上海老正興菜館 (已結業)

本來想去對面的漢京樓，點知老豆想食老正興，算!就下佢老人家。冷盤四小碟：油炆荀、燻魚、雞絲粉皮及烤夫。燻魚唔正宗的，是乾炸後再淋上類似日本的照燒汁，冇似前咁好食；烤夫大大粒，買相似豆腐卜或者似吸濕o左的海綿，完全唔入味的；雞絲粉皮落了太濃的麻醬，如果麻醬份量減半，再加芥辣，會好些。咕嚕肉-啖啖肉唔夠脆；甜酸汁味道略甜唔夠酸外，仲好似漿糊般，真係唔太掂。酸辣湯-夠多材、夠辣、唔夠酸。小籠包-細細粒只得淨肉的小籠包，完全沒有湯汁，乾淨淨的。上海湯麵-麵煮得較為腍身。擔擔面-麵身都ok，但湯太少，搞到麵好容易吸晒d湯，而湯底沒有花生味及味道較淡。事隔幾年，今次再食，水準已經差了好多。