上海美味齋飯店 (已結業)

上海小籠包 $43黎到上海餐廳點可以唔叫小籠包。其實你一食個小籠包就知道你一間上海餐廳嘅質素去到邊。呢一間餐廳嘅小籠包皮薄涵靚，夾出嚟嘅時候已經係有湯流緊出嚟，非常之考你嘅功夫。一句講晒皮薄涵靚！嫩雞煨麵 $68好耐都冇食過嫩雞煨麵，好食都唔識講。鍾意食辣嘅人可以加少少豆瓣醬。但我覺得佢個湯已經有10分濃郁嘅雞味，係打呢篇文嘅時候我已經上咗去食多一次。紅燒獅子頭 $88紅燒獅子頭亦係一味非常之考師傅嘅菜式。最衰我哋已經食咗個面，如果唔係會叫多兩碗白飯去送，因為太過正呀！桂花酒釀丸子 $25冬天嘅嘢食番啲暖胃既野，上海嘅甜品亦都非常出名。我哋今次冇叫高力豆沙，叫咗酒釀丸子，好暖胃！

小時候的我正正就住在黃大仙的鳳凰村，是日跟媽媽去懷愐過去，專誠這邊走走看。當年的屋村小商場，現在重建後變成大型店舖臨立，人流量多了許多。酷愛小籠包的小妹，被此店吸引了下去，門面跟裝修看上去挺有特色。茶芥10雞絲拌粉皮55雞絲青瓜配粉皮，混上麻醬芝麻粒，已沒有不好吃的道理，完全秒殺👏🏻麻醬更多會更美味滑溜，現在這樣味不太濃，比較健康清新。小籠包43x2一客有5隻，價錢適中，幸而小籠頂尖褶合處已熟透，沒有硬崩感，湯汁肉涵也ok🤩生煎鮮肉鍋貼40餃皮熟透，煎得香噴，咬下有卜卜脆聲，肉鮮香，香口美味。紅油抄手36大辣香辣的紅油，跟醋汁豉油令豬肉沒有那麼漏，同時亦辟了一點肉so，皮很嫩，是這餐最好吃的，媲美大型食府，相當驚喜。食後感：路過遇上的小籠包小店，其實深入到黃大仙看看，好吃的就在左近喔😊P.S.店員眼鏡叔叔好殷勤友善，成餐都食得開心又滿足☺️

今日做黃大仙做完野,同朋友搵野食,見到間個樣都懷舊FEEL入去試下入面個裝修都幾懷舊,好有FEEL超正既感覺店鋪睇落係新裝修復古,都唔錯店員問左飲咩茶,點左烏龍食飯除左食物之外感觀都重要架一路睇餐牌個陣係咁聽到D人買羊腩煲外賣,咁多人叫咁即係跟就無死啦問一問店員羊腩煲幾錢幾大個後就叫啦黎到個煲都幾大,2個人食真係夠晒食入面有晒桂皮,香果,令到成煲野野味可口,一黎到香到爆D羊好好味,唔會太羶既味,充滿香既羊味羊肥瘦岩岩好,咬落去一流最重要係腐乳,食羊腩冇左佢就真係差緊D野咁,有左佢就襯起晒成個菜仲有腐竹,腐竹入晒成煲既精華,食落去正到喊仲送左菜,個菜多到成斤咁多同樣地菜係會吸晒D羊腩煲味D菜都幾新鮮,滾幾下就食,青新既感覺返晒黎仲要配合埋個飯,咁就真係完美喇店員都好有禮貌,無水要加水既時候非常快,抵讚

經過環鳳街 諗住食個晚餐成條街都係美食 食物種類選擇都好多最後俾呢間門口掛住倪虹光管，懷舊feel上海餐廳吸引住廚房位置設有透明玻璃 可以見到廚房既情況入邊既裝修都好有懷舊既感覺雖然餐廳叫上海美味齋飯店 但其實唔係食齋既食物選擇種類都幾多店員見我哋好似有選擇困難症 介紹我地試下前菜冷盤 可以跟據個人喜好 自己配撘最後我地都係決定試下個招牌担担麵 少辣少辣唔算好辣 撈埋碗低既醬料先食 麵條吸收曬醬料香 幾野味 麵身又唔淋 幾好干煸四季豆呢個都無令我地失望 上枱已經香味撲鼻獲氣十足 香口 砂鍋雲吞雞(半)湯底清甜不油膩整個鍋很足料食到一半 店員行過黎俾左一碟豆瓣醬我地 話可以令到雲吞更滋味

黃大仙對好多人來說只有黃大仙廟值得一去 又有多少人會行到鳳凰新村覓食呢？ 之前一直都好想試這間位於鳳凰新村嘅上海店 奈何早前光榮結業 沒想到一年多後從出江湖 店面跟裝修得懷舊又帶時尚感  第一次來 經朋友推薦下我們選擇了以下菜式： <鳳尾魚 $42>  這碟冷盤十分有驚喜！ 揸過的鳳尾魚口感非常酥脆 帶香甜味道令人食到停不了口  老闆說這次我們吃到較細條的鳳尾魚所以口感特別香脆 一般人喜歡大條的魚因為比較多肉 但其實細條的更有口感! <生煎鮮肉鍋貼 $40> 好驚喜！ 首先鍋貼煎得金黃 每隻賣相都漲卜卜 十分飽滿！ 當有下去時 肉汁不斷流出 肉味香濃而鮮甜！ 是令人感動的鍋貼~ <上海小籠包 $43>  小籠包一客五件 皮的厚度適中 肉味不及鮮肉鍋貼香濃 <上海酸辣湯（盅） $23>  酸辣湯可選擇小辣中辣或大辣 小辣我已經好滿意  酸辣湯用料豐富 有蝦，冬菇絲，豆腐絲 食起來啖啖都有口感！  酸辣味夠香而濃稠適中 酸酸甜甜非常開胃 <招牌擔擔麵 $50> <高力豆沙 $60> 外

上星期五晚大家放工已經好累 然後就諗住近近地搵間餐廳食晚飯就回家休息。屋企人一直知度有間餐廳出名而且食物質素不錯 就去左食。餐廳佈置以懷舊物品為主 但裝修十分光新 只見牆上掛左吾少舊年代用既物品。同時的的確確吸引左我地年輕一輩的目光！涼拌西芹及烤麩：西芹爽口，烤麩非常入味。凍食咖哩魷魚：依碟是媽媽推介一定要叫的，佢話好出名又好食。吾好見只系一碟普通既魷魚，食落非常爽口 絕對吾系出面所食既魷魚硬硬地既。以凍食方式食用 同時吸收吾少咖哩汁味 味道和口感果然吾錯，真是值得推介！砂鍋雲吞雞(半隻)：上海舖無理由吾叫雲吞雞，餐廳以砂鍋上 令溫度能夠保持。雲吞大大粒。雞新嫩滑肉，湯清甜無比，當中有不少菜 菜吸入吾少湯汁添。個人十分回味，必叫之選。招牌擔擔麵 (少辣)：擔擔麵麵質滑 但吾會一夾就斷晒，份量適中；當中有少許花生粒 增加口感，少辣個人覺得較微。可惜，擔擔麵沒有花生醬加入 湯底為清。高力豆沙：個人超級推介之甜品，一向最愛高力豆沙。高力豆沙中既豆沙吾少，外面軟軟的，連埋糖粉食的確好夾。師傅即叫即整 令高力豆沙熱熱送上客人桌上。好味到我地只左兩碟食添！

今天去環鳳街洗牙，牙醫診所隔鄰開了一間上海菜館，望到個名叫上海美味齋飯店，個名好熟，原來是之前的上海菜館卷土重來，重新營業，記得佢D上海菜正宗又好味，今晚一於叫埋老公和女兒去食返餐！菜館佈置好懷舊，座位寬敞舒適！凍食咖哩魷魚：久違了的咖喱魷魚，之前食過好好味，所以今天第一時間點這冷盤，魷魚爽脆，咖喱入味，所有懷舊Feel都回來！涼伴西芹爽脆，烤麩夠入味。上海粗炒：炒得夠味，麵條粗身有口感，正宗的上海粗炒！加點豆板醬更惹味！招牌担担麵：麵身幼滑，湯底濃郁美味，味帶微辣！砂鍋雲吞雞(半隻)：湯底鮮甜，雞肉嫩滑，雲吞皮薄餡鮮，加有火腿使湯底提升鮮甜味，十分美味！高力豆沙：外層鬆軟的！中間豆沙香甜，灑上糖粉更美味！秋冬限定：有枝竹羊腩煲和醉雞煲，因為已經食飽，唯有下次先試了！

朋友約到「上海美味齋飯店」晚飯，起初覺得奇怪，一向口味辛烈的朋友，何解今晚想清淡一點去吃齋？！到達後先恍然大悟！店名美味齋，「齋」一字取古意，解屋舍，「美味」則指「濃油赤醬、重糖艷色」的滬菜和「調味多樣、麻辣酸香」的川菜。原來這寶號已紮根區內60年，從前沒甚麼裝修，部分牆身已掀起。最近把老鋪翻新，但仍保留著從前的懷舊味道，讓熟客保留一份歸屬感。門口處仍然保留著傳統特色，擺放著上海冷盤檔，鳳尾魚、素雞、燻魚等，只是現在較從前衛生，食物已保存於玻璃櫃內。茶乃是中國文化之一，很多人現出外用膳除了著重食材，對於食肆所提供的茶亦相當講究。這裏的茶是以烏龍和茉莉花自家配製，味道清香。茉莉花有松弛神經的功效，而烏龍茶可以幫助解除油膩，正適合我們都市人。酸辣湯，上菜時以懷舊小盅盛著，酸和辣度適中，兩者沒有過多感覺，配料亦非常豐富，是一開胃之選。醉雞用了紹興酒醃漬，吃起來鮮嫩爽口、酒香撲鼻，雖然酒味濃郁但我們一點醉意也沒有。豆沙鍋餅，上海的經典甜點，豆沙餡料豐富，再炸至金黃香脆，非常美味。棄舊迎新已是現今社會的常態，很久沒有見過飯店想保留昔日味道的認真和誠意，美味齋不只食物、那份情確是令人回味。

因為朋友住黃大仙所以佢今晚帶左我去試呢間上海老店, 佢話自細就食開好正, 間飯店位置由於轉了上斜路所以有少少隱世feel, 但通常咁feel既都係正嘢!不出所料呢間叫「上海美味齋飯店」一入去已經有好特別裝修, 原來佢地由1958年到家下, 所以特別保留了一D當年既特色, 尤其佢一入門口個虹光管招牌好搶! 伙計沖了壺自家混的'烏龍X茉莉花"茶淡淡得來好易入口, 我聽到隔離枱都係咁讚杯茶好好飲。個「醉雞」係一試難忘因為好濃味但又可以令人唔太醉, 出面其他上海食店好少有咁野味的, 仲有我比個「酸辣湯」嘩咗, 因為叫了一盅佢真係用個懷舊小盅送來(即係去酒樓叫盅頭飯嗰D)好得意之外, 佢地個師傅仲勁, 裡面D料真係可以切到條條差不多幼度, 刀功利害非常, 連小籠包點既腊上既薑絲都一樣, 超嘩!!  「小籠包」仲係用鮮豬肉包, 滿分, 另外有個招牌小食「米網脆素春卷」又肥口同真係好脆又健康, 樣樣都好好食朋友呢次真係好介紹。

極力推介~ 一試忘返今天公司管理層請食飯…… 一同12人到此舖品嚐， 起初覺好到咁遠…… 點樣好食法…… 是我經理早幾日同屋企人食完之後極力推介…… 入到去裝修好特別， 一早訂左枱唔洗等位…… 待應服務 ok… 第一碟小籠包， 口感一流。食到停不了口。第二碟咸水鴨。原汁原味。第三碟 龍井蝦仁， 調味適中可口， 第四碟 花素蒸餃，真的不錯， 其後食完不同款式的菜譜。好口渴呀， 竟然有菠蘿特飲做甜品…… 好靚…… 好好飲呀， 依家上海菜館和以前真的不同，極力推介

中國菜有好多種比較鍾意上海菜經過依間「上海美味齋」數次，初時同同事以為係素食店。但後黎知道原來唔係既😂-依間餐廳裝修幾靚，又新係同區黎講，都算係比較高檔既一間上海小館價錢相對貴少少，要收茶芥地方唔算大但一定坐得舒服侍應服務態度都好好-叫左招牌擔擔麵細細個就好鍾意食依款麵但唔可以煮得太淋鍾意爽口既感覺佢都煮得唔錯唔錯少少辣-醉雞酒味香醇賣相ok雞冇騷味-糖醋魚塊送飯首選粉漿薄薄的炸得香脆熱辣辣酸酸甜甜好開胃跟餐配菜飯-仲有豆漿送呢不過兩位朋友都唔愛飲豆漿我一個人飲哂三杯唔甜，豆味香我至愛好滿足既lunch 食飽飽叉滿電又係時候努力開工🤤

呢間有无盡的故事。六哥（龍哥）同七哥故事家族曾經之光榮創業六十年的興衰間鋪搬左價錢貴左味道變左但是不變依然是人情味果日內子生日帶左生日蛋糕第一時間幇我雪藏一句：“記得要提我拿蛋糕，如果唔系我吃左佢”。迅速化解之間陌生。吃完飯更幇我收碟，上蛋糕，點蠟燭。吃不完蛋糕，更幇我包裝每一小動作，都融化我的內心，如小白（暖男）的出現去左呢間野點左幾个小菜1:担担面湯底優于泳黎園不過面身過硬，雖要在多煮會2:湯包屬于上上水平，湯汁鮮美，甜而不膩，皮薄餡大。3:生煎包：包面煎得剛好，不過缺乏湯汁我相信一个餐廳的美食，除了自身的味道（美食），更有他特別的吸引力味道。我更相信，我以后會成為他老客人。最后有个小趣事，當日大堂兩个待應同七哥。但系出現系你面前都系七哥，兩个待應行行走走吹吹水談談情，做呢間餐廳待應，絕對是香港上最荀架工作。

雖說是同一個店名但卻十分懷疑是否同一批人經營新店裝修是靚的味道卻差很遠了。新店店員很多,多到個個企向度望住我食都食得有點緊張。不望佢地而一看價錢表有點貴既感覺,以為自己去左翡翠。今天點了小籠包: 皮薄汁較小但味道是好的。如汁多會更好。水煮魚湯麵:麻辣確是勁但是咸味卻差一點魚肉亦較粗鞋及麵既分量都小。好不容易食完。以上乘惠百二元。食後感係甘既價錢附近有幾多選擇下。我好肯定唔係因為期望而令到我如此失望但應該無下次。

停業了一段時間，大變身的美味齋，鋪位行上左少少，格局有新鮮感，今日唔想煮飯，老公叫去試吓上海美味齋，去到門面好特別裝修得唔錯。入到去叫咗（都係果啲嘢），食嚟食去都係果啲上海粗炒、酸辣湯、黃金炒飯、紅油炒手、小籠包、鍋貼、高力紅豆及上海擔擔麵。一家五口，我覺得叫得太多了。首先講吓酸辣湯，我叫個例牌但我學得好少，可供四人享用，好夠料但就咸咗啲。 小籠包同往時一樣，一口小籠包，即係一啖食咗佢，質素無變。紅油炒手我叫中辣，嘩! 辣到冇朋友。其他都可以。只係價錢比以前貴左份量少左。

走高檔路線上海店，價錢同大商場有得比，已再不是舊美味齋的風味。。。以前去食，有客飯，有齋。。。宜家無晒(美味齋無齋食一_一""")，而且價錢合理但今次只是兩人叫咗兩碗麵+窩貼=$205真心講句呢區收呢個價錢係離地，又茶錢又加一，完全唔平民。。。食番上海姥姥/其他食巿好過。。。人地係商場開舖都未收到咁離地，所以試了1次已很足夠!!P.S.: 希望舊舖老闆開番舊美味齋，有人情味，只是想要舊店風味，新店新裝修完全無咗個種感覺，好似食品牌食裝修咁。