上海珍珍排骨麵 (已結業)

好耐無食呢間排骨麵，對上一次食已經係佢岩岩開嘅時候。上次岩岩開食左個排骨麵嘅排骨炸得太乾，今日見四圍嘅食店都好多人，所以決定俾多次機會佢啦！今次叫左上海排骨麵同埋紫菜腐皮卷麵，另外再加多一枝自家制嘅菊花茶！炸紫菜腐皮卷炸得好脆，紫菜“un" "un”地，感覺幾特別。雖然係幾好食，但係就好熱氣同埋有少少油，間唔中食下都可以嘅！而且佢都好貼心咁將餸同埋麵分開上，唔會浸到淋晒。至於豬排麵塊豬排無上次食咁乾，好食好多。外面炸到脆卜卜，入面又唔乾，唔錯啊。至於自家制菊花茶真係有媽媽煲嘅味道，唔太甜，可以清番d熱氣。