上海老正興菜館 (已結業)

今日食晏好想食小籠包，咪試吓呢間啦：小籠包－$40，無湯汁，D皮厚到無倫，唔掂。酸辣湯－$50，有新鮮筍絲，都OK。鍋貼－$20，OK。上海粗炒－$35，一般。整體算係咁，不過下次食客飯，$28∕位。

雞絲粉皮: 真係好好好好……味, 我食過咁多間最好味的, 雞同D粉皮都非常滑。雞絲炒麵: 都算幾好味, 麵炸得非常脆鬆。小籠包: 一般, 太少湯汁，有的甚至完全沒有汁。生煎包-個皮幾甜幾好味。

同另外兩個同事們去呢間野食lunch, 叫三個餸: 津白肉絲, 菜心獅子頭同埋香干肉絲. 每個餸$28, 每人兩碗飯, 有茶飲仲有一兜湯. 津白肉絲, 清清地, 唔錯.菜心獅子頭, 冇菜心用左小唐菜, 配以雲耳同筍, 獅子頭很鬆化, 係就係細細地兩舊.香干肉絲, 豆腐干也, 個汁同菜心獅子頭個汁差不多, 所以兩碟野食落差不多味.湯成大兜都唔知點飲, 但切忌飲太多, 會口渴.建議唔係食好多既話, 可試三人兩餸, 四人三餸咁, 因為d 飯實夠食, 咁就最抵了.環境方面係茶樓格局, 總是覺得係茶樓食set lunch 唔係咁慣.

上個星期六同我表妹,弟弟&2個韓國人去食飯.因為o個2個韓國人第一次嚟香港,o係唔知食咩但又要食中式嘢o既情況下,是但入o左間食. 我地叫o左"c"子頭,紅燒豆腐,奶油津白,鍋貼,一個揚州炒飯,菜飯同豆漿佢地除o左個奶油津白之外個個餸都係差唔多味o甘,食到好悶.而且個豆漿仲要唔係豆漿味,而係好似椰子奶o甘,唔知想點.

同父母於上星期日到此一食^0^吃了油炆荀(媽咪最愛, 好味道)烤夫(我的最愛, 甜味剛好, 大大件, 有口感)小籠包(即做, 媽好鐘意,..)酸辣湯-夠多材、夠辣..炸銀絲卷..爸最愛..一絲絲的...好過灣仔(金鐘)美利堅十倍...價錢平1/3三絲炒飯...有蝦, 雞絲,火腿,菜絲...爸指定吃好開心, 我們坐到400pm 也沒有人趕...空調足..好舒服的午餐...後記姐姐中途帶她的兩個肥BB出現....估不到..中年的男侍應也愛小朋友..送了豆漿給他們..小孩的力量真大..

本來想去對面的漢京樓，點知老豆想食老正興，算!就下佢老人家。冷盤四小碟：油炆荀、燻魚、雞絲粉皮及烤夫。燻魚唔正宗的，是乾炸後再淋上類似日本的照燒汁，冇似前咁好食；烤夫大大粒，買相似豆腐卜或者似吸濕o左的海綿，完全唔入味的；雞絲粉皮落了太濃的麻醬，如果麻醬份量減半，再加芥辣，會好些。咕嚕肉-啖啖肉唔夠脆；甜酸汁味道略甜唔夠酸外，仲好似漿糊般，真係唔太掂。酸辣湯-夠多材、夠辣、唔夠酸。小籠包-細細粒只得淨肉的小籠包，完全沒有湯汁，乾淨淨的。上海湯麵-麵煮得較為腍身。擔擔面-麵身都ok，但湯太少，搞到麵好容易吸晒d湯，而湯底沒有花生味及味道較淡。事隔幾年，今次再食，水準已經差了好多。

今日同大口仔食午飯,佢話朋友介紹呢一間又平又好味又抵食又少人,所以二話不說就度試下!我都係第一次黎呢間,午市客飯真係好抵食,因為一個餐有一大碗中湯,一個送同兩大碗飯,我地今日都係叫佢每人扣起一碗飯,反正食唔晒!而中湯方面,今日係青紅蘿蔔瘦肉湯,估唔到又夠料又唔油喎,好清又有營養呢!我地一人叫左一個餐,送就可以share食,分別係通菜炒牛肉同蝦仁豆腐,兩個質素都唔差! 蝦仁豆腐比較好,有八九件豆腐,個獻好入味,稍稍有問題係豆腐唔夠新鮮,雖然無變壞,但我已經食到其中一件有少少酸酸地既味道,不過配料有青豆,紅蘿蔔,菇等,我都好鐘意…最唔夠好係蝦仁好細粒,但以咁既價錢,呢個係意料中事!通菜炒牛肉其實好入味,不過通菜老左,而且多油多汁,可改善一下,令我覺得唔抵係後來有人搭又係叫呢個送,我見到佢碟通菜好青好新鮮,而且作碟都無咁多油,好過我地個碟好多咁…質素應該穩定些嘛!

昨晚是龍舟節前夕(30/5), 我同男友實行預祝龍舟節出出街食下飯...因佢要收9點. 在尖咀都無咩好野食...所以在金巴利道周圍行...因我地都喜歡食上海菜, 所以佢就建議到此店.時近9點半有多, 店內總算有幾台客(如無人, 我就以為佢要收工, 吾敢入) 我地一進內d待應就好好招乎..不過當我睇完個menu, 發覺d set for 2都吾平wor ($188), 吾想太花錢就散叫如下: -1) 豬肉小籠包($40) - 有10隻, 開頭幾驚食左佢就食吾落其他野, 不過男友話包抵就照叫.佢係新鮮即做貨, 皮ok薄,餡有少少汁, 不過吾夠"翡翠"鮮甜多汁. 但價錢較"翡翠"平小小.2) 菲王炒鱔糊(over $68) - 待應推介, 但此items無在menu內見到!!吾知實際價錢. 其實佢吾推介我都想叫, 因是我faviour. 食味方面, 吾錯, 鱔好新鮮, 以油爆得arm arm熟, 好滑. 不過d油就勁多, 我用佢附上既湯匙去but油, 居然but到最少6湯匙pure 油出黎呀?! 好肥呢(*_*!!)3) 炸銀絲卷($10) - 比翡翠平左$2, 而且好大件, 個皮炸得arm

i went there for dinner with my mother, father and 3 sisiters for many times because of good service.all the waiters are middle-age men, with a bit flat facial expression...but they were very kind and helpful in fact...especially the `relatively younger-look-fat boss'..!!酸辣湯---多料..不太spicy..但好味道!小龍飽--好新鮮海浙, 烤麩,肴肉是必吃推介!!豆漿--是自製的...見到有豆漿機

很久沒有來了，早前經過這裏，記憶中砂鍋雲吞雞好像幾好味，便入來再試試。得兩個人，唔敢叫太多，我們就叫了砂鍋雲吞雞(半份)和揚州炒飯。砂鍋雲吞雞- 湯底幾好味，但味精都唔少(之後好口喝)，雲吞細細隻，一口一粒剛剛好，津白煮得好腍；如果味精可以少就很好了。揚州炒飯- 炒得唔夠乾身，應該係用新鮮飯炒的，飯一舊舊，鹽粒還可以很清楚的食得出一粒粒，完全唔入味，可以說是完全唔合格。

因為想食上海菜，所以昨晚與朋友走到天文台道，剛巧天台道有兩間上海菜館，結果揀了此間。我們點了1)砂窩雲吞雞(半份) 2)三絲炒年糕3)菜心獅子頭客飯(包白飯兩碗)砂窩雲吞雞湯底略鹹，雲吞不錯，皮薄而且數量不少；三絲炒年糕味道可以；菜心獅子頭上時還以為弄錯，原來「獅子頭」給菜心掩蓋了，幸好味道也不俗。女雖然設備簡陋也很整潔，至於男環境怎樣，唔知呀?

返母校,黎左呢度食lunch野食都係咁啦,同以前差唔多...客飯有兩碗白飯,以前讀書時候冇錢就會兩個人share一碗,一餐lunch都係$12.5,蝦仁炒蛋,獅子頭,麻婆豆腐,火腿津白都好好食~今次試左個雞絲粉皮,個汁好杰,我就唔係太鍾意...都係食左個蝦仁炒蛋同人share~

八個人開飯, 去到人唔多, 即刻有位。叫了九款野。1. 小籠包- 一般貨式, 同超市的急凍貨無咩分別.2. 薰魚- 我覺得係最好味的一款, 一小碟八個人真係一人一件.3. 糖醋排骨- 味道唔錯, 不過我覺得似豬扒多過排骨.4. 三絲哈巴- 那些好似飯焦的物體, 淋上那個超多豆粉的獻汁, 極度唔好味.5. 三鮮炒飯- 一個似樣的炒飯6. 火腿津白- 呢個唔錯7. 蝦仁炒蛋- 炒得o的蛋好老8. 蒜茸白菜仔- 一般, 好彩唔多油9. 沙窩雲吞雞- 雲吞好普通的餃子, 不過個湯真係好多味精.無叫酒水, 只叫了四個白飯, 埋單$698.唔會再去幫襯囉.

昨晚邊行邊食，所以無睇到食評就o黎食，燻魚雖然52蚊，但有好多件，而且件件都好大舊，做得好好味；糖醋排骨即係切件豬扒，好淋好鬆化味道好濃。菜肉雲吞真係值得一試，25蚊有10粒，皮好薄又多菜做；瑤柱西蘭花就麻麻，西蘭花好淋，而且要80蚊好貴，本來個西蘭花無價錢，我就問個待應幾多錢，佢話好平o者，唔會呃人。我就以為五、六十蚊，埋單時點解咁貴，原來個瑤柱西蘭花要80蚊，有欺騙成份，如果再有人去食真係要問清楚先。

原來香港都有老正興，我都係o係上海去書局睇香港自由行指引系列o既書先知道...香港老正興o既意見好似好麻麻咁，其實上海老正興係好得ga：佢有過百年歷史，係上海菜o既老名牌。我去食過，叫左佢o既招牌名菜：油爆河蝦。ｄ蝦可以成隻連殼食ga，好香好正；另外佢o既糖醋排骨同熏魚都做得好好食！最難得o既係佢服務都好好喎（內地一般都好差ga嘛），埋單每人都只係$80蚊，非常抵呀！推介俾所有會去上海o既食家！（註：香港店咁差，好似拆緊招牌喎，我估唔係同一集團o卦！）