影片
港铁屯门站 F2 出口, 步行约5分钟
继续阅读
电话号码
26180732
营业时间
今日营业
08:00 - 00:00
星期一至六
08:00 - 00:00
星期日
08:00 - 22:30
以上资料只供参考，请与餐厅确认详情
相关文章
📍环境：呢间传统上海小店仲系好有怀旧feel，一入去就见到传统上海食店嘅setting，不过座位就真系窄啲，繁忙时间都要搭下台，想阔阔落落咁食就难啲喇！但胜在够地道，阿姐手脚快，就算人多都唔使等好耐。 🥛冻豆浆 ($8)第一啖饮落去，豆味唔算好浓，都唔会太甜，都系平常上海铺嘅水准，胜在8蚊都大大杯，抵饮！夏天热辣辣饮一啖，即刻透心凉，正啊😎！如果钟意咸豆浆嘅，呢度都有卖，想试下传统味又得。 🍖上海排骨 ($24)上枱仲热辣辣，外皮脆到「咔咔」声，肉质又唔算干柴，腌得够入味，带少少蒜香，送饭一流！24蚊嚟讲都算好大件，又系抵食之选。 🍙粢饭 ($21)大份过我一个麻甩佬嘅拳头，店员仲会好贴心问要唔要剪开两半，方便share！入面嘅油炸鬼脆卜卜，肉松同榨菜份量足，每一啖都咸香有咬口✅糯米饭烟韧得嚟唔会太硬，唯一缺点系边位有啲干。 🌟总结：虽然环境逼夹咗啲，但食物水准同份量绝对对得住个价钱，尤其系粢饭同排骨，系必试之选！如果唔介意搭台同快食节奏，呢间会系屯门区内平民上海野食日常之选。
继续阅读
上海豆浆大王开左好多好多年，印象中都有三十年，门面同位置依旧一样!入面环境同以前一样，都系咁暗同油。今次嗌左餐，雪菜上海面配糖醋猪软骨，仲有豆浆。雪菜面大碗，真系得雪菜同面，无肉丝，而糖醋猪软骨份量唔多。豆浆味道有少少怪，都明显唔系来货。50蚊内，系抵食! 而且佢都开得夜，又食得饱。不过味道可接受，唔可以话好好食。
继续阅读
好多街坊帮衬 每样野都好平2个人食唔使$100埋单 好抵食👍🏼粢饭 ($21)上海铺必点啦 落单唔够30秒已经到左店员会问使唔使剪半 咁就方便食入面都系简单料 油炸鬼 榨菜同肉松但夹埋一齐就好好食 都算足料不过边边位就食济糯米唔够送上海熏鱼上海面 ($38)可以配雪菜/榨菜 第一次食上海熏鱼系冻食架 本身旧鱼炸左再淋上酸酸甜甜汁食落几特别都几好食 上海面份量都好多面质都几弹牙有口感 好食😃煎锅贴3只 ($24)即煎热辣辣 脆脆地好香口入面锁住d肉汁 都几大只 又系好食😋本身想食豆腐花 可惜夏天先有所以叫左冻豆浆 ($8) 一大杯针到好满 好香豆味又唔甜 正😎整体真系又平又好食 超推介😝
继续阅读
屯门呢间上海铺系我推介同必食上海小店之一，虽然环境比较细同窄，多人一齐食可能坐得唔够舒服，但系味道真系值得推介，同埋大份夹抵食，呢间午餐或晚餐都好多人食，有时可能要等下位。粢饭：每次都必点之一，亦都系佢呢间舖嘅招牌，即点即制，有肉松榨菜油炸鬼口感好烟靭，每张枱基本上都会必点。另外粢饭配豆浆，简直系绝配，有热同冻嘅豆浆亦都有咸豆浆，咸豆浆都出色，未试过嘅可以不妨一试。另外上海面好大份，佢嘅热食例如炸排骨炸鸡翼，炸云吞都好出色。我都好欣赏佢嘅酸辣汤底好开胃。
继续阅读
故意收多钱大家小心。天冷谂住饮碗热豆浆，事先上网睇左$14豆浆加蛋，叫左两碗。收钱话只收现金同埋，收我五十六蚊。我心谂应该$28姐， 味叫佢比张单我睇。一睇收左我两碗48。我问点解佢话岩架啦两碗豆浆加蛋$48加外卖盒和匙。我同佢讲话我睇左餐牌系十四蚊碗 佢先即刻改口话系呀，改返比我，加埋外卖餐具$32。日日收钱都收错定故意？ 我觉得我提左话个价钱有问题仲坚持，直至我话我睇左餐牌几钱先改返，个人觉得骗钱机会大啲。豆浆味道一般。
继续阅读