上海萬家村小館

营业中

休息中

深水埗林林總總嘅食店，一定要食呢間上海舖，小籠包即叫即蒸，餡靚多汁，醉雞嘅花雕酒好出色，酸菜魚酸同辣做到平衡，超級大碗，夠3個人食！放工7點去到都已經全院滿座要排隊等位，要食嘅話可能要再早啲去排！必食係爆汁蟹粉小籠包😍小籠包即叫即蒸，上枱要趁熱食。小心翼翼夾起佢放落匙羹，以免爆汁冇晒佢好味嘅湯汁。首先小籠包頂有蟹粉，未咬已經有好香嘅蟹味，一咬就有滿滿嘅湯汁，好辣口，食到豬肉，豬肉加咗蟹粉，所以一咬開啲蟹味撲鼻而來，呢個價錢好抵食！花雕醉雞配擔擔麵，兩者可以分開食。花雕酒浸晒入雞件，再淋上花雕酒，令雞件再加以索入啲酒，每一啖都好濃烈嘅酒味，再配上正宗擔擔麵，湯杰加上肉碎同花生粒，配以上海麵，好食到想飲埋啲湯！ 我哋仲嗌咗個超大嘅酸菜鱸魚，大概有3-4人份量。酸同辣做得好平衡，味道啱啱好，唔會太酸或者太辣。鱸魚都有十幾件，好足料！最驚喜係見到泡椒，證明大廚落得好足料，亦有麻香味，配埋索晒湯嘅寬粉，可以餸到好多碗飯！

難得去深水埗，諗住食埋野先走，見到有間上海野好多人，就同朋友入去食個晚飯。餐牌有好多菜式都係蟹粉，包括蟹粉小籠包，蟹粉炒飯等等，見到都想食，同朋友傾完，就二揀一，揀左個蟹粉黃金炒飯一齊share!再哪啲點心一齊食！蟹粉黃金炒飯即係蟹粉+咸旦黃一齊炒。一上台就聞到超香咸旦黃味，仲有勁多金黃色蟹膏鋪係炒飯面，多到瀉咁滯。即刻同朋友分來吃！熱辣辣咸香加蟹膏，超濃既蟹膏味，撈埋飯食一流！！其他菜式就叫左鮮肉小籠包5隻同埋砂鍋雲吞雞。鮮肉小籠包一咬爆汁，點薑絲醋食好開胃，而且啲肉肉質細嫩，新鮮即製！砂鍋雲吞雞入面除左有1/4 隻雞同雲吞好足料之外，仲有娃娃菜一齊煲，連啲湯都勁濃雞肉味，完全冇味精既味道！超鮮甜！我地湯都飲埋添！最後就食埋甜品先返歸，叫左個4隻高力豆沙，超蟹糖霜，熱辣辣，漲卜卜，入面超蟹豆沙！今餐絕對滿足！

最近有啲掛住家鄉，就去食一食家鄉菜回憶下舊時嘅時光，老家就係黎自上海，成日經過但都未有入去食過，今次就一於試下！涼拌四拼，四拼包括花雕醉雞、雞絲粉皮、麻油海蜇、鎮江餚肉，前菜黎講好豐富！花雕雞入口嫩滑，帶酒味甘苦，雞絲粉皮麻醬調配岩岩好，海蜇蜇清爽爽脆，鎮江肉咸香夠味，食落個份量都唔少，聚會必點！西蘭花炒蝦球(客)，西蘭花爽脆，蝦球鮮嫩彈牙，口感豐富，而且大大份，但調味小鹹。鮮肉小籠包，雖然抵食，但不幸地5個有4個都穿左，而且皮身較厚，比較之下較一般。回鍋肉炒年糕，充滿香料與香辣惹味衝擊，年糕Q彈，配上香口回鍋肉，同爽口菜底，配飯一流！江南菜係香港賣少見少，所以一定要支持下！套餐配嘅豆漿，豆味香，而且甜度適中！

同朋友食過呢間上海菜，真係超大碟超多款式，一定要推介下😋我哋叫咗涼拌四拼，仲共有10款涼拌小菜可以自由拼，超多選擇！我哋就叫咗花鵰醉雞、蒜泥白肉、雞絲粉皮同麻油海哲呢四款，上菜嚟到真係超大碟，$98真係超級抵食，通常涼拌小菜都係得幾件，但花鵰醉雞有五件，花雕酒超入味；蒜泥白肉直頭超多塊，加埋秘制麻辣醬汁超野味；雞絲粉皮有超多塊雞肉，配埋中式胡麻醬同青瓜絲味道一流；麻油海哲配埋青瓜絲好有嚼口！點心我哋叫咗鮮肉小籠包，$48有五粒，超抵食，食落入面充滿上湯同鮮嫩豬肉，點埋醋食簡直一流！主菜我哋叫咗韭黃炒鱔糊配上海菜飯，真係超足料，勁多鱔糊同韭黃味道香濃！另外我哋叫咗蟹粉賽螃蟹，超大碟，濃郁嘅蟹粉配上嫩滑嘅蛋白，真係絕配，撈埋飯食真係無得頂！飲品叫咗熱豆漿，甜道適中，暖笠笠飲落暖入心！好彩我哋比較早6:30嚟到，啱啱好有位，食食下已經見到有人排隊等位喇，個個果然識食😋

深水埗區這間上海萬家村小館，主打正宗上海菜，價錢公道，冇加一重有飲品送。尤其是松子魚2人套餐 $398，勁抵，2人餐實質是4-6人餐來！為什麼這樣說？酸辣湯滿滿一大盤，裝到飯碗的6碗，內裏是滿滿的料；一大碟炒飯而不是迷你裝；魚也是全條上.. 再加上幾款小菜.. 二個男人來吃也會捧住肚皮出去..😂最重要的是店員好有人情味，顧客也是熟客為主，來深水埗大可一試！說回這個2人餐自選冷盤+點心+湯＋主菜+小菜+炒飯+甜品＋飲品我選了：小籠包4隻松子黃花魚揚州炒飯紅燒獅子頭酸辣湯豆沙鍋餅松子黃花鱼（强推）一上来就被我和我朋友吃掉了半條鱼糖醋的口味 真的是會讓人停不下來 魚骨也被炸的焦脆焦脆 搭配上糖醋汁 酸甜可口 魚也很新鮮招牌酸辣湯好足料，選用肉絲、蝦仁、木耳絲、蛋絲、豆腐、筍和醋等材料，味道酸辣鮮香。萬家村鮮肉生煎包，包內肉餡香濃，上半鬆軟下半香脆，再吸收了肉汁精華，味道和口感互相配合，有層次感。

回鍋肉粗炒（$52）份量不少，即炒，有鑊氣，味濃，但稍微偏甜。粗炒有咬口，回鍋肉只是豬腩片，配上大量椰菜。豬扒擔擔麵（$41）豬扒即炸，一大塊開二兼且厚切，外脆唔油膩，肉腍唔乾身，醃料夠味，不錯。擔擔麵湯底唔夠濃厚，辣度正常（聽聞可以加辣），麻味不足。拉麵份量多，初期口感還可以，但耐咗就漸漸變軟糊口。生煎包，啱啱煎好，熱辣辣，底層皮脆身，面層軟腍，裡面餡料有肉有菜，但冇咩肉汁。鮮肉包汁小籠包（$43）即蒸，需時約十數分鐘。包皮並不是超薄的那款，但都算軟身。餡料肉味冇乜但大量肉汁。整體味道尚算合格。下午茶（1：30 - 6：00）包主食、小食、飲品，都係四五十蚊，都幾抵食。

呢次去咗深水埗福榮街嗰邊搵嘢食，係tea time 時試咗呢間上海萬家村小館，🙌🏻🙌🏻價錢親民得黎又好食，叫個茶餐有豬扒擔擔麵，豆漿連生煎包都係$41，足料味道good👍🏻👍🏻，呢個價錢真係好耐冇喺香港見過👐🏻，呢間性價比勁高，而且啲姐姐服務勁周到🫶🏻😃😃，如果大家行開行埋深水埗就去呢度搵食啦。🏠環境：7/10🌟味道：8/10💰性價比：9/10🙇🏻服務：8/10上海萬家村小館 📍深水埗福榮街117號地舖

見都幾多人幫襯媽媽又想試下就入去點知有點伏鮮肉小籠包 5隻似冰鮮過再蒸番熱燻魚上湯拉麵+$15 酸辣湯(位)生煎包2個(跟餐)F豆漿（只有凍無熱）自選拉面一款+小食一款+飲品一客酸辣湯辣左點生煎包同小籠包都似係番蒸

次次嚟深水埗都見到呢一間好多人排隊，今日平日早咗放咁啱有位就入咗去食啦。見到佢有好多晚市套餐，都幾抵食。 可以揀白飯菜飯或者加$15食擔擔麵🥰京蔥炒牛肉爆得好香口，好有鑊氣。 已經食落唔會太生🤣所以食完都唔會有口臭。 牛肉份量都好多配合埋京蔥非常好送飯咕嚕肉咕嚕肉啱啱炸起有好多粒。而且粒粒食落都係多肉冇骨。醬汁都比較多，可以撈飯食。蟹粉小籠包小籠包嘅皮厚度適中，裏面嘅肉唔會太乾，有啲肉汁。上邊嘅蟹粉食落口好大浸鮮味，有啲似吞拿魚。 高力豆沙高力豆沙好彩一早留咗，姐姐話夜d 賣晒就冇。 上碟熱辣辣，裏面嘅紅豆蓉都好多，而且上邊加咗少少糖霜。不過整體唔會好甜❤️擔擔麵 (推介)套餐加$15就有都幾抵而且佢嘅份量係正常份量有少少花生醬味亦辣辣地，都幾惹味！ 👍🏻酸辣湯又係套餐，加$15又有裏面材料都豐富，不過應該加咗比較多胡椒粉，所以整體味道偏辣，食得辣嘅朋友可以試吓！整體來講幾抵食性價比高。 不過真係幾繁忙，星期五七點已經坐滿晒，不過好彩上菜都好快。

今晚同媽咪行開深水埗，想話陪佢老人家食下上海菜，見到呢間黃色招牌既「上海萬家村小館」咁sharp , 睇下佢有乜食先餐廳有齊傳統上海菜：小籠包、生煎包經典麵食：擔擔麵、口水雞麵、嫩雞煨麵上海小炒：賽螃蟹、回鍋肉等Menu 每頁都好full, 超多選擇用餐環境寬敞光猛，木系裝潢，環境闊落生煎包 5隻即叫即煎既生煎包，外形包到好似小籠包咁，包底微金黃色咬開粉皮，豬肉餡料佔左9成，咬落仲有肉汁滲出鮮肉小籠包小籠包皮薄，咬開馬上爆出肉汁蟹粉賽螃蟹賽螃蟹係由西蘭花🥦、多份蛋白炒成既著名上海菜，今次適逢蟹季，餐廳推出蟹粉賽螃蟹食落蟹粉+蛋黃味出，蛋白嫩滑唔老宋嫂魚羹原來呢個魚羹材料超豐富，包括豆腐粒、魚柳粒、薑粒、蛋花、蔥粒，所有食材都熬到軟林林，好岩老人家食，食落肚仲暖笠笠砂煲雲吞雞半份雲吞雞份量唔惹少，入面放左半隻雞、6粒巨雲吞，仲有海量津白及雞肉，咁足料3-4個人分，每人一細碗都好滿足食到呢度我同媽咪都食到好full , 下次黎要再試埋佢地既甜品，例如高力豆沙先得

深水埗美式雲集，今日想食上海野，見到呢間舖頭特別多人幫襯，所以就入咗去～每一個款式都好似好正宗咁，我就叫左幾個招牌：⭐️鮮肉小龍包 5隻⭐️ 瑤柱賽螃蟹⭐️ 砂鍋雪吞雞 ⭐️ 秘製牛腩麵⭐️ 高力豆沙 我特別推介佢嘅瑤柱賽螃蟹，份量同味道都好夠，螃蟹份量都唔少，而且蛋白亦都非常之滑，非常建議叫一碗飯撈黎食！！另外唔可以錯過嘅係佢嘅砂鍋雲吞雞，因為嘢食選擇太多，所以我只係叫咗¼隻雞。但係已經覺得佢好好食，雞湯味道濃郁，而且好滑，而且裏面仲有好多娃娃菜，吸晒個湯嘅味道。好適合呢一個天氣去食仲有我最鍾意係佢嘅甜品高力豆沙，佢個質感非常煙韌，咬落去個包體到會回彈，非常之正，而且裏面嘅紅豆沙好綿滑❤️整體嚟講見到呢間上海店好多街坊幫襯，已經好有信心去試吓，點知好有驚喜，而且價錢好佛心，推介嘅各位經過可以試吓～

在深水埗吃晚飯，想找間上海菜館，看到這間就開在地鐵站出口旁，座無虛席，想也沒想就走進去了服務非常好，這小店的姐姐也是笑臉迎人，有種萬家同聚一堂的感覺小籠包(五隻)上海在最有名的就是小籠包，他家的湯汁超豐盛，滿咀都是湯！松子黃花鱼好大一條！炸黃花魚肉很厚，酸汁夠酸加上菠蘿，十分開胃！揚州炒飯炒得乾身，炒蛋火腿蝦仁一應俱全拍青瓜份量夠大！辣勁十足，開胃！茄子牛仔骨煲超多茄子！軟稔稔的，牛仔骨有夠大塊，熱辣豐富！海鮮羹湯超大碗！雞肉 蝦仁 蛋花有夠多！湯底濃郁高力豆沙(四隻)鬆軟又熱辣，肯定是鮮炸的高力豆沙，這質素勝過很多上海菜餐廳呢！---上海萬家村小館深水埗福榮街117號地舖

近日有點不太舒服，所以出去都是選擇些比較正氣的食品、食健康些。陪朋友在深水埗買野，行到肚餓就見到間上海菜餐廳，望到餐牌d野食都吸引，去試下都無妨。一邊睇餐牌就發現依間餐廳都幾多人光顧。平日7點黎講，有不少客人，過黎食多數都是街坊，外賣單都不少。餐牌多樣化，而且圖文並茂，樣樣都好吸引。前菜今次選擇了醒胃涼拌，當中有10款涼拌選擇，而我選左麻油海蜇和雞絲粉皮。麻油海蜇和雞絲粉皮$78海蜇爽口彈牙，有厚度，調味適中，麻油味好香。雞絲粉皮正常發揮，麻醬濃，青瓜新鮮。花雕醉雞上海麵$57上海麵量多，麵軟硬適中，花雕醉雞量多，雞滑，雞皮與雞肉中間有滿滿的骨膠原。上海鮮肉小籠包$48新鮮熱辣上枱，肉餡好足料，皮包著濃濃的肉汁，一啖一精華。蒜蓉炒豆苗$98一上枱就聞到爆香左的蒜蓉味，豆苗好大碟抵食，好有鍋氣。炸豬扒擔擔麵$45炸豬扒好大塊，擔擔麵麵質煙靭，麵量頗大份，難怪個個外賣都叫擔擔麵。高力豆沙$50即叫即起，外皮軟綿，內裡豆沙好足，食落甜度剛好

-📍 上海萬家村小館 (深水埗)地址：深水埗福榮街117號地舖📞：36145562小編最鍾意食家常小菜，今日我同個舊同事嚟到深水埗發現呢度真係好多美食 行行下嚟到呢間位於福榮街既上海小菜館，味道好價錢合理 好高CP值👍🏻💎涼拌四拼： HKD 98💸鎮江淆肉麻油海蜇花雕醉雞上海燻魚呢款涼拼可以自由配搭拼盤，小編十分鍾意食鎮江淆肉覺得呢度整得好入味😙而醉雞都好想推介 肉質嫩又開胃 呢度既拼盤絕唔細份 岩2-3人份量 價錢合理🤩💎鮮肉小籠包 HKD 48💸小籠包小編覺得雖然無爆汁感但肉質新鮮 熱辣辣好好食😋💎酸辣湯雲吞 HKD 68💸小編同朋友都好鍾意個酸辣湯👍🏻覺得辣度適中 酸辣層次岩岩好 再配湯雲吞 好match又暖胃🤤💎瑤柱賽螃蟹 HKD 108💸賽螃蟹🦀️都唔錯，蛋白嫩滑唔過火又好送飯☺️💎蕃茄時蔬（菠菜）HKD78💸時令菠菜索晒清甜既蕃茄湯，健康又美味 份量又多 好抵食😋

同男朋友隨心發現深水埗呢間上海小店✨喺深水埗食肆林立嘅福榮街😗驚喜嘅係1:30已經有下午茶，主食加小食同飲品都係$60有找😳 麵食可以揀拉麵或者淮山麵，湯底除咗上湯仲有擔擔底同酸菜湯揀，非常加分✨下午茶仲有上海炒粉麵套餐，一樣配小食同飲品。真係想食少少下午茶，佢都有點心套餐，上海生煎包鍋貼或者小籠包☺️ 不過佢嘅生煎包內裡略嫌乾身🥺我哋叫咗兩個麵食套餐都有驚喜，豬扒同醉雞都做得幾好，豬扒唔會包太多粉去炸，醉雞都算滑同入味👍🏻 淮山麵食落去有少少似公仔麵，配擔擔湯其實都幾得意，講起擔擔，其實幾夠味，都好明顯掛醬，但料多少少就仲正✨如果大家1點半去深水埗搵食，性價比嚟講都推薦呢間上海小館🤞🏻