上海珍珍排骨麵 (已結業)

這一晚，一個人無心機煮飯，就係屋企附件行，好似孤獨的美食家咁睇睇自己個肚想食乜。呢一間店，平時都經過好幾次，今晚唔想食飯又想食濃味野，就一於試試佢。雲吞擔擔麵好味，個湯夠濃，嘗入口最大感覺是。那個辣很香，試過很多的擔擔麵當然有辣不過可能因口味所以比較輕手，呢間都唔會太辣，但有強烈的麻香，非常舒服。雲吞菜肉比例適中，肉夠爽不錯。這個菊花茶，清甜，用來在餐後享用適合不過。店裝修不錯，坐得舒服，一個人來享用正好。

好耐無食呢間排骨麵，對上一次食已經係佢岩岩開嘅時候。上次岩岩開食左個排骨麵嘅排骨炸得太乾，今日見四圍嘅食店都好多人，所以決定俾多次機會佢啦！今次叫左上海排骨麵同埋紫菜腐皮卷麵，另外再加多一枝自家制嘅菊花茶！炸紫菜腐皮卷炸得好脆，紫菜“un" "un”地，感覺幾特別。雖然係幾好食，但係就好熱氣同埋有少少油，間唔中食下都可以嘅！而且佢都好貼心咁將餸同埋麵分開上，唔會浸到淋晒。至於豬排麵塊豬排無上次食咁乾，好食好多。外面炸到脆卜卜，入面又唔乾，唔錯啊。至於自家制菊花茶真係有媽媽煲嘅味道，唔太甜，可以清番d熱氣。

跟老死在南生圍走完一轉後在大馬路一帶找食的。這晚都想省點錢，不想吃得太貴，想找個簡單的地方坐坐便好。選擇困難症的我拉著他走了好多條街，才決定下來想起上海麵。這陣子在元朗新興了很多大大小小的餐廳，這所應該不是其中一間，應該是專注做街坊的小生意。我點了的一個排骨菜膽雞球粗麵挺是不錯。它的小麻辣不太濃，但帶點香的，很不錯。粗上海麵還過得去啦，有點煮太淋了。值得一讚的絕對是它的招牌排骨和雞球。排骨外的粉很適中，香得來不會過厚，而雞球更是啖啖肉（有點不足的是冰鮮味有點重了，可能是解凍不夠）。至於老死點了的魯肉飯加雞球，有點太咸太膩了。雖然這小餐店真的無甚特別，但簡單晚飯來說，也可算不俗。最喜歡小麵館讓客人自由配搭兩三四個餸，價錢很過得去。OK！

食過幾次~質素都幾穩定!第一次食個上海水餃麵已經好鍾意!湯底清清地。好有住家feel .. 但又好夠味。。食個味精既可能會唔慣個麵同出面既上海麵好唔同。。彈牙。又唔會好林。個水餃。。好好味。。同出面食既好唔同。。d 肉好實。。勁足料。。佢既辣椒醬都好香酸梅湯亦好好飲。。唔似出面。好清但又夠味食個連鎖店會覺得呢間好清新

屯門華都個間以前食過 但無乜突別印象。今晚一家四口經過教育路 見到個樣都乾淨企理 於是入去試叫左佢地招牌排骨飯 豬排飯 味度唔錯 以40蚊既價錢絕對抵食 食辣的話可以落佢地過d辣粉 不過唔好落咁多 都幾辣

話說本來係諗住食炸豬扒飯，點知行到教育路發現豬扒飯餐廳結束營業。滿心失望之際就比我見到呢間上海珍珍排骨麵，心諗其實個樣都差唔多，有得食下中式豬扒都好過失望而回啦！間舖個裝修幾靚，天花好高，吊住左一架單車，感覺好悠閒，幾好坐好似cafe咁。2個人叫左一客招牌珍珍排骨麵同埋牛腩粗炒仲有紅豆冰同埋凍豆漿。 個豆漿係用牛奶樽裝嘅，都幾特別，味道唔會太甜，豆味都重。個排骨麵湯底好清，麵煮得啱啱好，口感有彈性唔會太軟身。排骨都厚身，肉味濃，包住個脆漿感覺炸得唔會好熱氣。粗炒調味適中，每條麵條都炒得上色好均勻，個牛腩煮得剛剛好，夠林身，入口好易就食到，唔會咬到牙骹軟。整體黎講呢間餐廳比我感覺良好，可以再回頭架！

之前行開教育路果頭發現有間新野，同老婆講過，不過遲遲都未去試食，終於決定去試。大約6點45分，無咩人安全入坐。睇睇個餐牌都幾多野食下。老婆叫左個雲吞上海麵，我就叫左個排骨腐皮紫菜卷。分開上碟唔會浸淋。排骨可以再試腐肉紫菜卷我就唔會再叫，事原佢D腐皮炸得太脆，一咬就四散，仲噎親個喉嚨（如果小朋友食就要小心）咳到阿媽都唔認得。再叫小食，腐皮魚肉黎個掂，不過要熱食，如果凍左食，口感就會好似香口膠。炸豆腐，黎個太乾身我就嘛嘛地。餃子太硬，建議食果陣要浸一浸湯先食。總結：黎間我會再試。

經過好多次一直都未試過，上海排骨麵感覺都唔會差掛，去試下先。環境裝修得唔錯，望落乾淨坐得舒服。叫左招牌既牛腩雲吞麵同排骨紫菜腐皮麵。價錢算幾平，40蚊雙併。上菜速度好快，但一食牛腩d肉好老，好鞋口食左啖就無食啦，雲吞有4舊咁多，雲吞比較清感覺有d似水餃，入面係d菜同肉，個人麻麻地。麵底就正常不錯。另外紫菜腐皮本來諗應該係成塊脆脆既，點知只得腐皮係脆紫菜唔脆，口感奇怪而且偏油，排骨就正常都幾好既。整體黎講抵但唔好食，中伏！

搭巴士到西鐵站時都會經過這間餐廳，看上去裝修好像不錯，今日終於有機會一試。星期日中午時段和老公兩個人一起去，12點多已經爆滿，還好在收銀機旁有一張最後的二人檯，有點逼。看了餐牌，只有數款食物是連飲品的套餐，其他的都是散叫再配以半價飲品 (約$6-$7)。我們最後點了兩個推介的上海麵，一個是紫菜腐皮卷排骨麵($40)，另一個是雲吞排骨麵 ($40)，另外再加了兩支自家製酸梅湯 ($7@)。酸梅湯味道非常好，甜酸度適中，顏色看上去也不是很深色的那種，比較自然，不錯。至於招牌的排骨麵，麵的軟硬度不錯，可是份量不算太多，湯底味道亦不錯。排骨的份量偏少，只有四條，可能由於是雙拼的關係吧。可是上檯時排骨好像東拼西湊而成為一碟的樣子，不像是同一塊排骨切出去，賣相不好看。排骨吃下去太乾身，沒有很多肉汁，就是像吃炸得太乾的吉列豬扒那種感覺。紫菜腐皮卷炸得非常好，很新鮮很香脆，而且份量是令人滿意的四大條。雲吞餡料也算多，可是大少不一，其中一隻雲吞旁邊的皮全都掉了，只剩中間有肉的部份，感覺很差。價錢不便宜，味道太普通，質素參差。一試便算，沒有下次。

約左朋友2個人食，周圍都好多人，經過呢間一直未食過，就試試門面同裝修佈置都幾有特色，我地叫左一個排骨面，一個淨雲吞，一個魚肉腐皮 排骨又硬，唔香又冇味，個面d湯都係淡如水，d面嘅質地唔錯，不過真係冇味嘅雲吞比較合理，個雲吞皮嘅厚度都適中，味道唔出眾，感覺好似响屋企食健康餐，乜調味都唔落至於魚肉腐皮好過分，根本over cook 成舊乾晒硬晒，好難食，睇個樣都知菊花茶幾香，好有菊花味，一樣係好健康，應該完全冇落糖睇唔出下次有咩仲值得試，呢間冇下次了

第一次寫食評,寫得唔好請見諒係元朗行下行下又到左食DINNER時間見佢裝修得幾靚咁就入去了D坐位都幾迫下見佢主打是珍珍排骨,咁就叫左一份黎試下叫左個 排骨柱喉牛腩飯 + 雞肉柱喉牛腩飯 黎試一下,心諗唔好食都唔可以SHARE下其他黎食排骨=豬扒嗎? 應該不是吧。炸豬扒本身肉質較薄, 炸粉及豬扒本身淡口無味道；柱喉牛腩"醬汁"份量適中，但相對其他專賣柱喉牛腩店家，味道亦淡一大截，感覺有用開水溝稀過。雞肉白烚,沒味道而且只是加柱喉醬上去就算了至於22蚊5隻的炸雞翼、以及雞肉方面份量亦適中，但雪味甚重，亦無經過調味。豆漿都唔錯,用牛奶樽裝都幾有特色在元朗食飯這間可以接受, 但礙於味道及坐位太過迫狹, 若要享受用餐時光則不太建議了。

今日九點幾喺元朗搵野食，知道呢間上海麵新開，所以想試下。我地兩個人叫左一個紫菜腐皮排骨麵、一個上海粗炒同一個酥炸雲吞，野飲叫左豆漿同菊花茶。呢個紫菜腐皮排骨麵見佢個紫菜腐皮幾特別所以叫左，但食落覺得紫菜腐皮好多油，同埋無咩紫菜味，但係個排骨就好好味好香，而個麵d 湯都唔會好咸，幾好！我幾中意食。呢個上海粗炒好好食呀！佢無咩油炒得好乾身，又有味道。d 排骨係同上邊果個湯麵一樣既，所以都好好食！ 但係男朋友食就覺得唔係好夠味，佢就加左d 辣醬去食。酥炸雲吞d 料好多，個味道唔錯，都炸得好香口好脆。 好食既！豆漿無咩特別但係個菊花茶好好飲，佢話係自家製既，我都覺得好似屋企煲果d 咁既味，唔會好甜，我好中意。另外，佢個裝修好靚架，睇得出佢係花心思設計過既，令我地食得都好舒服，仲播住我最中意既陳綺貞歌，係得好開心，哈哈！

聽聞屯門亦有間上海珍珍…口啤似乎唔錯…今次開業到來元朗…所以特意來試試…呢度地方唔大…食物亦只係簡單既一張order紙…先點左碟上海粗炒…麵條粗壯而有光澤…但油份唔多…簡單椰菜肉絲配料…都幾入味…但份量略為少左d...其次就點左碗招牌排骨麵…再加左上等既竹笙…排骨同麵分開上…湯底略為清淡無味…麵條算煙韌…但招牌排骨稍為偏乾…言過其實…至於小食…係一碟發育不良既餃子黎…講得貼切d...係超薄既魚肉餡餅…成件似炸出黎多d…好dry...整體黎講…實在有d失望…以呢個價錢呢個質素係元朗區搵食…相信遲早被淘汰…

第一次到元朗珍珍排骨麵簡直愛上了。從裝修門面設計到熱辣辣好好味既排骨雲吞雙併麵，同埋脆卜卜嘅紫菜腐皮都值得表揚。仲有一般上海面鋪做的上海粗炒都滿是油，不過珍珍粗炒乾身得嚟又唔油膩。好開心元朗又多一間良心制作出品！

看來非常新淨企理，門面亦光鮮亮堂。細看餐牌，發現雲吞、水餃、排骨、雞球都是屯門店的主打食品，惟這兒沒推薦奶茶紅豆。既然第一次來，便試試雲吞排骨麵雙拼好像只有雲吞兩只，皮不薄、餡不香，上海麵家或北京水餃店遠勝這店。排骨亦不覺新鮮即炸，而且形狀有點像幾碟拼湊出來，誠意欠奉。飲料，好像是菊花，甜，清香一般，賣相較佳。地道元朗人，相信不會常吃此店。就本人而言，同類食店首選上海麵家，如靠近元的廣場這邊則選北京水餃店。其後本人證實此店與屯門店的確有關，但也許不會常來。