不串不散 (已結業)

放題周街都係，但好食同有豬豬既放題真係好少星期六book到8點半先有位，限時兩小時，仲要冇哂我最愛既燒菠蘿😭（如果book 到6點半就仲有得食😭😭😭）我地揀左$338海鮮+串燒放題，海鮮就要自己係枱頭個爐燒，串燒就廚房燒好先上既。海鮮第一round 係齊哂7款一盆咁上，我地唔識燒海鮮，燒燒下成隻鮑魚噴左出來🤣但串燒類好好食，雞翼，燒番薯bb, 不停encore! 熟食都好吸引 炸燒賣，紫心香芋丸，吉列蠔，吉列炸蝦 全部都好多食！！！紫心香芋丸係你一路食一路覺得好飽但仲係好想食🤣🤣🤣飲品任飲，有支裝凍水，汽水，仲有兩款啤酒！仲有，店員服務態度好好！

一坐低就見到側邊有個爐，係比食客自己燒流水蝦，當蝦燒到變紅嘅時候就可以加啲酒，咁蝦就唔會咁乾身。流水蝦非常新鮮同大隻，蝦肉好彈，啖啖肉仲有蝦膏🤤燒完之後仲可以加紫菜粉或者孜然粉等等。另外自己可以order串燒，但係串燒就係廚師燒好嘅。✨最好食最好食最好食係雞軟骨✨好惹味，好有口感! 雞翼都好食，一咬開，雞翼嘅汁會流出嚟。雞皮係卜卜，肉質嫩滑，超好食！仲叫咗個大蟹柳，真係好長好厚肉，餐廳仲會幫你加埋醬汁，沙律醬同黃芥末，非常之夾！真心好好食！一口牛都唔錯，好有牛味，完全冇雪藏嘅味道。呢間餐廳 搵唔到難食嘅食物，全部都好食👏😍侍應服務態度都幾好，會時不時問你有冇嘢要追加，食物好唔好食，又會定時幫你收碟。串燒真係出色，價錢又吸引，會叫埋朋友大大力懲罰！🖐☝️

一家四口下午茶特登出銅鑼灣食，好彩下午茶價錢，仲有長者價，開頭以為自己燒，原來係寫紙每次最多六款，串數不限，下午價$168流水蝦+串燒，流水蝦d蝦係死蝦，自己燒左都好梅，早知叫$128剩串燒😂😂串燒係廚房燒好哂上比你，串燒牛太（銀），放耐左完全唔好食......撐黃店黎試下，不過野食真係要搞搞佢😭

大鄉里難得出城，當然要幫襯下黄店支持手足🖐🏻☝🏻 不串不散出哂名員工上下黄到發金🧒🧑 冇奶油唔去幫襯一開頭見每張枱一個烤爐以為要自己慢慢燒 點知原來係落單後廚房幫你燒好哂拎出黎熱辣辣🤤相信個烤爐係俾食客們燒海鮮🦐 每枱仲有幾款調味供食客任用 蒜蓉 七味粉 孜然粉 等等 唔使同隔離枱分享用流水蝦好新鮮 雖然未去到識跳識走 但起碼都仲識郁😂 蝦頭大隻有少量膏 但自己燒成日唔知熟未又驚燒焦 又成日手多反黎反去 所以燒燶咗幾隻 食就麻煩了 成隻碟都係黑碳重點想講牛舌牛舌牛舌👅 係我食過咁多間串燒店入面最最最最好食既一間！！！牛舌一上枱見咁厚咁大件 心諗實燒到好鞋好硬...... 點之勁有驚喜！！牛舌肉嫩多汁仲要入口即溶！係你估佢唔到會咁淋 雖然唔係爽口果隻好味 但肉質鮮嫩感覺真係令我encore再encore (雖然同行者覺得有d膩）但我作為食肉獸一名，又點會覺得漏🤤🤤🤤🤤 淨係覺得好正雞軟骨又係另一款燒串燒必食😋 簡單用蜜糖調味 唔覺唔覺一個人就食咗幾串🤤 燒茄子🍆 蒜蓉又係必備燒物 一細舊試食份量剛好☺ 蒜蓉呀係蒜蓉呀🤤燒粟米有失望😞 唔甜得黎又乾 可能要落d糖同牛油一齊燒 或者本身粟米肉

海鮮唔新鮮選擇又少係得串燒可以接受後悔揀左呢間食晚飯我建議佢哋可以採購一啲更加新鮮同優質嘅海鮮另外佢哋嘅服務亦都可以好啲例如幫下顧客去燒海鮮或者問吓顧客有冇嘢需要幫手

早幾日book左枱，晚上9點，到食飯當日，收到whatsapp要晏啲先有位入坐，我地10點去到，到達之後，侍應話有啲串燒(牛肉，牛舌，撈面，茄子等等)賣晒，問我地改唔改期，😟希望下次可以早啲係whatsapp講聲，等我地改期再食，不過因為已經10點，朋友唔想再搵第二間餐廳，所以照入去食。女侍應好好，好快就上左唔少串燒，炸物，都係即燒即炸，夠熱，唔乾，燒得幾好，🥰中意車厘茄，冬菇，韭菜，炸蠔，翠玉瓜，雞翼。海鮮就要自己燒，😍蝦同象拔蚌好味，同埋鮑魚都幾大隻，枱面有調味料(蒜蓉，孜然粉)可以加，建議加埋黑椒同鹽就更好。最後希望男侍應們可以加強服務，多啲笑容，同客人多啲溝通就更好😃

今晚double dating 提🐢襪今晚7點 佢話不見即散😂😂真正既朋友 就是這樣❤️都幾滿下 好彩book左枱 餐廳係放題模式你可以選擇7選海鮮+串燒任食 or 蝦+串燒任食價錢大概爭$100既然黎到 當然揀7選海鮮+串燒任食😋😋😋海鮮係自己燒 串燒就係佢地燒埋俾你話晒 我都係因為燒海燒 揀呢間🤣海鮮有7種蝦·蜆·鮑魚·帶子·生蠔·青口·蚌一開始佢會俾晒7款海鮮你先 之後你再可以無限叫一上枱 啲海鮮係凍既似係急凍海鮮 基本上呢7種都食唔到海鮮既鮮味所以食完呢輪 我地都無再encore海鮮加上燒出嚟嘅海鮮比較乾身大家都一致認為蒸海鮮係最好食😂😂😂枱面有個調味料架 俾你加落海鮮同串燒到蒜蓉·辣椒·孜然粉⋯反而啲炸物·串燒·冷盤 幾好食炸物方面炸蠔同日本芝士年糕都好食一咬落去就知道啲炸物係即炸 唔會炸到乾 亦無兩層粉😋😋燒茄子都好好食 有好多蒜蓉男朋友就話韮菜都ok 夠晒濃味 又唔乾身牛舌好食 好厚 但又係軟身 加少少孜然粉 正雞軟骨都燒得好食 有少少油 唔乾身整體黎講 如果間餐廳係主打串燒 佢哋算係岀色但如果用海鮮做主題就唔算吸引飲品種類比較少水·啤酒·汽水⋯反而烏龍茶呢啲就無 但大部份

銅鑼灣✨串燒放題✨仲有🌊磯燒海鮮添呀💕串燒任食之餘🤩海鮮都可以encore·🍢串燒全部都好正 好惹味💕完全冇食到伏嘢串燒系叫完 幫你燒好 再拎出黎俾你側邊有唔同調味粉可以自己DIY最鐘意燒多春魚 牛舌 雞軟骨 雞腎 鮮冬菇😋牛舌仲要係超厚超大粒 超滿足！🤩好味到食唔停🥰·🌊海鮮兩個唔同價錢 分別包3️⃣款/7️⃣款時令海鮮我地揀咗7️⃣款 嗰日有大頭蝦 海螺 鮑魚 貴妃蚌 生蠔 卜卜蜆等等🤩新鮮又乾淨 送到黎自己放上爐燒🤤·除咗串燒同海鮮 仲有啲熟食都唔錯b仔雞翼尖 手拍青瓜 都值得一試😋

繼續撐黃店，據聞呢度有得打小人，就上黎又玩又食啦！有間房入去後可以打小人，玩完就可以坐底食嘢啦！呢度有兩個海鮮餐任食，主要係海鮮種類多小而價錢有所不同。我地揀咗七種海鮮任食，此外，仲有串燒飲品任食任飲。每枱會有一個燒爐，主要用黎燒海鮮，而串燒就燒好出黎的海鮮盤有蝦、扇貝、鮑魚、青口、大蜆、蜆仔、生蠔，材料都好新鮮，燒好後都好juice ,唔會乾爭爭麻辣口水雞、皮蛋、河粉：唔係太辣都入味串燒牛舌、雞翼、司華力腸：略嫌牛舌切得太大舊，味道倘可蒜香焗茄子：油膩咗小小串燒蕃薯仔、菠蘿、墨魚咀：味道都可以，但冇咩特別基本上食物質素就中規中矩、但任食海鮮黎講，食兩轉都值回票價

與同事係銅鑼灣搵野食，一路行，同事介紹左呢間食串燒嘅放題店，好耐無串燒喇，即刻入左去食啦🍽餐廳環境乾淨闊落，放題黎講，食物都選擇都幾多，一啲都唔馬虎。😇呢度最出名嘅係燒芝士丸，所以我地都即刻order左幾串，對於芝士控黎講真係好期待呀，等左大概5分鐘就到，服務都幾快。即叫即燒，熱辣辣，好吸引呀。芝士丸都幾大粒！入面好多芝士，呈現半溶狀態，咬落去仲有拉絲既效果🤣🤣🤣「海鮮拼盤」都好出色，可以見到隻蠔手掌咁大隻，一啲都唔慳皮。啲蜆都好鮮甜，帶有少少海水味😝 問左店員，海鮮係日日新鮮直送到鋪頭，所以好有水準，用料都好講究，送埋酒就一流啦🥳

黃到發金色的《不串不散》💛💛呢間燒烤放題店主打磯燒海鮮🦑🐟及50多款不同種類的串燒🤫可以選3款或7款海鮮🤙🏻價錢表如下👇🏻星期一至四 6:00前入座任食3款時令海鮮 $218任食7款時令海鮮$3186:00後入座任食3款時令海鮮$238任食7款時令海鮮$33810:00後入座任食3款時令海鮮$198任食7款時令海鮮$298（星期六日或公眾假期每位另加$28附加費）📣時令海鮮款式日日唔同💭有生蠔/帶子/卜卜蜆 等等除咗海鮮其他串燒亦都係任食😼（串燒佢會幫你燒埋拎出黎比你食個爐係淨係拎嚟燒海鮮😹唔好好似我咁比人笑呀放d已燒好的串燒上爐燒😹）個人就最鐘意係牛舌🤤佢係四四方方好厚既質感😚好淋身😌（申報翻食咗四串）其次墨魚咀/燒菠蘿/一口甜薯/燒蜜糖燒賣/黑松露芝士撈丁都唔錯😎2百幾蚊食到勁飽！大胃王必去系列😄

星期日晚男朋友約我出街食飯,佢之前都係國外做野,都係近期先調返黎香港,多D時間陪我.佢車我去銅鑼灣,問我想食咩,我話無意見,佢就自己選自己想食既野,好在今次選既野我都岩姐佢左京都廣場一間樓上串燒店依度之前係做打邊爐,唔知幾時變左做串燒店,小出街,好快OUT曬DATE本來諗住放題應該普普通通,點知又有D驚喜,野食雖然唔係貴野,但普通食材都整得好好食串燒每樣都唔錯,燒牛肉豬肉雞肉都好食,最好食都係太類,辣辣地又彈牙,任化3黎講無得頂海鮮雖然唔係任食,不過都幾抵食,因為海鮮拼盤幾大份,燒辣蜆幾正,不過真係好辣,食完飲左2杯可樂

早2日同同事放工出左銅鑼灣,約左交收,不過對方遲左黎,所以原本打算行街都去唔到我地改左行程,交收完就直接去食飯朋友搵左依間不串不散,感覺依個環境都係樓上餐廳會安全D去到先知原來係串燒放題,咁仲好,價錢唔貴可以慳返D又食得飽串燒又好多款,不過我地見枱枱都有燒賣,就即刻選左燒賣同其他小量串燒,因為好肚餓想快D有野食先燒燒賣真係唔錯,唔會燒到好濃無曬燒賣味,食得過燒魷魚都唔錯,點埋沙律醬妹妹味另外仲有海鮮燒,帶子好新鮮,不過感覺上都係串燒好似正D,可能因為串燒可以任叫,海鮮只會黎一次啦

雖然盡量都減小出街,但有時都要去買野,避唔到,唯有盡量小心今日同屋企人去左銅鑼灣買野,買完D日用品,準備返屋企,不過屋企人話不如食埋野先走,我地就去左附近一個餐廳大廈食野,依度有好多餐廳,不過有人想食串燒,見到依間不串不散就試試黎到可能仲早,所以可以自己選位,我地選左窗邊既位串燒係任食既,我地幾個人選左好多唔同野食,燒茄子好夠味,而且仲好辣,入口好爽基本上每款都係辣辣地,但都食得出鮮味,食物都係新鮮來貨,丸裡都好彈牙,唔錯唔錯海鮮唔係任食,不過咁先有質素保証,蠔係最好食,好有鮮味蝦同蟶子都唔錯,不過都係最鍾意食蠔價錢唔算貴,遲D會同朋友再黎

好多人話黃店質素每況越下，今日呢間不串不散比到驚喜我地。網上預約左7點，6:55分到達，即刻有專人安排入座，主打磯燒海鮮+串燒任食，一開始職員就問我地要3樣海鮮定7樣海鮮，我地揀左3個（somehow後悔左，價錢差一舊水，但隔離枱個7樣海鮮盤係好吸引）。叫左好多串燒，份量好足，大食一族一定滿足到。串燒基本上每樣都燒得好靚，脆皮多汁。推薦翠玉瓜，芝士腸，豬頸肉，仲有好邪惡既芝士撈丁。無影到好多相，因為不停係到掛住食。Overall今晚係一個幾好既晚餐，地方企理，服務都好好，價錢都合理（今時今日香港任食得黎又ok既野，價錢都咁上下啦）