、海鹽、牛奶味道的配搭啱啱好，有啲羨慕佢個杯咁大杯。整體而言今晚呢餐各方面都很滿意👍

好耐無黎呢間不籽是咖啡。呢間不籽是咖啡位於油麻地彌敦道轉入去一條安靜街道，入口係地下，唔難見到。咖啡室樓底特高，裝修同家具以木爲主，餐具大部分都係木造既。連餐牌都好木質感覺。食物唔只有咖啡，餐牌主食有冷麵，烏冬，意粉，漢堡，全日早餐。大部分主食都有海鮮，好多菜式都係非常日式。小食有薯條，餃子，小法包，蓮藕，雞翼。上次午市黎，今次我地收工之後先黎，餐牌好似一樣。我地一行二人點左兩份主食，一份小食同兩杯野飲。龍蝦湯配牛油果大蝦稻庭烏冬 $128食物用木製大碗擺得靚靚。龍蝦湯用個迷你水㷛仔裝住保暖，份量好多，色澤橙紅。龍蝦湯既龍蝦味香濃，清甜唔油，好味道。大蝦超大隻，真心超級爽脆鮮甜，只係加左少少黑胡椒調味。牛油果半個，好新鮮。稻庭烏冬超滑，連埋d紫菜絲同木魚碎一齊食好正。其他配料仲有新鮮沙律菜，洋蔥同車厘茄。味增蟹醬蟹籽蟹肉扁意粉 $128呢款味增蟹醬蟹籽蟹肉扁意粉比上次第一次黎食大有進步。首先蟹肉同蟹膏份量好多，加埋個味增蟹醬，蟹味超濃又滑，分量夠哂清碟意粉。蟹籽份量又好多，加埋超多花菇片同茶樹菇，啖啖爽脆。而扁意粉嘅質感幾好，幾好咬口。其他配料有紫菜絲，木耳碎，新鮮沙律菜同車厘茄。食完

呢日黎到油麻地諗住搵間Cafe坐下食下好嘢，返到嚟呢邊見到呢間不籽是咖啡～成個環境感覺都好chill~ 我地叫左牛油果配大蝦稻庭烏冬同埋蟹肉扁意粉，佢啲嘢食都真係好高質，龍蝦湯用另一個壼上，可以到落去個碗度咁啲烏冬就唔會咁易浸到林晒！佢面頭有超多木魚碎同埋紫菜碎，仲有好大粒嘅大蝦同埋好多牛油果！成個味道你係估佢唔到咁夾，竟然同龍蝦湯咁夾！稻庭烏冬夠晒煙煙銀銀！另外蟹肉扁意粉，超多蟹肉仲有蟹籽，佢仲有啲芝麻醬喺入面，勁開胃，啲意粉軟硬度適中非常之好食，食到一啖接一啖停唔到口！單骨雞翼超好食，夠晒脆亦都充滿柚子既香味！嘢飲我哋就叫咗mocha同matcha latte! 兩杯都好香濃同埋好好飲！個環境好舒服值得推薦！

見天氣咁好，平日咁忙，當然忙裏偷閑一下出去食餐好野，一直見到呢間cafe都好想試下，見到佢龍蝦湯烏冬好想食，同朋友約到時間齊齊去食下，順手傾吓偈！去到門口都見到有人排隊等位，都等左二十分鐘左右有位，入到去裝修都好簡單，好舒服！～ 龍蝦湯配牛油果大蝦稻庭烏冬龍蝦湯用壺，個湯可以分幾次倒，保持到湯熱度！龍蝦湯好濃龍蝦🦞味，烏冬好彈牙，牛油果🥑仲要係半個，份量好多！～味噌蟹醬蟹膏蟹肉扁意粉蟹醬好香，蟹肉好多，醬汁好夠撈埋啲意粉，食完一口想接一口，好快食哂成碟。～海鹽焦糖雞翼入口焦糖味出慢慢咸味，好好食😋～柚子梳打/ 熱情果高山茶柚子同熱情果唔會好甜，好岩我哋呢啲怕甜朋友！～整體來講這個餐廳質素不錯，環境好舒服，食物都不錯！～

聽講排隊要排好耐，見到龍蝦湯咁吸引都排啦，同媽咪同阿女三個人，兩點幾就到左，見到人龍唔多以為會好快，但點知最終都等咗90分鐘😅因為裏面啲座位唔算太多我鍾意佢啲植物，襯埋啲裝修好舒服，佢呢度係先嗌左嘢食，俾咗錢先，然後先坐低嘅我哋當然要叫龍蝦湯配牛油果大蝦稻庭烏冬喇，龍蝦湯配牛油果呢個配搭好特別，仲要配個茶壺例啲湯落去蟹子蟹肉意粉，味道正常，不過我唔鍾意有洋蔥🥲，但係就超級大份海鹽焦糖雞翼，我覺得一般般，同我諗嘅味有啲出入，唔係特別食到焦糖味🤪海鹽甜番薯條，好味，但我哋三個人都食唔晒。我哋叫咗熱情果高山茶，葡萄柚高山茶，正常味唔太甜。

晚餐時間，去旺角一帶shopping完，平日食得太多茶餐廳，想搵間Cafe chill下輕鬆吓，不籽是咖啡喺眾坊街盡頭，位置較隱蔽，但門面非常吸引，非常適合打卡一族。剛好有位不用排隊便一試。店內座位不多，以木材裝飾為主，尚算寬躺。原本想叫佢嘅人氣烏冬但係可惜賣晒，最後我哋叫咗梅子素麵併燒鯖魚同埋蟹醬蟹肉蟹籽扁意粉。梅子素麵加埋特製梅子醬汁一齊食，非常清新，可以中和燒鯖魚嘅油膩感，非常不錯。呢個扁意粉真❤️值得推介，佢有非常大量嘅蟹醬蟹籽蟹肉，每一啖都食得到蟹嘅鮮味。依間Cafe啲食物都有質素，但係啲飲品就非常一般。杯抹茶拿鐵飲得出係用綠茶粉開嘅，因為飲落去仲有粒粒嘅抹茶粉喺度，味道偏淡。而Dirty我覺得係唔合格，咖啡同奶嘅比例非常唔夾，咖啡份量唔單止少亦都好稀，亦都冇嗰種啡熱奶凍嘅口感，真係有待改善。

📍不籽是咖啡 (油麻地)旺角油麻地一帶一向都有好多特色地舖，今次就黎左油麻地呢間日系文青咖啡店。店舖光線充足，座位寬敞，沒有多餘既音樂，係個安安靜靜既空間，可以同朋友慢慢傾下計，或者自己一個坐下。🦞龍蝦湯牛油果大蝦稻庭烏冬 （$128） 龍蝦湯用一個壺另上，味道唔錯，唔會過咸，但稍嫌另上後湯既熱度不足。大蝦三隻相當爽滑又彈牙。牛油骨夠creamy，唔會太硬，但可以甜度一般。但整體打卡一流。📍油麻地彌敦道450號文豪閣地下D號舖

-🔸海鹽焦糖雞翼 $68🔸味噌蟹醬蟹籽蟹肉扁意粉 $128🔸Mocha $42-最近發現油麻地一條小巷裡面有間咖啡店，終於得閒去試吓啦！裝修好簡約惦靜嘅coffee shop，除咗咖啡之外仲有主食，完全係我鍾意嘅餐廳類型啊！蟹肉意粉有超多嘅蟹籽、蟹膏、蟹肉，多到撈晒成個意粉都仲有淨，而且味道非常鮮美唔會過鹹！焦糖雞翼都好驚喜，唔似平時食嘅蜜糖雞翼咁甜，仲有陣焦香味，非常特別！最後當然要讚吓咖啡啦，今次飲mocha好香嘅咖啡底，配上濃郁嘅朱古力漿，非常滿足啊！