影片
更多
2025-04-11
183 浏览
📍環境：呢間傳統上海小店仲係好有懷舊feel，一入去就見到傳統上海食店嘅setting，不過座位就真係窄啲，繁忙時間都要搭下檯，想闊闊落落咁食就難啲喇！但勝在夠地道，阿姐手腳快，就算人多都唔使等好耐。 🥛凍豆漿 ($8)第一啖飲落去，豆味唔算好濃，都唔會太甜，都係平常上海鋪嘅水準，勝在8蚊都大大杯，抵飲！夏天熱辣辣飲一啖，即刻透心涼，正啊😎！如果鍾意鹹豆漿嘅，呢度都有賣，想試下傳統味又得。 🍖上海排骨 ($24)上枱仲熱辣辣，外皮脆到「咔咔」聲，肉質又唔算乾柴，醃得夠入味，帶少少蒜香，送飯一流！24蚊嚟講都算好大件，又係抵食之選。 🍙粢飯 ($21)大份過我一個麻甩佬嘅拳頭，店員仲會好貼心問要唔要剪開兩半，方便share！入面嘅油炸鬼脆卜卜，肉鬆同榨菜份量足，每一啖都鹹香有咬口✅糯米飯煙韌得嚟唔會太硬，唯一缺點係邊位有啲乾。 🌟總結：雖然環境逼夾咗啲，但食物水準同份量絕對對得住個價錢，尤其係粢飯同排骨，係必試之選！如果唔介意搭檯同快食節奏，呢間會係屯門區內平民上海野食日常之選。
呢間傳統上海小店仲係好有懷舊feel，一入去就見到傳統上海食店嘅setting，不過座位就真係窄啲，繁忙時間都要搭下檯，想闊闊落落咁食就難啲喇！但勝在夠地道，阿姐手腳快，就算人多都唔使等好耐。
🥛凍豆漿 ($8)
第一啖飲落去，豆味唔算好濃，都唔會太甜，都係平常上海鋪嘅水準，勝在8蚊都大大杯，抵飲！夏天熱辣辣飲一啖，即刻透心涼，正啊😎！如果鍾意鹹豆漿嘅，呢度都有賣，想試下傳統味又得。
🍖上海排骨 ($24)
上枱仲熱辣辣，外皮脆到「咔咔」聲，肉質又唔算乾柴，醃得夠入味，帶少少蒜香，送飯一流！24蚊嚟講都算好大件，又係抵食之選。
🍙粢飯 ($21)
大份過我一個麻甩佬嘅拳頭，店員仲會好貼心問要唔要剪開兩半，方便share！入面嘅油炸鬼脆卜卜，肉鬆同榨菜份量足，每一啖都鹹香有咬口✅糯米飯煙韌得嚟唔會太硬，唯一缺點係邊位有啲乾。
🌟總結：
雖然環境逼夾咗啲，但食物水準同份量絕對對得住個價錢，尤其係粢飯同排骨，係必試之選！如果唔介意搭檯同快食節奏，呢間會係屯門區內平民上海野食日常之選。
张贴
