上海老正興菜館 (已結業)

昨晚邊行邊食，所以無睇到食評就o黎食，燻魚雖然52蚊，但有好多件，而且件件都好大舊，做得好好味；糖醋排骨即係切件豬扒，好淋好鬆化味道好濃。菜肉雲吞真係值得一試，25蚊有10粒，皮好薄又多菜做；瑤柱西蘭花就麻麻，西蘭花好淋，而且要80蚊好貴，本來個西蘭花無價錢，我就問個待應幾多錢，佢話好平o者，唔會呃人。我就以為五、六十蚊，埋單時點解咁貴，原來個瑤柱西蘭花要80蚊，有欺騙成份，如果再有人去食真係要問清楚先。